Matʉyo 7
7
Ntʉ́ʉ́ ne no ntɛ́ɛ́ndáb pú ŋkʉ́kʉ́yé ndzó mbzítíí
(Lúk 6:37-38, 41-42)
1Néré, Yěsô ké mbó ntsɔ́ ne pɔ́b ŋkʉ́rʉ́ ŋgâ: «Kii puŋ fiʼɛ pɔŋ, kɛ́ʼɛ́ ŋgâ Mboʼmve ndɛ náʼ fiʼɛ wúŋ. 2Ŋkyé ŋgâ mbziʼe yɛ́ puŋ fiʼɛ pɔŋ nɛ́, a ke mbɛ njʉ́ pé náʼá fiʼɛ yúŋ ywoʼ nɛ́. Yɔ́b yɛ́ puŋ fúʼɔ ye pecyó pɔŋ núŋ nɛ́, pe ŋkʉ́yó ké fúʼɔ yúŋ pe núŋ. 3Wo tê ntɛ́ɛ́ndáb yɛ́ ndzó mbzítíí wo nɛ́, ndzáʼ njʉ́ʉ́ ŋkʉ́kʉ́yé pfíŋ yɛ́ ndzó mbzítíí mɔ́ŋmɛ́ yo nɛ́ ŋkyé kɔ́? 4Kii ŋgâ, wo zhyɛ́ níŋ ntsɔ́ pwó mɔ́ŋmɛ́ yo ŋgâ: “Zoʼkaʼa mə ntúbú ŋkʉ́kʉ́yé pfíŋ ndzó mbzítíí wo?” Ŋgɛmbɛ ntɛ́ɛ́ndáb pɛ ndzó yo! 5Pépwɔmíí! Pě ntúbú ntɛ́ɛ́ndáb yé ké nɛ́ ndzó mbzítíí wo nɛ́ ŋkɔ́ŋ, yânéré míí mo yáŋ ne ntúbune ŋkʉ́kʉ́yé pfíŋ ndzó yé mɔ́ŋmɛ́ wo!»
Mɔ́b sʉ́ʼʉ pwó ŋkhúnab
6«Kii puŋ ndɛ fɛ́ mɔ́b Mboʼmve pwó pɛ pɔ́ŋmvókhoyáá, kii pó máʼ mɔ́b sʉ́ʼʉ púŋ pe tʉŋɔndɔŋ pwó pɛ ŋkhúnab, mbɔ̂ ŋgâ pɔ́b ndɛ nebe náá mbó sed mbəb yɔ́b nwɔ́ wúŋ.»
Tɛd fɛ́ mɔ́b sʉ́ʼʉ pwó ŋɔŋ wɛ́ a yɔ́ŋɔ́ nɛ́
(Lúk 11:9-13)
7«Puŋ yɔ́ŋ, pé ŋkʉ́yó fɛ́ ne puŋ. Puŋ taʼ, puŋ ŋkʉ́yó ntsɛ́ʼɛ́. Puŋ kɔ́b, pé ŋkʉ́yó ntsɔ́ʼɔ́ ne puŋ. 8Ŋkyé ŋgâ ŋɔŋ wɛ́ a yɔ́ŋ nɛ́, ntsɛ́ʼɛ́, ŋɔŋ wɛ́ a taʼa nɛ́, njʉ́, ŋɔŋ wɛ́ a kɔ́b nɛ́, pé ŋkʉ́yó ntsɔ́ʼɔ́ pwó yé. 9Ŋkyé ŋgâ, a wɔ́ ndzɔ́ʼɔ́ puŋ, Mbéyɛ́ Mɔ́ŋ ye psírí mbré pwó yé nɛ́, a fɛ́ táá ŋgɔʼ pwó yé? 10Kii Mbéyɛ́ a psírí ndíí ssó nɛ́, a fɛ́ nɔ́ pwó yé? 11Puŋ pɛ́, puŋ pukəpɔŋ, ndzé fɛ́ne mɔ́b sʉ́ʼʉ pwó pɔ́ŋ puŋ nɛ́, ŋkɛyikɔ́ ne Tɛd wúŋ wɛ́ a pépéé nɛ́? A ŋkʉ́yó fɛ́ mɔ́b sʉ́ʼʉ pwó pɔŋ pɛ́ pɔ́b psirɛ́ pwó yé nɛ́!»
Zhyɛ́ mbəb mɔ́ŋmɛ́ yo njʉ́ wo zɔŋɔ ŋgâ pe zhyɛ́ mbəb wo nɛ́
(Lúk 6:31)
12«Ŋkɔŋɔ meno pɛ́ puŋ ŋkʉ́ye ŋgâ pɔŋ zhyɛ́ mbəb puŋ náá nɛ́, ŋkɔʼɔtómbəb yúŋ, puŋ zhyɛ́ yéré mbəb pɔ́b. Ŋkyé ŋgâ a yéré nɛ́ mbé kaŋ Mǔsê pwɛ ŋweʼe kpaŋató Mboʼmvé.»
Ntʉ́ʉ́ ndúŋú mɛndɔ́b yípáá
(Lúk 13:23-24)
13«Puŋ záʼa ndzó ntswěndáb khóóme. Ntswěndáb ghɛ́ɛ́me pú mɛndɔ́b ghɛ́ɛ́me tyáŋa pɔŋ pe ne mbwóne, záá pɔŋ pó ndɔ́ɔ́ péré. 14Ntsʉʼmbé ntswěndáb khóóme pú féʼé mɛndɔ́b, a pé pɛ́ a ntyaŋa pɔŋ pe ndzɔ́ʼɔ́ tsómvé nɛ́. Pɔŋ pɛ́ pɔ́b zhʉ́ péré mɛndɔ́b, mbó ndɔ̂ nɛ́, pó mbé záá pó.»
Pe zi nsó pe ne ntáá mé
(Mat 12:33; Lúk 6:43-44)
15«Puŋ zhyaŋa pɛ ghaŋátsɔ́kpaŋató mbwɔ́, pɛ́ pɔ́b pɔrɔ́ ŋkʉ́yó pfúŋɔ́ puŋ, swɔ́ mbəb yɔ́b ne ŋgɔb njʉyǐnjʉyî, tsʉ́ʼ ŋgɛmbɛ, mbɛ́ɛ́ ndáá pɛ ntsɔbɔ kəpɔŋ nɛ́. 16Pǔŋ ndzɛ́ wɔ́b pe ne ŋgyɛ̂ no yɔ́b. Tɛɛmbɛ ŋɔŋ pe tsɔ́ʼ kóó ndúŋú kəkɔ́ŋ pó, ke mbó mbé káb menʉʼsɔb ndúŋú mɛ́kɔb pó. 17Kɛ́ʼɛ́, ŋkɔŋɔ nsó sʉ́ʼʉ náá ke ndzwɔ̌ ntáá sʉ́ʼʉ. Ntsʉʼmbé nsó yɛ́ ghɔŋ ndúŋú nɛ́ ke ndzwɔ̌ ntáá kəpɔŋ. 18Tɛɛmbɛ nsó sʉ́ʼʉ pe zwɔ́ ntáá kəpɔŋ pó, nsó yɛ́ ghɔŋ ndúŋú nɛ́ ke mbó mbé zwɔ́ ntáá sʉ́ʼʉ pó. 19Ŋkɔŋɔ nsó yɛ́ a tsé mbé zwɔ́ ntáá sʉ́ʼʉ náá nɛ́ pó, pé ntséé wé máʼá mɔ́ɔ́. 20Néré kɛ́ʼɛ́, puŋ ŋkʉ́yó ndzí wɔ́b pe ne ŋgyɛ́ no yɔ́b.»
Ndáá ŋgíŋgye Yěsô
(Lúk 6:46; 13:27)
21Yěsô pó ntsɔ́ ne pɔ́b ŋkʉ́rʉ́ ŋgâ: «A ŋkɔŋɔ pɔŋ pɛ́ pɔ́b tsɔ́ ne mo ŋgâ: “Ntsɛɛpɔŋ, Ntsɛɛpɔŋ!” nɛ́, ŋgɛ náʼá ŋkúŋɔ ne Nofɔŋ Mboʼmve pépéé pó. A pɔŋ pɛ pɔ́b ghɛ́ ntsɔ́ néré, ŋgyɛ́ no yɛ́ Tɛd ya wɛ́ pépéé nɛ́, zɔŋɔ nɛ́. 22Záá pɔŋ náʼá ntsɔ́ ne mo ne zhyémve yéré ŋgâ: “Ntsɛɛpɔŋ, Ntsɛɛpɔŋ! ŋgâ psi kɛ ntsó kpaŋató Mboʼmvé ne tíí wo? Ke mbó ndɔ́ɔ́ tíí wo ndzú pɛ zhʉye kəpɔŋ núŋ? Ke mbó ŋgyɛ́ pɛ meno shʉyédme ne tíí wo?” 23Néré, mə náʼá ntsɔ́ ne pɔ́b ŋgâ: “Mə ndzyê mbé zɛ́ wúŋ pó. Puŋ suʼú mbəb yuŋ pfúŋɔ́ mo, ghaŋánzhyɛ́ meno ghóʼotó!”»
Ŋkwódne ndáb ndúŋú tsetsáʼ psǐpsî
(Lúk 6:47-49)
24«Kɛ́ʼɛ́, ntsye ŋɔŋ wɛ́ a zóʼ ntsó wɛ́ mə ŋáá ne ntsəhóne, mbó ŋgyɛ́ njʉ́ a zɔŋɔ nɛ́, fwɛ́ɛ́ taʼ ŋgaŋazé wɛ́ a ghɛ́ ŋkwórɔ́ ndáb yé, ntsú kaʼatɛ kébe tsetsáʼ psǐpsî ŋkɔ́ŋ, mbɔ́rɔ́ máʼá tsindáb yé nɛ́. 25Mbuŋ ywʉyó, pfú khú, pɛ fəfod záʼ, nyʉ́ wé a pe voo pó. Ŋkyé ŋgâ pé yuwɛ́ máʼ tsindáb yéré ndúŋú tsetsáʼ pfǐpfî. 26Tsʉʼ mbé, ntsye ŋɔŋ wɛ́ a zóʼ ntsó wɛ́ mə ŋáá ne ntsóne, mbó mbé zhyɛ́ njʉ́ a zɔŋɔ nɛ́ pó, fwɛ́ɛ́ taʼ ghəghəŋ wɛ́ a ŋkwód ndáb yé pé ndúŋú səsé nɛ́. 27Mbuŋ ywʉyó, pfú khú, pɛ fəfod záʼ, nyʉ́ wé, a kubi, nyʉʼi nyʉʼi náá!»
Yěsô tséʼé tʉ̌ŋ sáʼne
(Máá 1:22; Lúk 4:32)
28Ŋkhoʼyɛ́ Yěsô kɛ mě fɛ́ne ntʉ́ʉ́ pwó pɔŋ nɛ́, no núŋú muʼɔ́ wɔ́b. 29Ŋkyé ŋgâ a kɛ tʉ́ʉ́ njʉ́ ŋɔŋ wɛ́ a tséʼé tʉ̌ŋ sáʼne nɛ́, mbó mbé nyoʼ ye pe njʉ́ pɛ ghaŋákeʼekaŋ pɔ́b nɛ́ pó.
Currently Selected:
Matʉyo 7: XMG
Highlight
Share
Copy
Want to have your highlights saved across all your devices? Sign up or sign in
Matʉyo 7
7
Ntʉ́ʉ́ ne no ntɛ́ɛ́ndáb pú ŋkʉ́kʉ́yé ndzó mbzítíí
(Lúk 6:37-38, 41-42)
1Néré, Yěsô ké mbó ntsɔ́ ne pɔ́b ŋkʉ́rʉ́ ŋgâ: «Kii puŋ fiʼɛ pɔŋ, kɛ́ʼɛ́ ŋgâ Mboʼmve ndɛ náʼ fiʼɛ wúŋ. 2Ŋkyé ŋgâ mbziʼe yɛ́ puŋ fiʼɛ pɔŋ nɛ́, a ke mbɛ njʉ́ pé náʼá fiʼɛ yúŋ ywoʼ nɛ́. Yɔ́b yɛ́ puŋ fúʼɔ ye pecyó pɔŋ núŋ nɛ́, pe ŋkʉ́yó ké fúʼɔ yúŋ pe núŋ. 3Wo tê ntɛ́ɛ́ndáb yɛ́ ndzó mbzítíí wo nɛ́, ndzáʼ njʉ́ʉ́ ŋkʉ́kʉ́yé pfíŋ yɛ́ ndzó mbzítíí mɔ́ŋmɛ́ yo nɛ́ ŋkyé kɔ́? 4Kii ŋgâ, wo zhyɛ́ níŋ ntsɔ́ pwó mɔ́ŋmɛ́ yo ŋgâ: “Zoʼkaʼa mə ntúbú ŋkʉ́kʉ́yé pfíŋ ndzó mbzítíí wo?” Ŋgɛmbɛ ntɛ́ɛ́ndáb pɛ ndzó yo! 5Pépwɔmíí! Pě ntúbú ntɛ́ɛ́ndáb yé ké nɛ́ ndzó mbzítíí wo nɛ́ ŋkɔ́ŋ, yânéré míí mo yáŋ ne ntúbune ŋkʉ́kʉ́yé pfíŋ ndzó yé mɔ́ŋmɛ́ wo!»
Mɔ́b sʉ́ʼʉ pwó ŋkhúnab
6«Kii puŋ ndɛ fɛ́ mɔ́b Mboʼmve pwó pɛ pɔ́ŋmvókhoyáá, kii pó máʼ mɔ́b sʉ́ʼʉ púŋ pe tʉŋɔndɔŋ pwó pɛ ŋkhúnab, mbɔ̂ ŋgâ pɔ́b ndɛ nebe náá mbó sed mbəb yɔ́b nwɔ́ wúŋ.»
Tɛd fɛ́ mɔ́b sʉ́ʼʉ pwó ŋɔŋ wɛ́ a yɔ́ŋɔ́ nɛ́
(Lúk 11:9-13)
7«Puŋ yɔ́ŋ, pé ŋkʉ́yó fɛ́ ne puŋ. Puŋ taʼ, puŋ ŋkʉ́yó ntsɛ́ʼɛ́. Puŋ kɔ́b, pé ŋkʉ́yó ntsɔ́ʼɔ́ ne puŋ. 8Ŋkyé ŋgâ ŋɔŋ wɛ́ a yɔ́ŋ nɛ́, ntsɛ́ʼɛ́, ŋɔŋ wɛ́ a taʼa nɛ́, njʉ́, ŋɔŋ wɛ́ a kɔ́b nɛ́, pé ŋkʉ́yó ntsɔ́ʼɔ́ pwó yé. 9Ŋkyé ŋgâ, a wɔ́ ndzɔ́ʼɔ́ puŋ, Mbéyɛ́ Mɔ́ŋ ye psírí mbré pwó yé nɛ́, a fɛ́ táá ŋgɔʼ pwó yé? 10Kii Mbéyɛ́ a psírí ndíí ssó nɛ́, a fɛ́ nɔ́ pwó yé? 11Puŋ pɛ́, puŋ pukəpɔŋ, ndzé fɛ́ne mɔ́b sʉ́ʼʉ pwó pɔ́ŋ puŋ nɛ́, ŋkɛyikɔ́ ne Tɛd wúŋ wɛ́ a pépéé nɛ́? A ŋkʉ́yó fɛ́ mɔ́b sʉ́ʼʉ pwó pɔŋ pɛ́ pɔ́b psirɛ́ pwó yé nɛ́!»
Zhyɛ́ mbəb mɔ́ŋmɛ́ yo njʉ́ wo zɔŋɔ ŋgâ pe zhyɛ́ mbəb wo nɛ́
(Lúk 6:31)
12«Ŋkɔŋɔ meno pɛ́ puŋ ŋkʉ́ye ŋgâ pɔŋ zhyɛ́ mbəb puŋ náá nɛ́, ŋkɔʼɔtómbəb yúŋ, puŋ zhyɛ́ yéré mbəb pɔ́b. Ŋkyé ŋgâ a yéré nɛ́ mbé kaŋ Mǔsê pwɛ ŋweʼe kpaŋató Mboʼmvé.»
Ntʉ́ʉ́ ndúŋú mɛndɔ́b yípáá
(Lúk 13:23-24)
13«Puŋ záʼa ndzó ntswěndáb khóóme. Ntswěndáb ghɛ́ɛ́me pú mɛndɔ́b ghɛ́ɛ́me tyáŋa pɔŋ pe ne mbwóne, záá pɔŋ pó ndɔ́ɔ́ péré. 14Ntsʉʼmbé ntswěndáb khóóme pú féʼé mɛndɔ́b, a pé pɛ́ a ntyaŋa pɔŋ pe ndzɔ́ʼɔ́ tsómvé nɛ́. Pɔŋ pɛ́ pɔ́b zhʉ́ péré mɛndɔ́b, mbó ndɔ̂ nɛ́, pó mbé záá pó.»
Pe zi nsó pe ne ntáá mé
(Mat 12:33; Lúk 6:43-44)
15«Puŋ zhyaŋa pɛ ghaŋátsɔ́kpaŋató mbwɔ́, pɛ́ pɔ́b pɔrɔ́ ŋkʉ́yó pfúŋɔ́ puŋ, swɔ́ mbəb yɔ́b ne ŋgɔb njʉyǐnjʉyî, tsʉ́ʼ ŋgɛmbɛ, mbɛ́ɛ́ ndáá pɛ ntsɔbɔ kəpɔŋ nɛ́. 16Pǔŋ ndzɛ́ wɔ́b pe ne ŋgyɛ̂ no yɔ́b. Tɛɛmbɛ ŋɔŋ pe tsɔ́ʼ kóó ndúŋú kəkɔ́ŋ pó, ke mbó mbé káb menʉʼsɔb ndúŋú mɛ́kɔb pó. 17Kɛ́ʼɛ́, ŋkɔŋɔ nsó sʉ́ʼʉ náá ke ndzwɔ̌ ntáá sʉ́ʼʉ. Ntsʉʼmbé nsó yɛ́ ghɔŋ ndúŋú nɛ́ ke ndzwɔ̌ ntáá kəpɔŋ. 18Tɛɛmbɛ nsó sʉ́ʼʉ pe zwɔ́ ntáá kəpɔŋ pó, nsó yɛ́ ghɔŋ ndúŋú nɛ́ ke mbó mbé zwɔ́ ntáá sʉ́ʼʉ pó. 19Ŋkɔŋɔ nsó yɛ́ a tsé mbé zwɔ́ ntáá sʉ́ʼʉ náá nɛ́ pó, pé ntséé wé máʼá mɔ́ɔ́. 20Néré kɛ́ʼɛ́, puŋ ŋkʉ́yó ndzí wɔ́b pe ne ŋgyɛ́ no yɔ́b.»
Ndáá ŋgíŋgye Yěsô
(Lúk 6:46; 13:27)
21Yěsô pó ntsɔ́ ne pɔ́b ŋkʉ́rʉ́ ŋgâ: «A ŋkɔŋɔ pɔŋ pɛ́ pɔ́b tsɔ́ ne mo ŋgâ: “Ntsɛɛpɔŋ, Ntsɛɛpɔŋ!” nɛ́, ŋgɛ náʼá ŋkúŋɔ ne Nofɔŋ Mboʼmve pépéé pó. A pɔŋ pɛ pɔ́b ghɛ́ ntsɔ́ néré, ŋgyɛ́ no yɛ́ Tɛd ya wɛ́ pépéé nɛ́, zɔŋɔ nɛ́. 22Záá pɔŋ náʼá ntsɔ́ ne mo ne zhyémve yéré ŋgâ: “Ntsɛɛpɔŋ, Ntsɛɛpɔŋ! ŋgâ psi kɛ ntsó kpaŋató Mboʼmvé ne tíí wo? Ke mbó ndɔ́ɔ́ tíí wo ndzú pɛ zhʉye kəpɔŋ núŋ? Ke mbó ŋgyɛ́ pɛ meno shʉyédme ne tíí wo?” 23Néré, mə náʼá ntsɔ́ ne pɔ́b ŋgâ: “Mə ndzyê mbé zɛ́ wúŋ pó. Puŋ suʼú mbəb yuŋ pfúŋɔ́ mo, ghaŋánzhyɛ́ meno ghóʼotó!”»
Ŋkwódne ndáb ndúŋú tsetsáʼ psǐpsî
(Lúk 6:47-49)
24«Kɛ́ʼɛ́, ntsye ŋɔŋ wɛ́ a zóʼ ntsó wɛ́ mə ŋáá ne ntsəhóne, mbó ŋgyɛ́ njʉ́ a zɔŋɔ nɛ́, fwɛ́ɛ́ taʼ ŋgaŋazé wɛ́ a ghɛ́ ŋkwórɔ́ ndáb yé, ntsú kaʼatɛ kébe tsetsáʼ psǐpsî ŋkɔ́ŋ, mbɔ́rɔ́ máʼá tsindáb yé nɛ́. 25Mbuŋ ywʉyó, pfú khú, pɛ fəfod záʼ, nyʉ́ wé a pe voo pó. Ŋkyé ŋgâ pé yuwɛ́ máʼ tsindáb yéré ndúŋú tsetsáʼ pfǐpfî. 26Tsʉʼ mbé, ntsye ŋɔŋ wɛ́ a zóʼ ntsó wɛ́ mə ŋáá ne ntsóne, mbó mbé zhyɛ́ njʉ́ a zɔŋɔ nɛ́ pó, fwɛ́ɛ́ taʼ ghəghəŋ wɛ́ a ŋkwód ndáb yé pé ndúŋú səsé nɛ́. 27Mbuŋ ywʉyó, pfú khú, pɛ fəfod záʼ, nyʉ́ wé, a kubi, nyʉʼi nyʉʼi náá!»
Yěsô tséʼé tʉ̌ŋ sáʼne
(Máá 1:22; Lúk 4:32)
28Ŋkhoʼyɛ́ Yěsô kɛ mě fɛ́ne ntʉ́ʉ́ pwó pɔŋ nɛ́, no núŋú muʼɔ́ wɔ́b. 29Ŋkyé ŋgâ a kɛ tʉ́ʉ́ njʉ́ ŋɔŋ wɛ́ a tséʼé tʉ̌ŋ sáʼne nɛ́, mbó mbé nyoʼ ye pe njʉ́ pɛ ghaŋákeʼekaŋ pɔ́b nɛ́ pó.
Currently Selected:
:
Highlight
Share
Copy
Want to have your highlights saved across all your devices? Sign up or sign in