San Mateo 26
26
Jesusta wañuchichinankunapa yuyarirkakuna
(Mr 14.1-2; Lc 22.1-2; Jn 11.45-53)
1Jesuska tukuy kaykunata rimanata tukuchishpan disipulunkunata rimarka:
2“Kankuna yachankichi Paskua punchakunarayku ishkay punchallaña pishinanta. Chaypi Karipa Wawanka kanka apichirishka kruspi klavarishka kananpa.”
3Chaypiña saserdotekunapa apunkuna, Moisespa killkashkanta yachachikkuna, chaymanta chay llaktamanta rukukuna tantarirkakuna saserdotekunapa atun apu Kaifaspa wasin panpapi. 4Paykuna yuyarirkakuna llullachishpa Jesusta apichishpankuna wañuchichinankunapa.
5Chasna munashpankunapas rimarkakuna: “Mana kachun fiestapika llaktaka mana piñarinanpa”.
Shuk warmi perfumita talirka Jesuspi Betania llaktapi
(Mr 14.3-9; Jn 12.1-8)
6Jesuska kahushpan Betania llaktapi, Simón leprayu unkuyupa wasinpi, 7shuk warmi kayllayarka. Apamurka shuk alabastro shutiyu rumimanta rurarishkapi yapa chaniyu perfumita. Jesusta kayllayashpan umanpi chay perfumita talirka. 8Chayta rikushpankuna disipulunkunaka yapa piñarishpa rimarkakuna: “¿Imaraykushi yanka usuchihun? 9¡Ashwan ali kama karka, chay perfumita achka kullkipi rantichishpan chay apishkan kullkiwa nima imayu runakunata yanapananpa!”
10Jesús chayta uyashpan rimarka: “¿Imaraykuta killachihunkichi kay warmita? Chay perfumita umaynipi talishpan alitami rurashka. 11Nima imayu runakunaka tukuy urasmi kankunawa kawsankakuna. Ñukataka manañami tukuy uras rikuwankichiñachu. 12Kay warmika chay perfumita aychaynipi talishka, wañushpayni aychaynika alicharishka kananpa urku uchkupi churashpa tapawanankunapa. 13Shutipata rimaykichi maykan parti llaktakunapipas kay ali shimika rimarishka kashpan kay warmipa rurashkanmantapas rimarishka kanka; chasna kanka yuyaririshka”.
Judaska Jesusta apichinanpa kwintakrirka saserdotekunapa apunkunawa
(Mr 14.10-11; Lc 22.3-6)
14Jesuspa chunka ishkay disipulunkunamanta shuk karka Judas Iskariote. Payka saserdotekunapa apunkunama rirka.
15Paykunata rimarka: “¿Maytukuytata kuwankichima ñuka kankunata Jesusta rikuchinaynipa?” Paykunaka rimarkakuna kimsa chunka kullkita kunankunapa aynirkakuna.
16Chay kullkita apishkan urasmanta pacha Judaska yuyarirka imashnami Jesusta apichichinka.
Jesuska disipulunkunawa Paskwa punchapi mikurka
(Mr 14.12-25; Lc 22.7-23; Jn 13.21-30; 1 Co 11.23-26)
17Chay puntiru puncha fiesta pan mana punkichirishkamanta, disipulunkunaka Jesuspi kayllayashpankuna tapurkakuna: “¿Maypita munanki alichananchipa mikunata paskwa puncharayku?”
18Payka aynirka llaktama rinankunapa shuk runapa wasinpi, chay runata kasna rimanankunapa: —Yachachikka riman: Punchaynika kuchumi kahun. “Disipuluynikunawa paskwa punchata mikunayani wasikipi.”
19Chasna Jesus rimashkanshina disipulunkunaka chay Paskwa punchapi mikunankunapa rurak rirkakuna.
20Ña tutaka paktarishpan, Jesuska tiyarirka mesapi chay chunka ishkay disipulunkunawa.
21Mikuhuskankunapi rimarka: “Shutipata rimaykichi, shuk kankunamanta ñukata apichichiwanka.”
22Chasna rimashkanta uyashpankuna paykunaka yapa llakirirkakuna. Chaypi Jesusta tapurkakuna shukllankama shukllankama: “¿Ñukachu kasha Yayayni?”
23Payka aynirka: “Maykanmi makinta ñukawa pakta satin kay kallanapi, chaymi apichiwanka.
24Shutipa rimashpaka, Karipa Wawanka katin ñanpinta, imashnami kahu killkarishka paymanta, ¡Llakiypa kan maykanmi payta apichinka! ¡Ashwan ali kama karka, mana wawayarinanpa!”.
25Chaypiña Judaska, maykanmi apichina karka, payta tapurka: “¿Yachachik, ñukachu kasha?” Chaypi Jesuska aynirka: “Kanmi rimashkanki.”
26Mikuhushkankunapi, Jesuska panta apishpan Yaya Diosta agradesirka; Chay washa pakishpan disipulunkunata kushpan rimarka: “Kay panta mikuychi. Kaymi kan aychaynishina.”
27Chaymanta apirka shuk pusilluta, agradesishkan washa, rimashpa kurka disipulunkunata: “Upiaychi tukuy chay pusillumanta. 28Kaymi kan yawarni kankunawa Yaya Dios mushu kwintananta paktachinanpa. Chay yawarnimi talirishka kanka achka runakunarayku uchankuna llakichirishka kananpa. 29Ñuka kankunata rimani, kunanmanta pacha mana upyashañachu kay muyu uvapa yakunta, ashwan shuk punchami kankunawa upyashu mushu vinuta Yayaynipa ali kamachinanpi.”
Jesuska rimarka Pedro payta mana riksinichu nishpa rimananta
(Mr 14.26-31; Lc 22.31-34; Jn 13.36-38)
30Salmokunata takishkankuna washa, rirkakunaña Olivos lumama. 31Chaypi Jesuska paykunata rimarka: —Tukuy kankuna shikwarinkichi ñukamanta kay tuta, chayka killkarishkami kahu: “Obehata kuyrakta wañuchisha, chasna chay obehakunaka kankakuna shikwarishka.” 32Ñuka kawsarimushkayni washa, ñukarami risha kankunamanta puntapi Galileama.
33Pedroka aynirka: “Tukuy anchurishpankunapas kanmanta, ñukaka nima ima uras kanmanta anchurishanchu.”
34Jesuska rimarka: “Shutipata kanta rimayki, kay tuta, manara atallpa kantahushpanra, kimsa kuti rimanki mana riksiwanaykita.”
35Pedroka aynirka: “Kanwa parihu wañunayni kashpanpas, manami rimashanchu kanta mana riksinaynita.” Chasnallatata tukuy disipulunkunapas rimarkakuna.
Jesuska mañarka Getsemanipi
(Mr 14.32-42; Lc 22.39-46)
36Chaypiña Jesuska rirka paykunawa shuk parti Getsemaní shutiyupi, chaypi rimarka paypa didsipulunkunta: “Kayllapi tiyariychi, chayma mañakrinaynikama”.
37Jesuska pusharka Pedrota chaymantapas ishkay Sebedeopa wawankunata. Chaypi Jesuska yapa sinchita llakirishka kiparirka.
38Chaypi paykunata rimarka: “Kayllapi kipariychi, mañaychi ñukawa, yapa musyarihuni almaynipi shuk atun llakiy wañuyta.”
39Chaynikstuma rishpan, kunkurishpan kallarirka mañanata kasna nishpa. “Yayayni, kan munashpaykika, kishpichiway mana sinchita parisinaynipa. Mana kachu ñukapa munashkayni, ashwan kachu kanpa munashkaykishina”.
40Chasna kutishpan disipulunkunata, tarishpan puñuhukkunata, rimarka Pedrota: —¿Manachu atipashkankichi likcharishka kanata ñukawa pakta nima shuk urastuta? 41Kaychi likcharishka, mañaychi, mana supay kankunata uchata rurachinanpa. Kankunaka munankichi Yaya Diosta mañanata. Chasna munashpaykichipas sapallaykichika mana atipankichichu, shunkuykichipi yapa sampayashka kashpaykichi.
42Chaymanta kutikashka rishpan mañarka ishkaynin kuti, kasna nishpa: “Yayayni, parisinaynimanta mana arkanata munashpaykika kaypi kahuni, ruray munashkaykita ñukawa”.
43Kutikashka kutishpan tarikrirka puñurayahukunata, yapa ñawinkunaka puñuywa taparihurka. 44Sakishpan paykunata kutikashka rirka, mañakrirka kimsaynin kuti chay shimillatata rimashpa. 45Chay washa kutishpan disipulunkunama kasna rimarka: “Katiychi puñushpa samashpa. Rikuychi ñami paktashka uraka, kunan Karipa Wawanka kanka kurishka uchasapakunapa makinpi. 46¡Akuychi, atariychi, ñami kuchuyamuhu maykanmi apichiwanka!”
Jesusta apirkakuna
(Mr 14.43-50; Lc 22.47-53; Jn 18.2-11)
47Jesús rimahushkanllapi Judaska paktarka, maykanmi karka chay chunka ishkay disipulunkunamanta. Paywa shamurkakuna achka runakuna sablikunawa chaymanta kaspikunawapas, saserdotekunapa apunkunamanta, chaymanta chay llaktamanta rukukunawapas. 48Judaska chay runakunata pusharka alita yachachishpa: “Maykan runatami muchasha, chaymi kanka Jesuska. Payta apishpa pushankichi” nishpa.
49Chayratulla Jesusta kayllayashpan rimarka: “¡Yachachik!” Nishpa saludashpan mucharka.
50Jesuska payta rimarka: “Amigu, ¿Imaraykutaya shamushkanki?” Chaypiña chay runakunaka Jesusta apirkakuna pushanankunapa.
51Chaypi shuk runa maykanmi kahurka Jesuswa, surkurka sablinta, chaywa pitirka saserdotekunapa apupa shuk runanpa rinrinta.
52Chaypiña Jesuska rimarka: “Wakaychay sablikita. Maykanchari wañuchin sabliwa, paypas sabliwallatatami wañuchiy tukunka.
53¿Manachu yachanki ñuka Yayayni Diosta mañaynimaka, payka atipamami kachanata chunka ishkay waranka angelkunata? 54Chasnaka ¿imashnataya paktarima ñawpa Yaya Diospa killkachishkanka? Chayka alimi kahu chasna paktarinanpa”.
55Chayratulla, Jesuska rimarka runakunata: “¿Shamushkankichichu apiwanaykichipa sablikunawa kaspikunawapas, shuwa runatashina? ¡Tukuy puncha tiyaripayani yachachinaynipa Yaya Diospa wasinpi, kankunaka mana apiwarkankichichu!
56Tukuy kay pasahu, paktachirishka kananpa maykantami ñawpa profetakunaka killkarkakuna.” Chaypi tukuy disipulunkuna payta sakishpa mitikurkakuna.
Jesusta pusharkakuna ashwan atun Israel apu Kaifasma
(Mr 14.53-65; Lc 22.54,63-71; Jn 18.12-14,19-24)
57Maykankunami apirkakuna Jesusta aparkakuna saserdotekunapa atun apu Kaifasma, maypimi kahurkakuna tantarishka Moisespa killkashkanta yachachikkuna, chaymanta rukukunapas.
58Pedroka karullapi katirka chay atun apupa panpankama, yaykushpan tiyarirka suntalukunawa pakta, rikunanpa imashnashi tukurinka chayka.
59Saserdotekunapa apunkuna, rukukunapas, chaymanta tukuy runakuna, maskarkakuna llulla testimuniuta Jesusmanta, chasna wañuchinankunapa. 60Nima imata tarirkakunachu, rikurishpankunapas achka llullachik testikukuna. Ña tukurinan parti, paktamurkakuna ishkay testikukuna.
61Rimarkakuna: “Kaymi rimarka: Atipani urmachinata kay Yaya Diospa wasinta, chasna kuti kimsa punchamantami mushumanta ruraynima”.
62Pay kikin apu saserdote atarishpan tapurka: ¿Manachu nima imata ayninki? ¡Rikuy kaykunaka rimahushkankunata kanmanta!
63Jesuska chunlla uyarka. Chaypi chay saserdote apuka rimarka: “Kanta rimayki kawsa Yaya Diospa shutinpi, rimanaykipa ñukanchita kanchu kanki Kristuka, Yaya Diospa wawan”.
64Jesuska aynirka: “Kanmi rimashkanki. Kunan kankunata rimaykichi, kunanmanta pacha, rikunkichi Karipa Wawanta tiyahukta kuskan parti atun yachayu Yaya Dioswa, chaymantapas rikunkichi shamuhukta puyu chawpipi”.
65Chaypiña chay saserdote apuka likishpan churarinanta rimarka: “¡Millaypatami rimashka! Manaña munanchiñachu ashwan testikukunata ¡Kankuna uyashkankichi paypa millaypa rimashkanta!
66¿Imatata yuyarinkichi?” Paykunaka aynirkakuna: “¡Wañunan tiyan!”
67Chaypiña shukkunaka uyanpi tyukarkakuna, chaymanta sakmarkakuna; shukkunapas waktarkakuna. 68Rimarkakuna: “¡Yaya Diospa kachashkan Kristu kashpaykika rimay ñukanchita pimi kanta waktashka!”
Pedroka Jesusta mana riksinichu nishpa rimarka
(Mr 14.66-72; Lc 22.55-62; Jn 18.15-18,25-27)
69Pedroka kanchapi tiyahushpan, panpapi, chaypi kayllayarka atun aputa yanapak warmi payka rimarka: “Kanpas kahurkanki Jesús Galileamantawa”.
70Pedroka mana riksinichu nishpa rimarka chay achka runakunapa puntanpi, chaymanta rimarka: “Manami yachanichu pimantami rimawahunki”.
71Chaymanta rirka punkuma. Kutikashka shuk warmiña rikurka, rimarka chaypi kahukkunata: “Kaypas kahurka Jesús nasarenowa”.
72Payka kutikashka rimarka mana riksinichu, Chaymanta llullashpa Yaya Diospa shutinpi rimarka: “Manami riksinichu chay karita”.
73Shuk ratumanta, maykankunami kahurkakuna chaypi kayllayashpankuna Pedrota rimarkakuna: “Shutipami kanpas chay runawa purik kanki. Kanpa rimanayki chasna uyarin”.
74Chasna rimashpankuna Pedroka sinchita rimarka: Yaya Dios kastigawachun mana shutipata rimashpayni. “Manami riksinichu chay karita” Chasnallapi atallpa kantarka.
75Chaypi Pedroka yuyarirka Jesús rimashkanta: “Manarapas atallpaka kantahushpanra rimanki mana riksiwanaykita kimsa kuti” Chayta yuyarishpan llukshirka chaymanta, chaypi yapa sinchita llakirishpan wakarka.
Currently Selected:
San Mateo 26: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 26
26
Jesusta wañuchichinankunapa yuyarirkakuna
(Mr 14.1-2; Lc 22.1-2; Jn 11.45-53)
1Jesuska tukuy kaykunata rimanata tukuchishpan disipulunkunata rimarka:
2“Kankuna yachankichi Paskua punchakunarayku ishkay punchallaña pishinanta. Chaypi Karipa Wawanka kanka apichirishka kruspi klavarishka kananpa.”
3Chaypiña saserdotekunapa apunkuna, Moisespa killkashkanta yachachikkuna, chaymanta chay llaktamanta rukukuna tantarirkakuna saserdotekunapa atun apu Kaifaspa wasin panpapi. 4Paykuna yuyarirkakuna llullachishpa Jesusta apichishpankuna wañuchichinankunapa.
5Chasna munashpankunapas rimarkakuna: “Mana kachun fiestapika llaktaka mana piñarinanpa”.
Shuk warmi perfumita talirka Jesuspi Betania llaktapi
(Mr 14.3-9; Jn 12.1-8)
6Jesuska kahushpan Betania llaktapi, Simón leprayu unkuyupa wasinpi, 7shuk warmi kayllayarka. Apamurka shuk alabastro shutiyu rumimanta rurarishkapi yapa chaniyu perfumita. Jesusta kayllayashpan umanpi chay perfumita talirka. 8Chayta rikushpankuna disipulunkunaka yapa piñarishpa rimarkakuna: “¿Imaraykushi yanka usuchihun? 9¡Ashwan ali kama karka, chay perfumita achka kullkipi rantichishpan chay apishkan kullkiwa nima imayu runakunata yanapananpa!”
10Jesús chayta uyashpan rimarka: “¿Imaraykuta killachihunkichi kay warmita? Chay perfumita umaynipi talishpan alitami rurashka. 11Nima imayu runakunaka tukuy urasmi kankunawa kawsankakuna. Ñukataka manañami tukuy uras rikuwankichiñachu. 12Kay warmika chay perfumita aychaynipi talishka, wañushpayni aychaynika alicharishka kananpa urku uchkupi churashpa tapawanankunapa. 13Shutipata rimaykichi maykan parti llaktakunapipas kay ali shimika rimarishka kashpan kay warmipa rurashkanmantapas rimarishka kanka; chasna kanka yuyaririshka”.
Judaska Jesusta apichinanpa kwintakrirka saserdotekunapa apunkunawa
(Mr 14.10-11; Lc 22.3-6)
14Jesuspa chunka ishkay disipulunkunamanta shuk karka Judas Iskariote. Payka saserdotekunapa apunkunama rirka.
15Paykunata rimarka: “¿Maytukuytata kuwankichima ñuka kankunata Jesusta rikuchinaynipa?” Paykunaka rimarkakuna kimsa chunka kullkita kunankunapa aynirkakuna.
16Chay kullkita apishkan urasmanta pacha Judaska yuyarirka imashnami Jesusta apichichinka.
Jesuska disipulunkunawa Paskwa punchapi mikurka
(Mr 14.12-25; Lc 22.7-23; Jn 13.21-30; 1 Co 11.23-26)
17Chay puntiru puncha fiesta pan mana punkichirishkamanta, disipulunkunaka Jesuspi kayllayashpankuna tapurkakuna: “¿Maypita munanki alichananchipa mikunata paskwa puncharayku?”
18Payka aynirka llaktama rinankunapa shuk runapa wasinpi, chay runata kasna rimanankunapa: —Yachachikka riman: Punchaynika kuchumi kahun. “Disipuluynikunawa paskwa punchata mikunayani wasikipi.”
19Chasna Jesus rimashkanshina disipulunkunaka chay Paskwa punchapi mikunankunapa rurak rirkakuna.
20Ña tutaka paktarishpan, Jesuska tiyarirka mesapi chay chunka ishkay disipulunkunawa.
21Mikuhuskankunapi rimarka: “Shutipata rimaykichi, shuk kankunamanta ñukata apichichiwanka.”
22Chasna rimashkanta uyashpankuna paykunaka yapa llakirirkakuna. Chaypi Jesusta tapurkakuna shukllankama shukllankama: “¿Ñukachu kasha Yayayni?”
23Payka aynirka: “Maykanmi makinta ñukawa pakta satin kay kallanapi, chaymi apichiwanka.
24Shutipa rimashpaka, Karipa Wawanka katin ñanpinta, imashnami kahu killkarishka paymanta, ¡Llakiypa kan maykanmi payta apichinka! ¡Ashwan ali kama karka, mana wawayarinanpa!”.
25Chaypiña Judaska, maykanmi apichina karka, payta tapurka: “¿Yachachik, ñukachu kasha?” Chaypi Jesuska aynirka: “Kanmi rimashkanki.”
26Mikuhushkankunapi, Jesuska panta apishpan Yaya Diosta agradesirka; Chay washa pakishpan disipulunkunata kushpan rimarka: “Kay panta mikuychi. Kaymi kan aychaynishina.”
27Chaymanta apirka shuk pusilluta, agradesishkan washa, rimashpa kurka disipulunkunata: “Upiaychi tukuy chay pusillumanta. 28Kaymi kan yawarni kankunawa Yaya Dios mushu kwintananta paktachinanpa. Chay yawarnimi talirishka kanka achka runakunarayku uchankuna llakichirishka kananpa. 29Ñuka kankunata rimani, kunanmanta pacha mana upyashañachu kay muyu uvapa yakunta, ashwan shuk punchami kankunawa upyashu mushu vinuta Yayaynipa ali kamachinanpi.”
Jesuska rimarka Pedro payta mana riksinichu nishpa rimananta
(Mr 14.26-31; Lc 22.31-34; Jn 13.36-38)
30Salmokunata takishkankuna washa, rirkakunaña Olivos lumama. 31Chaypi Jesuska paykunata rimarka: —Tukuy kankuna shikwarinkichi ñukamanta kay tuta, chayka killkarishkami kahu: “Obehata kuyrakta wañuchisha, chasna chay obehakunaka kankakuna shikwarishka.” 32Ñuka kawsarimushkayni washa, ñukarami risha kankunamanta puntapi Galileama.
33Pedroka aynirka: “Tukuy anchurishpankunapas kanmanta, ñukaka nima ima uras kanmanta anchurishanchu.”
34Jesuska rimarka: “Shutipata kanta rimayki, kay tuta, manara atallpa kantahushpanra, kimsa kuti rimanki mana riksiwanaykita.”
35Pedroka aynirka: “Kanwa parihu wañunayni kashpanpas, manami rimashanchu kanta mana riksinaynita.” Chasnallatata tukuy disipulunkunapas rimarkakuna.
Jesuska mañarka Getsemanipi
(Mr 14.32-42; Lc 22.39-46)
36Chaypiña Jesuska rirka paykunawa shuk parti Getsemaní shutiyupi, chaypi rimarka paypa didsipulunkunta: “Kayllapi tiyariychi, chayma mañakrinaynikama”.
37Jesuska pusharka Pedrota chaymantapas ishkay Sebedeopa wawankunata. Chaypi Jesuska yapa sinchita llakirishka kiparirka.
38Chaypi paykunata rimarka: “Kayllapi kipariychi, mañaychi ñukawa, yapa musyarihuni almaynipi shuk atun llakiy wañuyta.”
39Chaynikstuma rishpan, kunkurishpan kallarirka mañanata kasna nishpa. “Yayayni, kan munashpaykika, kishpichiway mana sinchita parisinaynipa. Mana kachu ñukapa munashkayni, ashwan kachu kanpa munashkaykishina”.
40Chasna kutishpan disipulunkunata, tarishpan puñuhukkunata, rimarka Pedrota: —¿Manachu atipashkankichi likcharishka kanata ñukawa pakta nima shuk urastuta? 41Kaychi likcharishka, mañaychi, mana supay kankunata uchata rurachinanpa. Kankunaka munankichi Yaya Diosta mañanata. Chasna munashpaykichipas sapallaykichika mana atipankichichu, shunkuykichipi yapa sampayashka kashpaykichi.
42Chaymanta kutikashka rishpan mañarka ishkaynin kuti, kasna nishpa: “Yayayni, parisinaynimanta mana arkanata munashpaykika kaypi kahuni, ruray munashkaykita ñukawa”.
43Kutikashka kutishpan tarikrirka puñurayahukunata, yapa ñawinkunaka puñuywa taparihurka. 44Sakishpan paykunata kutikashka rirka, mañakrirka kimsaynin kuti chay shimillatata rimashpa. 45Chay washa kutishpan disipulunkunama kasna rimarka: “Katiychi puñushpa samashpa. Rikuychi ñami paktashka uraka, kunan Karipa Wawanka kanka kurishka uchasapakunapa makinpi. 46¡Akuychi, atariychi, ñami kuchuyamuhu maykanmi apichiwanka!”
Jesusta apirkakuna
(Mr 14.43-50; Lc 22.47-53; Jn 18.2-11)
47Jesús rimahushkanllapi Judaska paktarka, maykanmi karka chay chunka ishkay disipulunkunamanta. Paywa shamurkakuna achka runakuna sablikunawa chaymanta kaspikunawapas, saserdotekunapa apunkunamanta, chaymanta chay llaktamanta rukukunawapas. 48Judaska chay runakunata pusharka alita yachachishpa: “Maykan runatami muchasha, chaymi kanka Jesuska. Payta apishpa pushankichi” nishpa.
49Chayratulla Jesusta kayllayashpan rimarka: “¡Yachachik!” Nishpa saludashpan mucharka.
50Jesuska payta rimarka: “Amigu, ¿Imaraykutaya shamushkanki?” Chaypiña chay runakunaka Jesusta apirkakuna pushanankunapa.
51Chaypi shuk runa maykanmi kahurka Jesuswa, surkurka sablinta, chaywa pitirka saserdotekunapa apupa shuk runanpa rinrinta.
52Chaypiña Jesuska rimarka: “Wakaychay sablikita. Maykanchari wañuchin sabliwa, paypas sabliwallatatami wañuchiy tukunka.
53¿Manachu yachanki ñuka Yayayni Diosta mañaynimaka, payka atipamami kachanata chunka ishkay waranka angelkunata? 54Chasnaka ¿imashnataya paktarima ñawpa Yaya Diospa killkachishkanka? Chayka alimi kahu chasna paktarinanpa”.
55Chayratulla, Jesuska rimarka runakunata: “¿Shamushkankichichu apiwanaykichipa sablikunawa kaspikunawapas, shuwa runatashina? ¡Tukuy puncha tiyaripayani yachachinaynipa Yaya Diospa wasinpi, kankunaka mana apiwarkankichichu!
56Tukuy kay pasahu, paktachirishka kananpa maykantami ñawpa profetakunaka killkarkakuna.” Chaypi tukuy disipulunkuna payta sakishpa mitikurkakuna.
Jesusta pusharkakuna ashwan atun Israel apu Kaifasma
(Mr 14.53-65; Lc 22.54,63-71; Jn 18.12-14,19-24)
57Maykankunami apirkakuna Jesusta aparkakuna saserdotekunapa atun apu Kaifasma, maypimi kahurkakuna tantarishka Moisespa killkashkanta yachachikkuna, chaymanta rukukunapas.
58Pedroka karullapi katirka chay atun apupa panpankama, yaykushpan tiyarirka suntalukunawa pakta, rikunanpa imashnashi tukurinka chayka.
59Saserdotekunapa apunkuna, rukukunapas, chaymanta tukuy runakuna, maskarkakuna llulla testimuniuta Jesusmanta, chasna wañuchinankunapa. 60Nima imata tarirkakunachu, rikurishpankunapas achka llullachik testikukuna. Ña tukurinan parti, paktamurkakuna ishkay testikukuna.
61Rimarkakuna: “Kaymi rimarka: Atipani urmachinata kay Yaya Diospa wasinta, chasna kuti kimsa punchamantami mushumanta ruraynima”.
62Pay kikin apu saserdote atarishpan tapurka: ¿Manachu nima imata ayninki? ¡Rikuy kaykunaka rimahushkankunata kanmanta!
63Jesuska chunlla uyarka. Chaypi chay saserdote apuka rimarka: “Kanta rimayki kawsa Yaya Diospa shutinpi, rimanaykipa ñukanchita kanchu kanki Kristuka, Yaya Diospa wawan”.
64Jesuska aynirka: “Kanmi rimashkanki. Kunan kankunata rimaykichi, kunanmanta pacha, rikunkichi Karipa Wawanta tiyahukta kuskan parti atun yachayu Yaya Dioswa, chaymantapas rikunkichi shamuhukta puyu chawpipi”.
65Chaypiña chay saserdote apuka likishpan churarinanta rimarka: “¡Millaypatami rimashka! Manaña munanchiñachu ashwan testikukunata ¡Kankuna uyashkankichi paypa millaypa rimashkanta!
66¿Imatata yuyarinkichi?” Paykunaka aynirkakuna: “¡Wañunan tiyan!”
67Chaypiña shukkunaka uyanpi tyukarkakuna, chaymanta sakmarkakuna; shukkunapas waktarkakuna. 68Rimarkakuna: “¡Yaya Diospa kachashkan Kristu kashpaykika rimay ñukanchita pimi kanta waktashka!”
Pedroka Jesusta mana riksinichu nishpa rimarka
(Mr 14.66-72; Lc 22.55-62; Jn 18.15-18,25-27)
69Pedroka kanchapi tiyahushpan, panpapi, chaypi kayllayarka atun aputa yanapak warmi payka rimarka: “Kanpas kahurkanki Jesús Galileamantawa”.
70Pedroka mana riksinichu nishpa rimarka chay achka runakunapa puntanpi, chaymanta rimarka: “Manami yachanichu pimantami rimawahunki”.
71Chaymanta rirka punkuma. Kutikashka shuk warmiña rikurka, rimarka chaypi kahukkunata: “Kaypas kahurka Jesús nasarenowa”.
72Payka kutikashka rimarka mana riksinichu, Chaymanta llullashpa Yaya Diospa shutinpi rimarka: “Manami riksinichu chay karita”.
73Shuk ratumanta, maykankunami kahurkakuna chaypi kayllayashpankuna Pedrota rimarkakuna: “Shutipami kanpas chay runawa purik kanki. Kanpa rimanayki chasna uyarin”.
74Chasna rimashpankuna Pedroka sinchita rimarka: Yaya Dios kastigawachun mana shutipata rimashpayni. “Manami riksinichu chay karita” Chasnallapi atallpa kantarka.
75Chaypi Pedroka yuyarirka Jesús rimashkanta: “Manarapas atallpaka kantahushpanra rimanki mana riksiwanaykita kimsa kuti” Chayta yuyarishpan llukshirka chaymanta, chaypi yapa sinchita llakirishpan wakarka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company