Mesali 24
24
1Naguwawonera weya wantu wakontola, pota nagufira kuwera pamuhera nawa, 2toziya maholu gawu goseri ndo muunkesera, kwahera shisoweru shoseri shiheri shashilawa mmilomu mwawu.
Litakulu lya ishilini.
3Numba inyawiwa kwa luhala na kuganagamaziwa kwa umani.
4Kwa mahala vyumba vyakuyi vimemiziwa vintu vifiriziya na vya beyi nkulu.
Litakulu lya ishilini na moja.
5Mgangamala yakana luhala kana likakala nentu, muntu yakana umani kana likakala nentu: 6Toziya kwa mlonguziwu guherepa guweza kulikomanga nkondu na yapawera na wagambiziya wavuwa kwana ukanka.
Litakulu lya ishilini na mbili.
7Kwa mzigizigi luhala ndo lukamala kulumana, pakuliwona pa magambaziya hapenigumamuli mlomu.
Litakulu lya ishilini na tatu.
8Yakaliholera kutenda makontola mashaka goseri, hakashemwi muntu gwa ndewi. 9Mpangu gwakaliholera mzigizigi ndo vidoda, wantu wamlema yakana beziya.
Litakulu lya ishilini na msheshi.
10Pagutwezuka shaka sha ntabiku, gulimani gwenga makakala gaku ndo madidika.
Litakulu lya ishilini na mhanu.
11Gumlopoli muntu yakatolwa kulaguwa hera, naguleka kumlopola yakagenda kulikitulwa. 12Nagutakula, tuvimanandiri mana Mlungu yakapima miyoyu ya wantu kawona, yomberi hakakulipi kulinganira na matendu yaku
Litakulu lya ishilini na sita.
13Mwanagwangu, gulii lwashi mana ndo iherepa, lisega lyana lwashi ndo linoga mumlomu. 14Hangu ndo ntambu yalunoga luhala mumoyu gwaku, pagulupata haguweli na maloleru maheri, pota litumbiru lyaku hapeniliweri lyahera.
Litakulu lya ishilini na saba.
15Nagugwadira handa mkontola mumakawu ga muntu mheri, pota nayikomanga numba yakuyi; 16tembera muntu mheri kaguwa mara zitangala, mara zoseri kagoloka kayi, kumbiti muntu mkontola kagamiziwa na mirandu idoda.
Litakulu lya sihilini na nani.
17Nagunemelera kuguwa kwa mnkondu gwaku, Nagusekelera mumoyu mwaku kulikwala kwakuyi, 18mana Mtuwa Mlungu nakiza kuliwona ali nakakalaziwa, nakuwusiyi kutali maya gakuyi na yomberi.
Litakulu lya ishilini na tisa.
19Nagukalala toziya ya watenda madoda, pota naguwawonera weya wantu wakontola, 20mana mkontola hapakaweri na maheri, shakapanu ukomu wakuyi hawudosolwi dosu.
Litakulu lya selasini.
21Mwanagwangu, gumguwiri Mtuwa Mlungu na kumtendera ligoya mfalumi, pota nagulikolanawa na walii yawagalambukagalambuka, 22mana wantu handa awa walaguwa vumu. Gaa yakaweza kuvimana madoda galaviwa na Mtuwa Mlungu ama mfalumi?
Matakulu gamonga ga wana luhala
23Aga viraa ndo matakula ga wana luhala: Kupendeleya muntu mukutozwa iherepandiri. 24Yakamlekeziya muntu yakana shidoda, kapangirwa na wantu na kukalalirwa na wantu wa maisi gamonga. 25Kumbiti yawawazibu wakontola hawapati nemeleru, na tekelera weri haziwiziri.
26Lyankulu lya nakaka, ndo handa lilangaziwu lya uganja.
27Gumaliri mahengu gaku ga kunja, gutandi kila shintu kulirambu, shakapanu gunyawi numba yaku.
28Nagumpitaulira gwapakwegera gwaku, pota nagutakula mpayu kwa yomberi. 29Nagutakula, hanimtendi ntambu yakantenditi! Hanimwuziliri muntu ulii kwa shilii shakantendiriti!
30Mpitiriti pakwegera na lirambu lya mleri, lirambu lya mzabibu lya muntu mzigizigi, 31nilikangasha kuwona limera misontu, magugu gagibikira pahala pakuyi poseri, na shibambaza shakuyi sha mabuwi shibomoka. 32Pamoniti aga, nilihola, upeleru wakuyi lifunda shintu. 33Gugonja shididini, gusiziri shididini kukusa mawoku gaku hera goyeri, 34uhushu hawukukankali handa mpoka, nakupunguluwa handa muntu yakana vintu vya kulikomangira.
Currently Selected:
Mesali 24: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.