Mesali 23
23
1Pagulikala kuliya pamuhera na mkolamlima, nagulyaluwa ata padidini kuwera gwapamuhera na gaa. 2Guleweleri nentu matamata gaku, payiwera gwenga gufira nentu kuliya. 3Nagwana matamata na viboga vyakuyi vinoga, mana viweza kukuzyanga.
Litakulu lya saba.
4Naguligaziya su kupata ulunda, guweri na luhala kulilewelera. 5Vumu ulunda uwuka, guwera handa gupata mbapatiru vumu, nakuguluka kumpindi nakwagamira handa nkachanga.
Litakulu lya nani.
6Naguliya shiboga sha muntu yakana malema, pota nagwanamatamata kuliya viboga vyakuyi vinoga. 7Mana mumoyu mwakuyi kawalanga shaguliya, hakakugambiri guliyi na Kulanda. Kumbiti mumoyu mwakuyi kapamuherandiri na gwenga. 8Haguhiluli vyaguliyiti, kulonga mayagashii kwaku koseri hakuweri hera.
Litakulu lya tisa.
9Nagutakula visoweru vyaku kulongolu kwa mzigizigi, toziya hakabeziyi visoweru vyaku vya luhala.
Litakulu lya lilongu
10Naguwusiya shimaniziwu sha mbaka ya makashu, pota nagwingilira malambu ga washiwa,
11toziya Mtuwa Mlungu, mlopola na yakana makakala, yomberi hakavikomaniri virii vyawafiruwa kupata kulongolu kwaku.
Litakulu lya kumi na moja.
12Gutenderi moyu gwaku kupikanira mafunda, gutuliweri makutu gaku kupikanira visoweru vya umani.
Litakulu lya kumi na mbili
13Naguleka kumfunda mwana, mana pagumkoma kwa shiboku hapakahowi. 14Pagumsyatanga shiboku, hagulopoli ukomu wakuyi kulawa mkuhowa.
Litakulu lya kumi na tatu.
15Mwanagwangu, moyu gwako paguwera gwana mahala, moyu gwangu haguweli gwana nemeru: 16Moyu gwangu hagutendishereku, shaka mlomu gwaku pagutakula visoweru viherepa.
Litakulu lya kumi na msheshi.
17Moyu gwaku naguwawonera weya yawana vidoda, ila gwendeleyi kumguwira Mtuwa Mlungu mashaka goseri. 18Nakaka kwana litumbiru lya shakapanu toziya yagwenga na shilii shaguhepelera hepenishiweri hera.
Litakulu lya kumi na mhanu.
19Gupikanili mwanagwangu, guweri na luhala na kayi guliholi nentu ntambu yagulikala. 20Naguwera yumu gwa walowera, pota walwaliya yawafira vinofu, 21mana walowera na walwaliya upeleru haweli wahushu, na uleri utenda muntu kavali malapulapu.
Litakulu lya kumi na sita.
22Gumpikaniri tati gwaku yakakuleriti, nagumbeziya mawu gwaku pakawera mzewi.
23Guhemeli unakaka pota naguushuwuza, guhemeli luhala na mafunda na mahala.
24Tati gwa mwana yakatenda maheri kana nemeru nkulu, yakamwiwula mwana yakana luhala hakamnemeleri. 25Guwaleki tati gwaku na mawu gwaku wanemeleri, mawu yakamwiwuliti na kanemeleri.
Litakulu lya kumi na saba.
26Mwanagwangu gumpikaniri weri, gunfati neni ntambu yantenda, 27toziya mhumba ndo handa lirindi litali lya kuyambira wantu, mdala mhenga ndo handa linegu libabani. 28Yomberi kanyatira handa mpoka, kawatenda wapalu wavuwa waminikindiri.
Litakulu lya kumi na nani.
29Ndo gaa yakatenda umatu? Na gaa yakana hinginika? Na gaa yakana ndewi? Na gaa yakalalamika? Na gaa yakatenduwa pota toziya? Na gaa yakana masu masheri? 30Ndo walii yawawukandiri pawahanganyia viloweru, walii yawagenda kusakula viloweru vya vihanganikitwi. 31Naguyifira divayi toziya ya usheri wakuyi, ata handa imetameta mugilasi na kuselela mpolimpoli paguyilanda. 32Upeleru itama handa njoka, isoma handa njoka yakana usungu. 33Masu gaku hagawoni vimulimuli, namahala gaku hagaliholi makontola. 34Haguweli handa muntu yakagonja pakati pa bahari, handa muntu yakagonja pampindi pa mpanda ya meli. 35Hagutakuli, wasyatangiti, kumbiti ntenduwandiri, wankomangiti, kumbiti nivimanandiri. Hanimuki ndii? Guleki nsakuli shilandu shimonga.
Litakulu lya kumi na tisa
Currently Selected:
Mesali 23: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.