MATAYO 4

Yesu amekami

(Boindja pongono a Mal 1, 12-13; Luk 4, 1-13)

1Iboa Yesu atombama na Mwembo ta etengelenge, bɛngi amekame na djabulu. 2Ngɔngɔ dji bokɔ mongilo mo masu tuku inɛi na bulu ko tuku inɛi na moi, aso aoka ndja. 3Momeki adua adii yo ko aso abala bo: «Okadaa Mwana o Ndjakomba, pa mitindo bɛngi mabanga imimi maimee mwɛmbɛ.» 4Yesu asɔmbedji bo: «Ekomama bo: “Moto abwaniti bohela oto na mwɛmbɛ, endelo na mobalo mosusu mokaimane ta monɔkɔ mo Ndjakomba#4, 4 Dit 8, 3..”»

5Iboa djabulu amotomba mbunoko ta ngando e nɛnɛ esɛnɔke, amobakea ta sɔngɔ e tepelo 6ko aso abala na nde bo: «Okadaa Mwana o Ndjakomba, sadumba nase; modjɔ mo ekomama bo:

“Apadea babwɛndi ba nde mitindo tina e wɛ

ko baotombadea ta mɔmɔ ma bobo

ta botiedja bo eko ewɛ esakalana na ibanga#4, 6 Ndj 91, 11-12..”»

7Yesu amosɔmbedja bo: «Ekomama pongono bo: “Obwaniti bomeka Kumu Ndjakomba o wɛ#4, 7 Dit 6, 16..” »

8Djabulu amotomba naikina ta diko di ngomba enɔkɔ boyai, amoinedja bokondji bosusu bo ngondo ko na bikumu bi dju, 9ko abala na nde bo: «Naopadea leka ilulu losusu okakwa magbunda ta mako ma mbi bɛngi okumeeni.» 10Iboa Yesu amosɔmbedja bo: «Satana donga ena! Modjɔ mo ekomama bo: “Obwani bokwa magbunda oko ta boso bo Kumu Ndjakomba o wɛ ko boangɔnɔ oko iyo mɛnɛ#4, 10 Dit 6, 13..” » 11Iboa djabulu amokina ko babwɛndi baso badua ko bamokɔmedjaka.

Yesu abangi mosala mo nde ta Galileya

(Boindja pongono a Mal 1, 14-15; Luk 4, 14-15)

12Ta ehole eoka Yesu bo baisi Yoane ta bɔlɔkɔ#4, 12 Yoane aisama ta bɔlɔkɔ: edii wɛtoko Yoane Mobatisi. Boindja ta 14, 3., akɛɛ ta Galileya. 13Akina Nadjalɛtɛ ko aso akɛɛ adaa ta Kapalanaume edii ta mokula mo ibeke di Galileya, ta ekenge e mokili mo Djabuloni ko Nepitali#4, 13 Djabuloni ko Nepitali: mabota ma boso mabae ma Isalɛlɛ.. 14Ekɔmɔ iboa bɛngi ekokedjame mondumba mobala motɛli Isaya bo:

15«Ekenge e mokili mo Djabuloni, ko na ekenge e mokili mo Nepitali,

ta pamba e ibeke, dɔɔngɔ di kina di Yɔlɔdane,

Galileya ta polo ekadikame bato ibia badii pɛpɛ bodaa Bayudha!

16Bato ibia bakadae ta tei e modidi

baɛni bohu bonɛnɛ!

Ko ibia bakahelame ta tei e modidi mo ekomi e bato bago,

bohu bo baimanei#4, 16 Isa 8, 23–9, 1.!»

17Oko ta ehole emina, Yesu abanga botɔndea bo: «Sɔmbɔtɔnɔni midaa#4, 17 Sɔmbɔtɔnɔni midaa: ta mobala mokina sɔmbɔtɔnɔni malɛi kaoko sɔmbɔtɔnɔni milema. mi bino, modjɔ mo Bokumu bo busa bodii mbuti!»

Yesu abei batingami ba boso

(Boindja pongono a Mal 1, 16-20; Luk 5, 1-11)

18Yesu adalaka ta mokula mo ibeke di Galileya, aɛnɛ menga babae, Simona iyona akabeebo Petelo, ko mwana o nango Andele; badaaka baoweli baswi ko badumbaka modjanga ta ibeke. 19Yesu aso abala na bu bo: «Tingamani ngɔngɔ dji mbi ko naoimedjadeani bahombeli ba bato.» 20Na mbala emɔti, bakina midjanga mi bobo ko baso bakimana Yesu. 21Asama bo dala naikina moo bohali ko Yesu aɛnɛ baami bakina babae, Djake mwana o Djebede, na Yoane mwana o nango badaaka na sangwabu ta bwato babɔngedjaka midjanga mi bobo. Yesu aso ababea; 22Na mbala emɔti, bakina bwato bo bobo ko na sangwabu bakimana Yesu.

Yesu alehi ko aheledji

23Yesu akweanaka ta Galileya mosusu, alehaka ta ndako dji miɔngɔnɔ dji Bayudha, atɔndɔkɔ Bwɛndi Bopele bo Bokumu ko aheledjaka bato na bego dji bobo djisusu ko na biɛmɛ dji bobo djisusu. 24Gala e nde enangana ta ekomi e Silia mosusu, ko bamolwɛkɛ bato ba bego tungu na tungu na bato ba minɔngɔ: bato ba membo mibe, bato ba mako makatatake; ko na bato ba bego dji kpukpukpu#4, 24 epeko e kpukpukpu: moto okapeke na yogo e misisa mi molo mikasatubane ko na isiesie (Boindja Mat 4, 24 ko na nase). basusu Yesu abaheledja. 25Emumu e bato banɛnɛ bamokimana, bodonga ta Galileya, ta Dekapole, ta Yelusalɛmɛ, ta Yudhea ko ekenge e mokili edii ta dɔɔngɔ di kina di Yɔlɔdane.

Currently Selected:

MATAYO 4: ngc

Highlight

Copy