Faʼ Ghaŋántɔ́b 24
24
No yɛ́ lɔya Tɛɛtʉlʉsə kɛ nsó nɛ́
1Njʉ́ zhyémve petáŋ kɛ záʼ nɛ́, Tɛdshʉ́ kəkwéʼe wɛ́ pe kɛ fú wé né Ananiyasə nɛ́ pfiŋi pwɛ ghəkód pú taʼ lɔya wɛ́ pe fú we né Tɛɛtʉlʉsə nɛ́. Pɔ́b sɔbɔ́ Pɔ́lə pwó ntsɛ́ssó pɛ ŋgɔ́bmenaʼ. 2Ntsɛ́ssó pɛ ŋgɔ́bmenaʼ wéré fú Pɔ́lə. Tɛɛtʉlʉsə zyé ŋkɔd, nsó ŋgâ: «Ŋgəkód ywí Felisə, psi yǎ ndzəb wo, pwɛ meno ffé pɛ wo zhyɛ́, a pé pe sʉ́ʼʉ mbəb pu psi nɛ́, ntséʼé ndáá ntsóne fwóme. 3Ŋgəkód ywí Felisə, psi fɛ́ tséʼé zááme pwó wo, ŋkɔŋɔ ŋkhoʼ náá, ndzó ŋkɔŋɔ ywoʼ náá njʉ́ wo zhyɛ́ meno sʉ́ʼʉ péré mbəb psi nɛ́. 4Njʉ́ mə tsé mvaʼ wo zááme nɛ́ pó, mə mbóʼmbwó pwó wo ŋgâ wo psyé ntəŋé wo ndzóʼ ywí, ne pǔpfob wo yɛ́, psi zé ŋgâ wo tséʼé nɛ́. 5Psi nú syé njʉ́ ŋgâ ŋɔŋ wɔŋ ndáá ŋgaŋa ntsóó. A máʼ vaʼ ndzɔ́ʼɔ́ ŋkɔŋɔ pɛ Yúda pɛ́ pɔ́b tsi pépéé náá nɛ́. A kɛ pe yé mbé fɔŋ pɔŋ pɛ́ pɔ́b kɛ fáá mbəb yɔ́b, pé fú wɔ́b ne punǎzarɛd nɛ́. 6A kɛ ké mbó m wɔ̂ ne síŋne Ndámboʼmvé, psi gbáá wé. [ 7Ntsʉʼmbé, ntsɛ́ssó pɛ káŋató wɛ́ pé fú ne Lisyasə nɛ́, kúŋɔ́ ndúŋú pe ne tʉ̌ŋ, kpéé wé ne psi.] 8Tɛɛmbɛ wo psirɛ́ wé ne tómbəb wo. Wo njʉ́ yo ŋgâ meno pɛ́ psi sɔbɔ wé ndúŋú nɛ́, a ŋgerɛ́ŋged.» 9Pɛ Yúda ntsyɛ́ŋəŋ yé, nsó ŋgâ, a néré.
Pɔ́lə nɔ́ ye gbéé
10Ŋgɔ́bmenaʼ maʼ pwó ye pwó Pɔ́lə, ŋgâ a nsó no. Néré, Pɔ́lə nsó ŋgâ: «Ŋgəkód ywí Felisə, mə ndzé ŋgâ, a ŋkhoʼyɔŋ ŋgǒʼmvé zááme njʉ́ wo sabafiʼ ne ŋgerɛ́ŋged ndzó ŋgɔŋ ywí nɛ́. Néré, mə nɔ́ yá gbéé pe kii ndzɔʼ ya téŋé. 11Tɛɛmbɛ wo táʼ tsi ne tómbəb wo. A kɛ yúŋɔ́ ntsɔ̌b zhyémve yípáá njʉ́ mə ŋkɔ́ʼɔ́ Yerʉ́salɛm ne ŋgúʼune Mboʼmvé nɛ́ pó. 12Ŋɔŋ kɛ zhʉ́ ya psi ŋɔŋ tsé mɛʼɛntswee, mə tsé máʼá vaʼ kii tsé fiʼɛ fiʼ Ndámboʼmvé, kii ndántéré pɛ Yúda, kii ndzó zyé mbɛ́lʉ́ŋ pó. 13Pɔŋ pékénɛ́ pɔ́b sɔ́bɔ́ ya nɛ́, tɛɛmbɛ pɔ́b pe kúʼɔ́ ne nyóʼne ŋgâ, no yɛ́ pɔ́b sɔ́bɔ́ ndúŋú nɛ́ ŋgerɛ́ŋged pó. 14Mə ndzé ŋgâ yɔŋ no yɛ́ mə ŋgyɛ nɛ́. Mə ŋgaŋafaʼ Mboʼmvé tɛd tɛd piŋi, mbziʼe njʉ́ Mɛndɔ́b Ntsɛɛpɔŋ zɔŋɔ nɛ́. Tsʉʼmbé, Mɛndɔ́b wéré, pɔ́b pó ŋgâ a mɛndɔ́b fǎmbəb. Mə ntséʼé psyɛ́ndzɔʼ ndúŋú ŋkɔŋɔ meno pɛ́ a ŋweʼéme ndzó ŋweʼe Kaŋ pú ŋweʼe ghaŋátsɔ́kpaŋató Mboʼmvé náá nɛ́. 15Mə tsé shʉ́rɛ taʼ no yɛ́ Mboʼmvé ŋkʉ́yó ŋgyɛ́ nɛ́. No yéré pɛ́ɛ́ ŋgâ, puŋgerɛ́ŋged pwɛ pukəpɔŋ ŋkʉ́yó njʉyɛ́ ne vó. No yɛ́ pɔ́b ke tsé shʉrɛ yɔ́b nɛ́. 16A zhyɛ́ yéré kɛ́ʼɛ́ mo ya, mə sáʼá tʉ̌ŋ ŋkɔŋɔ ŋkhoʼ náá kɛ́ʼɛ́ ŋgâ, ndzɔʼ ya ndɛ tsé sáʼá siŋ Mboʼmvé, kii ŋgâ siŋ pumésɔŋ. 17Njʉ́ mə kɛ tsó ŋgǒʼmvé zááme mvé nɛ́, mə ŋkʉ́yó ne fɛ́ne ghəbe pwó mbéŋgɔŋ ya, pwɛ shʉ́ pwó Mboʼmvé. 18Njʉ́ zhyémve sǒ mbəb ya njʉ́ kaŋ miŋi tsɔ́ nɛ́ kɛ záʼ nɛ́, mə ŋkʉ́yó Ndámboʼmvé, pɔ́b zǐ ya ndzó. A kɛ ghɛ́mbɛ pɔŋ pe záá pó, vaʼ ké mbé pé pó. 19Ntsʉʼmbé pecyó pɛ Yúda pɛ́ pɔ́b kɛ twɔ́ Azi nɛ́, a kɛ kuʼú pɔ́b ne ŋkʉ́yóne sɔ́bɔ́ ya pwó wo, mbɛyɛ́ pɔ́b kɛ tséʼé no ŋkyé ya nɛ́! 20Kii ŋgâ pɔŋ pɔŋ, pɔ́b nsó no yɛ́ pɔ́b zhʉ́ ŋgâ mə mvǒ nɛ́, ŋkhoʼyɛ́ a ghɛmbɛ mə kɛ kɛrɛ síŋ ghaŋásábáfiʼ kəkwéʼe nɛ́. 21Kii a ndaʼ ndíí nsó yɔŋ yɛ́ mə ntsɛ́ yóʼó nsó nɛ́? Ndii nsó yéré pɛ́ɛ́ ŋgâ: “A no njʉyɛ́ne nɛ́ ne vó, pé fiʼ ya síŋ puŋ kaʼa ndzebé ?”»
22Njʉ́ Felisə kɛ zɛ́ no Mɛndɔ́b Kristo kpaʼ yáŋme nɛ́, a suʼú zhyémve, nsó ŋgâ: «Mə náʼá fiʼɛ wúŋ pe zhyémve yɛ́ ntsɛ́ssó ŋkáb káŋató Lisyasə kʉ́yó ghaŋ nɛ́.» 23A nsó nɛ́ pwó ntsɛ́ssó mkpǐ káŋató ŋgâ a ywʉʼɔ́ Pɔ́lə kii naŋa wé ne ŋgyɛ̌ne pecyó meno pe, kii po kirɛ pwó pupé ne ndíŋíne wé ŋgɛ́bɛ́ we.
Pɔ́lə ndátsáŋ
24Ŋkhoʼyɛ́ pɔ́ŋ zhyémve kɛ záʼ nɛ́, Felisə kʉ́yó pú ŋgʉyé yé Drʉsilə wɛ́ a kɛ pé Mɔ́ŋ ŋɔŋ Yúda nɛ́. A zhyɛ́ pé fú Pɔ́lə ne ndzóʼne psyɛ́ndzɔʼ ne tíí Yěsô Kristo. 25Ntsʉʼmbé, njʉ́ no yɛ́ Pɔ́lə kɛ ntsɔ́ nɛ́, kɛ pó ŋgǔ ndúŋú ŋgerɛ́ŋged pwɛ gbǎne mbəb, pwɛ sǎbne fiʼ yɛ́ a kʉ́yó mbɛ nɛ́, Felisə pɔ́ɔ́, ntsɔ́ pwó yé ŋgâ: «Ne ŋkhoʼyɔŋ kaʼa, ghú, mə ŋgyɛ́ mbó fú wo cyó kɛɛ.» 26A kɛ tsé kpáŋa ŋgâ tɛɛmbɛ Pɔ́lə nuʼ ntswee ye. A kɛ fú wé ŋgâ a kʉ́yó ŋkɔŋɔ ŋkhoʼ náá kɛ́ʼɛ́, pe ndaʼ ne njʉ́ne wé. 27Njʉ́ ŋgǒʼmvé yípáá kɛ záʼ nɛ́, Pɔɔsyʉsə Fɛsətʉsə nzóndáb Felisə. Njʉ́ a kɛ táʼá ŋgâ pɛ Yúda tiŋɛ́ wé ne mbzítíí sʉ́ʼʉ nɛ́, a tee Pɔ́lə ndátsáŋ.
Currently Selected:
Faʼ Ghaŋántɔ́b 24: XMG
Highlight
Share
Copy
Want to have your highlights saved across all your devices? Sign up or sign in
Faʼ Ghaŋántɔ́b 24
24
No yɛ́ lɔya Tɛɛtʉlʉsə kɛ nsó nɛ́
1Njʉ́ zhyémve petáŋ kɛ záʼ nɛ́, Tɛdshʉ́ kəkwéʼe wɛ́ pe kɛ fú wé né Ananiyasə nɛ́ pfiŋi pwɛ ghəkód pú taʼ lɔya wɛ́ pe fú we né Tɛɛtʉlʉsə nɛ́. Pɔ́b sɔbɔ́ Pɔ́lə pwó ntsɛ́ssó pɛ ŋgɔ́bmenaʼ. 2Ntsɛ́ssó pɛ ŋgɔ́bmenaʼ wéré fú Pɔ́lə. Tɛɛtʉlʉsə zyé ŋkɔd, nsó ŋgâ: «Ŋgəkód ywí Felisə, psi yǎ ndzəb wo, pwɛ meno ffé pɛ wo zhyɛ́, a pé pe sʉ́ʼʉ mbəb pu psi nɛ́, ntséʼé ndáá ntsóne fwóme. 3Ŋgəkód ywí Felisə, psi fɛ́ tséʼé zááme pwó wo, ŋkɔŋɔ ŋkhoʼ náá, ndzó ŋkɔŋɔ ywoʼ náá njʉ́ wo zhyɛ́ meno sʉ́ʼʉ péré mbəb psi nɛ́. 4Njʉ́ mə tsé mvaʼ wo zááme nɛ́ pó, mə mbóʼmbwó pwó wo ŋgâ wo psyé ntəŋé wo ndzóʼ ywí, ne pǔpfob wo yɛ́, psi zé ŋgâ wo tséʼé nɛ́. 5Psi nú syé njʉ́ ŋgâ ŋɔŋ wɔŋ ndáá ŋgaŋa ntsóó. A máʼ vaʼ ndzɔ́ʼɔ́ ŋkɔŋɔ pɛ Yúda pɛ́ pɔ́b tsi pépéé náá nɛ́. A kɛ pe yé mbé fɔŋ pɔŋ pɛ́ pɔ́b kɛ fáá mbəb yɔ́b, pé fú wɔ́b ne punǎzarɛd nɛ́. 6A kɛ ké mbó m wɔ̂ ne síŋne Ndámboʼmvé, psi gbáá wé. [ 7Ntsʉʼmbé, ntsɛ́ssó pɛ káŋató wɛ́ pé fú ne Lisyasə nɛ́, kúŋɔ́ ndúŋú pe ne tʉ̌ŋ, kpéé wé ne psi.] 8Tɛɛmbɛ wo psirɛ́ wé ne tómbəb wo. Wo njʉ́ yo ŋgâ meno pɛ́ psi sɔbɔ wé ndúŋú nɛ́, a ŋgerɛ́ŋged.» 9Pɛ Yúda ntsyɛ́ŋəŋ yé, nsó ŋgâ, a néré.
Pɔ́lə nɔ́ ye gbéé
10Ŋgɔ́bmenaʼ maʼ pwó ye pwó Pɔ́lə, ŋgâ a nsó no. Néré, Pɔ́lə nsó ŋgâ: «Ŋgəkód ywí Felisə, mə ndzé ŋgâ, a ŋkhoʼyɔŋ ŋgǒʼmvé zááme njʉ́ wo sabafiʼ ne ŋgerɛ́ŋged ndzó ŋgɔŋ ywí nɛ́. Néré, mə nɔ́ yá gbéé pe kii ndzɔʼ ya téŋé. 11Tɛɛmbɛ wo táʼ tsi ne tómbəb wo. A kɛ yúŋɔ́ ntsɔ̌b zhyémve yípáá njʉ́ mə ŋkɔ́ʼɔ́ Yerʉ́salɛm ne ŋgúʼune Mboʼmvé nɛ́ pó. 12Ŋɔŋ kɛ zhʉ́ ya psi ŋɔŋ tsé mɛʼɛntswee, mə tsé máʼá vaʼ kii tsé fiʼɛ fiʼ Ndámboʼmvé, kii ndántéré pɛ Yúda, kii ndzó zyé mbɛ́lʉ́ŋ pó. 13Pɔŋ pékénɛ́ pɔ́b sɔ́bɔ́ ya nɛ́, tɛɛmbɛ pɔ́b pe kúʼɔ́ ne nyóʼne ŋgâ, no yɛ́ pɔ́b sɔ́bɔ́ ndúŋú nɛ́ ŋgerɛ́ŋged pó. 14Mə ndzé ŋgâ yɔŋ no yɛ́ mə ŋgyɛ nɛ́. Mə ŋgaŋafaʼ Mboʼmvé tɛd tɛd piŋi, mbziʼe njʉ́ Mɛndɔ́b Ntsɛɛpɔŋ zɔŋɔ nɛ́. Tsʉʼmbé, Mɛndɔ́b wéré, pɔ́b pó ŋgâ a mɛndɔ́b fǎmbəb. Mə ntséʼé psyɛ́ndzɔʼ ndúŋú ŋkɔŋɔ meno pɛ́ a ŋweʼéme ndzó ŋweʼe Kaŋ pú ŋweʼe ghaŋátsɔ́kpaŋató Mboʼmvé náá nɛ́. 15Mə tsé shʉ́rɛ taʼ no yɛ́ Mboʼmvé ŋkʉ́yó ŋgyɛ́ nɛ́. No yéré pɛ́ɛ́ ŋgâ, puŋgerɛ́ŋged pwɛ pukəpɔŋ ŋkʉ́yó njʉyɛ́ ne vó. No yɛ́ pɔ́b ke tsé shʉrɛ yɔ́b nɛ́. 16A zhyɛ́ yéré kɛ́ʼɛ́ mo ya, mə sáʼá tʉ̌ŋ ŋkɔŋɔ ŋkhoʼ náá kɛ́ʼɛ́ ŋgâ, ndzɔʼ ya ndɛ tsé sáʼá siŋ Mboʼmvé, kii ŋgâ siŋ pumésɔŋ. 17Njʉ́ mə kɛ tsó ŋgǒʼmvé zááme mvé nɛ́, mə ŋkʉ́yó ne fɛ́ne ghəbe pwó mbéŋgɔŋ ya, pwɛ shʉ́ pwó Mboʼmvé. 18Njʉ́ zhyémve sǒ mbəb ya njʉ́ kaŋ miŋi tsɔ́ nɛ́ kɛ záʼ nɛ́, mə ŋkʉ́yó Ndámboʼmvé, pɔ́b zǐ ya ndzó. A kɛ ghɛ́mbɛ pɔŋ pe záá pó, vaʼ ké mbé pé pó. 19Ntsʉʼmbé pecyó pɛ Yúda pɛ́ pɔ́b kɛ twɔ́ Azi nɛ́, a kɛ kuʼú pɔ́b ne ŋkʉ́yóne sɔ́bɔ́ ya pwó wo, mbɛyɛ́ pɔ́b kɛ tséʼé no ŋkyé ya nɛ́! 20Kii ŋgâ pɔŋ pɔŋ, pɔ́b nsó no yɛ́ pɔ́b zhʉ́ ŋgâ mə mvǒ nɛ́, ŋkhoʼyɛ́ a ghɛmbɛ mə kɛ kɛrɛ síŋ ghaŋásábáfiʼ kəkwéʼe nɛ́. 21Kii a ndaʼ ndíí nsó yɔŋ yɛ́ mə ntsɛ́ yóʼó nsó nɛ́? Ndii nsó yéré pɛ́ɛ́ ŋgâ: “A no njʉyɛ́ne nɛ́ ne vó, pé fiʼ ya síŋ puŋ kaʼa ndzebé ?”»
22Njʉ́ Felisə kɛ zɛ́ no Mɛndɔ́b Kristo kpaʼ yáŋme nɛ́, a suʼú zhyémve, nsó ŋgâ: «Mə náʼá fiʼɛ wúŋ pe zhyémve yɛ́ ntsɛ́ssó ŋkáb káŋató Lisyasə kʉ́yó ghaŋ nɛ́.» 23A nsó nɛ́ pwó ntsɛ́ssó mkpǐ káŋató ŋgâ a ywʉʼɔ́ Pɔ́lə kii naŋa wé ne ŋgyɛ̌ne pecyó meno pe, kii po kirɛ pwó pupé ne ndíŋíne wé ŋgɛ́bɛ́ we.
Pɔ́lə ndátsáŋ
24Ŋkhoʼyɛ́ pɔ́ŋ zhyémve kɛ záʼ nɛ́, Felisə kʉ́yó pú ŋgʉyé yé Drʉsilə wɛ́ a kɛ pé Mɔ́ŋ ŋɔŋ Yúda nɛ́. A zhyɛ́ pé fú Pɔ́lə ne ndzóʼne psyɛ́ndzɔʼ ne tíí Yěsô Kristo. 25Ntsʉʼmbé, njʉ́ no yɛ́ Pɔ́lə kɛ ntsɔ́ nɛ́, kɛ pó ŋgǔ ndúŋú ŋgerɛ́ŋged pwɛ gbǎne mbəb, pwɛ sǎbne fiʼ yɛ́ a kʉ́yó mbɛ nɛ́, Felisə pɔ́ɔ́, ntsɔ́ pwó yé ŋgâ: «Ne ŋkhoʼyɔŋ kaʼa, ghú, mə ŋgyɛ́ mbó fú wo cyó kɛɛ.» 26A kɛ tsé kpáŋa ŋgâ tɛɛmbɛ Pɔ́lə nuʼ ntswee ye. A kɛ fú wé ŋgâ a kʉ́yó ŋkɔŋɔ ŋkhoʼ náá kɛ́ʼɛ́, pe ndaʼ ne njʉ́ne wé. 27Njʉ́ ŋgǒʼmvé yípáá kɛ záʼ nɛ́, Pɔɔsyʉsə Fɛsətʉsə nzóndáb Felisə. Njʉ́ a kɛ táʼá ŋgâ pɛ Yúda tiŋɛ́ wé ne mbzítíí sʉ́ʼʉ nɛ́, a tee Pɔ́lə ndátsáŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in