MATAYO 5

Bileho tina e bodieli ta diko di ngomba (bikenge binɛnɛ 5-7)

1Ta ehole eɛnɛ Yesu bimumu bi bato, aso aiweya ta diko di ngomba ko aso adaa na mobondo. Batingami ba nde basalinda mbuti na nde 2Iboa aso abanga bobaleha bo:

Bodieli bo sooti mɛnɛ

(Boindja pongono a Luk 6, 20-23)

3«Mongandi ta dii bakwali ba mwembo,

modjɔ mo Bokumu bo busa bodii bo bobo!

4Mongandi ta dii ibia bayeakadea,

modjɔ mo badaadea bagɔmbedjamake!

5Mongandi ta dii ibia badii na milema mititatake,

modjɔ mo basangoabi kpɔtɔ!

6Mongandi ta dii ibia badii na ndja ko na posa e bodju,

modjɔ mo bagolabi!

7Mongandi ta dii ibia badii na pɛhɛ,

modjɔ mo badiabi pɛhɛ!

8Mongandi ta dii ibia badii na molema mosɛnɔke,

modjɔ mo baɛnɛbi Ndjakomba!

9Mongandi ta dii ibia bakahombe bogo,

modjɔ mo babeamabi baana ba Ndjakomba!

10Mongandi ta dii ibia banɔngɔmɔkɔdea ta tina e bodju,

modjɔ mo Bokumu bo busa bodii bo bobo!

11Mongandi tadii ino ta ehole eosingakadeani bo, baonɔngedjakadeani ko babalakadea na nu bobe ta mindumba misusu ta tina e mbi. 12Sepani ko daani na mongandi, modjɔ mo iputi i bino idadea inɛnɛ ta busa. Edii oko mondumba momina momɔti monɔngedjabo batɛli banɔɔ boso bo bino#5, 12 Boɛngɛ 2Kl 36, 16; Bik 7, 52..»

Monana ko na bohu

(Boindja pongono a Mal 9, 50; Luk 14, 34-35)

13«Ino bato badii monana mo ngondo. Endelo monana mokasia edjɛ e mu, babwani bosɔmbedja edjɛ emina mondumba nda? Etungi oko bamodumbe sokolu ko bamodalakake na mako.

14«Ino odiini bohu bo ngondo. Ngando enɛnɛ iyena ebaki ta diko di ngomba ebwaniti bobolama. 15Tebabwanedjake molinda bɛngi bamoise ta nase dji poke, endelo bakamobakee ta ebakeli e mu, ko bɛngi moinedje bohu tadii bato basusu ibia badii ta tei e ndako 16Ta tina emina, yɛɛ bo bohu bo bino bongɛse ta boso bo bato, bɛngi bo baɛnɛ mikɔ mi bino mipele ko bakumedje Sangwanu odii ta busa.»

Eleho e Yesu ta tina e mobeko

17«Pɛpɛ bolɛdjɛni bo mbi nadoa ta tina e bodongedja Mobeko kaoko bileho bi batɛli. Naidoa amodongedja endelo akokedja. 18Modjɔ mo naotɔndeakadeani sooti mɛnɛ bo: boso bo diko na kpɔtɔ bodimoa pɛpɛ nongo itɔnɔ imɔti ta makomi kaoko molɔngɔ momɔti mobwani bohakoama ta mobeko, mbunoko midjɔ misusu mikokedjame 19Ta tina emina, moto iyona odabi pɛpɛ bosuma nongo elomu emɔti enɔi na bokɛkɛ ko alehi bato bakina bakɔe boa, adaabi moto o pɛpɛ tɛtɔ ta Bokumu bo busa. Endelo iyona osumabi ko olehabi bato bakina bakɔe boa bamoimedjabi monɛnɛ ta Bokumu bo busa. 20Modjɔ mo, nabalakadea na nu bo: bodju bo bino bomiti nɔɔ ibua bo balehi ba mobeko ko na Bapalisai otakweabini ta Bokumu bo busa.»

Eleho e Yesu ta tina e kɛlɛ

21«Ookani ebalama na bakɔkɔ bo: “Otaowabi moto#5, 21 Boi 20, 13; Dit 5, 17.; moto mosusu obwani boowa moto atungi asambedjame.” 22Endelo mbi naotɔndeakadeani sooti bo: moto mosusu obwani bokangea mina nde kɛlɛ atungi bosambedjama; moto iyona osingadea mina nde: “Endanga!” Asambedjamadea ta boso bo Ikita dinɛnɛ; iyona obaladea na mina nde bo: “Moto o igboma!” Adumbamadea ta mosa mo ipelu. 23Ekadaa bo okapa ibondja di wɛ ta etumbelo, ko iho okalɛnɛ bo odii na modjɔ na mwangwao, 24kina ibondja di wɛ ta boso bo etumbelo, ko pete kɛɛ boso abɔngedja na mwangwao, ngɔngɔ djimina oso odoe apa ibondja di wɛ.

25«Okadaa na modjɔ na moloni o wɛ, bɔngedja pɛpɛlɛ mɛnɛ na moto odii na wɛ na modjɔ ta ehole edii ino oko na ndjea. Esakadaa bo aopunde ta dii ba djudji basakaoimedja ta dii mbulu bahindo ko basakaoisa ta bɔlɔkɔ. 26Naotɔndeakadea sooti mɛnɛ bo: Otaimanadea iyana omiti puta nyongo e wɛ mbunoko ta pata e palanga e suka.»

Eleho e Yesu ta tina e bɔɔli

27«Ookani babala bo: “Otakɔkɔɔbini bɔɔli#5, 27 Boi 20, 14; Dit 5, 18..” 28Endelo mbi, nabalakadea na nu bo: Moomi mosusu omungoi mwali akɔi na nde bɔɔli ehele ta molema mo nde. 29Ekadaa diiso di wɛ di ebɔ e baami di olomakadea ta pekato, didongedja ko di dumba bohali na wɛ: modjɔ mo edii bopele otake nongo e nama ewɛ emɔti e mokuku ka te bo mokuku mosusu mo wɛ modumbame ta ipelu. 30Ekadaa bo ebɔ e wɛ e baami eolomakadea ta pekato, elena ko edumba bohali na wɛ: modjɔ mo edii bopele ta tina e wɛ botaka enama e wɛ emɔti e mokuku endelo te bokɛɛ mokuku mosusu ta ipelu.»

Eleho e Yesu ta tina e bobɔtɔ bo moki

(Boindja pongono a Mat 19, 9; Mal 10, 11-12; Luk 16, 18)

31«Ebalama pongono bo: “Moomi odongedji mwali o nde amopɛ mokanda mo bobɔtɔ#5, 31 Dit 24, 1..” 32Endelo mbi, naotɔndeakadeani sooti bo: moomi mosusu odongedji mwali o nde, dongedja oko akamodia na modjɔ motingi na bɔɔli adjebe bo#5, 32 Boindja Lew 18, 6-18., amodipoi ndjea e bokɔɔ bɔɔli, ko moomi iyona oasɔi mwali odongedji bo ta moki akɔi pongono bɔɔli.»

Eleho e Yesu ta tina e seleka

33«Ookani pongono ebalama ta dii bakɔkɔ bo: “Pɛpɛ bokata seleka e bokuta, endelo kokedja ndikano e dikanedja wɛ na ndjea e seleka ta boso bo Kumu#5, 33 Boindja Lew 19, 12; Mit 30, 3; Dit 23, 22-24. .” 34Endelo, mbi nabalakadea na nu odaeni pɛpɛ bokata nongo seleka e mɔti: edae ta kombe e busa, ta tina ebo busa bodii kiti e bokumu bo Ndjakomba; 35edae ta kombe e kpɔtɔ, ta tina ebo kpɔtɔ djidii esika ebakeli e mako ma nde, edae ta kombe e Yelusalɛmɛ elɔkɔ ebo edii ngando enɛnɛ e Mokondji o monɛnɛ. 36Pɛpɛ bokata nongo seleka ta molo mo wɛ mɛnɛ, modjɔ mo obwaniti boimedja moswee mo wɛ momɔti mombwi isa bomoimedja mohindo. 37Yɛɛ bo, modhimo mo wɛ modae “modhimo”, ko ngasa edikame oko “ngasa”, modjɔ mo mobalo mosusu mobwani bobakeama modongi ta dii Mokosi.»

Eleho e Yesu ta tina e bobukanedja

(Boindja pongono a Luk 6, 29-30)

38«Ookani ebalama bo: “Diiso tina e diiso ko diino tina e diino#5, 38 Boi 21, 24; Lew 24, 20; Dit 19, 21.”. 39Endelo, mbi nabali na nu bo pɛpɛ bobukanedjani bobe ta dii moto o bobila. Moto akaoboma epapata ta mobanga mo baami, mopa pongono mobanga mo bali. 40Moto akapala aopunde ta dii badjudji tina e botomba simisi e wɛ, mopa pongono mokoto mo wɛ. 41Ekadaa bo moto aolomi na ngulu odale kilomɛtɛlɛ emɔti bodala engbanga emɔti na nde kilomɛtɛlɛ ibae. 42Pa eka ta dii moto oowadjakadea; pɛpɛ bodaa na molema mopipo ta dii moto iyona opalakadea bobeka eka ta dii wɛ.»

Eleho e Yesu ta tina e epaeli e baloni

(Boindja pongono a Luk 6, 27-28.32-36)

43«Ookani ebalama bo: “Pala mina wɛ#5, 43 Lew 19, 18. ko lona moloni o wɛ.” 44Endelo, mbi naotɔndeakadeani sooti bo: Palani baloni ba bino ko angɔnɔni ta tina e bato ibia bakaonɔngedjeni. 45Na boa odadeani baana ba Sangwanu iyona odii ta busa. Modjɔ mo akayedje busa ta tina e bato bapele ko na babe, ko akadumbe mbua ta tina e bato ba bodju ko na ibia ba taka e bodju. 46Modjɔ mo okapalani ibia bakaopaleni tɛtɔ mɛnɛ ebolodjadea ino nda? Baputedji ba puti te bakɔe pongono iboa! 47Ko okaiseanani oto na denga di bino, modjɔ mo bokamwa mɛnɛ mokɔi ino nda? Bato badii pɛpɛ bodaa Bayudha te bakɔe ibo bɛnɛ pongono iboa! 48Naboa, odaadeani bato babwanake, oko mondumba modii Sangwanu odii ta busa#5, 48 Boɛngɛ Lew 19, 2; Dit 18, 13..»

Currently Selected:

MATAYO 5: ngc

Highlight

Copy