San Mateo 25
25
Jesuska yachachin mana asirtaypa yachachinata chunka shipaskunamanta
1Chay punchakunapi Yaya Diospa ali kamachinanka kanka imashnami chay chunka shipaskunashina. Apishpankuna lanparinkunata llukshirkakuna chay kasarak musuta tinkunankunapa. 2Chay pichka alita yuyarik karkakuna, chaymantapas chay pichka mana yuyarikchu karkakuna. 3Chay pichka mana yuyarik shipaskunaka lanparinkunata apashpankuna mana asitinta aparkakunachu kutikashka untachinankunapa. 4Chay alita yuyarik shipaskunaka lanparinkunata apashpankuna butillankunapi asitita aparkakuna. 5Chaypiña kasarak musuka yapa unayashpan shamunanpa, chay shipaskunaka chapahushkankunapi yapa sanpayashpankuna puñurkakuna. 6Ña chawpi tuta paktarihushpan uyarkakuna shuk runa kaparihushkanta: “¡Ñami shamuhun chay kasarak musuka! ¡Llukshiychi tinkukrinaykichipa!”
7Chaypiña chay shipaskunaka utkalla atarishpankuna lanparinkunata alicharkakuna.
8Chay mana yuyarikkunaka rimarkakuna chay alita yuyarikunata: “Kuychi ñukanchitapas shuk uchillastu asiytita, ñukanchipa lanparinchika ñami wañuhun”.
9Chay alita yuyarik shipaskunaka rimarkakuna: “Mana, asitinchita kushpanchika manami paktankachu ñukanchiraykupas nima kankunaraykupas. Asitita munashpaykichika utkalla rishpaykuchi rantikriychi nishpa rimarkakuna”. 10Chay pichka warmikuna rihushpankuna rantinankunapa asitita, paktamurka chay kasarak musuka; maykankunami kashkakuna alicharishka paykunami yaykurkakuna chay kasarana wasipi, chaypiña taparishka kiparirka punkuka.
11Chaywasha paktamurkakuna chay shuk shipaskunapas, chaypi, rimarkakuna: “¡Yayayni, Yayayni, paskay punkuta!” 12Chaypi payka aynirka: “Kankunata manami riksinichu”.
13Alita tukuy uras chapawaychi. Kankunaka manami yachankichichu punchata nima urata maypimi Karipa Wawanka shamunka.
Jesuska yachachin shuk mana asirtaypa yachachinata kulkimanta
(Lc 19.11-27)
14Yaya Diospa ali kamachinanka kan: Imashnami shuk runa karu llaktama rihukshina. Kayarka disipulunkunata kullkinta paykunapa makinkunapi sakinanpa. 15Shuk runanta pichka waranka kullkita kurka. Shuktaka ishkay waranka kullkita kurka. Shuktaka shuk waranka kullkita kurka. Karan shukta kurka atipanan tupullata, chaywasha rirkaña. 16Chaypiña chay pichka warankata apishka runanka chay kullkiwa tarawashpan mirachirka pichka waranka ashwanta. 17Chasnallatata chay ishkay warankata apishka runanpas tarawashpan ishkay warankata mirachirka. 18Chaymanta chay shuk warankata apishka runanka allarka shuk uchkuta chaypi pakarka amunpa kulkinta.
19Chaymanta unayma chay patronka kutimurka, chaypiña kullkinta kushkan disipulunkunata tapurka “maytukuytata mirachishkankichi” nishpa. 20Chaypiña pichka waranka kullkita apishka runanka chunka warankata apamushpan patroyninta rimarka: “Patroyni, kutichishkayki kay pichka waranka kuwashkayki kullkita. Chaymanta kushkayki kay pichka waranka mirachishkaynitapas” nishpa. 21Chay patronka rimarka: “Alitami rurashkanki, Kanmi kasuwak alita paktachik runayni kanki. Chay uchillastu kushkayni kullkiwa alita tarawashkanki, chayrayku ashwanta kushkayki. Kunanka wasinipi yaykuy ñukawa pakta kushikunaykipa”. 22Maykanmi apirka chay ishkay waranka kullkita rimarka: “Patroyni, kanmi kuwashkanki ishkay waranka kullkita, chay kuwashkaykita mirachishkani kutikashka ishkay waranka kullkita; kaykaya chay kullkika”. 23Potroyninka rimarka: “Alimi, alita tarawak runa tukuyta paktachik kanki, chay uchillastu kushkayniwa alita tarawashkanki, chayrayku achka imakunapiña churashkayki. Kunanka yaykuy patroykipa wasinpi kushikunaykipa”. 24Maykanmi apirka shuk waranka kullkita paktashpan rimarka: “Patroyni, ñuka yachapayani kan kanaykita shuk runa sinchita kamachik. Pallanki maykanpimi mana tarpushkankichu, chaymantapas tantanki maykanpimi mana wichashkankichu. 25Chasna manchashpayni pakashkani kullkikita allpapi. Kaykaya chay kullki kuwashkaykika”. 26Patroyninka aynirka: “Mana ali runa killaysiki, yachashpaykika ñuka pallanaynita maykanpimi mana tarpushkanichu, chaymantapas tantani maykanpimi mana wichashkanichu. 27Chasna kashpan kunkima karka kullkinita mirachina wasipi kahukunata, ñuka shamushpayni, apiynima karka maykanmi kan ñukapa chaymanta chay ashwan mirashkantapas. 28Chasna kashpan, ¡Kichuychi chay shuk waranka kullkita, chay washa kuychi maykanpami tiyan chunka waranka kullkinka!” 29Maykanpami tiyan, kuy tukunkami, chasnami tiyapunka ashwan; ashwan maykanpami mana tiyanchu, chaytaka uchillastu tiyapushkanta kichuy tukunka. 30Chasna nima imarayku valik runata, ¡wichuychi amsama! Chaypi sinchita parisishpa wakanka, kirunkunata kanirinka.
Tukuy llaktakuna puntanpi tantarinankunamanta
31Ñuka Karipa Wawanka shamusha sinchi yachayniwa, tukuy santu angelkunawapas, chaymantaña tiyarinka chay atun kamachinanpi sinchi yachayninwa. 32Tukuy llaktakunamanta kankakuna tantarishka paypa puntanpi. Chaypi payka anchuchinka shukkunata shukkunamanta, imashnami obehata kuyrak runaka anchuchin obehakunata kabrakunamanta. 33Churankami obehakunataka kuskan parti, kabrastukunataka llukin parti.
34Chaypiña chay atun apuka rimanka kuskan parti kahukunata: “Shamuychi, yayaynipa akllashkan wawankuna yaykuychi Yaya Diospa ali kamachinan maykanmi karka rurarishka kankunarayku ña munduka kallarinanmanta pacha. 35Ñuka yarkaywa kahushpayni kankuna karawarkankichi; yakunayashpayni upyachiwarkankichi. Mana riksishkaykichi runa kashpaynipas wasikichipi kayawarkankichi; 36Churarinayni pishiwashpan kankuna kuwarkankichi churarinaynipa. Unkushka kahushpayni kuyrawarkankichi. Karselpi kahushpayni rikuk riwarkankichi”.
37Alikunaka tapuwankakuna: Yayayni, ¿Ima urastaya rikushpanchi kanta yarkaywa, kushkanchi mikunaykipa; yakunayaywa kahushpayki, upyachirkanchi? 38¿Ima urastaya llaktanchipi paktashpayki chikan runashina kashpayki kanta kayarkanchi; churarina illa kahushpayki, kurkanchi churarinaykipa? 39¿Ima urastaya kanta rikurkanchi unkushka kahushkaykita, karselpi kahushkaykita, pasyarkanchi? 40Chaypi chay atun apuka ayninka: “Shutipata rimaykichi tukuy ima rurashkaykichirayku shuk wawkini uchillastu ranti, ñukaraykumi rurarkankichi”.
41Chaypiña rimanka chay llukin parti kahukunata: “¡Anchuriychi ñukamanta, mana ali kawsanayukuna! ¡Riychi nina mana wañukma, maykanmi ña kahurka rurarishka supayrayku angelninkunaraykupas! 42Ñuka yarkaywa kahushpayni, mana karawarkankichichu; yakunayashpayni nima yakuta upyachiwarkankichichu; 43Mana riksishkaykichi runa kashpayni mana kayawarkankichichu; churarinayni illa kahushpan nima imata kuwarkankichichu churarinaynipa; unkushka kahushpayni karselpi kahushpayni nima ima uras pasyawarkankichichu”.
44Paykunaka chay ratulla tapunkakuna: Yayayni, ¿Ima urastaya rikurkanchi yarkaywa kahushkaykita, yakunayaywa kahushkaykita, mana riksishkanchi runashina kahushkaykita, churarina illa kahushkaykita, unkushka kahushkaykita, chaymanta karselpi kahushkaykitapas, mana yanaparkanchichu? 45Chaypiña payka ayninka: “Shutipata rimashkaykichi tukuy maykantami mana rurashkankichichu chay shuk uchillastukuna ranti, chasnaka nima ñukarayku rurashkankichichu”. 46Chaykunami rinkakuna nina mana wañukma, Yaya Diosta alita kasushpa kawsak runakunami rinkakuna wiñaypa kawsanama.
Currently Selected:
San Mateo 25: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 25
25
Jesuska yachachin mana asirtaypa yachachinata chunka shipaskunamanta
1Chay punchakunapi Yaya Diospa ali kamachinanka kanka imashnami chay chunka shipaskunashina. Apishpankuna lanparinkunata llukshirkakuna chay kasarak musuta tinkunankunapa. 2Chay pichka alita yuyarik karkakuna, chaymantapas chay pichka mana yuyarikchu karkakuna. 3Chay pichka mana yuyarik shipaskunaka lanparinkunata apashpankuna mana asitinta aparkakunachu kutikashka untachinankunapa. 4Chay alita yuyarik shipaskunaka lanparinkunata apashpankuna butillankunapi asitita aparkakuna. 5Chaypiña kasarak musuka yapa unayashpan shamunanpa, chay shipaskunaka chapahushkankunapi yapa sanpayashpankuna puñurkakuna. 6Ña chawpi tuta paktarihushpan uyarkakuna shuk runa kaparihushkanta: “¡Ñami shamuhun chay kasarak musuka! ¡Llukshiychi tinkukrinaykichipa!”
7Chaypiña chay shipaskunaka utkalla atarishpankuna lanparinkunata alicharkakuna.
8Chay mana yuyarikkunaka rimarkakuna chay alita yuyarikunata: “Kuychi ñukanchitapas shuk uchillastu asiytita, ñukanchipa lanparinchika ñami wañuhun”.
9Chay alita yuyarik shipaskunaka rimarkakuna: “Mana, asitinchita kushpanchika manami paktankachu ñukanchiraykupas nima kankunaraykupas. Asitita munashpaykichika utkalla rishpaykuchi rantikriychi nishpa rimarkakuna”. 10Chay pichka warmikuna rihushpankuna rantinankunapa asitita, paktamurka chay kasarak musuka; maykankunami kashkakuna alicharishka paykunami yaykurkakuna chay kasarana wasipi, chaypiña taparishka kiparirka punkuka.
11Chaywasha paktamurkakuna chay shuk shipaskunapas, chaypi, rimarkakuna: “¡Yayayni, Yayayni, paskay punkuta!” 12Chaypi payka aynirka: “Kankunata manami riksinichu”.
13Alita tukuy uras chapawaychi. Kankunaka manami yachankichichu punchata nima urata maypimi Karipa Wawanka shamunka.
Jesuska yachachin shuk mana asirtaypa yachachinata kulkimanta
(Lc 19.11-27)
14Yaya Diospa ali kamachinanka kan: Imashnami shuk runa karu llaktama rihukshina. Kayarka disipulunkunata kullkinta paykunapa makinkunapi sakinanpa. 15Shuk runanta pichka waranka kullkita kurka. Shuktaka ishkay waranka kullkita kurka. Shuktaka shuk waranka kullkita kurka. Karan shukta kurka atipanan tupullata, chaywasha rirkaña. 16Chaypiña chay pichka warankata apishka runanka chay kullkiwa tarawashpan mirachirka pichka waranka ashwanta. 17Chasnallatata chay ishkay warankata apishka runanpas tarawashpan ishkay warankata mirachirka. 18Chaymanta chay shuk warankata apishka runanka allarka shuk uchkuta chaypi pakarka amunpa kulkinta.
19Chaymanta unayma chay patronka kutimurka, chaypiña kullkinta kushkan disipulunkunata tapurka “maytukuytata mirachishkankichi” nishpa. 20Chaypiña pichka waranka kullkita apishka runanka chunka warankata apamushpan patroyninta rimarka: “Patroyni, kutichishkayki kay pichka waranka kuwashkayki kullkita. Chaymanta kushkayki kay pichka waranka mirachishkaynitapas” nishpa. 21Chay patronka rimarka: “Alitami rurashkanki, Kanmi kasuwak alita paktachik runayni kanki. Chay uchillastu kushkayni kullkiwa alita tarawashkanki, chayrayku ashwanta kushkayki. Kunanka wasinipi yaykuy ñukawa pakta kushikunaykipa”. 22Maykanmi apirka chay ishkay waranka kullkita rimarka: “Patroyni, kanmi kuwashkanki ishkay waranka kullkita, chay kuwashkaykita mirachishkani kutikashka ishkay waranka kullkita; kaykaya chay kullkika”. 23Potroyninka rimarka: “Alimi, alita tarawak runa tukuyta paktachik kanki, chay uchillastu kushkayniwa alita tarawashkanki, chayrayku achka imakunapiña churashkayki. Kunanka yaykuy patroykipa wasinpi kushikunaykipa”. 24Maykanmi apirka shuk waranka kullkita paktashpan rimarka: “Patroyni, ñuka yachapayani kan kanaykita shuk runa sinchita kamachik. Pallanki maykanpimi mana tarpushkankichu, chaymantapas tantanki maykanpimi mana wichashkankichu. 25Chasna manchashpayni pakashkani kullkikita allpapi. Kaykaya chay kullki kuwashkaykika”. 26Patroyninka aynirka: “Mana ali runa killaysiki, yachashpaykika ñuka pallanaynita maykanpimi mana tarpushkanichu, chaymantapas tantani maykanpimi mana wichashkanichu. 27Chasna kashpan kunkima karka kullkinita mirachina wasipi kahukunata, ñuka shamushpayni, apiynima karka maykanmi kan ñukapa chaymanta chay ashwan mirashkantapas. 28Chasna kashpan, ¡Kichuychi chay shuk waranka kullkita, chay washa kuychi maykanpami tiyan chunka waranka kullkinka!” 29Maykanpami tiyan, kuy tukunkami, chasnami tiyapunka ashwan; ashwan maykanpami mana tiyanchu, chaytaka uchillastu tiyapushkanta kichuy tukunka. 30Chasna nima imarayku valik runata, ¡wichuychi amsama! Chaypi sinchita parisishpa wakanka, kirunkunata kanirinka.
Tukuy llaktakuna puntanpi tantarinankunamanta
31Ñuka Karipa Wawanka shamusha sinchi yachayniwa, tukuy santu angelkunawapas, chaymantaña tiyarinka chay atun kamachinanpi sinchi yachayninwa. 32Tukuy llaktakunamanta kankakuna tantarishka paypa puntanpi. Chaypi payka anchuchinka shukkunata shukkunamanta, imashnami obehata kuyrak runaka anchuchin obehakunata kabrakunamanta. 33Churankami obehakunataka kuskan parti, kabrastukunataka llukin parti.
34Chaypiña chay atun apuka rimanka kuskan parti kahukunata: “Shamuychi, yayaynipa akllashkan wawankuna yaykuychi Yaya Diospa ali kamachinan maykanmi karka rurarishka kankunarayku ña munduka kallarinanmanta pacha. 35Ñuka yarkaywa kahushpayni kankuna karawarkankichi; yakunayashpayni upyachiwarkankichi. Mana riksishkaykichi runa kashpaynipas wasikichipi kayawarkankichi; 36Churarinayni pishiwashpan kankuna kuwarkankichi churarinaynipa. Unkushka kahushpayni kuyrawarkankichi. Karselpi kahushpayni rikuk riwarkankichi”.
37Alikunaka tapuwankakuna: Yayayni, ¿Ima urastaya rikushpanchi kanta yarkaywa, kushkanchi mikunaykipa; yakunayaywa kahushpayki, upyachirkanchi? 38¿Ima urastaya llaktanchipi paktashpayki chikan runashina kashpayki kanta kayarkanchi; churarina illa kahushpayki, kurkanchi churarinaykipa? 39¿Ima urastaya kanta rikurkanchi unkushka kahushkaykita, karselpi kahushkaykita, pasyarkanchi? 40Chaypi chay atun apuka ayninka: “Shutipata rimaykichi tukuy ima rurashkaykichirayku shuk wawkini uchillastu ranti, ñukaraykumi rurarkankichi”.
41Chaypiña rimanka chay llukin parti kahukunata: “¡Anchuriychi ñukamanta, mana ali kawsanayukuna! ¡Riychi nina mana wañukma, maykanmi ña kahurka rurarishka supayrayku angelninkunaraykupas! 42Ñuka yarkaywa kahushpayni, mana karawarkankichichu; yakunayashpayni nima yakuta upyachiwarkankichichu; 43Mana riksishkaykichi runa kashpayni mana kayawarkankichichu; churarinayni illa kahushpan nima imata kuwarkankichichu churarinaynipa; unkushka kahushpayni karselpi kahushpayni nima ima uras pasyawarkankichichu”.
44Paykunaka chay ratulla tapunkakuna: Yayayni, ¿Ima urastaya rikurkanchi yarkaywa kahushkaykita, yakunayaywa kahushkaykita, mana riksishkanchi runashina kahushkaykita, churarina illa kahushkaykita, unkushka kahushkaykita, chaymanta karselpi kahushkaykitapas, mana yanaparkanchichu? 45Chaypiña payka ayninka: “Shutipata rimashkaykichi tukuy maykantami mana rurashkankichichu chay shuk uchillastukuna ranti, chasnaka nima ñukarayku rurashkankichichu”. 46Chaykunami rinkakuna nina mana wañukma, Yaya Diosta alita kasushpa kawsak runakunami rinkakuna wiñaypa kawsanama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company