Mesali 13
13
1Mwana yakana luhala kapikanira malagalira ga tati gwakuyi, kumbiti yakana beziya kapikanirandiri maberiziwu.
2Muntu muheri kapata maheri kulawirana na visoweru vyakuyi, kumbiti mpayira wafira ndewi.
3Yakalolera mlomu gwakuyi kagatula weri makaliru gakuyi, yakatakula vuluvulu kalijegera magamiziya.
4Mleri kafira kumbiti hakapatandiri shoseri, kumbiti nfiru ya muntu yakagangamala kapananwa vintu vivuwa.
5Muntu mheri kakalalira mpayu, kumbiti mkontola katenda kwa soni na soniziya.
6Matendu maheri gawalolera wantu yawalikala ntambu yakafira Mlungu, kumbiti vidoda viwagusiya wakontola.
7Wamu walitumba kuwera walunda kumbiti wahera shintu na wamonga waliwona kuwera wahushu kumbiti wana lunda zivuwa ndu.
8Ulunda wa muntu waweza kukombola kulikala kwakuyi ila muntu mhushu kahera shintu shakumtiriziya.
9Muntu muheri kamelemeta handa limbamba lyaliyaka weri, kumbiti wakontola ndo handa limbamba lyalizimika.
10Mtiti gujega ndewu hera, kumbiti kwa yakajimira kugambiziwa kana luhala.
11Lunda ya kalongolalongola iwuki, kumbiti yakajojonira shididinididini hakongeri.
12Litumbiru lya kuheperahera ligutenda moyu, kumbiti liloleru lyalitendeka ndo mtera gwa ukomu.
13Yakagabeziya magambiziya kalijegera magamiziya, kumbiti yakagajimira lagaliru hakapananwi lifupu.
14Mafunda ga yawana luhala ndo mbwiru ya ukomu, imtenda muntu kushapila migomiziwu ya kuhowa.
15Kwamuwa weri kujega ligoya, kumbiti njira ya wakontola ilonguziya muntabiku.
16Yakana umani katenda kila shintu kwa mahala, kumbiti mzigizigi kalanguziya uzigizigi wakuyi.
17Mlagilagi mdoda kawingiziya wantu muntabiku, kumbiti mlagilagi mwaminika kajega uponiziya.
18Uhushu na soniziya vimpata yakasherandiri mafunda, kumbiti yakapikanira maberiziya kapananwa ligoya.
19Litumbiru lyalikamika linoga mumoyu, kumbiti wazigizigi wakalalira kuleka ukontola.
20Yakagenda pamuhera na wantu yawana luhala kapata luhala, kumbiti yakawera pamuhera na wazigizigi hakapati ntabiku.
21Yawatenda vidoda wapatwa na ntabiku, kumbiti yawatenda maheri hawapananwi vintu viherepa.
22Muntu muheri kawalekera uhala wiwuka wakuyi, kumbiti lunda za mtenda vidoda hawapananwi wantu yawatenda maheri.
23Lilambu lya mhushu lilaviya viboga vivuwa, kumbiti kutenda madoda kumalira
24Yakamkomangandiri mwana gwakuyi kamfirandiri, kumbiti yakamfira mwana gwakuyi kamberiziya kalongola.
25Muntu muheri kana shiboga sha kumtosheya, kumbiti mkontola hakapati njala.
Currently Selected:
Mesali 13: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.