Matʉyo 10
10
Faʼ yɛ́ ntsɔ̌b ŋgíŋgye Yěsô pépáá kɛ faʼ nɛ́
(Máá 3:16-19; Lúk 6:14-16)
1Yěsô zhyɛ́ ntsɔ̌b ŋgíŋgye pépáá kʉ́yó pfuŋ yé, a fɛ́ tʉ̌ŋ sáʼne ne ndzǔne pɛ zhʉye kəpɔŋ, mbó fɛ́ tʉ̌ŋ mbɛ́dne ŋkɔŋɔ pɛ ghɔŋ pwɛ ŋkɔŋɔ pɛ ŋkʉ́ŋʉ́ náá ne pɔ́b.
2Yɔŋ tíí ntsɔ̌b ghaŋántɔ́b pépáá péré. Sɔ́ yé, Símo wɛ́ pe kɛ fú wé ne Pětro nɛ́, pú Andéré mɔ́ŋmɛ́ yé, Zhakə, Mɔ́ŋ Zebede pú Zhâŋ mɔ́ŋmɛ́ ye, 3Filipo pú Batelemi, Tomâsə pú Matʉyo ŋgaŋakpêsebe, Tádé pú Zhakə Mɔ́ŋ Áləfe, 4Símo, mwɔ́tsɛpěŋgɔŋ, ne Zhʉ́da Iskaryotə wɛ́ a kɛ ghɛ́ fí Yěsô nɛ́.
(Máá 6:7-11; Lúk 9:2-5; Lúk 10:3-12)
5Yěsô twɔ́ ntsɔ̌b pɔŋ pépáá péré ne faʼ, fɛ́ kaŋ ne pɔ́b ntsó ŋgâ: «Puŋ ndɛ ŋgú yóʼó pɔŋ pɛ́ pɔ́b pɛ Yúda nɛ́ pó, kii pó kúŋɔ́ ndzó taʼ mbɛ́lʉ́ŋ ŋgɔŋ Samari. 6Ntsʉʼmbé, puŋ pó ŋgú pfúŋɔ́ pɔŋ Issayɛ pɛ́, pɔ́b pɛ́ɛ́ njʉ́ pɔ́ŋmvó pɛ́ pɔ́b pwó nɛ́. 7Puŋ nyí ncʉri ŋgâ: “Nofɔŋ Mboʼmvé kɛ nyi kaʼatɛ mbɛ́rɛ́ wúŋ.” 8Puŋ pɛ́d ghaŋághɔŋ, mbó njʉyɛ́ pɔŋ ne vó, sǒ ghaŋákəkóó, ndzú pɛ zhʉye kəpɔŋ. Pé kɛ fɛ́ ne puŋ pe ndzəndzoʼ, puŋ ke mbó fɛ́ yúŋ pe ndzəndzoʼ.
9Puŋ ndɛ ndɔ́ɔ́ tʉŋɔ́paŋ, kii pó ndɔ́ɔ́ mbób. Puŋ ndɛ ntséʼé Meŋgyé mbób ndzó ŋkandáá púŋ. 10Puŋ ndɛ ndɔ́ɔ́ pab, mbɛ ndzwé fóó yípáá, kii pó ndɔ́ɔ́ tɔ́kpee, kii ŋkəmbaŋ, ŋkyé ŋgâ a zɔŋɔ ŋgâ pe fɛ́ péé ŋgaŋafaʼ pwó yé. 11Ndzó mbɛ́lʉ́ŋ kii yáʼ yɛ́ puŋ ŋkuŋɔ́ nɛ́, puŋ táʼ tsi kaʼatɛ ndzé ŋɔŋ wɛ́ a kuʼɔ ne ndɔ̌ne wúŋ sʉ́ʼʉ nɛ́. Puŋ tsó yóʼó kaʼatɛ mbáŋ ŋkhoʼyɛ́ puŋ ŋáá nɛ́. 12Puŋ mbɔŋ ŋgɛ́ ŋkuŋɔ́ ndzó taʼ ndáb, puŋ tsɛʼɛ pɔŋ pɛ́ pɔ́b ndzóó nɛ́. 13A pɛ́ɛ́ yɛ́ ndáb yéré kuʼɔ ne kpêne mbúru yuŋ nɛ́, mbǒ mbúru yuŋ ŋkuŋɔ́ ndzóó. Ntsʉʼmbé yɛ́ a kuʼu nɛ́ pó, mbǒ mbúru yuŋ mbɔ́rɔ́ ne puŋ. 14Ywoʼ yɛ́ pé yɔ́ɔ́ wúŋ sʉ́ʼʉ nɛ́ pó, mbó mbé zóʼ ntsó wuŋ nɛ́ pó, puŋ ghɛ́ twɔ́ ndzó ndáb kii ŋgâ mbɛ́lʉ́ŋ yéré, ntséd pfúbɔ́ ndúŋú tɔ́kpee múŋ. 15Kpaʼ sísíŋ mə səŋɛ wuŋ ŋgâ, ŋkhoʼyɛ́ Mboʼmve ŋkʉ́yó sábáfiʼ mvémvé nɛ́, mɔ́ŋféé mbɛ́lʉ́ŋ yéré tsɛ́ɛ́ ye mbé ŋgɔŋ Sodɔmə pú Gomɔɔ kaʼatɛ.»
Ŋgəʼo yɛ́ a ŋkʉ́yó ŋkúŋɔ́ ŋgíŋgye nɛ́
(Máá 13:9-13; Lúk 12:11-12; 21:12-19)
16Yěsô pó ntsó ŋgâ: «Mə ntwɔ́ wúŋ nɛ́ pé njʉ́ pɔ́ŋmvó ndzɔ́ʼɔ́ pɛ ntsɔbɔ nɛ́. Puŋ tséʼé zé njʉ́ pɛ ménsémákpáʼ nɛ́, mbó mbé mbóʼ njʉ́ pɛ́ Mɔ́ŋ nɛ́.
17Puŋ zhyaŋa pɔŋ. Ŋkyé ŋgâ pɔ́b náʼá fí wúŋ pwó ghaŋásábáfiʼ kəkwéʼe, mbó gbíí wúŋ ndzó pɛ ndántéré. 18Pe sɔbɔ́ wúŋ síŋ pɛ ŋgɔ́bmenaʼ pwɛ pɛ péfɔŋ ŋkyé ya. Kɛ́ʼɛ́, puŋ pé ghaŋákpééntáŋ páá síŋ pɔ́b pwɛ pɔŋ pɛ́ pɔ́b pɛ Yúda nɛ́ pó. 19Ŋkhoʼyɛ́ puŋ ŋkʉ́yó ntsɛ́ yóʼó nɛ́, puŋ ndɛ tsé mbɔ̂ ŋgâ: “Psi ntsɔ́ɔ́ ŋgâ kɔ́?” Kii ŋgâ: “Psi ntsɔ́ɔ́ niŋ?” Mboʼmve fɛ́ ntsó ye nné puŋ, puŋ ntsó ŋkhoʼyéré. 20Ŋkyé ŋgâ a náʼá mbé tsɔ́ puŋ pó, a náʼá ntsɔ́ Zhʉye Mboʼmve, Tɛd wuŋ, mbəb puŋ. 21Ŋɔŋ ŋkʉ́yó fí mɔ́ŋmɛ́ ye pe nɔ́ʼ. Tɛd pó fí Mɔ́ŋ ye. Pɛ Mɔ́ŋ tsɔ́ʼ pɛ mimíí ndiŋɛ́ tɛd pɔ́b núŋ, kaʼatɛ ŋgyɛ́ pe fúŋɔ́ wɔ́b ne nɔ̌ʼne. 22Ŋkɔŋɔ ŋɔŋ náá ŋkʉ́yó mbáŋa wúŋ ŋkyé tíí ya. Ntsʉʼmbé ŋɔŋ wɛ́ a ŋkʉ́yó sɛ́ɛ́ kaʼatɛ mbáŋá ne myé yé nɛ́, Mboʼmve kpéé wé. 23Ŋkhoʼyɛ́ pe tsé ndzaa wúŋ ne ŋgəʼo ndzó taʼ mbɛ́lʉ́ŋ nɛ́, puŋ khii ŋgú ndzó cyó. Kpaʼ sísíŋ, mə sə́ŋɛ́ wúŋ ŋgâ puŋ ndzyɛ̂ ŋkɔŋɔ pɛ́ mbɛ́lʉ́ŋ pɛ, a ndzó ŋgɔŋ Issayɛ náá nɛ́, kii Mɔ́ŋ ŋɔŋ kʉ́yó pó. 24Tɛɛmbɛ ŋgaŋweʼe pé tsɛ́ɛ́ Kéʼeyáŋ ye pó, kii mkpaŋ pó ntsɛ́ɛ́ ntsɛɛpɔŋ yé. 25Ŋgɛmbɛ ne ŋgaŋweʼe, a zhyɛ́ no kaʼatɛ, a pɛ́ njʉ́ Kéʼeyáŋ ye nɛ́. Mkpaŋ zhyɛ́ no kaʼatɛ, mbǒ a mbɛɛ njʉ́ ntsɛɛpɔŋ yé nɛ́. Njʉ́ pɔ́b kɛ fú tɛndɛndáb ne Bɛɛzebʉlə nɛ́, kɛ́ɛ́ yíkɔ́ ne ghaŋándáb pé!»
Puŋ ndɛ mbɔ́ɔ́
(Máá 8:38; Lúk 9:26; 12:2-9)
26«Puŋ ndɛ mbɔ́ɔ́ wɔ́b nɛ́! Cyó yɔ́b ywʉ̂me yɛ́, pé ŋkʉ́yó ntsó kii kee nɛ́ ghú pó. Cyó yɔ́b yɛ́ tɛɛmbɛ pé nyáʼá, pé kʉ́yó ntsó kii zé nɛ́ ghú pó. 27No yɛ́ mə ntsɛ́ ndzɔ́ʼɔ́ ndzə́ndzə́b ntsɔ́ ne puŋ nɛ́, puŋ ntsɔ̂ ne zhyáŋá. Yɛ́ pé nyáʼá ntsɔ́ɔ́ ndzó ntəŋé múŋ nɛ́, puŋ ntsɛ́ɛ́ ntsɔ̌ʼndáb ncʉri. 28Puŋ ndɛ tsé mbɔɔ pɔŋ pɛ́ pɔ́b nɔʼɔ ndzáb mbəb kii tɛɛmbɛ pɔ́b nɔ̌ʼ Ménee nɛ́. Puŋ pɔ́ɔ́ ŋɔŋ wɛ́ tɛɛmbɛ a zhyɛ́ Ménee ŋɔŋ pú ndzáb mbəb ŋɔŋ shʉbɛ ndzɔ́ʼɔ́ mɔ́ɔ́ nɛ́. 29Ŋgâ ndɔŋɔ tsóókɔrɔ ndɛ pfɔ́ kaʼatɛ pe fí pépáá ne taʼ ŋkápaa? Ntsʉ́ʼŋgɛ mbɛ, tɛɛmbɛ taʼ ye ke mbé vɔ́ syé kii Mboʼmve Tɛd wuŋ psyɛ́ pó. 30Ŋgɛ mbɛ ne puŋ, mbɛ ndɔŋɔ nwɔ̌tó múŋ! A sí, ndzé ndíí mé. 31Puŋ ndɛ tsé mbɔ́ɔ́ nɛ́! Puŋ tséʼé ghebe pwó Mboʼmve kaʼatɛ ntsɛ́ɛ́ ŋkɔŋɔ pɛ tsóókɔrɔ náá. 32Ŋɔŋ wɛ́ a tsɔ́ síŋ pumésɔŋ ŋgâ: “Tsómvé ya pɛ́ɛ́ pwó Yěsô!” nɛ́, mbǒ tómbəb ya, mə náʼá ke ntsɔ́ ŋgâ a ŋu ya, síŋ Tɛd ya, yé wɛ́ á pépéé nɛ́. 33Ntsʉʼmbé, ŋɔŋ wɛ́ a sírí ya síŋ pumésɔŋ nɛ́, mbǒ, mə ké náʼá sirɛ́ wé síŋ Tɛd ya wɛ́ pépéé nɛ́.»
Yěsô kʉ́yó ne mbúru pó, a kʉ́yó ne ntsɔ̂
(Lúk 12:51-53)
34Yěsô ntsó ŋkʉ́rʉ́ ŋgâ: «Puŋ ndɛ kpaŋ ŋgâ mə ŋkʉ́yó ne fɛ́ne mbúru ndúŋú tsetsáʼ. Mə ŋkʉ́yó ne fɛ́ne mbúru pó, n ntsʉʼmbé mə ŋkʉ́yó ne ntsɔ̂. 35Ɔ́ŋɔ́, mə ŋkʉ́yó ne sǎŋne ŋɔŋ pú tɛd yé, Mɔ́ŋ Məŋgʉ́yé pú mɛ́ yé, ŋgʉyé Mɔ́ŋ pú mɛ́yɔ́b yé. 36Ŋgaŋakəpeŋe wo ŋkʉ́yó ke mbɛ́ɛ́ ŋgaŋandáb wo.»
Ŋɔŋ wɛ́ a kúʼɔ́ ne mbéne ŋɔŋ Yěsô
(Máá 8:34-35; Lúk 14:26-27; 9:23-24)
37«Ŋɔŋ wɛ́ a kʉ́yé tɛd ye kii mɛ́ yé kaʼatɛ ntsɛ́ɛ́ ya nɛ́, a kúŋɔ́ ne mbéne ŋɔŋ ya pó. Ŋɔŋ wɛ́ a kʉ́yé Mɔ́ŋ yé wé ŋumbzí kii wé Məŋgʉ́yé kaʼatɛ ntsɛ́ɛ́ ya nɛ́, a kúʼɔ́ ne mbéne ŋɔŋ ya pó. 38Ŋɔŋ wɛ́ a kyɛ́ ye ŋgʉŋʉ ntsʉ́ʼɔ́ ndzəb mo nɛ́ pó, a kúʼɔ́ ne mbéne ŋɔŋ ya pó. 39Ŋɔŋ wɛ́ a ntáʼá ne ŋgəʼéne tsómvé yé nɛ́ náʼá mbzyé, ntsʉʼmbé ŋɔŋ wɛ́ a náʼá mbzyé tsómvé ŋkyé ya nɛ́, ntsɛ́ʼɛ́.»
Ŋɔŋ wɛ́ a ghəyɛ́ wúŋ nɛ́ ghəyɛ́ páá
(Máá 9:37; 9:41; Lúk 9:48; 10:16; Zhâ 13:20)
40«Ŋɔŋ wɛ́ a ghəhɛ́ wúŋ nɛ́, a ghəyɛ́ kpaʼ tómbəb ya. Ŋɔŋ wɛ́ a ghəyɛ́ ya nɛ́, ghəyɛ́ ŋɔŋ wɛ́ a twɔ́ ya nɛ́. 41Ŋɔŋ wɛ́ a ghəhɛ́ taʼ ghaŋátsɔ́kpaŋató Mboʼmve njʉ́ taʼ ŋgaŋatsɔ́kpaŋató Mboʼmvé nɛ́, a náʼá ntsɛ́ʼɛ́ ntsɔʼfaʼ ŋgaŋatsɔ́kpaŋató Mboʼmve. Ŋɔŋ wɛ́ a ghəyɛ́ taʼ ŋɔŋ ŋuŋgerɛ́ŋged siŋ Mboʼmve njʉ́ taʼ ŋɔŋ ŋuŋgerɛ́ŋged nɛ́, a náʼá ntsɛ́ʼɛ́ ntsɔʼfaʼ ŋɔŋ ŋuŋgerɛ́ŋged. 42Ŋɔŋ wɛ́ a náʼá fɛ́ nse nɔ̌ nɔ̂, mbɛ ndaʼ taʼ ndɔ́ŋ nse fwó pwó taʼ Mɔ́ŋ ndzɔ́ʼɔ́ pɔ́ŋ pɔŋ ŋkyé no meŋkho ya wɛ́ a ndúŋú nɛ́, mə sə́ŋɛ́ wúŋ nɛ́ kpaʼ sísíŋ ŋgâ a náʼá mbzyé tsɔʼfaʼ yé pó.»
Currently Selected:
Matʉyo 10: XMG
Highlight
Share
Copy
Want to have your highlights saved across all your devices? Sign up or sign in
Matʉyo 10
10
Faʼ yɛ́ ntsɔ̌b ŋgíŋgye Yěsô pépáá kɛ faʼ nɛ́
(Máá 3:16-19; Lúk 6:14-16)
1Yěsô zhyɛ́ ntsɔ̌b ŋgíŋgye pépáá kʉ́yó pfuŋ yé, a fɛ́ tʉ̌ŋ sáʼne ne ndzǔne pɛ zhʉye kəpɔŋ, mbó fɛ́ tʉ̌ŋ mbɛ́dne ŋkɔŋɔ pɛ ghɔŋ pwɛ ŋkɔŋɔ pɛ ŋkʉ́ŋʉ́ náá ne pɔ́b.
2Yɔŋ tíí ntsɔ̌b ghaŋántɔ́b pépáá péré. Sɔ́ yé, Símo wɛ́ pe kɛ fú wé ne Pětro nɛ́, pú Andéré mɔ́ŋmɛ́ yé, Zhakə, Mɔ́ŋ Zebede pú Zhâŋ mɔ́ŋmɛ́ ye, 3Filipo pú Batelemi, Tomâsə pú Matʉyo ŋgaŋakpêsebe, Tádé pú Zhakə Mɔ́ŋ Áləfe, 4Símo, mwɔ́tsɛpěŋgɔŋ, ne Zhʉ́da Iskaryotə wɛ́ a kɛ ghɛ́ fí Yěsô nɛ́.
(Máá 6:7-11; Lúk 9:2-5; Lúk 10:3-12)
5Yěsô twɔ́ ntsɔ̌b pɔŋ pépáá péré ne faʼ, fɛ́ kaŋ ne pɔ́b ntsó ŋgâ: «Puŋ ndɛ ŋgú yóʼó pɔŋ pɛ́ pɔ́b pɛ Yúda nɛ́ pó, kii pó kúŋɔ́ ndzó taʼ mbɛ́lʉ́ŋ ŋgɔŋ Samari. 6Ntsʉʼmbé, puŋ pó ŋgú pfúŋɔ́ pɔŋ Issayɛ pɛ́, pɔ́b pɛ́ɛ́ njʉ́ pɔ́ŋmvó pɛ́ pɔ́b pwó nɛ́. 7Puŋ nyí ncʉri ŋgâ: “Nofɔŋ Mboʼmvé kɛ nyi kaʼatɛ mbɛ́rɛ́ wúŋ.” 8Puŋ pɛ́d ghaŋághɔŋ, mbó njʉyɛ́ pɔŋ ne vó, sǒ ghaŋákəkóó, ndzú pɛ zhʉye kəpɔŋ. Pé kɛ fɛ́ ne puŋ pe ndzəndzoʼ, puŋ ke mbó fɛ́ yúŋ pe ndzəndzoʼ.
9Puŋ ndɛ ndɔ́ɔ́ tʉŋɔ́paŋ, kii pó ndɔ́ɔ́ mbób. Puŋ ndɛ ntséʼé Meŋgyé mbób ndzó ŋkandáá púŋ. 10Puŋ ndɛ ndɔ́ɔ́ pab, mbɛ ndzwé fóó yípáá, kii pó ndɔ́ɔ́ tɔ́kpee, kii ŋkəmbaŋ, ŋkyé ŋgâ a zɔŋɔ ŋgâ pe fɛ́ péé ŋgaŋafaʼ pwó yé. 11Ndzó mbɛ́lʉ́ŋ kii yáʼ yɛ́ puŋ ŋkuŋɔ́ nɛ́, puŋ táʼ tsi kaʼatɛ ndzé ŋɔŋ wɛ́ a kuʼɔ ne ndɔ̌ne wúŋ sʉ́ʼʉ nɛ́. Puŋ tsó yóʼó kaʼatɛ mbáŋ ŋkhoʼyɛ́ puŋ ŋáá nɛ́. 12Puŋ mbɔŋ ŋgɛ́ ŋkuŋɔ́ ndzó taʼ ndáb, puŋ tsɛʼɛ pɔŋ pɛ́ pɔ́b ndzóó nɛ́. 13A pɛ́ɛ́ yɛ́ ndáb yéré kuʼɔ ne kpêne mbúru yuŋ nɛ́, mbǒ mbúru yuŋ ŋkuŋɔ́ ndzóó. Ntsʉʼmbé yɛ́ a kuʼu nɛ́ pó, mbǒ mbúru yuŋ mbɔ́rɔ́ ne puŋ. 14Ywoʼ yɛ́ pé yɔ́ɔ́ wúŋ sʉ́ʼʉ nɛ́ pó, mbó mbé zóʼ ntsó wuŋ nɛ́ pó, puŋ ghɛ́ twɔ́ ndzó ndáb kii ŋgâ mbɛ́lʉ́ŋ yéré, ntséd pfúbɔ́ ndúŋú tɔ́kpee múŋ. 15Kpaʼ sísíŋ mə səŋɛ wuŋ ŋgâ, ŋkhoʼyɛ́ Mboʼmve ŋkʉ́yó sábáfiʼ mvémvé nɛ́, mɔ́ŋféé mbɛ́lʉ́ŋ yéré tsɛ́ɛ́ ye mbé ŋgɔŋ Sodɔmə pú Gomɔɔ kaʼatɛ.»
Ŋgəʼo yɛ́ a ŋkʉ́yó ŋkúŋɔ́ ŋgíŋgye nɛ́
(Máá 13:9-13; Lúk 12:11-12; 21:12-19)
16Yěsô pó ntsó ŋgâ: «Mə ntwɔ́ wúŋ nɛ́ pé njʉ́ pɔ́ŋmvó ndzɔ́ʼɔ́ pɛ ntsɔbɔ nɛ́. Puŋ tséʼé zé njʉ́ pɛ ménsémákpáʼ nɛ́, mbó mbé mbóʼ njʉ́ pɛ́ Mɔ́ŋ nɛ́.
17Puŋ zhyaŋa pɔŋ. Ŋkyé ŋgâ pɔ́b náʼá fí wúŋ pwó ghaŋásábáfiʼ kəkwéʼe, mbó gbíí wúŋ ndzó pɛ ndántéré. 18Pe sɔbɔ́ wúŋ síŋ pɛ ŋgɔ́bmenaʼ pwɛ pɛ péfɔŋ ŋkyé ya. Kɛ́ʼɛ́, puŋ pé ghaŋákpééntáŋ páá síŋ pɔ́b pwɛ pɔŋ pɛ́ pɔ́b pɛ Yúda nɛ́ pó. 19Ŋkhoʼyɛ́ puŋ ŋkʉ́yó ntsɛ́ yóʼó nɛ́, puŋ ndɛ tsé mbɔ̂ ŋgâ: “Psi ntsɔ́ɔ́ ŋgâ kɔ́?” Kii ŋgâ: “Psi ntsɔ́ɔ́ niŋ?” Mboʼmve fɛ́ ntsó ye nné puŋ, puŋ ntsó ŋkhoʼyéré. 20Ŋkyé ŋgâ a náʼá mbé tsɔ́ puŋ pó, a náʼá ntsɔ́ Zhʉye Mboʼmve, Tɛd wuŋ, mbəb puŋ. 21Ŋɔŋ ŋkʉ́yó fí mɔ́ŋmɛ́ ye pe nɔ́ʼ. Tɛd pó fí Mɔ́ŋ ye. Pɛ Mɔ́ŋ tsɔ́ʼ pɛ mimíí ndiŋɛ́ tɛd pɔ́b núŋ, kaʼatɛ ŋgyɛ́ pe fúŋɔ́ wɔ́b ne nɔ̌ʼne. 22Ŋkɔŋɔ ŋɔŋ náá ŋkʉ́yó mbáŋa wúŋ ŋkyé tíí ya. Ntsʉʼmbé ŋɔŋ wɛ́ a ŋkʉ́yó sɛ́ɛ́ kaʼatɛ mbáŋá ne myé yé nɛ́, Mboʼmve kpéé wé. 23Ŋkhoʼyɛ́ pe tsé ndzaa wúŋ ne ŋgəʼo ndzó taʼ mbɛ́lʉ́ŋ nɛ́, puŋ khii ŋgú ndzó cyó. Kpaʼ sísíŋ, mə sə́ŋɛ́ wúŋ ŋgâ puŋ ndzyɛ̂ ŋkɔŋɔ pɛ́ mbɛ́lʉ́ŋ pɛ, a ndzó ŋgɔŋ Issayɛ náá nɛ́, kii Mɔ́ŋ ŋɔŋ kʉ́yó pó. 24Tɛɛmbɛ ŋgaŋweʼe pé tsɛ́ɛ́ Kéʼeyáŋ ye pó, kii mkpaŋ pó ntsɛ́ɛ́ ntsɛɛpɔŋ yé. 25Ŋgɛmbɛ ne ŋgaŋweʼe, a zhyɛ́ no kaʼatɛ, a pɛ́ njʉ́ Kéʼeyáŋ ye nɛ́. Mkpaŋ zhyɛ́ no kaʼatɛ, mbǒ a mbɛɛ njʉ́ ntsɛɛpɔŋ yé nɛ́. Njʉ́ pɔ́b kɛ fú tɛndɛndáb ne Bɛɛzebʉlə nɛ́, kɛ́ɛ́ yíkɔ́ ne ghaŋándáb pé!»
Puŋ ndɛ mbɔ́ɔ́
(Máá 8:38; Lúk 9:26; 12:2-9)
26«Puŋ ndɛ mbɔ́ɔ́ wɔ́b nɛ́! Cyó yɔ́b ywʉ̂me yɛ́, pé ŋkʉ́yó ntsó kii kee nɛ́ ghú pó. Cyó yɔ́b yɛ́ tɛɛmbɛ pé nyáʼá, pé kʉ́yó ntsó kii zé nɛ́ ghú pó. 27No yɛ́ mə ntsɛ́ ndzɔ́ʼɔ́ ndzə́ndzə́b ntsɔ́ ne puŋ nɛ́, puŋ ntsɔ̂ ne zhyáŋá. Yɛ́ pé nyáʼá ntsɔ́ɔ́ ndzó ntəŋé múŋ nɛ́, puŋ ntsɛ́ɛ́ ntsɔ̌ʼndáb ncʉri. 28Puŋ ndɛ tsé mbɔɔ pɔŋ pɛ́ pɔ́b nɔʼɔ ndzáb mbəb kii tɛɛmbɛ pɔ́b nɔ̌ʼ Ménee nɛ́. Puŋ pɔ́ɔ́ ŋɔŋ wɛ́ tɛɛmbɛ a zhyɛ́ Ménee ŋɔŋ pú ndzáb mbəb ŋɔŋ shʉbɛ ndzɔ́ʼɔ́ mɔ́ɔ́ nɛ́. 29Ŋgâ ndɔŋɔ tsóókɔrɔ ndɛ pfɔ́ kaʼatɛ pe fí pépáá ne taʼ ŋkápaa? Ntsʉ́ʼŋgɛ mbɛ, tɛɛmbɛ taʼ ye ke mbé vɔ́ syé kii Mboʼmve Tɛd wuŋ psyɛ́ pó. 30Ŋgɛ mbɛ ne puŋ, mbɛ ndɔŋɔ nwɔ̌tó múŋ! A sí, ndzé ndíí mé. 31Puŋ ndɛ tsé mbɔ́ɔ́ nɛ́! Puŋ tséʼé ghebe pwó Mboʼmve kaʼatɛ ntsɛ́ɛ́ ŋkɔŋɔ pɛ tsóókɔrɔ náá. 32Ŋɔŋ wɛ́ a tsɔ́ síŋ pumésɔŋ ŋgâ: “Tsómvé ya pɛ́ɛ́ pwó Yěsô!” nɛ́, mbǒ tómbəb ya, mə náʼá ke ntsɔ́ ŋgâ a ŋu ya, síŋ Tɛd ya, yé wɛ́ á pépéé nɛ́. 33Ntsʉʼmbé, ŋɔŋ wɛ́ a sírí ya síŋ pumésɔŋ nɛ́, mbǒ, mə ké náʼá sirɛ́ wé síŋ Tɛd ya wɛ́ pépéé nɛ́.»
Yěsô kʉ́yó ne mbúru pó, a kʉ́yó ne ntsɔ̂
(Lúk 12:51-53)
34Yěsô ntsó ŋkʉ́rʉ́ ŋgâ: «Puŋ ndɛ kpaŋ ŋgâ mə ŋkʉ́yó ne fɛ́ne mbúru ndúŋú tsetsáʼ. Mə ŋkʉ́yó ne fɛ́ne mbúru pó, n ntsʉʼmbé mə ŋkʉ́yó ne ntsɔ̂. 35Ɔ́ŋɔ́, mə ŋkʉ́yó ne sǎŋne ŋɔŋ pú tɛd yé, Mɔ́ŋ Məŋgʉ́yé pú mɛ́ yé, ŋgʉyé Mɔ́ŋ pú mɛ́yɔ́b yé. 36Ŋgaŋakəpeŋe wo ŋkʉ́yó ke mbɛ́ɛ́ ŋgaŋandáb wo.»
Ŋɔŋ wɛ́ a kúʼɔ́ ne mbéne ŋɔŋ Yěsô
(Máá 8:34-35; Lúk 14:26-27; 9:23-24)
37«Ŋɔŋ wɛ́ a kʉ́yé tɛd ye kii mɛ́ yé kaʼatɛ ntsɛ́ɛ́ ya nɛ́, a kúŋɔ́ ne mbéne ŋɔŋ ya pó. Ŋɔŋ wɛ́ a kʉ́yé Mɔ́ŋ yé wé ŋumbzí kii wé Məŋgʉ́yé kaʼatɛ ntsɛ́ɛ́ ya nɛ́, a kúʼɔ́ ne mbéne ŋɔŋ ya pó. 38Ŋɔŋ wɛ́ a kyɛ́ ye ŋgʉŋʉ ntsʉ́ʼɔ́ ndzəb mo nɛ́ pó, a kúʼɔ́ ne mbéne ŋɔŋ ya pó. 39Ŋɔŋ wɛ́ a ntáʼá ne ŋgəʼéne tsómvé yé nɛ́ náʼá mbzyé, ntsʉʼmbé ŋɔŋ wɛ́ a náʼá mbzyé tsómvé ŋkyé ya nɛ́, ntsɛ́ʼɛ́.»
Ŋɔŋ wɛ́ a ghəyɛ́ wúŋ nɛ́ ghəyɛ́ páá
(Máá 9:37; 9:41; Lúk 9:48; 10:16; Zhâ 13:20)
40«Ŋɔŋ wɛ́ a ghəhɛ́ wúŋ nɛ́, a ghəyɛ́ kpaʼ tómbəb ya. Ŋɔŋ wɛ́ a ghəyɛ́ ya nɛ́, ghəyɛ́ ŋɔŋ wɛ́ a twɔ́ ya nɛ́. 41Ŋɔŋ wɛ́ a ghəhɛ́ taʼ ghaŋátsɔ́kpaŋató Mboʼmve njʉ́ taʼ ŋgaŋatsɔ́kpaŋató Mboʼmvé nɛ́, a náʼá ntsɛ́ʼɛ́ ntsɔʼfaʼ ŋgaŋatsɔ́kpaŋató Mboʼmve. Ŋɔŋ wɛ́ a ghəyɛ́ taʼ ŋɔŋ ŋuŋgerɛ́ŋged siŋ Mboʼmve njʉ́ taʼ ŋɔŋ ŋuŋgerɛ́ŋged nɛ́, a náʼá ntsɛ́ʼɛ́ ntsɔʼfaʼ ŋɔŋ ŋuŋgerɛ́ŋged. 42Ŋɔŋ wɛ́ a náʼá fɛ́ nse nɔ̌ nɔ̂, mbɛ ndaʼ taʼ ndɔ́ŋ nse fwó pwó taʼ Mɔ́ŋ ndzɔ́ʼɔ́ pɔ́ŋ pɔŋ ŋkyé no meŋkho ya wɛ́ a ndúŋú nɛ́, mə sə́ŋɛ́ wúŋ nɛ́ kpaʼ sísíŋ ŋgâ a náʼá mbzyé tsɔʼfaʼ yé pó.»
Currently Selected:
:
Highlight
Share
Copy
Want to have your highlights saved across all your devices? Sign up or sign in