Mesali 17
17
1Mbaka kuliya libumunda liyuma pahala yapana ponga, kuliku kulikali munumba yana msambu gwa shiboga yapawera na ndewi.
2Mmanda ulii yakana mahala hakamkolimlima mntemba gwa mtuwa gwakuyi yagajega soni, hakapati seemu ya uhala wa kaya ayi.
3Uherepa wa madini ga zahabu ama madini ga feza zipimwa kwa motu, kumbiti Mtuwa Mlungu ndo yakapima miyoyu ya wantu.
4Yakatenda makontola kapikanira visoweru vidoda, mpayira kayambira likutu lyakuyi kwa lulimi lupayira.
5Yakamjongera mhushu kamwigira Mnyawa gwakuyi, yakanemelera ntabiku za muyaguyi hapakaleki kukomangwa.
6Wazewi walitumbira wazukulu wawu, wana walitumbira walera wawu.
7Visoweru viherepa hapavilawi kumlomu kwa mzigizigi, ntambu ilaa visoweru vya upayira ufaandiri mumlomu mwa mlonguziya.
8Kwa yakalaviya swinda, swinda ndo handa ndumba, kila shakatenda hashiweri na mpatiru.
9Yakalekeziya vidoda kendeleza uganja, kumbiti yakaholusiya vidoda katula gweka uganja wapakwegera.
10Likalipiru limu kwa yakana mahala lyana mana, kuliku makomangu mia kwa mzigizigi.
11Shakafira muntu mkontola ndo kugalambuka hera, mlagilagi mngesera hakatumwi kwa yomberi.
12Mbaka kuliwona na simba gwa shidala yakapokitwi wana wakuyi, kuliku kuliwona na mzigizigi muuzigizigi wakuyi.
13Yakawuzilira madoda kwa maheri, madoda hapegawuki nakamu munumba yakuyi.
14Kwanjisha ndewi ndo handa kuvugula mashi ga litanda, guleki ndewi pamberi hayeniweri mkulu.
15Kumlekiziya yakatenda shidoda na kumkomanga yakahera likosa, goseri mawili kagakalalira Mtuwa Mlungu.
16Yahera mana gaa mzigizigi kuwera na mpiya mumawoku kuhemera luhala na agawu yomberi kafirandiri kupata mahala.
17Ganja gwa nakaka ndo mwaminika mashaka goseri, mlongu kiwuka katangi shaka sha ntabiku?
18Mahala ndiri kutula poni kwa muntu yumonga na kuwera mgolokera gwa gwapakwegera gwaku.
19Yakafira ndewi kafira vidoda, yakanyawa shibambaza na kutula ligomi lihelepa kalisakulira maagamiziya.
20Yakana moyu mpotuziya kaweza ndiri kuwera na mpatiru, na yakatakula mpaya hakapati ntabiku.
21Yakalera mwana mzigizigi kalijegera hinginika ulamweni na tati gwa mzigizigi kahera nemeru.
22Moyu mkalamka ndo mgota guherepa, kumbiti moyu gwana hinginika gondiziya nshimba.
23Muntu mdoda kanka swinda kwa bada, su nakalavia toza ntambu yayifiluwa.
24Muntu yakana mahala nfiru yakuyi ndo luhala, kumbiti mzigizigi kaligaziya na kila shintu pasipanu.
25Mwana mzigizigi ndo hinginiku kwa tati gwakuyi, na utama kwa mawu gwakuyi yakamwiwuliti.
26Iherepa ndiri kumtoza muntu yakahera shidoda na kuwasyatanga walonguziya waherepa toziya wa uheri wawu.
27Muntu yakana umani katendera visoweru kwa kulilewelera na yomberi yakana umani kana moyu gwa unyamalira.
28Ata mzigizigi pakanyamala kawoneka kana luhala, pakadiwa mlomu gwakuyi kawoneka kuwera kana mahala.
Currently Selected:
Mesali 17: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.