Ayubu 2
2
Shetani kankumjera kayi Ayubu
1Iishaka limonga malaika wa Mlungu wiziti kuliranguziya kulongolu kwa Mtuwa Mlungu. Shetani na yomberi kiza pamuhera na womberi. 2“Mtuwa Mlungu kamkosiya Shetani, gulawa koshi?
Yomberi kamwankula Mtuwa Mlungu, ndawa kutyangatyanga na kuzyengetazyengeta pasipanu.”
3Mtuwa Mlungu kamgambira Shetani, hashi, “Gumumwona ntumintumi gwangu Ayubu? Pasipanu kwahera yakana haki handa yomberi na yakamguwira Mlungu na yakalitula kutali na ukontola. Yomberi mpaka vinu kankali mwaminika, tembera gwenga gung'ambiziya nimtabisiyi pota toziya.”
4Shetani kamwankula Mlungu, “Mashaka goseri muntu kayilolera nshimba yakuyi su kalopoli ukomu wakuyi. 5Kumbiti vinu gujeri kumtenda kwa kumshinkula nshimba yakuyi, nakaka hakakwigiri pota kulififa.”
6Hangu Mtuwa Mlungu kamgambira Shetani, “Vinu guweza kumtenda shagufira, kumbiti na gumlaga.”
7Hangu Shetani kawuka palongolu pa Mtuwa Mlungu, kamtenda Ayubu kaweri na vironda vitama vya malipu kwanjira lwayu lwa magulu gakuyi mpaka kumtuyi kwakuyi. 8Ayubu katola shigayi, kaliyagira nashi na kugenda kulivaga pamalivu. 9“Mdala gwakuyi kamgambira, gwankali gwankulikolera na waminika waku? Gumwigiri Mlungu guhowi.”
10“Ayubu kamwankula mdala gwakuyi, gwenga guyowera handa wadala wazigizigi. Hashi twangi maheri kulawa kwa Mlungu na tulemi kwanka madoda kulawa kwakuyi? Mumirandu yoseri ayi, Ayubu katendandiri vidoda kwa kutakula kwakuyi.”
Waganja watatu wa Ayubu wankumtyangira
11Waganja watatu wa Ayubu, Elifazi kulawa Temani na Bilidadi kulawa Shuwa na Sofari kulawa mji gwa Naamati, pawapikaniriti madoda goseri gagampatiti Ayubu. Su, wamuwiti kwa pamuhera wagendi kumlola na kumzyangazyanga. 12Pawamwoniti kutali wammanitindiri. Su wanja kubotanga na kulira, wazipapulanga nguwu zawu, wasanga lidiku kuliyera na kumituyi yawu. 13Shakapanu walivaga palii pasi pakalikaliti Ayubu kwa mashaka saba, paluwala na pashiru, pota kutakula shisoweru shoseri toziya wamwoniti kamuntabiku nkulu nentu.
Currently Selected:
Ayubu 2: PBV
Highlight
Copy
Compare
Share
Want to have your highlights saved across all your devices? Sign up or sign in
The Bible version in the Pogoro Language. @The Word for The World International and Pogoro Language translation. All rights reserved.