Lyanjiru 36

Wiwuka wa Esawu

1 Mirandu 1:34-37

1Awa ndo wana wa Esawu, litawu lyakuyi lyamonga Edomu. 2Esawu kayugiti wadala wantu wa Kanaani: Ada muhinga gwa Eloni Muhiti, Oholibama muhinga gwa Ana, ulii yakaweriti mwana gwa Zibeoni muntu gwa Hiti, 3na Basemati muhinga gwa Ishimaeli dada gwakuyi Nebayoti. 4Ada kamwiwuliti Esawu mwana yakashemitwi Elifazi na Basemati kamwiwuliti mwana yakashemitwi Reueli. 5Oholibama kamwiwuliti mwana Yeushi na Yalamu na Kora. Awa ndo wana wa Esawu, walii wadala wakuyi wamwiwuliriti wana pawaweriti muisi ya Kanaani.

6Shakapanu Esawu kawatoliti wadala wakuyi, wana wakuyi wapalu na wadala pamuhera na wantu woseri wa ukaya kwakuyi na wang'ombi wakuyi na wankanyama wakuyi wamonga woseri pamuhera na ulunda wakuyi woseri yakaupatiti muisi ya Kanaani, su kagenditi kulikala pahala pamonga kutali na Yakobu mlongu gwakuyi. 7Ketenditi hangu toziya ya ulunda wawu uweriti uvuwa ata hapeni wawezi kulikala pamuhera na Yakobu, isi yawalikaliti gambira wahenga iweziti ndiri kutosha toziya wankanyama wawu waweriti wavuwa. 8Su Esawu litawu lyakuyi lyamonga Edomu kagenditi kulikala muvigongu vya isi ya Seiri.

9Aga ndo matawu ga shiyiwuku sha Esawu, tati gwa Waedomu mlushi lwa vigongu vya isi ya Seiri. 10Wana wa Esawu waweriti Elifazi yakiwukiti kwa Ada mdala gwakuyi, na Reueli yakiwukiti kwa Basemati mdala gwakuyi yumonga. 11Wana wa Elifazi waweriti Temani na Omali na Sefu na Gatamu na Kenazi. 12Elifazi kaweriti na mdala gwakuyi mpusu litawu lyakuyi Timuna, ayu kamwiwuliti mwana litawu lyakuyi Amaleki. 13Basemati mdala gwa Esawu, kamwiwuliti Reueli. Wana wa Reueli waweriti Nahati na Zera na Shama na Miza. 14Ohalibama muhinga gwa Ana mwana gwa Sibeoni mdala gwa Esawu, yomberi kamwiwuliti Esawu mpalu gwakuyi wana watatu: Yeushi na Yalamu na Kora.

15Awa ndo wakulu wa makabila yagalawiliti mushiyiwuku sha Esawu. Elifazi yakaweriti shipanta njira gwa Esawu, yomberi kamwiwuliriti Temani na Omali na Sefu na Kenazi.

16Kora na Gatamu na Amaleki; awa waweriti wakulu mushiyiwuku sha Elifazi muisi ya Edomu, womberi waweriti wazukulu wa Ada.

17Reueli mwana gwa Esawu, kawiwuliti Nahati na Zera na Shama na Miza, kila yumu gwawu kaweriti mkulu gwa likabila lyakuyi. Woseri awa waweriti wana wa Reueli muisi ya Edomu, yawalawiraniti na Basemati mdala gwa Esawu.

18Wana wa Oholibama mdala gwa Esawu, waweriti Yeushi na Yalamu na Kora, kila yumu kaweriti mkulu gwa likabila lyakuyi. Woseri awa waweriti wana wa Oholibama muhinga gwa Ana mdala gwa Esawu. 19Ashi ndo shileri sha Esawu litawu lyamonga Edomu, kila yumu gwawu kaweriti mkulu gwa likabila lyakuyi.

20Awa ndo yawaweriti wana wa Seiri Muholi, yawalikaliti muisi ya Edomu; Lotani na Shobali na Sibeoni na Ana. 21Dishoni na Eseri na Dishani, kila yumu gwawu kaweriti mkulu gwa likabila lyakuyi pakati pa Waholi wana wa Seiri, muisi ya Edomu.

22Wana wa Lotani waweriti Hori na Homamu na dada gwakuyi Lotani kashemitwi Timina. 23Wana wa Shobali waweriti Alivani na Manahati na Ebali na Shefu na Onamu. 24Wana wa Sibeoni waweriti Aya na Ana. Ana ndo yakawoniti mbwiru zyazibwituka mashi ga motu kushiwala pakaweriti kankuwalolera wankanyama punda wa Sibeoni tati gwakuyi. 25Wana wa Ana waweriti Dishoni na Oholibama muhinga gwa Ana.

26Wana wa Dishoni waweriti Hamidani na Eshibali na Itirani na Kerani.

27Wana wa Eseri waweriti Bilihani Zaawani na Akani. 28Wana wa Dishani waweriti Usi na Arani

29Awa ndo wakulu wa Waholi na Lotani na Shobali na Sibeoni na Ana.

30Dishoni na Eseri na Dishani, kila yumu gwawu kaweriti mkulu gwa likabila lyakuyi muisi ya Seiri.

Wafalumi wa isi ya Edomu

31Wafalumi yawakolitimlima isi ya Edomu, pamberi pa mfalumi yoseri hakeniwakolimlima Waisraeli waweriti, 32Bela mwana gwa Beori, kakolitimlima isi ya Edomu pakaweriti na makawu gakuyi makulu mlushi lwa Dinihaba. 33Bela pakahowiti, Yobabu mwana gwa Zera kulawa Bosira kakolitimlima pa yomberi. 34Yobabu pakahowiti, Hushamu gwa isi ya Watemani kakolitimlima pa yomberi. 35Hushamu pakahowiti, Hadadi mwana gwa Bedadi kakolitimlima, lushi lwakuyi luweriti Aviti. Ayu ndo yakawakomiti na kuwakanka Wamidiani mu isi ya Moabu 36Hadadi pakahowiti, Samla kulawa Masireka kakolitimlima pa yomberi. 37Samla pakahowiti, Shauli kulawa lushi lwa Rehoboti, lwaluweriti pakwegera na lushemba Eufrati, kakolitimlima pa yomberi. 38Shauli pakahowiti, Baali Hanani, mwana gwa Akiboli, kakolitimlima pa yomberi. 39Baali Hanani mwana gwa Akiboli pakahowiti, Hadari kakolitimlima pa yomberi na litawu lya lushi lwakuyi luweriti Pawu. Mdala gwa Akiboli kaweriti Mehetabeli muhinga gwa Matiredi na mzukulu gwa Mezahabu.

40Wakulu wa makabila yagalawiliti na shiyiwuku sha Esawu, gaweriti shiyasi sha makabila gawu na kaya zawu waweriti, Timuna na Aliva na Yeteti, 41Oholibama na Ela na Pinoni, 42Kenazi na Temani na Mibisari 43na Magidieli na Iramu. Awa waweriti wakulu wa makabila yagalawirana na Edomu, litawu lyamonga Esawu tati gwa Edomu, wakandituwi kulawirana kulikala kwawu pahala muisi zyawazihaliti.

Currently Selected:

Lyanjiru 36: PBV

Highlight

Copy

Compare