San Mateo 24
24
Jesuska Yaya Diospa wasinta urmachinankunamanta rimarka
(Mr 13.1-2; Lc 21.5-6)
1Jesuska Yaya Diospa wasinmanta llukshirka. Ña rihushkanpi disipulunkunaka kayllayashpankuna rimarkakuna: “Rikuy Yaya Diospa suma atun wasinta”.
2Jesuska rimarka: “¿Rikunkichichu tukuy kayta? Shutipata rimani, mana kiparinkachu nima shuk rumillapas. Awapura churarishka tukuy kaymi kiparinka urmachirishka.”
Jesuska yachachin manara kay allpa tukurihushpanra imakunami pasanka
(Mr 13.3-13; Lc 21.7-19)
3Chay washa Jesuska Olivos urkupi tiyahushkanllapi disipulonkunaka kayllayarkakuna karupi karupi. Kasna rimarkakuna: “Rimay ñukanchita, ¿Ima urastaya tukuy kaykunaka pasanan tiyan? ¿Imashnataya rikurinka shamunayki punchaka? ¿Imashnata yachanchima kay allpa tukurinan ña paktarihushkanta?”
4Jesuska rimarka: —Alita kuyrariychi nima maykan kankunata llullachinanpa. 5Achka runakunami shamunkakuna ñukapa shutinipi kasna rimashpa: “Ñukami kani Kristu”; achka runakunatami llullachinkakuna. 6Kankunaka uyankichimi rimahushkata guiramanta kaypi chayma. Chayta uyashpaykichipas ama mancharinkichichu. Chayka chasna pasanami kahu; chasna kashpanpas manami kanchu tukurinan. 7Chasnami atarimunkakuna makanakunankunapa shuk allpakunapura, kamachikuna shuk kamachikuna purapas. Chaypimi tiyanka yarkay chaymantapas sinchi allpa kuyuy chikan chikan partikunapi. 8Tukuy kaykunami kan kallarinan kay parisinakunapa.
9Chay punchakunapi kankunata kunkakuna makay tukushka kanaykichipa, shukunataka wañuchinkakuna, tukuy runakuna kankunata chikninkakuna ñuka ranti. 10Chay uras achka runakuna manaña ñukapi sinchikurinkakunañachu. Shukwa shukwa paykunapura llullachinakunkakuna, chaymantapas chikninakunkakuna. 11Achka llullachik profetakuna tiyanka. Paykuna achka runakunata llullachinkakuna. 12Yapa achka millaypakuna mirashpan, chay achka runakunapa yuyanakunaka sanpayanka. 13Maykanmi ñukapi sinchikurishpa katin, wañunan punchakama, chaymi kishpichirishka kanka. 14Kay suma kishpichik shimika Yaya Diospa kamachinanka, kanka rimarishka tukuy kay allpapi kananpa suk testimuniu kawsak runakunata, nima shuk kiparinan tiyanchu mana uyashkashina. Chasna tukuy partima paktashpanrami shamunka tukurina punchaka.
15Ñawpa profeta Danielka rimarka: “Yaya Diosta chiknik runaka Yaya Diospa wasinpi yapa millaypata ruranka” nishpa. Chayta leyishpaykichimi asirtankichi. 16Maykankunami kawsanahun Judea allpapi, utkalla urkukunama mitikuychi. 17Maykanmi Wasin awapi kahu, ama uraykuychu imata wasinmanta apananpa. 18Maykan runami chakranpi kahushpanka, ama kutichu churarinanta apakrinanpa. 19¡Chay punchakunapi yapa llakiypa kanka chay chichu warmikunarayku, chay llullu wawayu warmikunaraykupas! 20Mañaychi Yaya Diosta mana tamya puncha kananpa mitikuna punchaka, nima samana punchapi. 21Tiyankami shuk atun parisina. Chasna parisinaka manami tiyarkachu kay allpa kallarishkanmanta, nima tiyankachu chay washapas. 22Mana kay parisina punchakunaka uchillayachirishka kamaka, nima pi atipamachu kishpinata. Chasna uchillayachirishka kanka paypa akllashkan wawankuna ranti.
23Chay punchakunapi maykanpas kankunata rimashpanka: “Rikuychi, kaypimi kahu Kristuka”, mana kashpaka “chaymami kahu”, chasna rimahuktaka ama kiriychichu. 24Chay punchakunapi llukshinkakuna llullachik kristukuna, llullachik profetakuna. Paykunaka rurankakuna atun mana atipaypakunata. Chay rurashkankunawa llullachinkakuna, atipashpankunaka Yaya Diospa akllashkankunatapas. 25Ñami kankunata rimashkani tukuy chaykunata. 26Chasna kankunata rimashpankunaka: “Rikuychi, kahumi chunlla chakishka allpapi”, chasna rimashpankunapas ama riychichu. Chaymantapas rimashpankunapas: “Rikuychi kahumi wasi ukupi”, ama kiriychichu. 27Ñuka Karipa Wawanka, shamuhushkayni puncha kanka imashnami shuk illanpashina llukshinka inti llukshinamanta, chaymantapas rikurinka tukuy inti yaykuna partipas. 28Tukuy runa yachan maypimi tantarinahun ullawankakunaka, chaypimi tiyan shuk wañushkaka. Chasnami kanka ñuka shamuhushpayni: Tukuy yachankakuna.
Jesuska rimarka imashnami Karipa Wawanka kutimunka
(Mr 13.24-37; Lc 21.25-36; 17.25-36; 12.41-48)
29Chay parisinakuna pasashkan washa chay punchakunaka, intika amsayanka killaka manaña punchachinkañachu, istrillakunapas urmankakuna silumanta, silupi tukuy punchayachikkuna sinchita kuyurinkakuna. 30Chaypi rikunkichi silupi shuk imata ñuka Karipa Wawanpata. Chaypimi tukuy runa allpapi kawsakkuna mancharinkakuna. Chaypimi rikuwankakuna ñuka Karipa Wawanta shamuhushkaynita puyu chawpipi, suma chuyahlla atun yachayniwa. 31Chaypiña angelninkunata kachanka atun tronpetanta sinchita pukushpa, tantachinka tukuy akllashkankunata, shuk allpa tukurishkamanta shuk allpa tukurishkakama.
32Shuk igu kaspita rikushpa yachakuychi: Paypa ramankunapi pankanka tukun llulluhlla, chayta rikushpaykichi yachankichi wiranuka ña kuchu kahushkanka. 33Chasnashinami tukuy kay rimashkaynita rikushpaykichi, yachankichi ñuka ña shamunalla kahushkaynita. 34Kankunata shutipata rimani, tukuy kaykuna pasanka kay tinpu runakuna manarapas wañuhushpankunara. 35Kay siluka allpapas tukurinkami, ashwan rimashkaynika mana tukurinkachu nima ima uras.
36Ima punchami ima urasmi kutimusha, chaytaka nima maykan yachanchu. Nima silupi kawsak angelkuna chaytaka yachanahunchu. [Chaymantapas nima ñuka yachanichu]. Chay shamunaynitaka Yayayni Diosllami yachan.
37Ñuka Karipa Wawanka shamunayni punchaka kanka imashnami ñawpa Noe tinpu kawsarkakuna chasnashinami.#24.37 Rikuy Génesis killkapi 6.9–7.24 38Imashnami ñawpa chay manara yakuwa kastikahushpanra, runakuna kunkaylla mikushpa, upyashpa, warmiyashpa, kawsapayarkakuna, Noeka chay atun lanchanpi yaykunan punchakama, 39chay runakunaka nima asirtarkakunachu chay kastiku paktamunankama, chasna paykunata llanputa aparka. Chasnallatatami kanka ñuka Karipa Wawanka shamuhushkayni punchaka. 40Chay uras ishkay runakuna chakranpi tantaylla tarawashpa kahunkakuna shukta pushanka, shuktaka sakinka. 41Ishkay warmikuna shuk batanllapi kutahushpankuna, shukta pushanka, shuktaka sakinka.
42Chasna kashpan, yuyayllawa kankichi, manami yachankichichu ima urasmi shamusha ñuka Yayaykichika. 43Alita asirtaychi, wasi amuka yachamaka ima urasmi shuwaka shamunka, manami puñumachu, uyashpalla pakarima. Chasna chapashpan chay shuwaka nima imata shuwamachu chay wasimanta. 44Chasna kashpan, kankunapas tukuy uras alicharishka kaychi. Ñuka Karipa Wawanka shamusha nima pi yuyarihushkanpi.
45¿Pitaya kan shuk kamachinan runa kasuk tukuyta paktachik, churarishka patruyninmanta wasinpi yanapak kananpa mikunata kushpa mana pishichishpa? 46¡Kushilla kachu chay kamachinan runanta maykantami patroyninka, paktakrishpan, tarinka alita paktachishpa kahushkanta tukuy kamachishkanta! 47Chasna paktachik runantaka patroyninka churankami tukuy imankunata kuyrak kanapa.
48Ashwan chay kamachinan runanka millaypa yuyayyu kashpan yuyarima “patroynika mana utkalla kutimunkachu” nishpa. 49Kallarin makanata shuk tarawak masinkunata, chasna tantarin machaysikikunawapas mikunanpa upiyananpapas. 50Chasna kunkaylla kahushkanpi shuk ura pishihushkanpi, mana yachashkanpi kunkaymanta patronka paktanka. 51Chaypiña chay runanta sinchita kastiganka: Chasnallatatami payta mana kasuk millaypa yuyayyu runakunatashina kastiganka. Chaypimi wakankakuna sinchita kirunkunata kanirishpa.
Currently Selected:
San Mateo 24: QUP_B
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company
San Mateo 24
24
Jesuska Yaya Diospa wasinta urmachinankunamanta rimarka
(Mr 13.1-2; Lc 21.5-6)
1Jesuska Yaya Diospa wasinmanta llukshirka. Ña rihushkanpi disipulunkunaka kayllayashpankuna rimarkakuna: “Rikuy Yaya Diospa suma atun wasinta”.
2Jesuska rimarka: “¿Rikunkichichu tukuy kayta? Shutipata rimani, mana kiparinkachu nima shuk rumillapas. Awapura churarishka tukuy kaymi kiparinka urmachirishka.”
Jesuska yachachin manara kay allpa tukurihushpanra imakunami pasanka
(Mr 13.3-13; Lc 21.7-19)
3Chay washa Jesuska Olivos urkupi tiyahushkanllapi disipulonkunaka kayllayarkakuna karupi karupi. Kasna rimarkakuna: “Rimay ñukanchita, ¿Ima urastaya tukuy kaykunaka pasanan tiyan? ¿Imashnataya rikurinka shamunayki punchaka? ¿Imashnata yachanchima kay allpa tukurinan ña paktarihushkanta?”
4Jesuska rimarka: —Alita kuyrariychi nima maykan kankunata llullachinanpa. 5Achka runakunami shamunkakuna ñukapa shutinipi kasna rimashpa: “Ñukami kani Kristu”; achka runakunatami llullachinkakuna. 6Kankunaka uyankichimi rimahushkata guiramanta kaypi chayma. Chayta uyashpaykichipas ama mancharinkichichu. Chayka chasna pasanami kahu; chasna kashpanpas manami kanchu tukurinan. 7Chasnami atarimunkakuna makanakunankunapa shuk allpakunapura, kamachikuna shuk kamachikuna purapas. Chaypimi tiyanka yarkay chaymantapas sinchi allpa kuyuy chikan chikan partikunapi. 8Tukuy kaykunami kan kallarinan kay parisinakunapa.
9Chay punchakunapi kankunata kunkakuna makay tukushka kanaykichipa, shukunataka wañuchinkakuna, tukuy runakuna kankunata chikninkakuna ñuka ranti. 10Chay uras achka runakuna manaña ñukapi sinchikurinkakunañachu. Shukwa shukwa paykunapura llullachinakunkakuna, chaymantapas chikninakunkakuna. 11Achka llullachik profetakuna tiyanka. Paykuna achka runakunata llullachinkakuna. 12Yapa achka millaypakuna mirashpan, chay achka runakunapa yuyanakunaka sanpayanka. 13Maykanmi ñukapi sinchikurishpa katin, wañunan punchakama, chaymi kishpichirishka kanka. 14Kay suma kishpichik shimika Yaya Diospa kamachinanka, kanka rimarishka tukuy kay allpapi kananpa suk testimuniu kawsak runakunata, nima shuk kiparinan tiyanchu mana uyashkashina. Chasna tukuy partima paktashpanrami shamunka tukurina punchaka.
15Ñawpa profeta Danielka rimarka: “Yaya Diosta chiknik runaka Yaya Diospa wasinpi yapa millaypata ruranka” nishpa. Chayta leyishpaykichimi asirtankichi. 16Maykankunami kawsanahun Judea allpapi, utkalla urkukunama mitikuychi. 17Maykanmi Wasin awapi kahu, ama uraykuychu imata wasinmanta apananpa. 18Maykan runami chakranpi kahushpanka, ama kutichu churarinanta apakrinanpa. 19¡Chay punchakunapi yapa llakiypa kanka chay chichu warmikunarayku, chay llullu wawayu warmikunaraykupas! 20Mañaychi Yaya Diosta mana tamya puncha kananpa mitikuna punchaka, nima samana punchapi. 21Tiyankami shuk atun parisina. Chasna parisinaka manami tiyarkachu kay allpa kallarishkanmanta, nima tiyankachu chay washapas. 22Mana kay parisina punchakunaka uchillayachirishka kamaka, nima pi atipamachu kishpinata. Chasna uchillayachirishka kanka paypa akllashkan wawankuna ranti.
23Chay punchakunapi maykanpas kankunata rimashpanka: “Rikuychi, kaypimi kahu Kristuka”, mana kashpaka “chaymami kahu”, chasna rimahuktaka ama kiriychichu. 24Chay punchakunapi llukshinkakuna llullachik kristukuna, llullachik profetakuna. Paykunaka rurankakuna atun mana atipaypakunata. Chay rurashkankunawa llullachinkakuna, atipashpankunaka Yaya Diospa akllashkankunatapas. 25Ñami kankunata rimashkani tukuy chaykunata. 26Chasna kankunata rimashpankunaka: “Rikuychi, kahumi chunlla chakishka allpapi”, chasna rimashpankunapas ama riychichu. Chaymantapas rimashpankunapas: “Rikuychi kahumi wasi ukupi”, ama kiriychichu. 27Ñuka Karipa Wawanka, shamuhushkayni puncha kanka imashnami shuk illanpashina llukshinka inti llukshinamanta, chaymantapas rikurinka tukuy inti yaykuna partipas. 28Tukuy runa yachan maypimi tantarinahun ullawankakunaka, chaypimi tiyan shuk wañushkaka. Chasnami kanka ñuka shamuhushpayni: Tukuy yachankakuna.
Jesuska rimarka imashnami Karipa Wawanka kutimunka
(Mr 13.24-37; Lc 21.25-36; 17.25-36; 12.41-48)
29Chay parisinakuna pasashkan washa chay punchakunaka, intika amsayanka killaka manaña punchachinkañachu, istrillakunapas urmankakuna silumanta, silupi tukuy punchayachikkuna sinchita kuyurinkakuna. 30Chaypi rikunkichi silupi shuk imata ñuka Karipa Wawanpata. Chaypimi tukuy runa allpapi kawsakkuna mancharinkakuna. Chaypimi rikuwankakuna ñuka Karipa Wawanta shamuhushkaynita puyu chawpipi, suma chuyahlla atun yachayniwa. 31Chaypiña angelninkunata kachanka atun tronpetanta sinchita pukushpa, tantachinka tukuy akllashkankunata, shuk allpa tukurishkamanta shuk allpa tukurishkakama.
32Shuk igu kaspita rikushpa yachakuychi: Paypa ramankunapi pankanka tukun llulluhlla, chayta rikushpaykichi yachankichi wiranuka ña kuchu kahushkanka. 33Chasnashinami tukuy kay rimashkaynita rikushpaykichi, yachankichi ñuka ña shamunalla kahushkaynita. 34Kankunata shutipata rimani, tukuy kaykuna pasanka kay tinpu runakuna manarapas wañuhushpankunara. 35Kay siluka allpapas tukurinkami, ashwan rimashkaynika mana tukurinkachu nima ima uras.
36Ima punchami ima urasmi kutimusha, chaytaka nima maykan yachanchu. Nima silupi kawsak angelkuna chaytaka yachanahunchu. [Chaymantapas nima ñuka yachanichu]. Chay shamunaynitaka Yayayni Diosllami yachan.
37Ñuka Karipa Wawanka shamunayni punchaka kanka imashnami ñawpa Noe tinpu kawsarkakuna chasnashinami.#24.37 Rikuy Génesis killkapi 6.9–7.24 38Imashnami ñawpa chay manara yakuwa kastikahushpanra, runakuna kunkaylla mikushpa, upyashpa, warmiyashpa, kawsapayarkakuna, Noeka chay atun lanchanpi yaykunan punchakama, 39chay runakunaka nima asirtarkakunachu chay kastiku paktamunankama, chasna paykunata llanputa aparka. Chasnallatatami kanka ñuka Karipa Wawanka shamuhushkayni punchaka. 40Chay uras ishkay runakuna chakranpi tantaylla tarawashpa kahunkakuna shukta pushanka, shuktaka sakinka. 41Ishkay warmikuna shuk batanllapi kutahushpankuna, shukta pushanka, shuktaka sakinka.
42Chasna kashpan, yuyayllawa kankichi, manami yachankichichu ima urasmi shamusha ñuka Yayaykichika. 43Alita asirtaychi, wasi amuka yachamaka ima urasmi shuwaka shamunka, manami puñumachu, uyashpalla pakarima. Chasna chapashpan chay shuwaka nima imata shuwamachu chay wasimanta. 44Chasna kashpan, kankunapas tukuy uras alicharishka kaychi. Ñuka Karipa Wawanka shamusha nima pi yuyarihushkanpi.
45¿Pitaya kan shuk kamachinan runa kasuk tukuyta paktachik, churarishka patruyninmanta wasinpi yanapak kananpa mikunata kushpa mana pishichishpa? 46¡Kushilla kachu chay kamachinan runanta maykantami patroyninka, paktakrishpan, tarinka alita paktachishpa kahushkanta tukuy kamachishkanta! 47Chasna paktachik runantaka patroyninka churankami tukuy imankunata kuyrak kanapa.
48Ashwan chay kamachinan runanka millaypa yuyayyu kashpan yuyarima “patroynika mana utkalla kutimunkachu” nishpa. 49Kallarin makanata shuk tarawak masinkunata, chasna tantarin machaysikikunawapas mikunanpa upiyananpapas. 50Chasna kunkaylla kahushkanpi shuk ura pishihushkanpi, mana yachashkanpi kunkaymanta patronka paktanka. 51Chaypiña chay runanta sinchita kastiganka: Chasnallatatami payta mana kasuk millaypa yuyayyu runakunatashina kastiganka. Chaypimi wakankakuna sinchita kirunkunata kanirishpa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 AIDIA
© 2025 Seed Company