Lomɛ́ŋ 2
2
Nanyá Gɔdányá génúgélési band
1Aŋuá egélenyé bɔsɔ́gɔ́, adɛbá na gɛnɛnɛna, ta abá ányá; gágual ká, gigúl egelenyé bɔsɔ́gɔ́, ond ala anɛ bɔ́bɔ́, egúbiéŋen gɛgua aŋuá muát. 2Nŋɛ́ɛ́, dɛgɔ́lɛnsan ká, gugélenyi gá Gɔdányá gúbiála agá meliŋítas gá ebe bálaná anama ya manda ayaányɛ. 3Aŋuá egélenyé band bálaná manda amaány ond ala anyɛ bɔ́bɔ́, agúbɛ́dága ká, agabɛ́sándɔ́n nɛgál na Gɔdányá e? 4Bunyɛ ány egúfénen Gɔdányá gág gá gɛnɔ́g gá ɔdɛm e? Unyɛ na guéhihenyi giod, na bese. Adɛgɔ́lɛnsan ká bese wá Gɔdányá gɔbianan ká únúgi gusɔ́d gɔ́w e? 5Aŋuá gɔg adɛguámba guɔ́b, adiambá gunúgi. Buád buanda ɔbígɔ́gɔnɔ gianta gá nugényígeny buɔ́s Gɔdányá genúdíye ilób yág na gugélenyi gág gunyá busi, 6uganamaan sig mɔnda gá ubú umáalá: 7Ugéŋin gusɔ́d gá kandɛ nɛmanɛ́ná gá ebe bábɛ́gɛ́ndɛ́naná gá guala bese bónd bámba gubɔ́d nugúm na nukany, na gusɔ́d gúdiámanáná. 8Gá ebe bálaná wɔ́ ɔduɔ́ gulal, bádiambá meliŋítas, bála biád bá bielínyélínyé, ugebífíŋidin bɔ́, wɔ́bɛ́n bɔ́ ilób giod. 9Guɔ́bɛ́g na buwa gabá aga band gidigid bálaná gɛfal, Beyúdɛn bóbusió, ebe badiábá Beyúdɛn ládaan, 10nugúm, nukany na bumbén gabá aga ebe gidigid bálaná bese, Beyúdɛn bóbusió, bádiábá Beyúdɛn ládaan, 11gágual ká, aga Gɔdányá band bem nyɛ buand búmoóm. 12Band gidigid balaná biád bá manda, bádɛ́lɛnsaan bisele bá Moyíso gafɔ́f, ta bádɛ́bianan bisele ibiány; ebe gɔg bálana gɛfal, bálɛ́nsaan bisele, bégegélenyi bɔ́ na bisele ibiány. 13Gágual ká, ebe bányá besi aga eŋís ya Gɔdányá dɛbá band bɔ́bídɔ́lɛgɔnɔ́ gubídɔ́lɛ́gɔn bisele, bányɛ́ ebe bófuógonyó ubú bɔ́bídɔ́lɛ́gɔnɔ́. 14Ebe bádiábá Beyúdɛn dɛgɔ́lɛnsan bisele. Nánié, bómodió gúfuógonyi bɛ́, báguala bú gɔ́b góbusió, búnyɛ anɛ bágɔ́bianan bɛ́ ɔgɔ́b gá ɛdɛm nagadá, ta anyɛ́ bádialɛnsáná bɛ́. 15Agá gual uguány, bégúdíyenyi ká, bielínyélínyé ɛbɛ́ bisele ófonó, nyɛ biɔ́ŋɔ́n ɔgɔ́b gá ɛdɛm. Gubídómón gá ɛdɛm sɔ́b nyɛ́ eŋél gɛ́laluá wɔbɔ, ta ɛmbɛ́dágɛ́dɛ́n siɔ́b sígúdíyenyi nɔ́ gigúl gímodió sísɔ́mɔɔn bɔ́, gindodió siɔ́gɔnɔgɔn bɔ́. 16Búbuány búganuánɛ́g buɔ́s ubú Gɔdányá genúgélenyi agá gélem gá Yésu Kilíse. Buanda gidigid búnyá buɔsɛ́gɔ́n agá gusɔ́d gá band, gɔɔ́gɔ anyɛ́ Ndág ya nsɔ́m iyɛ́ mfúnyifunyé ɔ́yɔnɔ́.
Ɔduɔ́ gulal wa Ísalayɛ́l
17Gúmábá gɔg ká aŋuá ányá na ɔfɛ́n ká Yúdɛn, ebídímbígeniné agá bisele, ɔ́bɔɔn bese na Gɔdányá wɔw, 18alɛnsaná gubílén gág, aŋuá uwɔ́ bisele nyá gugufúnyifunyi ká éyid ubú búnyá bese, 19aŋuá ɔbiɔ́yɔnɔ́ ká anyɛ weguendenyi bebúdebude, aŋuá gise gá ebe bányá agá mbíne, 20aŋuá ofúnyifúnyi wá band bá kandɛ gɔlɛnsa, efúnyifunyi baábayɔ gágual agɔ́lɛnsaan ká, bísele gúgudíyenyi gɔlɛns na meliŋítas bese na bese, 21ooo! aŋuá efúnyifunyé bɔsɔ́gɔ́, edibífúnyifunyi aŋuá muát! Ɔguɔ́yɔn band ká bédieb, aŋuá ébeen! 22Egúfíne guanda gá musɔm, aŋuá anda musɔm! Agúbɛla bagɔdányá bányá duánán duánan, ébeen manda manyá ɔgɔ́b gá ɛnyɛb! 23Égubíbúlígenyi ká agúlɛnsan bisele, aŋuá adiandá anyɛ́ biɔ́yɔnɔ, ány ɔdigúgɔ́lɔɔn Gɔdányá gianta gá buanda. 24Bunyɛ ká, ɔmbɔbɔnɔ wá Gɔdányá guɔ́yɔ ká: Gágual ká gual guán, gúgɔ́ ebe bádiábá Beyúdɛn bómodió sɛganá Gɔdányá.
Mbanda buensi agá Ɛsámb yá Mefúny nagadá
25Buensi nyɛ bese gá mɔnd ufuógonyó bisele. Ewe gɔg udiáláná anyɛ́ biófonó, unyɛ anyɛ udibá aŋansan. 26Búmábá gɔg ká osud sud guánda anyɛ́ bisele ɔ́yɔnɔ́. Gɔdányá dɛgɔgɔ́l wɔ́ anɛ usaman guansáb e? 27Mɔnd uwaány unyá na gisud giánɛ́ganɛga gúfuógonyi bisele, ugegugélesi aŋuá adiándáná anyɛ́ bisele ɔ́yɔnɔ́, búbú e e, anyɛ na bisele binyá ɔ́ŋɔ́ ɔ́ŋɔ, na guansab, odifuógi mɔ́. 28Saá mɔnd gidigid ubiɔ́yɔnɔ́ ká unyɛ Yúdɛn unyá mbanda Yúdɛn, ta ɔ́g ká, ginyiny gá buensi gídíyenyé ká mɔnd nyɛ aŋasan agág ɔdɛm, 29mbanda Yúdɛn nyɛ́ ewe unyá Yúdɛn agág gá ɔdɛm, bubɔ́ búnyá buensi bá ɔdɛm, búguúlenin aga Ɛsámb yá Mefúny yá Gɔdányá, saá aga ɔmbɔbɔnɔ wa bisele. Mbanda Yúdɛn digúbídenyi ká band kanyá wɔ́, Gɔdányá ukanyaná wɔ́.
Currently Selected:
Lomɛ́ŋ 2: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Lomɛ́ŋ 2
2
Nanyá Gɔdányá génúgélési band
1Aŋuá egélenyé bɔsɔ́gɔ́, adɛbá na gɛnɛnɛna, ta abá ányá; gágual ká, gigúl egelenyé bɔsɔ́gɔ́, ond ala anɛ bɔ́bɔ́, egúbiéŋen gɛgua aŋuá muát. 2Nŋɛ́ɛ́, dɛgɔ́lɛnsan ká, gugélenyi gá Gɔdányá gúbiála agá meliŋítas gá ebe bálaná anama ya manda ayaányɛ. 3Aŋuá egélenyé band bálaná manda amaány ond ala anyɛ bɔ́bɔ́, agúbɛ́dága ká, agabɛ́sándɔ́n nɛgál na Gɔdányá e? 4Bunyɛ ány egúfénen Gɔdányá gág gá gɛnɔ́g gá ɔdɛm e? Unyɛ na guéhihenyi giod, na bese. Adɛgɔ́lɛnsan ká bese wá Gɔdányá gɔbianan ká únúgi gusɔ́d gɔ́w e? 5Aŋuá gɔg adɛguámba guɔ́b, adiambá gunúgi. Buád buanda ɔbígɔ́gɔnɔ gianta gá nugényígeny buɔ́s Gɔdányá genúdíye ilób yág na gugélenyi gág gunyá busi, 6uganamaan sig mɔnda gá ubú umáalá: 7Ugéŋin gusɔ́d gá kandɛ nɛmanɛ́ná gá ebe bábɛ́gɛ́ndɛ́naná gá guala bese bónd bámba gubɔ́d nugúm na nukany, na gusɔ́d gúdiámanáná. 8Gá ebe bálaná wɔ́ ɔduɔ́ gulal, bádiambá meliŋítas, bála biád bá bielínyélínyé, ugebífíŋidin bɔ́, wɔ́bɛ́n bɔ́ ilób giod. 9Guɔ́bɛ́g na buwa gabá aga band gidigid bálaná gɛfal, Beyúdɛn bóbusió, ebe badiábá Beyúdɛn ládaan, 10nugúm, nukany na bumbén gabá aga ebe gidigid bálaná bese, Beyúdɛn bóbusió, bádiábá Beyúdɛn ládaan, 11gágual ká, aga Gɔdányá band bem nyɛ buand búmoóm. 12Band gidigid balaná biád bá manda, bádɛ́lɛnsaan bisele bá Moyíso gafɔ́f, ta bádɛ́bianan bisele ibiány; ebe gɔg bálana gɛfal, bálɛ́nsaan bisele, bégegélenyi bɔ́ na bisele ibiány. 13Gágual ká, ebe bányá besi aga eŋís ya Gɔdányá dɛbá band bɔ́bídɔ́lɛgɔnɔ́ gubídɔ́lɛ́gɔn bisele, bányɛ́ ebe bófuógonyó ubú bɔ́bídɔ́lɛ́gɔnɔ́. 14Ebe bádiábá Beyúdɛn dɛgɔ́lɛnsan bisele. Nánié, bómodió gúfuógonyi bɛ́, báguala bú gɔ́b góbusió, búnyɛ anɛ bágɔ́bianan bɛ́ ɔgɔ́b gá ɛdɛm nagadá, ta anyɛ́ bádialɛnsáná bɛ́. 15Agá gual uguány, bégúdíyenyi ká, bielínyélínyé ɛbɛ́ bisele ófonó, nyɛ biɔ́ŋɔ́n ɔgɔ́b gá ɛdɛm. Gubídómón gá ɛdɛm sɔ́b nyɛ́ eŋél gɛ́laluá wɔbɔ, ta ɛmbɛ́dágɛ́dɛ́n siɔ́b sígúdíyenyi nɔ́ gigúl gímodió sísɔ́mɔɔn bɔ́, gindodió siɔ́gɔnɔgɔn bɔ́. 16Búbuány búganuánɛ́g buɔ́s ubú Gɔdányá genúgélenyi agá gélem gá Yésu Kilíse. Buanda gidigid búnyá buɔsɛ́gɔ́n agá gusɔ́d gá band, gɔɔ́gɔ anyɛ́ Ndág ya nsɔ́m iyɛ́ mfúnyifunyé ɔ́yɔnɔ́.
Ɔduɔ́ gulal wa Ísalayɛ́l
17Gúmábá gɔg ká aŋuá ányá na ɔfɛ́n ká Yúdɛn, ebídímbígeniné agá bisele, ɔ́bɔɔn bese na Gɔdányá wɔw, 18alɛnsaná gubílén gág, aŋuá uwɔ́ bisele nyá gugufúnyifunyi ká éyid ubú búnyá bese, 19aŋuá ɔbiɔ́yɔnɔ́ ká anyɛ weguendenyi bebúdebude, aŋuá gise gá ebe bányá agá mbíne, 20aŋuá ofúnyifúnyi wá band bá kandɛ gɔlɛnsa, efúnyifunyi baábayɔ gágual agɔ́lɛnsaan ká, bísele gúgudíyenyi gɔlɛns na meliŋítas bese na bese, 21ooo! aŋuá efúnyifunyé bɔsɔ́gɔ́, edibífúnyifunyi aŋuá muát! Ɔguɔ́yɔn band ká bédieb, aŋuá ébeen! 22Egúfíne guanda gá musɔm, aŋuá anda musɔm! Agúbɛla bagɔdányá bányá duánán duánan, ébeen manda manyá ɔgɔ́b gá ɛnyɛb! 23Égubíbúlígenyi ká agúlɛnsan bisele, aŋuá adiandá anyɛ́ biɔ́yɔnɔ, ány ɔdigúgɔ́lɔɔn Gɔdányá gianta gá buanda. 24Bunyɛ ká, ɔmbɔbɔnɔ wá Gɔdányá guɔ́yɔ ká: Gágual ká gual guán, gúgɔ́ ebe bádiábá Beyúdɛn bómodió sɛganá Gɔdányá.
Mbanda buensi agá Ɛsámb yá Mefúny nagadá
25Buensi nyɛ bese gá mɔnd ufuógonyó bisele. Ewe gɔg udiáláná anyɛ́ biófonó, unyɛ anyɛ udibá aŋansan. 26Búmábá gɔg ká osud sud guánda anyɛ́ bisele ɔ́yɔnɔ́. Gɔdányá dɛgɔgɔ́l wɔ́ anɛ usaman guansáb e? 27Mɔnd uwaány unyá na gisud giánɛ́ganɛga gúfuógonyi bisele, ugegugélesi aŋuá adiándáná anyɛ́ bisele ɔ́yɔnɔ́, búbú e e, anyɛ na bisele binyá ɔ́ŋɔ́ ɔ́ŋɔ, na guansab, odifuógi mɔ́. 28Saá mɔnd gidigid ubiɔ́yɔnɔ́ ká unyɛ Yúdɛn unyá mbanda Yúdɛn, ta ɔ́g ká, ginyiny gá buensi gídíyenyé ká mɔnd nyɛ aŋasan agág ɔdɛm, 29mbanda Yúdɛn nyɛ́ ewe unyá Yúdɛn agág gá ɔdɛm, bubɔ́ búnyá buensi bá ɔdɛm, búguúlenin aga Ɛsámb yá Mefúny yá Gɔdányá, saá aga ɔmbɔbɔnɔ wa bisele. Mbanda Yúdɛn digúbídenyi ká band kanyá wɔ́, Gɔdányá ukanyaná wɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL