Mesali 16
16
1Muntu kapanga mipangu yakuyi, kumbiti shisoweru sha upeleru shilawa kwa Mtuwa Mlungu.
2Njira ya muntu iwoneka kwakuyi kuwera teratera pamasu pakuyi, kumbiti Mtuwa Mlungu ndo yakapima nfiru ya muntu.
3Gumluwi Mtuwa Mlungu shoseri shagutenda na mipangu yaku hayiweli na mpitiru.
4Mtuwa Mlungu kanyawa kila shintu kwa nfiru yakuyi, ata wakontola kawanyawiti kwajili ya lishaka lya maagamiziya.
5Kila yakana mtiti ndo nkalaliru nentu kwa Mtuwa Mlungu, nakaka muntu gwa ntambu ayi hapanikalekwi kukomangwa.
6Kwa ujimira na waminika muntu kalekeziwa vidoda, kwa kumguwira Mtuwa Mlungu kashapira ukontola.
7Mtuwa Mlungu pakafiriziwa na vitendu vya muntu, kawatenda ata wankondu wakuyi kuwera wamaganja.
8Mbaka lunda ndidini kupitira matendu maheri, kuliku vintu vivuwa kupitira udoda.
9Muntu kaweza kutenda mipangu gwakuyi mumoyu, kumbiti Mtuwa Mlungu ndo nakaka kapanga shilii shakafira kutenda muntu ulii.
10Mfalumi katakula pakalonguziwa na Mlungu na pakalaviya toza kakoseya ndiri.
11Mtuwa Mlungu kafira tutenderi shipimu na shibaba sha nakaka na mabuwi goseri mumihaku ndo ga mahengu gakuyi.
12Ndo nkalaliru nkulu wafalumi kutenda ukontola, toziya ukulu wawu ugangamiziwa kwa njira ya kutenda galii yagamfiriziya Mlungu.
13Mfalumi kamfira muntu yakatakula kwa uheri, kafiliziwa na muntu yakatakula unakaka.
14Maya ga mfalumi gatoziya kuhowa, kumbiti muntu yakana luhala kaweza kuyinyamaziya.
15Sheni sha mfalumi pashing'ereng'eta kwana ukomu, uheri wakuyi ndo handa liwundi lya mvula shaka sha mvula.
16Mbaka kupata luhala kuliku zahabu na kupata umani ndo syagula helepa kuliku madini ga feza.
17Njira nkulu ya muntu yakatenda yagajimiruwa ndo kulekana na ukontola, yakalolera njira yakuyi katulira ukomu wakuyi.
18Mtiti gujega maagamiziya, kulitumba kumlonguziya muntu mukuguwa.
19Mbaka kuwera mnanaga na kulikala mhushu, kuliku kubagulana vintu vyavilopolitwi na yawana malingu.
20Yakagafata magambaziya hakaweri na mpatiru, mbaka muntu yulii yakamtumbira Mtuwa Mlungu.
21Yakana luhala mumoyu kashemwa kanaumani na shisoweru sha kuherepiziya shiwakwegiziya wantu nentu.
22Luhala ndo mbwiru ya ukomu kwakuyi yakaweriti nayi, kumbiti uzigizigi ijega azabu kwa wazigizigi.
23Moyu gwa yakana luhala gumtenda kutakula kwa mahala, na visoweru vyakuyi vyongera ukwegiziya.
24Visoweru viherepa ndo handa lisega lyalyana lwashi, navinoga murohu na guyitenda nshimba kuwera ponera.
25Kwana njira yayionekana kuwera teratera pamasu pa muntu, kumbiti upeleru wakuyi ndo njira za kuhowa.
26Nfiru ya shiboga imuhimiziya muntu kutenda lihengu, mana njala yakuyi imtenda kendeleyi.
27Muntu mkontola kapanga ukontola na visoweru vyakuyi ndo handa motu gukalipa.
28Muntu mpotuziya kasongeziya ndewi, mpayu zakatakula ziwatulagweka wamaganja wapakwegera.
29Muntu mnkesera kamzyangazyanga gwapakwegera gwakuyi na kamlonguziya munjira zidoda.
30Yakakupira lisu kwa nfiru idoda kapanga makontola na yakaminula miromu yakuyi kafira kutenda madoda.
31Kuwera na neziwu ndo handa lijengeri lya ukulu, zipatikana kwa njira yakulikala ntambu yakafira Mtuwa Mlungu.
32Mbaka muntu yakahera maya ga kalongola ndo kaherepa kuliku yakana makakala; yakakolamlima mweni ndo kaherepa kuliku yakagulopola mji.
33Simbi zigalambulwa kwamuwa shashifira kulawira, kumbiti kila lyankulu lilawa kwakuyi Mtuwa Mlungu.
Currently Selected:
Mesali 16: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.