Faʼ Ghaŋántɔ́b 23
23
1Pɔ́lə tíŋí ghaŋásábáfiʼ kekweʼe mbebé, nsó ŋgâ: «Pɔ́ŋmɛ́ páá, mbziʼe yɛ́ mə nyí siŋ Mboʼmvé kaʼatɛ mbáŋa ne ndzebé nɛ́, ndzɔʼ ya zyé mbé tsé sáʼa ndúŋú pó.» 2Ntsʉʼmbé Tɛdshʉ́ kəkwéʼe wɛ́ tíí kɛ pé Ananiyasə nɛ́, tsɔ́ pwó ntsyɛ́ pé ŋgâ pɔ́b gbíí ntswee Pɔ́lə. 3Pɔ́lə tsɔ́ pwó yé ŋgâ: «Ŋaʼa sáándáb yɛ́ pe núʼ ne péd ffə́fó nɛ́! A wo mbé ŋɔŋ wɛ́ Mboʼmvé mgbíí nɛ́. Wo ghɔrɔ́ ghɛ́ ne fíʼne ya njʉ́ kaŋ ntsɔ́ nɛ́, mbó mvɔ́ kaŋ méré ntsɔ́ ŋgâ pe gbíí ya mɔ́!» 4Pɔŋ pɛ́ pɔ́b kɛ pɛ pfuŋ ye nɛ́, sáʼá we nsó ŋgâ: «Wo too Tɛdshʉ́ kəkwéʼe Mboʼmvé nɛ́ kɛ́ʼɛ́!» 5Pɔ́lə pɔ́rɔ́ ne pɔ́b ŋgâ: «Pɔ́ŋmɛ́ páá, mə mbě mbé zé ŋgâ a Tɛdshʉ́ kəkwéʼe pó. Ŋkyé ŋgâ a ndzó ŋweʼe yáŋme ŋgâ: “Wo ndɛ ntó ntsɛ́ssó pupo!”»
6Njʉ́ Pɔ́lə kɛ zé ŋgâ pecyó ghaŋásábáfiʼ pɛ Sadúkayə, pecyó pe pɛ Farízya nɛ́, a nsó ne tʉ̌ŋ tsetsɛrɛ pɔ́b ŋgâ: «Pɔ́ŋmɛ́ páá, mə ŋɔŋ Farízya, mbó mbé Mɔ́ŋ ŋɔŋ Farízya. Pe sɔ́bɔ ya nɛ́ ghaŋ kɛ́ʼɛ́, ŋkyé no njʉyɛ́ne ne vó yɛ́ piŋi shʉ́rɛ nɛ́.» 7Wéré nsó ke ŋgɛ́ myé ntswee yé, vaʼ vɔ́ tsetsɛrɛ pɛ Farízya pwɛ pɛ Sadúkayə. Pɔŋ pɛ́ pɔ́b kɛ pɛ yóʼó nɛ́, sáŋ twɔ́ mvuʼɔ yípáá. 8A kɛ pé néré ŋkyé ŋgâ, pɛ Sadúkayə kpáŋa ŋgâ cyó njʉyɛ́ne ne vó ghú pó, aŋgere ké mbó mbé pe pó, mbɛ pɛ zhʉye. Ŋgɛ́ ŋkhú ne pɛ Farízya, pɔ́b psyɛ́ yɔ́b ŋgâ ŋkɔŋɔ no yéré náá yóʼó. 9Néré zɔd gháʼmbwó kaʼatɛ pecyó pɛ ghaŋákeʼekaŋ pɛ́ pɔ́b kɛ pe pɛ Farízya nɛ́, ŋáá kiri ne tʉ̌ŋ, ntsɔ́ ŋgâ: «Psi zhʉ́ cyó yɔ́b yɛ́ ŋɔŋ wɔŋ zhyɛ́, a pé ye kəpɔŋ nɛ́ pó. A pɛ́ɛ́ yɛ́ a nsó taʼ zhʉye nsó no pwó nɛ́? Kii mbɛ taʼ aŋgere nɛ́? A zé wɔ?» 10Njʉ́ fiʼ kɛ ké tʉ̌ŋɔ tʉ̂ŋɔ nɛ́, ntsɛ́ssó ŋkáb káŋató tsé mbɔ́ɔ́ ŋgâ tɛɛmbɛ pé zhyɛ́ kɛ́ʼɛ́, sɛ́ɛ́ Pɔ́lə pɛd pɛd. A tsɔ́ pwó pɛ káŋató ŋgâ pɔ́b sáʼá wé ndzó mbwó mɔ́b, ŋkuŋ ne yé ndáb.
11Netsúʼ kuʼu, Ntsɛɛpɔŋ kʉ́yó nyóʼ mbəb yé pwó Pɔ́lə, ntsɔ́ pwó yé ŋgâ: «Mətʉŋ mo! Wo ŋǎ ywoʼɔ́ kpê ntáŋ ya Yerʉ́salɛm. A zɔŋɔ ŋgâ wo ke ŋgyɛ́ɛ́ néré Roma.»
Menaŋ mɛ́ pɛ Yúda kɛ nyí ŋkyé Pɔ́lə nɛ́
12Mvé kee, pɛ Yúda nyí taʼ ŋkəŋ, sɔbɔ ne tíí Mboʼmvé ŋgâ, pɔ́b nzó yɔ́b pó, ke ŋgɛ́ mbé nɔ́ yɔ́b kii pê nɔʼ Pɔ́lə pó. 13Pɔŋ pɛ́ pɔ́b kɛ nyí yéré ŋkəŋ nɛ́, kɛ pé pɔŋ fáá ghúbmekwa. 14Pɔ́b ghú njʉ́ pɛ ntsɛ́ssó ghaŋáshʉ́ pwɛ pɛ ghəkód, ntsɔ́ ne pɔ́b ŋgâ: «Psi sə́b kaʼatɛ gbʉʼ ŋgâ, tɛɛmbɛ yɔ́b pe záʼ ntswee ywí kii psi pê nɔʼ Pɔ́lə pó. 15Kɛ́ʼɛ́, ŋgɛ́ ŋkhú ne puŋ, puŋɛ́ ghaŋásábáfiʼ kəkwéʼe tséʼé taʼ ntswee, puŋ ghú mbɛ́rɛ́ ntsɛ́ssó ŋkab káŋató, shʉyɛ́ wé ŋgâ puŋ zɔŋɔ mbó ndiŋɛ́ no yéré kpaʼ sʉ́ʼʉ. Yânéré kɛ́ʼɛ́ ŋgâ a nsó ŋgâ pe kʉ́yó ne yé. Ŋkyé ŋgâ, a ghɛ́ mbɛ́ ne psi, psi kɛ tsuŋɔ njʉ́ a mbáŋa ndaʼ pfó ye ghaŋ nɛ́.» 16Ntsʉʼmbé, Mɔ́ŋ mɔ́ŋmɛ́ Pɔ́lə wé məŋgʉ́yé zóʼ menaŋ méré, ŋgú ndzó ywoʼ yɛ́ pe kɛ ywʉ́ʼɔ́ Pɔ́lə nɛ́, ntsɔ́ pwó yé. 17Pɔ́lə fú cyó ntsɛ́ssó mkpǐ káŋató, ntsɔ́ pwó yé ŋgâ: «Tyáŋa ŋkɔʼŋɔŋ wɔŋ síŋ ntsɛ́ssó ŋkáb káŋató, a tséʼé no nɛ́ ne ntsóne pwó yé.» 18Ntsɛ́ssó kpii káŋató wéré ghú ne yé síŋ ntsɛ́ssó ŋkáb káŋató, ntsɔ́ pwó yé ŋgâ: «Pɔ́lə wɛ́ a ndátsáŋ nɛ́, fú ya, ntsɔ́ ne mo ŋgâ mé ŋkʉ́yó ne ŋɔŋ wɔŋ síŋ wo. A tséʼé no ne ntsóne pwó wo.» 19Ntsɛ́ssó ŋkáb káŋató wéré gbáá pwó yé, pú yé náʼá mbaʼ. A pfírɛ́ wé ŋgâ: «Wo zɔŋɔ ntsɔ́ɔ́ ŋgâ kɔ́ ne mo kaʼa?» 20Nkɔ́ʼŋɔŋ wéré pɔ́rɔ́ pwó yé ŋgâ: «Pɛ Yúda tséʼé taʼ ntswee ndzɔŋɔ shʉyɛ́ wo, ŋgâ wo tee Pɔ́lə, a kʉ́yó síŋ ghaŋásábáfiʼ kəkwéʼe nǐmwɔ̂, pɔ́b cʉ̌yi njʉ́ no fɛ́ ndúŋú fiʼ yé. 21Ndaʼ ŋgâ wo ndɛ mbzyɛ́. Pɔ́b záʼ pɔŋ ghúbmekwa yɛ́ pɔ́b pferɛ wě néré nɛ́. Pɔ́b sə́b kaʼatɛ gbʉʼ, ŋgâ yɔ́b ndzáʼ ntswee wɔ́b, kii Pɔ́lə pfó pó. Pɔ́b kɛ nyí kaʼatɛ a pfé, syɛ́ ŋkhoʼyɔŋ ndzwəʼɛ pwó.» 22Ntsɛ́ssó ŋkáb káŋató núʼɔ́ ŋkɔ́ʼŋɔŋ wéré, ŋgɛmbɛ ntsɔ́ pwó ye ŋgâ: «Zhyaŋa kii zhyɛ́ ŋɔŋ zé ŋgâ wo kee tsi yɔ́b ne mo.»
Pe ziʼá Pɔ́lə fɛ́ Sezare
23Ntsɛ́ssó ŋkáb káŋató fú pɔŋ pépáá ndzɔ́ʼɔ́ pɛ ntsɛ́ssó mkpǐ káŋató, ntsɔ́ ne pɔ́b ŋgâ: «Puŋ ntsúŋú mbəb yuŋ njʉ́ puŋ ŋgú Sezare ne nab yipfuʼɔ netsúʼ puŋɛ kpíí káŋató yípáá, puŋɛ pɔŋ ghúbmesambáá pɛ́ pɔ́b ndɛ ŋgɔ́rɔ́ ndúŋú nǎpeʼe máʼá ntsɔ́ nɛ́, ne kpii pɔŋ pépáá pɛ pɔ́b tséʼé pɛ ŋkɔŋ nɛ́. 24Puŋ ké mbó ntsúŋú pɛ nǎpeʼe ne tsyaŋáne Pɔ́lə ŋgâ a páŋ sʉʼʉ síŋ Felisə, ye wɛ́ a ŋgɔ́bmenaʼ nɛ́.» 25A ŋweʼe taʼ ŋweʼe, ntsɔ́ ndzó ŋgâ: 26«A mo, Kolodyʉsə Lisyasə, ŋwəʼɛ pwó wo, ŋgəkód ya, Felisə, ntsɛ́ssó pɛ ŋgɔ́bmenaʼ, mə ntsɛ́ʼɛ nɔŋ! 27Pɛ Yúda yɔ́ɔ́ ŋɔŋ wɔŋ wɛ́ mə twɔ́ pwó wo kɛ́ʼɛ́ nɛ́, ndzɔŋɔ́ nɔʼɔ wé. Ntsʉʼmbé ŋkhoʼyɛ́ mə kɛ zóʼ ŋgâ a ŋɔŋ Roma nɛ́, mə ndɔ́ɔ́ pɛ káŋató psi pɔ́b kpéé wé ne pɔ́b. 28Njʉ́ mə kɛ sɛ́ɛ́ ne ndzêne yɔ́b yɛ́ pɔ́b sɔ́bɔ́ wé ndúŋú nɛ́, mə ndɔ́ɔ́ wé ŋgú níŋ i síŋ ghaŋásábáfiʼ kəkwéʼe. 29Mə kɛ zhʉ́ ŋgâ pɔ́b kɛ sɔ́bɔ́ wé pe ne no yɛ́ a tiŋɛ́ kaŋ mɔ́b nɛ́. Ntsʉʼmbé, mə mbé zhʉ́ taʼ yɔ́b yɛ́ a tsyɛ́ ŋgâ pe máʼ wé ndátsáŋ kii nɔ́ʼ nɛ́ pó. 30Njʉ́ mə kɛ zóʼ ŋgâ pe sɔ́ wé ne nɔ́ʼne nɛ́, mə ntwɔ́ wé pwó wo, ké mbó ntsɔ́ ne pɔ́b ŋgâ pɔ́b kʉ́yó sɔ́bɔ́ wé pwó wo.»
31Njʉ́ pɛ káŋató kɛ zóʼ no yɛ́ pé kɛ ntsɔ́ ne pɔ́b nɛ́, pɔ́b yɔ́ɔ́ Pɔ́lə ŋgú ne yé netsúʼ ndzó mbɛ́lʉ́ŋ Antipatri. 32Keemvé, pɔ́b tee Pɔ́lə pwɛ pɛ káŋató pɛ́ pɔ́b kɛ ghɔ́rɔ́ ndúŋú nǎpeʼe máʼá ntsɔ́ nɛ́. Pwɛ Pɔ́lə ghɛ́ ŋgú, pɔ́b pód yɔ́b ndzəb. 33Ŋkhoʼyɛ́ pɔ́b páŋá Sezare nɛ́, pɛ káŋató péré tee Pɔ́lə pwó ntsɛ́ssó ŋgɔ́bmenaʼ, pwɛ ŋweʼe yɛ́ pɔ́b kɛ kʉ́yó núŋ nɛ́. 34Ntsɛ́ssó ŋgɔ́bmenaʼ fú ŋweʼe, mbzirí pɛ́rɛ́ ŋgɔŋ yɛ́ Pɔ́lə twɔ́ yóʼó nɛ́. Pɔ́b ntsɔ́ pwó yé ŋgâ a ŋɔŋ Silisya. 35A tsɔ́ pwó Pɔ́lə ŋgâ: «Mə mvírí wo ne pɛ meno ŋkhoʼyɛ́ pɔŋ pɛ́ pɔ́b sɔ́bɔ́ wo nɛ́ mbɛ́ syé nɛ́.» A nsó ŋgâ pe ywʉ́ʼɔ́ wé ndzó ywoʼɔ́sábafiʼ yɛ́ a ntɔ́ʼ fɔŋ Erodə.
Currently Selected:
Faʼ Ghaŋántɔ́b 23: XMG
Highlight
Share
Copy
Want to have your highlights saved across all your devices? Sign up or sign in
Faʼ Ghaŋántɔ́b 23
23
1Pɔ́lə tíŋí ghaŋásábáfiʼ kekweʼe mbebé, nsó ŋgâ: «Pɔ́ŋmɛ́ páá, mbziʼe yɛ́ mə nyí siŋ Mboʼmvé kaʼatɛ mbáŋa ne ndzebé nɛ́, ndzɔʼ ya zyé mbé tsé sáʼa ndúŋú pó.» 2Ntsʉʼmbé Tɛdshʉ́ kəkwéʼe wɛ́ tíí kɛ pé Ananiyasə nɛ́, tsɔ́ pwó ntsyɛ́ pé ŋgâ pɔ́b gbíí ntswee Pɔ́lə. 3Pɔ́lə tsɔ́ pwó yé ŋgâ: «Ŋaʼa sáándáb yɛ́ pe núʼ ne péd ffə́fó nɛ́! A wo mbé ŋɔŋ wɛ́ Mboʼmvé mgbíí nɛ́. Wo ghɔrɔ́ ghɛ́ ne fíʼne ya njʉ́ kaŋ ntsɔ́ nɛ́, mbó mvɔ́ kaŋ méré ntsɔ́ ŋgâ pe gbíí ya mɔ́!» 4Pɔŋ pɛ́ pɔ́b kɛ pɛ pfuŋ ye nɛ́, sáʼá we nsó ŋgâ: «Wo too Tɛdshʉ́ kəkwéʼe Mboʼmvé nɛ́ kɛ́ʼɛ́!» 5Pɔ́lə pɔ́rɔ́ ne pɔ́b ŋgâ: «Pɔ́ŋmɛ́ páá, mə mbě mbé zé ŋgâ a Tɛdshʉ́ kəkwéʼe pó. Ŋkyé ŋgâ a ndzó ŋweʼe yáŋme ŋgâ: “Wo ndɛ ntó ntsɛ́ssó pupo!”»
6Njʉ́ Pɔ́lə kɛ zé ŋgâ pecyó ghaŋásábáfiʼ pɛ Sadúkayə, pecyó pe pɛ Farízya nɛ́, a nsó ne tʉ̌ŋ tsetsɛrɛ pɔ́b ŋgâ: «Pɔ́ŋmɛ́ páá, mə ŋɔŋ Farízya, mbó mbé Mɔ́ŋ ŋɔŋ Farízya. Pe sɔ́bɔ ya nɛ́ ghaŋ kɛ́ʼɛ́, ŋkyé no njʉyɛ́ne ne vó yɛ́ piŋi shʉ́rɛ nɛ́.» 7Wéré nsó ke ŋgɛ́ myé ntswee yé, vaʼ vɔ́ tsetsɛrɛ pɛ Farízya pwɛ pɛ Sadúkayə. Pɔŋ pɛ́ pɔ́b kɛ pɛ yóʼó nɛ́, sáŋ twɔ́ mvuʼɔ yípáá. 8A kɛ pé néré ŋkyé ŋgâ, pɛ Sadúkayə kpáŋa ŋgâ cyó njʉyɛ́ne ne vó ghú pó, aŋgere ké mbó mbé pe pó, mbɛ pɛ zhʉye. Ŋgɛ́ ŋkhú ne pɛ Farízya, pɔ́b psyɛ́ yɔ́b ŋgâ ŋkɔŋɔ no yéré náá yóʼó. 9Néré zɔd gháʼmbwó kaʼatɛ pecyó pɛ ghaŋákeʼekaŋ pɛ́ pɔ́b kɛ pe pɛ Farízya nɛ́, ŋáá kiri ne tʉ̌ŋ, ntsɔ́ ŋgâ: «Psi zhʉ́ cyó yɔ́b yɛ́ ŋɔŋ wɔŋ zhyɛ́, a pé ye kəpɔŋ nɛ́ pó. A pɛ́ɛ́ yɛ́ a nsó taʼ zhʉye nsó no pwó nɛ́? Kii mbɛ taʼ aŋgere nɛ́? A zé wɔ?» 10Njʉ́ fiʼ kɛ ké tʉ̌ŋɔ tʉ̂ŋɔ nɛ́, ntsɛ́ssó ŋkáb káŋató tsé mbɔ́ɔ́ ŋgâ tɛɛmbɛ pé zhyɛ́ kɛ́ʼɛ́, sɛ́ɛ́ Pɔ́lə pɛd pɛd. A tsɔ́ pwó pɛ káŋató ŋgâ pɔ́b sáʼá wé ndzó mbwó mɔ́b, ŋkuŋ ne yé ndáb.
11Netsúʼ kuʼu, Ntsɛɛpɔŋ kʉ́yó nyóʼ mbəb yé pwó Pɔ́lə, ntsɔ́ pwó yé ŋgâ: «Mətʉŋ mo! Wo ŋǎ ywoʼɔ́ kpê ntáŋ ya Yerʉ́salɛm. A zɔŋɔ ŋgâ wo ke ŋgyɛ́ɛ́ néré Roma.»
Menaŋ mɛ́ pɛ Yúda kɛ nyí ŋkyé Pɔ́lə nɛ́
12Mvé kee, pɛ Yúda nyí taʼ ŋkəŋ, sɔbɔ ne tíí Mboʼmvé ŋgâ, pɔ́b nzó yɔ́b pó, ke ŋgɛ́ mbé nɔ́ yɔ́b kii pê nɔʼ Pɔ́lə pó. 13Pɔŋ pɛ́ pɔ́b kɛ nyí yéré ŋkəŋ nɛ́, kɛ pé pɔŋ fáá ghúbmekwa. 14Pɔ́b ghú njʉ́ pɛ ntsɛ́ssó ghaŋáshʉ́ pwɛ pɛ ghəkód, ntsɔ́ ne pɔ́b ŋgâ: «Psi sə́b kaʼatɛ gbʉʼ ŋgâ, tɛɛmbɛ yɔ́b pe záʼ ntswee ywí kii psi pê nɔʼ Pɔ́lə pó. 15Kɛ́ʼɛ́, ŋgɛ́ ŋkhú ne puŋ, puŋɛ́ ghaŋásábáfiʼ kəkwéʼe tséʼé taʼ ntswee, puŋ ghú mbɛ́rɛ́ ntsɛ́ssó ŋkab káŋató, shʉyɛ́ wé ŋgâ puŋ zɔŋɔ mbó ndiŋɛ́ no yéré kpaʼ sʉ́ʼʉ. Yânéré kɛ́ʼɛ́ ŋgâ a nsó ŋgâ pe kʉ́yó ne yé. Ŋkyé ŋgâ, a ghɛ́ mbɛ́ ne psi, psi kɛ tsuŋɔ njʉ́ a mbáŋa ndaʼ pfó ye ghaŋ nɛ́.» 16Ntsʉʼmbé, Mɔ́ŋ mɔ́ŋmɛ́ Pɔ́lə wé məŋgʉ́yé zóʼ menaŋ méré, ŋgú ndzó ywoʼ yɛ́ pe kɛ ywʉ́ʼɔ́ Pɔ́lə nɛ́, ntsɔ́ pwó yé. 17Pɔ́lə fú cyó ntsɛ́ssó mkpǐ káŋató, ntsɔ́ pwó yé ŋgâ: «Tyáŋa ŋkɔʼŋɔŋ wɔŋ síŋ ntsɛ́ssó ŋkáb káŋató, a tséʼé no nɛ́ ne ntsóne pwó yé.» 18Ntsɛ́ssó kpii káŋató wéré ghú ne yé síŋ ntsɛ́ssó ŋkáb káŋató, ntsɔ́ pwó yé ŋgâ: «Pɔ́lə wɛ́ a ndátsáŋ nɛ́, fú ya, ntsɔ́ ne mo ŋgâ mé ŋkʉ́yó ne ŋɔŋ wɔŋ síŋ wo. A tséʼé no ne ntsóne pwó wo.» 19Ntsɛ́ssó ŋkáb káŋató wéré gbáá pwó yé, pú yé náʼá mbaʼ. A pfírɛ́ wé ŋgâ: «Wo zɔŋɔ ntsɔ́ɔ́ ŋgâ kɔ́ ne mo kaʼa?» 20Nkɔ́ʼŋɔŋ wéré pɔ́rɔ́ pwó yé ŋgâ: «Pɛ Yúda tséʼé taʼ ntswee ndzɔŋɔ shʉyɛ́ wo, ŋgâ wo tee Pɔ́lə, a kʉ́yó síŋ ghaŋásábáfiʼ kəkwéʼe nǐmwɔ̂, pɔ́b cʉ̌yi njʉ́ no fɛ́ ndúŋú fiʼ yé. 21Ndaʼ ŋgâ wo ndɛ mbzyɛ́. Pɔ́b záʼ pɔŋ ghúbmekwa yɛ́ pɔ́b pferɛ wě néré nɛ́. Pɔ́b sə́b kaʼatɛ gbʉʼ, ŋgâ yɔ́b ndzáʼ ntswee wɔ́b, kii Pɔ́lə pfó pó. Pɔ́b kɛ nyí kaʼatɛ a pfé, syɛ́ ŋkhoʼyɔŋ ndzwəʼɛ pwó.» 22Ntsɛ́ssó ŋkáb káŋató núʼɔ́ ŋkɔ́ʼŋɔŋ wéré, ŋgɛmbɛ ntsɔ́ pwó ye ŋgâ: «Zhyaŋa kii zhyɛ́ ŋɔŋ zé ŋgâ wo kee tsi yɔ́b ne mo.»
Pe ziʼá Pɔ́lə fɛ́ Sezare
23Ntsɛ́ssó ŋkáb káŋató fú pɔŋ pépáá ndzɔ́ʼɔ́ pɛ ntsɛ́ssó mkpǐ káŋató, ntsɔ́ ne pɔ́b ŋgâ: «Puŋ ntsúŋú mbəb yuŋ njʉ́ puŋ ŋgú Sezare ne nab yipfuʼɔ netsúʼ puŋɛ kpíí káŋató yípáá, puŋɛ pɔŋ ghúbmesambáá pɛ́ pɔ́b ndɛ ŋgɔ́rɔ́ ndúŋú nǎpeʼe máʼá ntsɔ́ nɛ́, ne kpii pɔŋ pépáá pɛ pɔ́b tséʼé pɛ ŋkɔŋ nɛ́. 24Puŋ ké mbó ntsúŋú pɛ nǎpeʼe ne tsyaŋáne Pɔ́lə ŋgâ a páŋ sʉʼʉ síŋ Felisə, ye wɛ́ a ŋgɔ́bmenaʼ nɛ́.» 25A ŋweʼe taʼ ŋweʼe, ntsɔ́ ndzó ŋgâ: 26«A mo, Kolodyʉsə Lisyasə, ŋwəʼɛ pwó wo, ŋgəkód ya, Felisə, ntsɛ́ssó pɛ ŋgɔ́bmenaʼ, mə ntsɛ́ʼɛ nɔŋ! 27Pɛ Yúda yɔ́ɔ́ ŋɔŋ wɔŋ wɛ́ mə twɔ́ pwó wo kɛ́ʼɛ́ nɛ́, ndzɔŋɔ́ nɔʼɔ wé. Ntsʉʼmbé ŋkhoʼyɛ́ mə kɛ zóʼ ŋgâ a ŋɔŋ Roma nɛ́, mə ndɔ́ɔ́ pɛ káŋató psi pɔ́b kpéé wé ne pɔ́b. 28Njʉ́ mə kɛ sɛ́ɛ́ ne ndzêne yɔ́b yɛ́ pɔ́b sɔ́bɔ́ wé ndúŋú nɛ́, mə ndɔ́ɔ́ wé ŋgú níŋ i síŋ ghaŋásábáfiʼ kəkwéʼe. 29Mə kɛ zhʉ́ ŋgâ pɔ́b kɛ sɔ́bɔ́ wé pe ne no yɛ́ a tiŋɛ́ kaŋ mɔ́b nɛ́. Ntsʉʼmbé, mə mbé zhʉ́ taʼ yɔ́b yɛ́ a tsyɛ́ ŋgâ pe máʼ wé ndátsáŋ kii nɔ́ʼ nɛ́ pó. 30Njʉ́ mə kɛ zóʼ ŋgâ pe sɔ́ wé ne nɔ́ʼne nɛ́, mə ntwɔ́ wé pwó wo, ké mbó ntsɔ́ ne pɔ́b ŋgâ pɔ́b kʉ́yó sɔ́bɔ́ wé pwó wo.»
31Njʉ́ pɛ káŋató kɛ zóʼ no yɛ́ pé kɛ ntsɔ́ ne pɔ́b nɛ́, pɔ́b yɔ́ɔ́ Pɔ́lə ŋgú ne yé netsúʼ ndzó mbɛ́lʉ́ŋ Antipatri. 32Keemvé, pɔ́b tee Pɔ́lə pwɛ pɛ káŋató pɛ́ pɔ́b kɛ ghɔ́rɔ́ ndúŋú nǎpeʼe máʼá ntsɔ́ nɛ́. Pwɛ Pɔ́lə ghɛ́ ŋgú, pɔ́b pód yɔ́b ndzəb. 33Ŋkhoʼyɛ́ pɔ́b páŋá Sezare nɛ́, pɛ káŋató péré tee Pɔ́lə pwó ntsɛ́ssó ŋgɔ́bmenaʼ, pwɛ ŋweʼe yɛ́ pɔ́b kɛ kʉ́yó núŋ nɛ́. 34Ntsɛ́ssó ŋgɔ́bmenaʼ fú ŋweʼe, mbzirí pɛ́rɛ́ ŋgɔŋ yɛ́ Pɔ́lə twɔ́ yóʼó nɛ́. Pɔ́b ntsɔ́ pwó yé ŋgâ a ŋɔŋ Silisya. 35A tsɔ́ pwó Pɔ́lə ŋgâ: «Mə mvírí wo ne pɛ meno ŋkhoʼyɛ́ pɔŋ pɛ́ pɔ́b sɔ́bɔ́ wo nɛ́ mbɛ́ syé nɛ́.» A nsó ŋgâ pe ywʉ́ʼɔ́ wé ndzó ywoʼɔ́sábafiʼ yɛ́ a ntɔ́ʼ fɔŋ Erodə.
Currently Selected:
:
Highlight
Share
Copy
Want to have your highlights saved across all your devices? Sign up or sign in