San Mateo 3

Bawtisak Juanka yachachinata kallarirka

(Mr 1.1-8; Lc 3.1-9; 15—17; Jn 1.19-28)

1Chay punchakunapi Bawtisak Juanka rikurirka yachachishpa chunlla chakishka Judea allpapi.

2Chaypi rimarka: “Sakiychi millaypa ucha ruranaykichita, ñami kuchuyashka Yaya Diospa ali kamachinanka.

3Kaymi kan chay runa maykanmantami profeta Isaiaska rimarka:

‘Chunlla chakishka allpapimi shuk runa sinchita rimashpa yachachinka kasna:

Alichaychi Yaya Diospa ñanpinta; kuskanchaychi ñampikichita’ ”.

4Juanka churaripayarka shuk churarina kamillupa willmanmanta rurarishkata, chaymanta sinturuyninka karka karamanta rurarishka, mikupayarka chillikkunata, chaymanta mapa mishkitapas.

5Chaypiña payma tantarirkakuna runakunaka Jerusalénmanta tukuy Judeamantapas, Jordán yaku mayanmantapas.

6Chay Jordan yaku mayanpi runakunaka uchankunata rimarkakuna, chasna uchankunata rimashkankuna washa, Juanka paykunata bawtisarka.

7Payka rikushpan achka fariseokunata saduseokunatapas shamuhushkankunata bawtisarinankunapa. Paykunata rikushpan rimarka: “¡Mirayninkuna machakuyapa!”. ¿Pitaya kankunata yachachishka ña kuchuyamuhushkan Yaya Diospa manchaypa kastigananmanta kishpinaykichita?

8Alitaña ruraychi rikuchinaykichipa sakishkaykichita ucha ruranaykichita.

9Ama rimariychichu yaya rukunchi Abraham wañupa miraymantami kanchi nishpa, ñuka kankunata rimaykichi, Yaya Dios munamaka, kay rumikunamanta rurama yaya ruku Abrahampa mirayninta.

10Rikuychi, achaka kahu alicharishka kaspi mana muyuyakta kuchunanpa, nina mana wañukpi wichuy tukunanpa.

11Shutipata rimashkaykichi ñukaka bawtisashkaykichi yakullawa, millaypa ruranaykichita sakishkaykichirayku, ñukamanta shukmi shamunka, paymantaka ñukaka mana yachayyuchu kani. Nima atipaynimachu apanata chakinpi churarinanta, payka ñukamanta yapa sinchi yachayumi kan, paymi kankunata bawtisanka Espiritu Santuwa ninawashina.

12Chay shamuhuk runaka trigunta pallashpan muyuntaña wishkun. Chay muyuntaka wakaychan, pankankunataka tullunwa pakta rupachinka nina mana wañukpi.

Jesuska bawtisarirka

(Mr 1.9-11; Lc 3.21-22)

13Jesuska rirka Galileamanta Jordan yakuma, chaypi payta Juanka bawtisananpa.

14Chasna tapushpanña Juanka payta mana bawtisanayarkachu. ¿Kan ñukata bawtisawanayki imata, ñukata tapuk shamuwanki kanta bawtisanaynipa?

15Chaypiña Jesuska aynirka: Tukuy Yaya Dios ñukanchita kamachishkanta kasunanchi tiyan. Chaypira Juanka payta bawtisarka.

16Bawtisarishkan washa Jesuska yakumanta llukshirka. Chaypi siluka paskarishpan Jesuska rikurka Yaya Diospa Espiritunta shuk mukukushina paypi uraykumuhushkanta.

17Chaypiña silumanta Yaya Diospa rimashkanta uyarkakuna: “Kaymi kan munashkayni wawayni, Paymi sumakta kushichiwan.”

Currently Selected:

San Mateo 3: QUP_B

Highlight

Copy