Epelé 2
2
Kiandá káand kí kisótio
1Ɛ́ɛ́ túkɔ́l kisikɛl na nukál tumɔɔ́pítɔ́líkɛn, índɛ tutipá tuamba ɛ́ɛ́ tunyim. 2Nukál nú Támbák Peéŋele meepeke mapá kémuémue, ewu umɛɛ́lɛ́ utiɔŋɔ́ á nɔ, utinɛkɛ́ nɔ áápian inséésítényí yɛsikɛɛnɛnɛ́ nɛɛyɛ́. 3akáánɛ́, tiɛkíɛ́ kɔk tunyɛɛ́ kupíɔk kí inséésítényí indɛ tusefénit kiandá kí kisótio. Ɔkɔ́n wɔ́ muɛ́t mɔɔyɛ́t kisíósíó, epeé kɔk pɔ́mɔɔ́pítɔ́líkɛ́n Ɔkɔ́n páand etúsilitin púɔ. 4Támbákɛ́ɛ wɔ́ muɛ́t ɛ́ɛ́ útíínyi ɛ́ɛ́ tukál túɔ́p mapá kémuémue, wɛɛlɛ maandá má kuáyakuáya, ne melinsí má pukaaka, na tunamá tú pisey kitikit, no tupoo tú Emfúnukufúúmɛ umaápa aná umɔɔ́yɔ.
Yésuse andimán u pɛɛnd
5Á kiákí kútipá ɛ́ɛ́ Peéŋele Támbák meéki pɔ́ kipia kí kúúsí kúólonée tukálanɛ́ɛ. 6Á kiákí nukál ɔ́ɔ́kɔɔyɔ ɛ́ɛ́: Kiákí kínyɛɛ́ mɔɔnd, ɛ́ɛ́ ápítáákɛt wɔ Támbák? Kúnyaánɛ muɔ́nɔ́ u mɔɔndɛ ɔ́kɔ́l kisikɛl nɛɛyɛ́? 7Emeselí wɔ kukányɛn Peéŋele ɔ́ muɔ́nɔ́ u kisikɛl, aák wɔ́ indanyáa ne nuúmu na nukany, 8aák puandá kitikit kɛ́ɛ́yɛ́ kí imbanápánɛ́ɛ. Yá aná ɔmɔɔ́yɛ́t, eeki wɔ́ pukaaka pú puandá kitikit, utimayap tɛ púmoómí púnyɛɛ́ kupíányɛn wɔ. Naánɛ́ kɔk ɛ́ɛ́ tumanyi tutitál ɛ́kuɛ́nɛn ɛ́ɛ́ puum nyɛ kɛɛyɛ́ á kipia, 9maná tuɛ́kɛɛ́nɛn ɛ́ɛ́: ewú pémeéselí wɔ́ ɔ́ muɔ́nɔ́ u kisikɛl kukányɛn Peéŋele Yésuse, ó pusíó ɛ́ɛ́ umɛn iŋɛn, éényíku, upíák indanyáa í nukum na nukany. Akáánɛ́ é peseé ú Támbák, púnyɛ ó pusíó pú mɔɔnd kitikit umeékú. 10Á kiákí Támbákɛ́ɛ umɛɛ́yín kúúsí, kúond kúɔ́pinɔn wɔ, woond waamba ɛ́ɛ́ úyɔɔk ne kutek kúɛ́yɛ́ kú paán á nukanyi. Yésuse usótosíé pɔ, púɛ́síkɛ́ɛ́nɛ́nɛ́ɛ Támbák méketi wɔ́ á nukamá utápukanin é muyu. 11Á kiákí ewú usukunanɛ́ɛ na paasukúná áápian niólín nímoómí; Kɔk utiányipá upian ɛtɔ́ kunúa ɛ́ɛ́ úpílan pɔ́ ɛ́ɛ́ paandiman. 12Púúpú kɔk Yésus maátían Támbákɛ́ɛ ɛ́ɛ́: iŋɔɔyɔn paandimán páámɛ kisiɛ́n kíáwɔ, ɛ́ kikɛtɛ́kɛtɛ́ɛ kí kiɔp, iŋɔkutɔ́ŋɔn pilɛ́l. 13Yésus kanyɛ andíkɛ́k ɛ́ɛ́: Niŋúɛ iŋapian pipíóndínyí ɔtɛ́m á Támbák, andíkɛ́k niŋú ewe na paán Támbák miínfá. 14Paán pakáánɛ́ áápian nuɔ́l na manɔ́ŋ mómoómí, Yésuse wɔɔkɔ́l etenyí wɔ́ɔ́p, wɛɛ́yɛ mɔɔnd. Káakáánɛ́ kɛ́ɛ́yɛ́ é nikú, wɛɛsɛs sátanɛ upianɛ́ pukaaka pú niku 15ne kutúkun epé puwaá pú nikú meéyí pɔ́ piɔ́lí kɔ́ɔ́p ɔ́ kusɔ́t kitikit. 16Á kiákí utipá woólon ɔ́ kuɔsiɔkɔ́ Peéŋele, maná nindaanda ní Ápilaháam. 17Púúpú umɛɛ́síkɛ́ɛ́nɛ́n kuɛ́yí etényí ómoómí na paandimán, ɛ́ɛ́ úpá asákusak wɔɔpɔ́ wɔɔkɔ́n, owóónón nɛ niɛ́nɔsúkɛ na nulátát á pusɔ́m pú Támbák, á kupia kuyap kú pifal pí kitɔŋ. 18Nínúan kɔk, unyɛ ɔ́ kuɔkɔnɔkɔn epé pɛnyɛɛ́ ɔ́ yɔɔ́pítɛ́n, á kiákí wɔ́ muɛ́t umatápúkínɛ ɔ́ yɔɔ́pítɛ́n ikáánɛ́ ne muyu.
Currently Selected:
Epelé 2: yav
Highlight
Copy
Compare
Share
Want to have your highlights saved across all your devices? Sign up or sign in
© 2026, CABTAL