LUKA 18
18
Lwɛlya looki etuka la ntɛndi
1Yesu apɛɛ bakɛndi laa nde lwɛlya lɔmɔɔ yobalaka itina iiki yɔbɔndɛlɛkɛ ngonga inkuma nkolɛmbwa. 2Abahangelɛ: «Nde imonga imɔɔ, eyalaki la ntɛndi ɛmɔɔ epa tembokakɛ Ndjakomba bɔɔmɔ mpe nko booni booki banto. 3Nko nde imonga ikɔ, eyalaki la etuka emɔɔ; ambooyakɛ yobobela: “Onseyele ikambo ikimi la bonto ɔnɛ opoyaoke la emi.” 4Ntɛndi atonaki mbala buuke yobookela. Nkamba la lombuha, ayabelɛ: “La kaki mpokake Ndjakomba bɔɔmɔ mpe mpa la booni la banto, 5anɛ eha etuka ɛnɛ apenda yotungya, mboheyele ikambo ikinde, kela taunwake yoya wɛyɔ wɛyɔ yontungya.”» 6Nkolo ahangyɛ: «Looka iitepela ntɛndi iiko epa la bosembo. 7Yaa Ndjakomba tangoheya mbo iiki banto baahɔlɛ nde kaki babolelela la waane la botyo? Akolanga abalilie? 8Ndohangela ngɔnɛ: angoobabɔngyɛlɛ ikambo kwa kwa. Yaa buuna bongoya Bona ooki bonto, angootana nyumeya nde bolongo?»
Lwɛlya looki bofalisayi la bɔlɛmbɔli bo mputi
9Yesu apɛɛ lwɛlya lonkina itina iiki banto bayahangaka ibɔ banto ba bɔlɔti mpe batɛbɔlɔke baninga: 10«Banto bape batɛ nde Tɛmpɛlo yɔbɔndɛlɛ; ɔmɔɔ ayalaki bofalisaya, onkina botaakoli bo mputi. 11Bofalisaya aemalɛ, mpe abɔndɛlɛ nde botema: “Nkolo, nkokumya itina ntiyali nga banto bankina, biiba, bakelake baninga bobe, bakɔhɔke baali baaki banto, ntiyali mpe nga botaakoli bo mputi bɔnɛ. 12Nkilake byomba mbala ipe nde pɔsɔ ɛmɔɔ, mputake eteni e lyomu e byomba binkuma bibata emi.” 13Botaakoli bo mputi aemalɛ bono botale la lombuha, apolange auleye baiho nde liko, aohuniake nko elongi, nde wante: “Ah, Ndjakomba, ondjokele ihɛi, emi bonto o bahumu.” 14Ndohangela: botaakoli bo mputi aunwɛ ekande apɛtwɛ, yaa bofalisaya nkola. Itina bonto onkuma oyauleya, bangoobohuloya, mpe bonto oyahuloya bangoobuuleya.»
Yesu atɔmɛyɛ bana bokako
(Lenda la nde Mat 19, 13-15; Mlk 10, 13-16)
15Banto bambootombelakɛ Yesu la balɛɛlɛngɛ kela abapie bɛbɔ. Anɛ e ɛnɛki bakɛndi laa nde ngauko, babapɛngɔlɛ. 16Yesu aetɛ balɛɛlɛngɛ mpe ahangɛ: «Lohena balɛɛlɛngɛ baye ekami; talobahukake, itina Bonkumu booki Ndjakomba boyali itina iiki banto baayali nga ibɔ. 17Nhɔhɔlɔ, emi ndohangela ngɔnɛ: bonto onkuma opwambe Bonkumu booki Ndjakomba nga ilɛɛlɛngɛ, tangotwa nde bɔkɔ.»
Ihɛi iiki bokulaka
(Lenda la nde Mat 19, 16-30; Mlk 10, 17-31)
18Bokulaka bɔmɔɔ aubolɛ Yesu: «Nkumu e bɔlɔti, nkele ngamo kela mbate lobiko lo botako ?» 19Yesu abobelɛ: «Itina indjeta wɛ bonto o bɔlɔti nnɔ? Bonto o bɔlɔti tayali, ɔnɛ o bɔlɔti nko Ndjakomba. 20Weeba bebeko: tɔkɔhɔke waali ooki boninga, tolyakake bonto, tuubake byomba binkani, totepelake mbo i boyanga, okumyaka ihe ekiɛ la nyango ekiɛ.» 21Bokulaka ahangɛ: «Ima boboha, nkelake mbo iiko inkuma.» 22Yesu abookɛ mpe abohangelɛ: «Okutwa nko yoomba ɛmɔɔ: Tɛkɛ byomba binkuma biyali la wɛ, kapela bɛmbɔlɔ, mpe ongobata bɔmɛngɔ nde liko; la lombuha luuko, wɛ yaka mpe ondjeele.» 23Anɛ yokaki bokulaka buuko ngauko, ayalɛ la ekola ihɛi, itina ayalaki la lokutu buuke. 24Yesu abolendɛ mpe atepelɛ: «Eyali lyale itina iiki banto baayali la lokutu buuke baɔtwe nde Bonkumu booki Ndjakomba! 25Ndjɔu aɔhɔ yɔtwa nde itundu i sinani, yaa eyali lyale bokulaka aɔtwe nde Bonkumu booki Ndjakomba.» 26Banto banɛ baokaki Yesu bahangɛ: «Yaa aiko bonto ongobika nnɔ?» 27Yesu abaunoyelɛ: «Yomba epa banto baɔhe yokela, Ndjakomba aɔhɔ yokela.» 28Petelo atepelɛ: «Yaa nso, baahenyɛ byomba binkuma biyalaki laa nso mpe tokoyelɛ.» 29Yesu ababelɛ: «Ndohangela nte nhɔhɔlɔ, bonto tangohenya botumba, waali, bahi botonga, mboti la bana baakiinde, itina iiki Bonkumu booki Ndjakomba, 30nkobata ima lɔlɔkɔ lokutu buuke, mpe nde bileko biingoya, lobiko lo botako.»
Yesu aebyɛ iwa la nkundwa ekinde mbala ɛnɛ ehato
(Lenda la nde Mat 20, 17-19; Mlk 10, 32-34)
31Yesu aetɛ bɛnkɔmwa bekinde lyomu la bepe nde bokili mpe ababelɛ: «Aiko wambɔ toyoli Yelusalɛmɛ; mpe mbo inkuma ikɔtɔki ntepeli itina iiki Bona ooki bonto iyoli yokelama. 32Bangoobokapa eka bapakano, bangɔɔbɔɔlɔ, bangoobotola bangɔɔbɔtwa nsɔi, 33bangoobokula bebambo, bangoobolyaka; mpe nde bɔkɔlɔ bo behato, angookundwa.» 34Bakɛndi la nde tababuteya itina i lobo. Lobo luuko lobombamaki mpe ibɔ tabaeba yoomba elangaki Yesu atepele.
Yesu abikiɛ bonto oboliɛ baiho
(Lenda la nde Mat 20, 29-34; Mlk 10, 46-52)
35Anɛ ekitaki Yesu ntute la Yeliko, bonto ɔmɔɔ oboliɛ baiho ayalaki mpe nde bokili bo ndjela yobondelaka byomba. 36Aokɛ boyoko booki banto buuke baoleke mpe aubolɛ ikambo iileka. 37Babohangelɛ: «Uuko Yesu ɛnɛ e Nazalɛti ɔnɛ ooleke.» 38Abobɛ: «Yesu, Bona ooki Dawidi, ondjokele ihɛi!» 39Banto baayaki lontondo baboangoyɛ mpe babobelɛ alipe bonya; nde aunwɛ yoboba: «Bona ooki Dawidi, ondjokele ihɛi.» 40Yesu aemalɛ mpe abelɛ baayalaki aiko baboyele bonto uuko. Anɛ ekitaki nde ntute, Yesu abuubolɛ: 41«Olanga nkele nnɔ itina ikiɛ?» Aunoyɛ: «Nkolo, ndanga nyɛne lenkina.» 42Yesu abobelɛ: «Ɛnɛ. Nyumeya ekiɛ engokobikiɛ!» 43La mbala ɛmɔɔ, aunwɛ yɛnɛ mpe ayelɛ Yesu, aokumyake Ndjakomba. Anɛ yɛnɛki banto bankuma ngauko, la ibɔ mpe baokumya Ndjakomba.
Currently Selected:
LUKA 18: lol
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)
LUKA 18
18
Lwɛlya looki etuka la ntɛndi
1Yesu apɛɛ bakɛndi laa nde lwɛlya lɔmɔɔ yobalaka itina iiki yɔbɔndɛlɛkɛ ngonga inkuma nkolɛmbwa. 2Abahangelɛ: «Nde imonga imɔɔ, eyalaki la ntɛndi ɛmɔɔ epa tembokakɛ Ndjakomba bɔɔmɔ mpe nko booni booki banto. 3Nko nde imonga ikɔ, eyalaki la etuka emɔɔ; ambooyakɛ yobobela: “Onseyele ikambo ikimi la bonto ɔnɛ opoyaoke la emi.” 4Ntɛndi atonaki mbala buuke yobookela. Nkamba la lombuha, ayabelɛ: “La kaki mpokake Ndjakomba bɔɔmɔ mpe mpa la booni la banto, 5anɛ eha etuka ɛnɛ apenda yotungya, mboheyele ikambo ikinde, kela taunwake yoya wɛyɔ wɛyɔ yontungya.”» 6Nkolo ahangyɛ: «Looka iitepela ntɛndi iiko epa la bosembo. 7Yaa Ndjakomba tangoheya mbo iiki banto baahɔlɛ nde kaki babolelela la waane la botyo? Akolanga abalilie? 8Ndohangela ngɔnɛ: angoobabɔngyɛlɛ ikambo kwa kwa. Yaa buuna bongoya Bona ooki bonto, angootana nyumeya nde bolongo?»
Lwɛlya looki bofalisayi la bɔlɛmbɔli bo mputi
9Yesu apɛɛ lwɛlya lonkina itina iiki banto bayahangaka ibɔ banto ba bɔlɔti mpe batɛbɔlɔke baninga: 10«Banto bape batɛ nde Tɛmpɛlo yɔbɔndɛlɛ; ɔmɔɔ ayalaki bofalisaya, onkina botaakoli bo mputi. 11Bofalisaya aemalɛ, mpe abɔndɛlɛ nde botema: “Nkolo, nkokumya itina ntiyali nga banto bankina, biiba, bakelake baninga bobe, bakɔhɔke baali baaki banto, ntiyali mpe nga botaakoli bo mputi bɔnɛ. 12Nkilake byomba mbala ipe nde pɔsɔ ɛmɔɔ, mputake eteni e lyomu e byomba binkuma bibata emi.” 13Botaakoli bo mputi aemalɛ bono botale la lombuha, apolange auleye baiho nde liko, aohuniake nko elongi, nde wante: “Ah, Ndjakomba, ondjokele ihɛi, emi bonto o bahumu.” 14Ndohangela: botaakoli bo mputi aunwɛ ekande apɛtwɛ, yaa bofalisaya nkola. Itina bonto onkuma oyauleya, bangoobohuloya, mpe bonto oyahuloya bangoobuuleya.»
Yesu atɔmɛyɛ bana bokako
(Lenda la nde Mat 19, 13-15; Mlk 10, 13-16)
15Banto bambootombelakɛ Yesu la balɛɛlɛngɛ kela abapie bɛbɔ. Anɛ e ɛnɛki bakɛndi laa nde ngauko, babapɛngɔlɛ. 16Yesu aetɛ balɛɛlɛngɛ mpe ahangɛ: «Lohena balɛɛlɛngɛ baye ekami; talobahukake, itina Bonkumu booki Ndjakomba boyali itina iiki banto baayali nga ibɔ. 17Nhɔhɔlɔ, emi ndohangela ngɔnɛ: bonto onkuma opwambe Bonkumu booki Ndjakomba nga ilɛɛlɛngɛ, tangotwa nde bɔkɔ.»
Ihɛi iiki bokulaka
(Lenda la nde Mat 19, 16-30; Mlk 10, 17-31)
18Bokulaka bɔmɔɔ aubolɛ Yesu: «Nkumu e bɔlɔti, nkele ngamo kela mbate lobiko lo botako ?» 19Yesu abobelɛ: «Itina indjeta wɛ bonto o bɔlɔti nnɔ? Bonto o bɔlɔti tayali, ɔnɛ o bɔlɔti nko Ndjakomba. 20Weeba bebeko: tɔkɔhɔke waali ooki boninga, tolyakake bonto, tuubake byomba binkani, totepelake mbo i boyanga, okumyaka ihe ekiɛ la nyango ekiɛ.» 21Bokulaka ahangɛ: «Ima boboha, nkelake mbo iiko inkuma.» 22Yesu abookɛ mpe abohangelɛ: «Okutwa nko yoomba ɛmɔɔ: Tɛkɛ byomba binkuma biyali la wɛ, kapela bɛmbɔlɔ, mpe ongobata bɔmɛngɔ nde liko; la lombuha luuko, wɛ yaka mpe ondjeele.» 23Anɛ yokaki bokulaka buuko ngauko, ayalɛ la ekola ihɛi, itina ayalaki la lokutu buuke. 24Yesu abolendɛ mpe atepelɛ: «Eyali lyale itina iiki banto baayali la lokutu buuke baɔtwe nde Bonkumu booki Ndjakomba! 25Ndjɔu aɔhɔ yɔtwa nde itundu i sinani, yaa eyali lyale bokulaka aɔtwe nde Bonkumu booki Ndjakomba.» 26Banto banɛ baokaki Yesu bahangɛ: «Yaa aiko bonto ongobika nnɔ?» 27Yesu abaunoyelɛ: «Yomba epa banto baɔhe yokela, Ndjakomba aɔhɔ yokela.» 28Petelo atepelɛ: «Yaa nso, baahenyɛ byomba binkuma biyalaki laa nso mpe tokoyelɛ.» 29Yesu ababelɛ: «Ndohangela nte nhɔhɔlɔ, bonto tangohenya botumba, waali, bahi botonga, mboti la bana baakiinde, itina iiki Bonkumu booki Ndjakomba, 30nkobata ima lɔlɔkɔ lokutu buuke, mpe nde bileko biingoya, lobiko lo botako.»
Yesu aebyɛ iwa la nkundwa ekinde mbala ɛnɛ ehato
(Lenda la nde Mat 20, 17-19; Mlk 10, 32-34)
31Yesu aetɛ bɛnkɔmwa bekinde lyomu la bepe nde bokili mpe ababelɛ: «Aiko wambɔ toyoli Yelusalɛmɛ; mpe mbo inkuma ikɔtɔki ntepeli itina iiki Bona ooki bonto iyoli yokelama. 32Bangoobokapa eka bapakano, bangɔɔbɔɔlɔ, bangoobotola bangɔɔbɔtwa nsɔi, 33bangoobokula bebambo, bangoobolyaka; mpe nde bɔkɔlɔ bo behato, angookundwa.» 34Bakɛndi la nde tababuteya itina i lobo. Lobo luuko lobombamaki mpe ibɔ tabaeba yoomba elangaki Yesu atepele.
Yesu abikiɛ bonto oboliɛ baiho
(Lenda la nde Mat 20, 29-34; Mlk 10, 46-52)
35Anɛ ekitaki Yesu ntute la Yeliko, bonto ɔmɔɔ oboliɛ baiho ayalaki mpe nde bokili bo ndjela yobondelaka byomba. 36Aokɛ boyoko booki banto buuke baoleke mpe aubolɛ ikambo iileka. 37Babohangelɛ: «Uuko Yesu ɛnɛ e Nazalɛti ɔnɛ ooleke.» 38Abobɛ: «Yesu, Bona ooki Dawidi, ondjokele ihɛi!» 39Banto baayaki lontondo baboangoyɛ mpe babobelɛ alipe bonya; nde aunwɛ yoboba: «Bona ooki Dawidi, ondjokele ihɛi.» 40Yesu aemalɛ mpe abelɛ baayalaki aiko baboyele bonto uuko. Anɛ ekitaki nde ntute, Yesu abuubolɛ: 41«Olanga nkele nnɔ itina ikiɛ?» Aunoyɛ: «Nkolo, ndanga nyɛne lenkina.» 42Yesu abobelɛ: «Ɛnɛ. Nyumeya ekiɛ engokobikiɛ!» 43La mbala ɛmɔɔ, aunwɛ yɛnɛ mpe ayelɛ Yesu, aokumyake Ndjakomba. Anɛ yɛnɛki banto bankuma ngauko, la ibɔ mpe baokumya Ndjakomba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©2025 Communauté des Eglises Travaillistes (CET)