Mika 5
5
1Mwenga wantu wa Yerusalemu mtuli kala mashonta, mana wankondu wapanga kutuzyengeta. Naweni hawawakomi walonguziya wenu Israeli.
Mlungu hakamjegi mlonguziya gwa syayi kulawa Beterehemu
2Mtuwa Mlungu kalonga hangu, “Gwee Beterehemu mu mji yaguweriti wilaya ya Efrati, gwenga ndo mdidini mu kaya ya Yuda, kumbiti kwaku hakulawiri mkolamlima yanakakolimlima Israeli pa neni. Shanjiru shakuyi ndo sha makashu.”
3Su Mlungu hakawaleki wantu wakuyi kwa wankondu, mpaka mawu yakana yinda pakalela mwana. Shakapanu walongu wakuyi yawasigaliti, hawawuyi na kuwera pamuhera na Waisraeli wayawu. 4Hakawalonguziyi wantu wakuyi kwa makakala yagalawa kwa Mtuwa Mlungu na kwa litawu lya Mlungu gwakuyi. Na wantu wakuyi hawaweri na ponga, toziya Mlungu hakawakolimlima. 5Yomberi hakajegi ponga.
Ulopoziwa na uhalibisiya
Shakapanu wantu wa Ashuru pawayikangala isi yatwenga na kuhalibisiya ulolera wa twenga, hatuwajegeri wakulu wa mashonta, walikomangi nawa. 6Kwa makakala ga mashonta hawayikolimlima isi ya Ashuru na isi ya Nimrodi. Hawatulopoli kwa wantu wa Ashuru, pawayikangala isi yetu na kwingira mu mpaka zetu.
7Wantu yawasigaliti kulawa wiwuka wa Israeli yawaponekiti hawaweri wavuwa mumaisi, gambira mangami kulawa kupindi na womberi hawamtumbiri Mlungu. 8Shakapanu wiwuka wa Yakobu yawasigaliti hawaweri mumaisi gavuwa na wantu wavuwa hawaweri na makakala nentu gambira simba pakati pa wankanyama wa kuntundu. Handa mwanasimba muwamu mwa vipinga vya kondolu na kila pakapita kagulukira na kupapula vyakawinditi na kwahera litumbiru lya kulopolwa 9Wantu wa Israeli hawawakanki wankondu wawu na kuwaangamiziya.
10“Mtuwa Mlungu kalonga, shaka ashi haniwaangamiziyi farasi wenu na kuhalibisiya mbutuka zenu za nkondu.” 11Hahalibisiyi miji ya isi yenu na kugabomola maboma genu. 12Hambusiyi uhawi wenu, hapeni muweri kayi na yawatunga. 13Hahalizibiyi vinyagu vyenu na mpanda za mabuhi zamziguwira na mwenga hapamguwiri kayi vintu vyamuvinyawiti maweni. 14Haniviwusiyi vinyagu vya Ashera kulawa kwenu na kuyingamiziya miji ya mwenga. 15Kwa nkalaliru yangu, haniwawuziliri makomangu maisi goseri yaganjimirandiri.
The Bible version in the Pogoro Language. @The Word for The World International and Pogoro Language translation. All rights reserved.