Matiu 8
8
Jisọs Ọkọk Nsio Nsio Udọñọ
1Ke ini emi Enye ọkọsuhọrede ke obot, akwa otu owo ema etiene Enye.
2Ndien sese owo akpamfia kiet asaña edituak ibuot ọnọ Enye, onyuñ ọdọhọ Enye ete, “Ọbọñ, edieke Afo enyimede, emekeme ndinam mi nsana.”
3Ndien Jisọs anyanade ubọk Esie otuk enye, ete, “Ami mmenyime, Sana!” Ke ndo ndo oro, udọñọ akpamfia ama okure enye.
4Ndien Jisọs ọdọhọ ete, “kutiñ unọ owo ndomokiet, edi nyọñ ka kowut oku idem fo, nyuñ wa uwa enọ emi Moses eketemede, man edi ñkpọ ntiense ọnọ mme owo.”
5Edi kadaña emi Enye okodukde Kapanọm, Etubom udim ekọñ kiet ama ebine Enye, onyuñ ekekpe ye Enye ete, 6“Ọbọñ, eyen ufọk mi ke ufọk ana ye udọñọ akpaubeñ, onyuñ odu ke ata ndutuhọ.”
7Jisọs ama ọdọhọ enye ete, “Ami ndi ndinam enye okop nsọñidem?”
8Ndien Etubom ekọñ oro ama ọbọrọ Enye, ete, “Ọbọñ, ami ndotke nte Afo okpodukde ke idak ọkọm mi; edi kam tiñ ikọ, ndien idem eyesọñ eyen ufọk mi. 9Koro ami ñko ññyuñ ndude ke ukara, mmonyuñ ñnyene mme mbon ekọñ efen ke idak mi, ndien ndọhọ owo enye emi nte, ‘Ka ko,’ ndien enye aka, ñnyuñ ndọhọ efen, nte, ‘Di,’ ndien enye edi, ñnyuñ ndọhọ ofin mi, nte, ‘Nam emi,’ ndien enye anam.”
10Ndien ke ini Jisọs okokopde ikọ emi idem ama akpa Enye, ndien Enye ọdọhọ mme mmọ emi eketienede Enye ete, “Ke akpanikọ ke ndọhọ mbufo, nte, akananam Ami ñkwe mbuọtidem emi okponde ntre, kpa ye ke idem Isrel. 11Ndien Ami ndọhọ mbufo nte ke ediwak owo eyeto ke edem usiahautin, ye ke edem usoputin, editie ye Ebraham ye Aisik ye Jekọb ke Obio Ubọñ Abasi. 12Edi ediwak ke otu nditọ Isrel emi ekenimde Obio Ubọñ emi enọ ididukke. Eyeduọk mmọ ke añwa ke ekim, ke ebiet eyet ye ntaedet edidude.”
13Ndien Jisọs ama ọdọhọ Etubom ekọñ oro ete, “Nyọñ ufọk fo, koro nte afo onimde ke akpanikọ ke esit fo, oyosu ntre ọnọ fi.” Ndien eyen ufọk esie onyuñ okop nsọñidem kpa ke ini oro.
14Edi kadaña emi Jisọs okosimde ufọk Pita, eka añwan Pita akana ke ñkpana, koro ọkpọsọñ ufiopidem okomumde enye. 15Ndien Jisọs ama otuk enye ke ubọk, ufiop idem onyuñ ọkpọñ enye, ndien enye ama adaha ke enyọñ onyuñ anam ñkpọ ọnọ Enye.
16Ekedikem ini mbubreyo, ema eda ediwak owo emi mme nsio nsio ndiọi spirit ekemumde ebine Enye. Enye onyuñ ada ikọ inua Esie ebin mme dimọn oro; onyuñ anam kpukpru mbon udọñọ oro ekop nsọñidem. 17Man osu nte Asiak Uduak Abasi Aisaya ọkọdọhọde ete, “Enye ke idem Esie ọbọ mme mmemidem ñnyin, onyuñ obiom mme udọñọ ñnyin.”
Ekọmurua Nditiene Jisọs
18Ke ini emi Jisọs okutde nte otu owo ewakde, Enye ama ọdọhọ mbet Esie ete yak mmọ ebeñe idem man mmimọ ibe ika edem inyañ eken.
19Kpa ke ndo ndo oro, owo kiet ke otu mme ọfiọk ibet mme Ju ọdọhọ Enye ete, “Andikpep, ami ñyetiene Fi ñka ebiet eke Afo akaka.”
20Jisọs ama ọbọrọ enye ete, “Mme ebua ikọt enyene ndudu; mme inuen enyọñ enyuñ enyene mme efọk, edi Eyen owo inyeneke ebiet emi Enye ebride ibuot Esie.”
21Owo efen ke otu mme nsaña Esie ama ọdọhọ Enye ete, “Ọbọñ, yak mi ñka kaña ñkobuk ete mi.”
22Edi Jisọs ama ọbọrọ enye ete, “Tiene Mi, yak mme akpaña ñkpa ebuk mme akpaña ñkpa mmọ.”
23Jisọs ama oduk ubom ye mme mbet Esie. 24Ndien sese, akwa oyobio otibe, mbufit akpa onyuñ ofuk ubom, edi Jisọs ke ede idap.
25Do mme mbet esie ema ekedemere Enye, enyuñ edọhọ Enye, ete, “Ọbọñ, nyaña ñnyin koro ñnyin imọñọ isip!”
26Enye ama ọdọhọ mmọ ete, “Nsinam mbufo efehede ndik, mbufo mbon ñkpri mbuọtidem?” Ndien Enye ama adahada, onyuñ asua ọnọ ofum ye mbufit akpa; ndien inyañ odop ana suñ-ñ. 27Idem ama akpa mme mbet emi, ndien mmọ ema edọhọ ete, “Nso utọ owo idi emi? Kpa idem ofum ye mbufit inyañ esuk ibuot enọ uyo Esie!”
28Edi ke ini Jisọs osimde edem inyañ eken ke idut ke Kadarin, owo iba emi ekeyọhọde ye ndiọi spirit (dimọn) ema esaña eto efak mme udi ekesobo ye Enye. Mmọ emi ema enyene ndik eti eti, nte baba owo ndomokiet mikekemeke ndisaña ke usuñ oro mbe.
29Mmọ ema etuak eda enyuñ efiori ete, “Nso ke ñnyin inyene ndinam ye Afo, Afo Eyen Abasi? Nte Afo edi ndituhọde ñnyin mbemiso ini ñnyin edikem?”
30Ke nsañade nda esisit, otu edi ema edu, ke edia udia. 31Ndien mme ndiọi spirit oro ema ekpe Jisọs ubọk ete, “Edieke Afo edibinde ñnyin isioño, nam ñnyin ika ikoduk ke otu mme edi.”
32Jisọs ama ọdọhọ mmọ ete, “Eka ndien!” Ndien mmọ ema ewọñọ ekeduk mme edi ke idem, ndien ofuri otu edi ema efeñe esuhọde ke ebedeñ ekeduọñọ edọñọ ke ñkpọdiọhọ mmọñ enyuñ ekpaña. 33Edi mme ọbọk edi ema efeñe eka obio eketiñ ofuri se iketibede ye mmọ ye se iketibede ye mme mmọ oro ndiọi spirit ekeduñọde mmọ ke idem. 34Ke ntak emi ofuri obio ema ewọñọ edi edisobo ye Jisọs, enyuñ ekpe ye Enye ete yak Enye ọkpọñ ñkanñkuk obio mmimọ.
Currently Selected:
Matiu 8: OOÑE
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.
Matiu 8
8
Jisọs Ọkọk Nsio Nsio Udọñọ
1Ke ini emi Enye ọkọsuhọrede ke obot, akwa otu owo ema etiene Enye.
2Ndien sese owo akpamfia kiet asaña edituak ibuot ọnọ Enye, onyuñ ọdọhọ Enye ete, “Ọbọñ, edieke Afo enyimede, emekeme ndinam mi nsana.”
3Ndien Jisọs anyanade ubọk Esie otuk enye, ete, “Ami mmenyime, Sana!” Ke ndo ndo oro, udọñọ akpamfia ama okure enye.
4Ndien Jisọs ọdọhọ ete, “kutiñ unọ owo ndomokiet, edi nyọñ ka kowut oku idem fo, nyuñ wa uwa enọ emi Moses eketemede, man edi ñkpọ ntiense ọnọ mme owo.”
5Edi kadaña emi Enye okodukde Kapanọm, Etubom udim ekọñ kiet ama ebine Enye, onyuñ ekekpe ye Enye ete, 6“Ọbọñ, eyen ufọk mi ke ufọk ana ye udọñọ akpaubeñ, onyuñ odu ke ata ndutuhọ.”
7Jisọs ama ọdọhọ enye ete, “Ami ndi ndinam enye okop nsọñidem?”
8Ndien Etubom ekọñ oro ama ọbọrọ Enye, ete, “Ọbọñ, ami ndotke nte Afo okpodukde ke idak ọkọm mi; edi kam tiñ ikọ, ndien idem eyesọñ eyen ufọk mi. 9Koro ami ñko ññyuñ ndude ke ukara, mmonyuñ ñnyene mme mbon ekọñ efen ke idak mi, ndien ndọhọ owo enye emi nte, ‘Ka ko,’ ndien enye aka, ñnyuñ ndọhọ efen, nte, ‘Di,’ ndien enye edi, ñnyuñ ndọhọ ofin mi, nte, ‘Nam emi,’ ndien enye anam.”
10Ndien ke ini Jisọs okokopde ikọ emi idem ama akpa Enye, ndien Enye ọdọhọ mme mmọ emi eketienede Enye ete, “Ke akpanikọ ke ndọhọ mbufo, nte, akananam Ami ñkwe mbuọtidem emi okponde ntre, kpa ye ke idem Isrel. 11Ndien Ami ndọhọ mbufo nte ke ediwak owo eyeto ke edem usiahautin, ye ke edem usoputin, editie ye Ebraham ye Aisik ye Jekọb ke Obio Ubọñ Abasi. 12Edi ediwak ke otu nditọ Isrel emi ekenimde Obio Ubọñ emi enọ ididukke. Eyeduọk mmọ ke añwa ke ekim, ke ebiet eyet ye ntaedet edidude.”
13Ndien Jisọs ama ọdọhọ Etubom ekọñ oro ete, “Nyọñ ufọk fo, koro nte afo onimde ke akpanikọ ke esit fo, oyosu ntre ọnọ fi.” Ndien eyen ufọk esie onyuñ okop nsọñidem kpa ke ini oro.
14Edi kadaña emi Jisọs okosimde ufọk Pita, eka añwan Pita akana ke ñkpana, koro ọkpọsọñ ufiopidem okomumde enye. 15Ndien Jisọs ama otuk enye ke ubọk, ufiop idem onyuñ ọkpọñ enye, ndien enye ama adaha ke enyọñ onyuñ anam ñkpọ ọnọ Enye.
16Ekedikem ini mbubreyo, ema eda ediwak owo emi mme nsio nsio ndiọi spirit ekemumde ebine Enye. Enye onyuñ ada ikọ inua Esie ebin mme dimọn oro; onyuñ anam kpukpru mbon udọñọ oro ekop nsọñidem. 17Man osu nte Asiak Uduak Abasi Aisaya ọkọdọhọde ete, “Enye ke idem Esie ọbọ mme mmemidem ñnyin, onyuñ obiom mme udọñọ ñnyin.”
Ekọmurua Nditiene Jisọs
18Ke ini emi Jisọs okutde nte otu owo ewakde, Enye ama ọdọhọ mbet Esie ete yak mmọ ebeñe idem man mmimọ ibe ika edem inyañ eken.
19Kpa ke ndo ndo oro, owo kiet ke otu mme ọfiọk ibet mme Ju ọdọhọ Enye ete, “Andikpep, ami ñyetiene Fi ñka ebiet eke Afo akaka.”
20Jisọs ama ọbọrọ enye ete, “Mme ebua ikọt enyene ndudu; mme inuen enyọñ enyuñ enyene mme efọk, edi Eyen owo inyeneke ebiet emi Enye ebride ibuot Esie.”
21Owo efen ke otu mme nsaña Esie ama ọdọhọ Enye ete, “Ọbọñ, yak mi ñka kaña ñkobuk ete mi.”
22Edi Jisọs ama ọbọrọ enye ete, “Tiene Mi, yak mme akpaña ñkpa ebuk mme akpaña ñkpa mmọ.”
23Jisọs ama oduk ubom ye mme mbet Esie. 24Ndien sese, akwa oyobio otibe, mbufit akpa onyuñ ofuk ubom, edi Jisọs ke ede idap.
25Do mme mbet esie ema ekedemere Enye, enyuñ edọhọ Enye, ete, “Ọbọñ, nyaña ñnyin koro ñnyin imọñọ isip!”
26Enye ama ọdọhọ mmọ ete, “Nsinam mbufo efehede ndik, mbufo mbon ñkpri mbuọtidem?” Ndien Enye ama adahada, onyuñ asua ọnọ ofum ye mbufit akpa; ndien inyañ odop ana suñ-ñ. 27Idem ama akpa mme mbet emi, ndien mmọ ema edọhọ ete, “Nso utọ owo idi emi? Kpa idem ofum ye mbufit inyañ esuk ibuot enọ uyo Esie!”
28Edi ke ini Jisọs osimde edem inyañ eken ke idut ke Kadarin, owo iba emi ekeyọhọde ye ndiọi spirit (dimọn) ema esaña eto efak mme udi ekesobo ye Enye. Mmọ emi ema enyene ndik eti eti, nte baba owo ndomokiet mikekemeke ndisaña ke usuñ oro mbe.
29Mmọ ema etuak eda enyuñ efiori ete, “Nso ke ñnyin inyene ndinam ye Afo, Afo Eyen Abasi? Nte Afo edi ndituhọde ñnyin mbemiso ini ñnyin edikem?”
30Ke nsañade nda esisit, otu edi ema edu, ke edia udia. 31Ndien mme ndiọi spirit oro ema ekpe Jisọs ubọk ete, “Edieke Afo edibinde ñnyin isioño, nam ñnyin ika ikoduk ke otu mme edi.”
32Jisọs ama ọdọhọ mmọ ete, “Eka ndien!” Ndien mmọ ema ewọñọ ekeduk mme edi ke idem, ndien ofuri otu edi ema efeñe esuhọde ke ebedeñ ekeduọñọ edọñọ ke ñkpọdiọhọ mmọñ enyuñ ekpaña. 33Edi mme ọbọk edi ema efeñe eka obio eketiñ ofuri se iketibede ye mmọ ye se iketibede ye mme mmọ oro ndiọi spirit ekeduñọde mmọ ke idem. 34Ke ntak emi ofuri obio ema ewọñọ edi edisobo ye Jisọs, enyuñ ekpe ye Enye ete yak Enye ọkpọñ ñkanñkuk obio mmimọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblica® Open Efik Living New Testament™
Copyright © 1995 by Biblica, Inc.
“Biblica” is a trademark registered in the United States Patent and Trademark Office by Biblica, Inc. Used with permission.