Matʉyo 9
9
Yěsô pɛ́d taʼ pfɔ́mbəb
(Máá 2:1-12; Lúk 5:17-25)
1A kɛ pe kɛ́ʼɛ́, Yěsô kɔ́ʼɔ́ ndzó páŋ mbó siʼá nse mbódndzəb ndzó mbɛ́lʉ́ŋ yé. 2Pé kyɛ́ taʼ pfɔ́mbəb, a nú ndúŋú kɔʼ, ŋkʉ́yó ne yé pfúŋɔ́ Yěsô. A zhʉ́ psyɛ́ndzɔʼ yɔ́b, ntsɔ́ pwó pfɔ́mbəb ŋgâ: «Tséʼé psyɛ́ndzɔʼ kɛ Mɔ́ŋ ya, mə máʼ kəpɔŋ wo.» 3A kɛ pé néré, pecyó ghaŋákeʼekaŋ tsɔ́ ndzó ndzɔʼ yɔ́b ŋgâ: «Ŋɔŋ wɔŋ too Mboʼmve!» 4Yěsô zí kpaŋató yɔ́b, ntsɔ́ ne pɔ́b ŋgâ: «Puŋ kpáŋa kəpɔŋ ndzó ndzɔʼ yuŋ kɛ́ʼɛ́ ŋkyé kɔ́? 5A kaʼa ndzyáŋá ntsóne ŋgâ: “Mə máʼ kəpɔŋ wo”? Kii a zyaŋá ntsóne ŋgâ: “Ŋǎ sye, nyi”? 6Kpaʼ sísíŋ, puŋ zɛ́ tó puŋ ŋgâ, Mɔ́ŋ ŋɔŋ kúʼɔ́ ne mǎʼne kəpɔŋ pɔŋ ndúŋú tsetsáʼ.» Néré Yěsô pó séd mbəb ye, ntsɔ́ pwó pfɔ́mbəb ŋgâ: «Ŋǎ syé, ndɔ́ɔ́ kɔʼ wo, mbódndzəb ywoʼ yo.» 7Ŋɔŋ wɛ́ ŋǎ syé, mbódndzəb ywoʼ yé. 8Ŋkhoʼyɛ́ pɔŋ kɛ zhʉ́ yéré no nɛ́, pɔ́ɔ́ gbáá wɔ́b, pɔ́b ŋgúʼɔ Mboʼmvé wɛ́ a fɛ́ méré tʉ̌ŋ sáʼne pwó pɔŋ nɛ́.
Yěsô fú Matʉyo
(Máá 2:13-17; Lúk 5:27-32)
9Njʉ́ Yěsô kɛ ghú nɛ́, a ghɛ́ ndzáʼa njʉ́ taʼ ŋɔŋ ghɔ́rɔ́ ywoʼɔ́faʼ yé ntsé kpêsəbe. Tíí ye kɛ pe Matʉyo. A tsɔ́ pwó yé ŋgâ: «Cʉ́ʼɔ́ ndzəb mo.» A ŋǎ syé ndzɔ́ŋɔ wé. 10Njʉ́ Yěsô kɛ pɛ́ ndáb Matʉyo ne ndzône mɔ́b nɛ́, ghaŋákpêsebe zááme pwɛ ghaŋázhyɛ́meno kəpɔŋ kʉ́yó mbɛ́rɛ́ wé pwɛ ŋgíŋgye pé, pwɛ pɔ́b ghód. 11Pɛ Farízya zhʉ́ néré, ntsɔ́ pwó ŋgíŋgye Yěsô ŋgâ: «A zhyɛ́ kɔ́ Kéʼeyáŋ wuŋ zɔ mɔ́b pwɛ ghaŋákpêsebe pwɛ ghaŋázhyɛ́meno kəpɔŋ?» 12Yěsô zóʼ, ntsʉʼmbé, ntsɔ́ ne pɔ́b ŋgâ: «Pɔŋ pɛ́ pɔ́b sʉ́ʼʉ nɛ́ tsé mbé zɔŋɔ ndɔŋta pó, ntsʉʼmbé ndɔŋta tséʼé ghebe pe pwó ghaŋághɔŋ. 13Puŋ ghú nɛ́ ndzéʼ kě tsí no yɔŋ: “A tsaaghəghəŋ mbé yɔ́b yɛ́ mə ndzɔŋɔ nɛ́, mə ndzɔŋɔ pɛ mwɔ̌shʉ́ pó”. Ŋkyé ŋgâ, mə kɛ pé kʉ́yó ne fûne puŋgerɛ́ŋged pó, ntsʉʼmbé mə kɛ kʉ́yó ne fûne ghaŋázhyɛ́ meno kəpɔŋ.»
Fuʼno ne yɔ́b zuŋ pú yé ffé
(Máá 2:18-22; Lúk 5:33-39)
14Ŋgíŋgye Zhâŋ ŋgaŋafɛ́ kpênse, suʼú mbəb yɔ́b fɛ́ pfúŋɔ́ Yěsô, ntsó ŋgâ: «A zhyɛ́ kɔ́ psyɛ pɛ Farízya zɛ̌nse, ŋgíŋgye pó pe tsé ndzɛ yɔ́b pɔ̂?» 15Yěsô pɔ́rɔ́ ne pɔ́b ŋgâ: «Tɛɛmbɛ ghəŋ tsé tsuŋɛ ne tsefɔŋ mɔ́ŋndáá pfúŋɔ́ pɔ́b? Zhyémve tsé ŋkʉ́yó, pé túbɔ́ tsefɔŋ tsetsɛrɛ pɔ́b, pɔ́b zé nse. 16Tɛɛmbɛ ŋɔŋ pe yɔ́ɔ́ pɛ́rɛ́ ndzwé ffé ŋkʉyí ndúŋú ye zuŋ pó. Mbǒ, pɛ́rɛ́ yé ffé yɛ́ pe pfii ndúŋú nɛ́, sú ye zuŋ, ywoʼ yɛ́ a sɛ́ɛ́ nɛ́, ghɛ́ɛ́ ŋgaʼ! 17Pé ndɛ mbé níŋɛ yoʼ ffé ndzó ndzuŋ ghúŋ pó, mbǒ ghúŋ cʉ́, yoʼ pfed, pe ghɛ́ mbzye yoʼ ke mbó mbzyé ghúŋ psyé. Ntsʉʼmbé, pé ndɛ niŋɛ yoʼ ffé pe ndzó ghúŋ ffé, kɛ́ʼɛ́ ŋgâ wo ndɛ mbzyé cyó yɔ́b!»
Yěsô pɛ́d taʼ Məŋgʉ́yé mbó njʉyɛ́ taʼ Mɔ́ŋ Məŋgʉ́yé
(Máá 5:21-43; Lúk 8:40-56)
18Njʉ́ Yěsô kɛ tsɔ́ néré ne pɔ́b kɛ́ʼɛ́ nɛ́, taʼ ŋgəkód suʼú mbəb ye mbɛ́rɛ́ wé, féd kweʼé mé síŋ ye, ntsɔ́ pwó yé ŋgâ: «Mɔ́ŋ ya wé Məŋgʉ́yé kɛ pfó ŋkhoʼyɔŋ. Ntsʉʼmbé, mə mbóʼómbwó, kʉ́yó ndzáb pwó wo mbəb ye, a zhʉyɛ́.» 19Yěsô ŋáá syé, pwɛ ŋgíŋgye pé zɔŋɔ wé.
20Taʼ Məŋgʉ́yé pɛ́ yóʼó nsə cʉ̌yi mbəb ye, féré ŋkhoʼyɔŋ ne ntsɔ̌b ŋgǒʼmvé yípáá. A kʉ́yó ndzəb Yěsô, ŋkebe sáŋ ndzwé ye. 21A tsɔ́ ndzó ndzɔʼ ye ŋgâ: «Mə ké ŋkɛ́bɛ́ ndaʼ ndzwé ye kaʼa, mbǒ mə ndzú.» 22Ntsʉʼmbé, Yěsô séd mbəb ye, njʉ́ wé ntsó ŋgâ: «Tséʼé gbáá ndzɔʼ, kɛ Mɔ́ŋ ya! Psyɛ́ndzɔʼ wo kpéé wo.» Ndzyěne ŋkhoʼyéré, Məŋgʉ́yé wéré ke ndzû néré.
23Yěsô kɛ ghɛ́ mbáŋa ywoʼ ŋgəkód wéré, njʉ́ ghaŋápóʼó yɔ́ŋɔ́, pɔŋ zááme pɛ yóʼó tsé ŋkhɔ́ kaʼatɛ. Yěsô ntsɔ́ ne pɔ́b ŋgâ: 24«Puŋ suʼú mbəb yúŋ! Mɔ́ŋ Məŋgʉ́yé wɔŋ pfó pó. A zhyé zhyé.» A kɛ pé néré, pɔ́b pó ntúŋɔ wé tuŋu. 25Ŋkhoʼyɛ́ pé kɛ ntúbú pɔŋ náá fɛ́ mvé nɛ́, Yěsô ŋkuŋɔ ndáb, gbáá pwó Mɔ́ŋ wéré, a zhʉyɛ́. 26No yéré gbáʼ ŋkɔŋɔ yéré pɛ́rɛ́ ŋgɔŋ náá.
Yěsô pɛ́d ffǒme pépáá
27Njʉ́ Yěsô kɛ ghú nɛ́, ffǒme pépáá zɔŋɔ wé, nyí ŋgéʼé, ntsɔ́ ŋgâ: «Mɔ́ŋ fɔŋ Ndavíd tsaaghəghəŋ zhí!» 28Ŋkhoʼyɛ́ Yěsô kɛ ŋkúŋɔ́ ndáb nɛ́, ffǒme pɛ suʼú mbəb yɔ́b mbɛ́rɛ́ we. A ntsɔ́ ne pɔ́b ŋgâ: «Puŋ kpaŋ ŋgâ tɛɛmbɛ mə ŋgyɛ́ yekénɛ́ no?» Pɔ́b pɔ́rɔ́ pwó ye ŋgâ: «Ɔ́ŋɔ́, kɛ Ntsɛɛpɔŋ.» 29Néré, a kébé míí mɔ́b, ntsó ŋgâ: «A pɛ́ njʉ́ psyɛ́ndzɔʼ yúŋ ghú nɛ́.» 30Míí mɔ́b ŋáʼ, pɔ́b zhʉ́ ywoʼ. Yěsô pó sû ntəŋé mɔ́b ne pʉ̌ŋgye, ntsɔ́ ne pɔ́b ŋgâ: «Puŋ zhyáŋá nɛ́ kii ŋɔŋ zé!» 31Ntsʉʼmbé, pɔ́b ke ŋgɛ ntwɔ́, ke fú yɔ́b pe tíí Yěsô ndzó ŋkɔŋɔ yéré pɛ́rɛ́ ŋgɔŋ náá.
Yěsô pɛ́d taʼ moʼ wɛ́ zhʉye kəpɔŋ kɛ pɛ mbəb ye nɛ́
(Lúk 11:14-15)
32Njʉ́ pɛ ffǒme péré kɛ ghú yɔ́b nɛ́, pé kʉ́yó ne taʼ moʼ wɛ́ zhʉye kəpɔŋ kɛ pɛ́ mbəb ye nɛ́, pfúŋɔ́ Yěsô. 33Njʉ́ Yěsô kɛ túbú zhʉye kəpɔŋ mbəb yé nɛ́, a zyé ntsóne no. No tsɛ́ɛ́ pɔŋ zááme pɛ́ pɔ́b kɛ pɛ́ yóʼó nɛ́, pɔ́b tsɔ́ ŋgâ: «Ngáŋ! Pe kâ kɛ zhʉ́ taʼ no njʉ́ yɔŋ nɛ́ ndzó ŋgɔŋ Issayɛ pó.» 34Ntsʉʼmbé, pɛ Farízya tsɔ́ yɔ́b pe ŋgâ: «Á ntsɛ́ssó pɛ zhʉye kəpɔŋ, fɛ́ tʉ̌ŋ pwó ye ŋgâ a zú pɛ zhʉye kəpɔŋ núŋ.»
Yěsô tsaaghəghəŋ kɛ́rɛ́ pɔŋ
(Máá 6:6b; Máá 6:34; Lúk 10:2)
35Yěsô kɛ nyí ndzó ŋkɔŋɔ pɛ mbɛ́lʉ́ŋ pwɛ ŋkɔŋɔ pɛ yáʼ náá, fɛ́ ntʉ́ʉ ndzó pɛ ndántéré pɛ Yúda, mbó ncʉ́rɛ ŋkəŋ sʉ́ʼʉ ne no Nofɔŋ Mboʼmve, mbɛ́rɛ́ ŋkɔŋɔ mbziʼe ghɔŋ pwɛ ŋkɔŋɔ mbziʼe yɔ́ʼɔ́ náá. 36Njʉ́ Yěsô kɛ zhʉ́ kɛ́rɛ́ pɔŋ nɛ́, ghəghəŋ yɔ́b gbáá wé, ŋkyé ŋgâ pɔ́b kɛ káŋ kaʼatɛ mbó tsǎŋatsaŋâ, njʉ́ pɔ́ŋmvó pɛ pɔ́b tséʼé mvyéb wɔ́b nɛ́ pó. 37Néré, a ntsɔ́ pwó ŋgíŋgye pé ŋgâ: «Mɔ́b cʉ̌ ntə́ré ntáá. Ntsʉʼmbé ghaŋáfaʼ pé záá pó. 38Puŋ póʼmbwó pwó tɛdfaʼ ŋgâ a twɔ́ pecyó ghaŋáfaʼ ne kábne mɔ́b pé.»
Currently Selected:
Matʉyo 9: XMG
Highlight
Share
Copy
Want to have your highlights saved across all your devices? Sign up or sign in
Matʉyo 9
9
Yěsô pɛ́d taʼ pfɔ́mbəb
(Máá 2:1-12; Lúk 5:17-25)
1A kɛ pe kɛ́ʼɛ́, Yěsô kɔ́ʼɔ́ ndzó páŋ mbó siʼá nse mbódndzəb ndzó mbɛ́lʉ́ŋ yé. 2Pé kyɛ́ taʼ pfɔ́mbəb, a nú ndúŋú kɔʼ, ŋkʉ́yó ne yé pfúŋɔ́ Yěsô. A zhʉ́ psyɛ́ndzɔʼ yɔ́b, ntsɔ́ pwó pfɔ́mbəb ŋgâ: «Tséʼé psyɛ́ndzɔʼ kɛ Mɔ́ŋ ya, mə máʼ kəpɔŋ wo.» 3A kɛ pé néré, pecyó ghaŋákeʼekaŋ tsɔ́ ndzó ndzɔʼ yɔ́b ŋgâ: «Ŋɔŋ wɔŋ too Mboʼmve!» 4Yěsô zí kpaŋató yɔ́b, ntsɔ́ ne pɔ́b ŋgâ: «Puŋ kpáŋa kəpɔŋ ndzó ndzɔʼ yuŋ kɛ́ʼɛ́ ŋkyé kɔ́? 5A kaʼa ndzyáŋá ntsóne ŋgâ: “Mə máʼ kəpɔŋ wo”? Kii a zyaŋá ntsóne ŋgâ: “Ŋǎ sye, nyi”? 6Kpaʼ sísíŋ, puŋ zɛ́ tó puŋ ŋgâ, Mɔ́ŋ ŋɔŋ kúʼɔ́ ne mǎʼne kəpɔŋ pɔŋ ndúŋú tsetsáʼ.» Néré Yěsô pó séd mbəb ye, ntsɔ́ pwó pfɔ́mbəb ŋgâ: «Ŋǎ syé, ndɔ́ɔ́ kɔʼ wo, mbódndzəb ywoʼ yo.» 7Ŋɔŋ wɛ́ ŋǎ syé, mbódndzəb ywoʼ yé. 8Ŋkhoʼyɛ́ pɔŋ kɛ zhʉ́ yéré no nɛ́, pɔ́ɔ́ gbáá wɔ́b, pɔ́b ŋgúʼɔ Mboʼmvé wɛ́ a fɛ́ méré tʉ̌ŋ sáʼne pwó pɔŋ nɛ́.
Yěsô fú Matʉyo
(Máá 2:13-17; Lúk 5:27-32)
9Njʉ́ Yěsô kɛ ghú nɛ́, a ghɛ́ ndzáʼa njʉ́ taʼ ŋɔŋ ghɔ́rɔ́ ywoʼɔ́faʼ yé ntsé kpêsəbe. Tíí ye kɛ pe Matʉyo. A tsɔ́ pwó yé ŋgâ: «Cʉ́ʼɔ́ ndzəb mo.» A ŋǎ syé ndzɔ́ŋɔ wé. 10Njʉ́ Yěsô kɛ pɛ́ ndáb Matʉyo ne ndzône mɔ́b nɛ́, ghaŋákpêsebe zááme pwɛ ghaŋázhyɛ́meno kəpɔŋ kʉ́yó mbɛ́rɛ́ wé pwɛ ŋgíŋgye pé, pwɛ pɔ́b ghód. 11Pɛ Farízya zhʉ́ néré, ntsɔ́ pwó ŋgíŋgye Yěsô ŋgâ: «A zhyɛ́ kɔ́ Kéʼeyáŋ wuŋ zɔ mɔ́b pwɛ ghaŋákpêsebe pwɛ ghaŋázhyɛ́meno kəpɔŋ?» 12Yěsô zóʼ, ntsʉʼmbé, ntsɔ́ ne pɔ́b ŋgâ: «Pɔŋ pɛ́ pɔ́b sʉ́ʼʉ nɛ́ tsé mbé zɔŋɔ ndɔŋta pó, ntsʉʼmbé ndɔŋta tséʼé ghebe pe pwó ghaŋághɔŋ. 13Puŋ ghú nɛ́ ndzéʼ kě tsí no yɔŋ: “A tsaaghəghəŋ mbé yɔ́b yɛ́ mə ndzɔŋɔ nɛ́, mə ndzɔŋɔ pɛ mwɔ̌shʉ́ pó”. Ŋkyé ŋgâ, mə kɛ pé kʉ́yó ne fûne puŋgerɛ́ŋged pó, ntsʉʼmbé mə kɛ kʉ́yó ne fûne ghaŋázhyɛ́ meno kəpɔŋ.»
Fuʼno ne yɔ́b zuŋ pú yé ffé
(Máá 2:18-22; Lúk 5:33-39)
14Ŋgíŋgye Zhâŋ ŋgaŋafɛ́ kpênse, suʼú mbəb yɔ́b fɛ́ pfúŋɔ́ Yěsô, ntsó ŋgâ: «A zhyɛ́ kɔ́ psyɛ pɛ Farízya zɛ̌nse, ŋgíŋgye pó pe tsé ndzɛ yɔ́b pɔ̂?» 15Yěsô pɔ́rɔ́ ne pɔ́b ŋgâ: «Tɛɛmbɛ ghəŋ tsé tsuŋɛ ne tsefɔŋ mɔ́ŋndáá pfúŋɔ́ pɔ́b? Zhyémve tsé ŋkʉ́yó, pé túbɔ́ tsefɔŋ tsetsɛrɛ pɔ́b, pɔ́b zé nse. 16Tɛɛmbɛ ŋɔŋ pe yɔ́ɔ́ pɛ́rɛ́ ndzwé ffé ŋkʉyí ndúŋú ye zuŋ pó. Mbǒ, pɛ́rɛ́ yé ffé yɛ́ pe pfii ndúŋú nɛ́, sú ye zuŋ, ywoʼ yɛ́ a sɛ́ɛ́ nɛ́, ghɛ́ɛ́ ŋgaʼ! 17Pé ndɛ mbé níŋɛ yoʼ ffé ndzó ndzuŋ ghúŋ pó, mbǒ ghúŋ cʉ́, yoʼ pfed, pe ghɛ́ mbzye yoʼ ke mbó mbzyé ghúŋ psyé. Ntsʉʼmbé, pé ndɛ niŋɛ yoʼ ffé pe ndzó ghúŋ ffé, kɛ́ʼɛ́ ŋgâ wo ndɛ mbzyé cyó yɔ́b!»
Yěsô pɛ́d taʼ Məŋgʉ́yé mbó njʉyɛ́ taʼ Mɔ́ŋ Məŋgʉ́yé
(Máá 5:21-43; Lúk 8:40-56)
18Njʉ́ Yěsô kɛ tsɔ́ néré ne pɔ́b kɛ́ʼɛ́ nɛ́, taʼ ŋgəkód suʼú mbəb ye mbɛ́rɛ́ wé, féd kweʼé mé síŋ ye, ntsɔ́ pwó yé ŋgâ: «Mɔ́ŋ ya wé Məŋgʉ́yé kɛ pfó ŋkhoʼyɔŋ. Ntsʉʼmbé, mə mbóʼómbwó, kʉ́yó ndzáb pwó wo mbəb ye, a zhʉyɛ́.» 19Yěsô ŋáá syé, pwɛ ŋgíŋgye pé zɔŋɔ wé.
20Taʼ Məŋgʉ́yé pɛ́ yóʼó nsə cʉ̌yi mbəb ye, féré ŋkhoʼyɔŋ ne ntsɔ̌b ŋgǒʼmvé yípáá. A kʉ́yó ndzəb Yěsô, ŋkebe sáŋ ndzwé ye. 21A tsɔ́ ndzó ndzɔʼ ye ŋgâ: «Mə ké ŋkɛ́bɛ́ ndaʼ ndzwé ye kaʼa, mbǒ mə ndzú.» 22Ntsʉʼmbé, Yěsô séd mbəb ye, njʉ́ wé ntsó ŋgâ: «Tséʼé gbáá ndzɔʼ, kɛ Mɔ́ŋ ya! Psyɛ́ndzɔʼ wo kpéé wo.» Ndzyěne ŋkhoʼyéré, Məŋgʉ́yé wéré ke ndzû néré.
23Yěsô kɛ ghɛ́ mbáŋa ywoʼ ŋgəkód wéré, njʉ́ ghaŋápóʼó yɔ́ŋɔ́, pɔŋ zááme pɛ yóʼó tsé ŋkhɔ́ kaʼatɛ. Yěsô ntsɔ́ ne pɔ́b ŋgâ: 24«Puŋ suʼú mbəb yúŋ! Mɔ́ŋ Məŋgʉ́yé wɔŋ pfó pó. A zhyé zhyé.» A kɛ pé néré, pɔ́b pó ntúŋɔ wé tuŋu. 25Ŋkhoʼyɛ́ pé kɛ ntúbú pɔŋ náá fɛ́ mvé nɛ́, Yěsô ŋkuŋɔ ndáb, gbáá pwó Mɔ́ŋ wéré, a zhʉyɛ́. 26No yéré gbáʼ ŋkɔŋɔ yéré pɛ́rɛ́ ŋgɔŋ náá.
Yěsô pɛ́d ffǒme pépáá
27Njʉ́ Yěsô kɛ ghú nɛ́, ffǒme pépáá zɔŋɔ wé, nyí ŋgéʼé, ntsɔ́ ŋgâ: «Mɔ́ŋ fɔŋ Ndavíd tsaaghəghəŋ zhí!» 28Ŋkhoʼyɛ́ Yěsô kɛ ŋkúŋɔ́ ndáb nɛ́, ffǒme pɛ suʼú mbəb yɔ́b mbɛ́rɛ́ we. A ntsɔ́ ne pɔ́b ŋgâ: «Puŋ kpaŋ ŋgâ tɛɛmbɛ mə ŋgyɛ́ yekénɛ́ no?» Pɔ́b pɔ́rɔ́ pwó ye ŋgâ: «Ɔ́ŋɔ́, kɛ Ntsɛɛpɔŋ.» 29Néré, a kébé míí mɔ́b, ntsó ŋgâ: «A pɛ́ njʉ́ psyɛ́ndzɔʼ yúŋ ghú nɛ́.» 30Míí mɔ́b ŋáʼ, pɔ́b zhʉ́ ywoʼ. Yěsô pó sû ntəŋé mɔ́b ne pʉ̌ŋgye, ntsɔ́ ne pɔ́b ŋgâ: «Puŋ zhyáŋá nɛ́ kii ŋɔŋ zé!» 31Ntsʉʼmbé, pɔ́b ke ŋgɛ ntwɔ́, ke fú yɔ́b pe tíí Yěsô ndzó ŋkɔŋɔ yéré pɛ́rɛ́ ŋgɔŋ náá.
Yěsô pɛ́d taʼ moʼ wɛ́ zhʉye kəpɔŋ kɛ pɛ mbəb ye nɛ́
(Lúk 11:14-15)
32Njʉ́ pɛ ffǒme péré kɛ ghú yɔ́b nɛ́, pé kʉ́yó ne taʼ moʼ wɛ́ zhʉye kəpɔŋ kɛ pɛ́ mbəb ye nɛ́, pfúŋɔ́ Yěsô. 33Njʉ́ Yěsô kɛ túbú zhʉye kəpɔŋ mbəb yé nɛ́, a zyé ntsóne no. No tsɛ́ɛ́ pɔŋ zááme pɛ́ pɔ́b kɛ pɛ́ yóʼó nɛ́, pɔ́b tsɔ́ ŋgâ: «Ngáŋ! Pe kâ kɛ zhʉ́ taʼ no njʉ́ yɔŋ nɛ́ ndzó ŋgɔŋ Issayɛ pó.» 34Ntsʉʼmbé, pɛ Farízya tsɔ́ yɔ́b pe ŋgâ: «Á ntsɛ́ssó pɛ zhʉye kəpɔŋ, fɛ́ tʉ̌ŋ pwó ye ŋgâ a zú pɛ zhʉye kəpɔŋ núŋ.»
Yěsô tsaaghəghəŋ kɛ́rɛ́ pɔŋ
(Máá 6:6b; Máá 6:34; Lúk 10:2)
35Yěsô kɛ nyí ndzó ŋkɔŋɔ pɛ mbɛ́lʉ́ŋ pwɛ ŋkɔŋɔ pɛ yáʼ náá, fɛ́ ntʉ́ʉ ndzó pɛ ndántéré pɛ Yúda, mbó ncʉ́rɛ ŋkəŋ sʉ́ʼʉ ne no Nofɔŋ Mboʼmve, mbɛ́rɛ́ ŋkɔŋɔ mbziʼe ghɔŋ pwɛ ŋkɔŋɔ mbziʼe yɔ́ʼɔ́ náá. 36Njʉ́ Yěsô kɛ zhʉ́ kɛ́rɛ́ pɔŋ nɛ́, ghəghəŋ yɔ́b gbáá wé, ŋkyé ŋgâ pɔ́b kɛ káŋ kaʼatɛ mbó tsǎŋatsaŋâ, njʉ́ pɔ́ŋmvó pɛ pɔ́b tséʼé mvyéb wɔ́b nɛ́ pó. 37Néré, a ntsɔ́ pwó ŋgíŋgye pé ŋgâ: «Mɔ́b cʉ̌ ntə́ré ntáá. Ntsʉʼmbé ghaŋáfaʼ pé záá pó. 38Puŋ póʼmbwó pwó tɛdfaʼ ŋgâ a twɔ́ pecyó ghaŋáfaʼ ne kábne mɔ́b pé.»
Currently Selected:
:
Highlight
Share
Copy
Want to have your highlights saved across all your devices? Sign up or sign in