Lomɛ́ŋ 1
1
Mbígélid
1Yaŋuá Pólo, giɔ́l gá Yésu Kilíse, inuɔ́ŋɔnɔ́ mbɔbɔnɔ eye. Gɔdányá maŋáŋɛ́g ká mbá edúmeb, yɔ́yɔɔn band Ndág ya Nsɔ́m yaga. 2Ndág ya Nsɔ́m yaád uméeŋín ndán feké ká ugadɛ́dɔ́mɛ́n yɛ́ aga mubús mág má nsua múmɔ́ɔŋɔ́ yɛ́ agá Musámb má imbɔbɔnɔ. 3Ndág ya Nsɔ́m iyaány gɔ́lɛ́ŋa mɔɔn waga, uméebíbién anɛ mɔnd agá nɔgɔgɔ ná Défide sié ɔgúnɔ́ waga, 4agá nŋili ya Ɛsámb yá Mefúny, Gɔdányá uwedíye Yésu Kilíse anyɛ mɔɔn waga agág gá bugaga, gigul ɛgɛ́ uméenyí wɔ́ aga ebeguén. 5Agá gélem gá waád Yésu Kilíse agág gá ɔdɛm wá bese ká mbá edúmeb ká yɛ́baan band bá egúl gidigid ká bádáb wɔ́, bála wɔ́ nŋɔ́bɛnɔ ká ɔfɛ́n wág gúme. 6Banuá sɔ́n nunyɛ agá ɔlɔŋ uwaány, buád buanda Yésu Kilíse máanúbɛ́lɛ́gɛ́n. 7Ngúnuɔ́ŋɔɔ́n banuá gidigid nunyá Lɔ́m, banuá ɔbɔ́ Gɔdányá bílénené, umanúbɛ́lɛ́gɛ́n ká nubá band bág. Nsí Gɔdányá Sié wasɔ, na Ɔgúnɔ́ Yésu Kilíse nuéŋin bese na bumben.
Pólo gúbíléne guɔyɔ́lɔ beédeb bá Lɔ́m
8Buand bá busió, nguéŋeen Gɔdányá wam nukany agá ɔfɛ́n wá Yésu Kilíse gá banuá gidigid. Gágual ká agá gus gidigid, bégúdúmbenyi ká nuguádábaan. 9Gɔdányá gɔ́lɛnsan ká, nguɔ́yɔ meliŋítas, uwɔ́ waád yalaná wɔ́ buol na ɔdɛm wám gidigid, na guɔyɔ Ndág ya Nsɔ́m ɛlɛ́ŋaná mɔɔn waga. Ngúnúbɛ́dága bigúl gidigid mbisógólonyo gán góbúsió, 10yófoon wɔ́ bɛsɛgɛl gidigid agám gá mbísógól ká wúŋádábɛn, ká wúmfá giás gá gual ká yiíl aganuá ta anyɛ́ nsaguman gumagaan bɛsɛgɛl anyɛ bɛsɛgɛl. 11Bunyɛ ká, inyɛ na giant gɛnsana gɛ́gual ká inuán, ínúdúmbínyi buanda ubú Ɛsámb yá Mefúny máamfa ká nugɔ́nɛ́n agá guádáb, 12nguámba guɔyɛd ká, ngaal mmásiám aganuá, digeéŋenin makánya gá guádáb ugú dɛ́nyá na gú namɛ nanɔ́. 13Belimen, nguamba ka nulɛnsɛ ká, ngúbianan mbɛ́dágɛ́dɛn bɛsɛgɛl gidigid ká yiíl aganuá, kányɛ ndiábiánáná giás gutɔ gusiám nɛ́nuan. Nguámba ká buol yálana bia ginɔ́g gá ombió aganuá gɔɔ́gɔ anyɛ búnyá gubia aga band bádiábáná Beyúdɛn. 14Ngúbianan ká, yɛ́baan aga band bem, band bá nsiŋi ta band bá kandɛ nsiŋi, belinsí, ta ebe bádiábá belinsí; 15buád buanda mbiananá nsana yá gusinuɔyɔɔ́n banuá sɔ́n nunyá Lɔ́m Ndág ya Nsɔ́m.
Gɔdányá nyɛ osi
16Ndɛbá na ɔduɔ́ gunɔ́ gá gudúmbenyi Ndág ya Nsɔ́m. Na bugaga bá yɛ́ Gɔdányá sódonyó ebe bádábaná, gubanyɛg aga Beyúdɛn na ebe bádiábá Beyúdɛn. 17Búnyɛ́ nɔ́, Ndág ya Nsɔm gúdíyenyi nanyá Gɔdányá ondonyó band besi agág góbúsió, búguófoon ká band bia giondiɔdɛ́mɔ́ gusúg. Giondiɔdɛ́mɔ́ gɛ́gɛ́ eŋényé giófonó, gɔɔ́gɔ anɛ́ búnyá buɔ́ŋɔ́n agá Musámb má Mbɔbɔnɔ ká: Mɔnd wádábaná Gɔdányá, Gɔdányá guóndonyi wɔ́ osi agág góbúsió, mɔnd uwaány ubiananá mbanda gusɔ́d.
Gɛfal gá ebe bádiábá Beyúdɛn
18Gɔdányá muana nágadá gudíyenyi ilób yág gá band gidigid báláná bɛfal bónd bádialá anyɛ́ ubílénené. Kandɛ guanda agá ndényé wɔbɔ gubɔgaan meliŋítas mág, 19búbú e, ubu mond nyá bágɔ́lɛns aga Gɔdányá nyɛ sáŋ ɔgɔ́b góbusió. Gɔdányá medíyé bɔ́ bú. 20Kányɛ gunyá ká, guedúmin agá gulɔŋ gá gus, manda má Gɔdányá bádiánáná anyɛ, bugaga bá Gɔdányá búnyá kandɛ nsúgie, na ubú únyá uwɔ́ Gɔdányá muát, guánɛgan bese na bese agá manda ɔmɔ úmaála. Ány gɔg bádɛ́bá na nɛɛ́m gá guen guádáb Gɔdányá, 21ta anɛ búnyá ká, bágɔ́lɛnsaan Gɔdányá, bédíguéŋeen wɔ́ ta nugúm, ta bese giod anyɛ́ buófonó ká búbiála agág gá giáy. Abáb gá ɛmbɛ́dágɛ́dɛn sá buál, ɛdɛm sɔ́b sá kandɛ gɔlɛnsa isíebiédi agá mbíne. 22Bɔ́yɔ ká bányɛ́ na nsiŋi búbú e bányɛ́ bɔduɔ́duɔ. 23Na gual ká bébúlígenyi Gɔdányá wa nugúm udiéguénéné, abáb gá gúbúlígenyi biíyé bá band béguénené, bá munoni, bá manyam má bɛgɔnd bíní na manyam mébítútúlené. 24Buád buanda Gɔdányá máatɛɛ́n bɔ́ ká bála biád biɔ́b bá manda anɛ́ bébílénené, nɛnama nɛ́nyá ká bébífuenen ɔduɔ́ gunɔ́ ɔgɔ́b gá duɔ́l muát, bɔ́bɔ́ na bɔ́bɔ́. 25Bégunúgi meliŋítas má Gɔdányá, omoónd gɛsɔbɔ, ebeén gualaan wɔ́ buol na gubúlígenyi oluŋi unyá afunán na baánamana. Anaány! Bébúlígenyi, bónd bálaan bɛlɔŋalɔŋa bá Gɔdányá buol. 26Buád buanda Gɔdányá máanɛ́n bɔ́ ká bála biád bá bɛsɛmɛ́dɛ́n: Bagánd bɔ́b dɛguánd guádában ká banɔ́mandɔ bɛ́dɛ́gan bɔ́ anyɛ́ uméegedí, bádábaan ká bábɛ́bɛ́dɛ́ganɛn bɔ́bɔ́ na bɔ́bɔ́. 27Anaány sɔ́n banɔ́mandɔ nyá gutɛ́n gubɛ́dɛ́gan bagánd bɔ́b anyɛ́ Gɔdányá méegedí, obónd gá gúbianan nsana giod ká bábɛ́dɛ́ganɛn bɔ́bɔ́ na bɔ́bɔ́, búbɔ́ búményené guámanɛn ɔgɔ́b gá ɛdɛm, bála manda má ɔduɔ́ gunɔ́, banɔ́mandɔ na banɔ́mandɔ, anaány bábiananá bɔ́bɔ́ muát bɛnama bɛ́sɛ́gɛmananá na gɛfal ɛgɛ́ bálaná. 28Anɛ bényéguen gɔlɛns Gɔdányá, úgubɛ́yɛbɛd bɔ́ ɔgɔ́b gá nsiŋi sídiédémbénényé na Gɔdányá ká bála ubú bádiábiánán ká bála. 29Ɛdɛ́m sɔ́b nyɛ́ sifuógón na manda mádiábáná ndényé agá eŋís yá Gɔdányá, na gɛfal, na gubílén gá muonyi, na ifíl, na gubísésidenyi gá giod, na muɔ́nɔ́n, na nsaŋ, na mebénd, na buneŋ, na gudélenyi band monyi ma bɛsɔbɔ, 30bágálanɛn, bányɛ́ bambɛ́lɛbɛ́l bá Gɔdányá, básɛ́ganɛn, bányɛ́ na gubíbúlígi, na ɔmbiɔ́yɔ, báguamba iŋili gidigid ságuala gɛfal, bɔ́diɔ́bɔ́nɛ́n bebiény bɔ́b. 31Bádɛ́bá na nsiŋi, bɔ́digúfuógonyi indán sɔ́b, bányɛ́ na ɛdɛm gulal, bádɛguánanɛn gɔsɔ́g. 32Bágɔ́lɛnsan bese na bese ká Gɔdányá guɔ́yɔ ká, ebe bɔ́bígɔ́lɔnɔ́ nɛnama iniány bágúsɛgɛmanan na nigú. Ta nɔ́, bágúbaan nobusió na guala anama yá manda ayány, bédigúsúgeen gá mɔ́, bɔ́guɔ́bɔn bese na ebe bálaná mɔ́.
Currently Selected:
Lomɛ́ŋ 1: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Lomɛ́ŋ 1
1
Mbígélid
1Yaŋuá Pólo, giɔ́l gá Yésu Kilíse, inuɔ́ŋɔnɔ́ mbɔbɔnɔ eye. Gɔdányá maŋáŋɛ́g ká mbá edúmeb, yɔ́yɔɔn band Ndág ya Nsɔ́m yaga. 2Ndág ya Nsɔ́m yaád uméeŋín ndán feké ká ugadɛ́dɔ́mɛ́n yɛ́ aga mubús mág má nsua múmɔ́ɔŋɔ́ yɛ́ agá Musámb má imbɔbɔnɔ. 3Ndág ya Nsɔ́m iyaány gɔ́lɛ́ŋa mɔɔn waga, uméebíbién anɛ mɔnd agá nɔgɔgɔ ná Défide sié ɔgúnɔ́ waga, 4agá nŋili ya Ɛsámb yá Mefúny, Gɔdányá uwedíye Yésu Kilíse anyɛ mɔɔn waga agág gá bugaga, gigul ɛgɛ́ uméenyí wɔ́ aga ebeguén. 5Agá gélem gá waád Yésu Kilíse agág gá ɔdɛm wá bese ká mbá edúmeb ká yɛ́baan band bá egúl gidigid ká bádáb wɔ́, bála wɔ́ nŋɔ́bɛnɔ ká ɔfɛ́n wág gúme. 6Banuá sɔ́n nunyɛ agá ɔlɔŋ uwaány, buád buanda Yésu Kilíse máanúbɛ́lɛ́gɛ́n. 7Ngúnuɔ́ŋɔɔ́n banuá gidigid nunyá Lɔ́m, banuá ɔbɔ́ Gɔdányá bílénené, umanúbɛ́lɛ́gɛ́n ká nubá band bág. Nsí Gɔdányá Sié wasɔ, na Ɔgúnɔ́ Yésu Kilíse nuéŋin bese na bumben.
Pólo gúbíléne guɔyɔ́lɔ beédeb bá Lɔ́m
8Buand bá busió, nguéŋeen Gɔdányá wam nukany agá ɔfɛ́n wá Yésu Kilíse gá banuá gidigid. Gágual ká agá gus gidigid, bégúdúmbenyi ká nuguádábaan. 9Gɔdányá gɔ́lɛnsan ká, nguɔ́yɔ meliŋítas, uwɔ́ waád yalaná wɔ́ buol na ɔdɛm wám gidigid, na guɔyɔ Ndág ya Nsɔ́m ɛlɛ́ŋaná mɔɔn waga. Ngúnúbɛ́dága bigúl gidigid mbisógólonyo gán góbúsió, 10yófoon wɔ́ bɛsɛgɛl gidigid agám gá mbísógól ká wúŋádábɛn, ká wúmfá giás gá gual ká yiíl aganuá ta anyɛ́ nsaguman gumagaan bɛsɛgɛl anyɛ bɛsɛgɛl. 11Bunyɛ ká, inyɛ na giant gɛnsana gɛ́gual ká inuán, ínúdúmbínyi buanda ubú Ɛsámb yá Mefúny máamfa ká nugɔ́nɛ́n agá guádáb, 12nguámba guɔyɛd ká, ngaal mmásiám aganuá, digeéŋenin makánya gá guádáb ugú dɛ́nyá na gú namɛ nanɔ́. 13Belimen, nguamba ka nulɛnsɛ ká, ngúbianan mbɛ́dágɛ́dɛn bɛsɛgɛl gidigid ká yiíl aganuá, kányɛ ndiábiánáná giás gutɔ gusiám nɛ́nuan. Nguámba ká buol yálana bia ginɔ́g gá ombió aganuá gɔɔ́gɔ anyɛ búnyá gubia aga band bádiábáná Beyúdɛn. 14Ngúbianan ká, yɛ́baan aga band bem, band bá nsiŋi ta band bá kandɛ nsiŋi, belinsí, ta ebe bádiábá belinsí; 15buád buanda mbiananá nsana yá gusinuɔyɔɔ́n banuá sɔ́n nunyá Lɔ́m Ndág ya Nsɔ́m.
Gɔdányá nyɛ osi
16Ndɛbá na ɔduɔ́ gunɔ́ gá gudúmbenyi Ndág ya Nsɔ́m. Na bugaga bá yɛ́ Gɔdányá sódonyó ebe bádábaná, gubanyɛg aga Beyúdɛn na ebe bádiábá Beyúdɛn. 17Búnyɛ́ nɔ́, Ndág ya Nsɔm gúdíyenyi nanyá Gɔdányá ondonyó band besi agág góbúsió, búguófoon ká band bia giondiɔdɛ́mɔ́ gusúg. Giondiɔdɛ́mɔ́ gɛ́gɛ́ eŋényé giófonó, gɔɔ́gɔ anɛ́ búnyá buɔ́ŋɔ́n agá Musámb má Mbɔbɔnɔ ká: Mɔnd wádábaná Gɔdányá, Gɔdányá guóndonyi wɔ́ osi agág góbúsió, mɔnd uwaány ubiananá mbanda gusɔ́d.
Gɛfal gá ebe bádiábá Beyúdɛn
18Gɔdányá muana nágadá gudíyenyi ilób yág gá band gidigid báláná bɛfal bónd bádialá anyɛ́ ubílénené. Kandɛ guanda agá ndényé wɔbɔ gubɔgaan meliŋítas mág, 19búbú e, ubu mond nyá bágɔ́lɛns aga Gɔdányá nyɛ sáŋ ɔgɔ́b góbusió. Gɔdányá medíyé bɔ́ bú. 20Kányɛ gunyá ká, guedúmin agá gulɔŋ gá gus, manda má Gɔdányá bádiánáná anyɛ, bugaga bá Gɔdányá búnyá kandɛ nsúgie, na ubú únyá uwɔ́ Gɔdányá muát, guánɛgan bese na bese agá manda ɔmɔ úmaála. Ány gɔg bádɛ́bá na nɛɛ́m gá guen guádáb Gɔdányá, 21ta anɛ búnyá ká, bágɔ́lɛnsaan Gɔdányá, bédíguéŋeen wɔ́ ta nugúm, ta bese giod anyɛ́ buófonó ká búbiála agág gá giáy. Abáb gá ɛmbɛ́dágɛ́dɛn sá buál, ɛdɛm sɔ́b sá kandɛ gɔlɛnsa isíebiédi agá mbíne. 22Bɔ́yɔ ká bányɛ́ na nsiŋi búbú e bányɛ́ bɔduɔ́duɔ. 23Na gual ká bébúlígenyi Gɔdányá wa nugúm udiéguénéné, abáb gá gúbúlígenyi biíyé bá band béguénené, bá munoni, bá manyam má bɛgɔnd bíní na manyam mébítútúlené. 24Buád buanda Gɔdányá máatɛɛ́n bɔ́ ká bála biád biɔ́b bá manda anɛ́ bébílénené, nɛnama nɛ́nyá ká bébífuenen ɔduɔ́ gunɔ́ ɔgɔ́b gá duɔ́l muát, bɔ́bɔ́ na bɔ́bɔ́. 25Bégunúgi meliŋítas má Gɔdányá, omoónd gɛsɔbɔ, ebeén gualaan wɔ́ buol na gubúlígenyi oluŋi unyá afunán na baánamana. Anaány! Bébúlígenyi, bónd bálaan bɛlɔŋalɔŋa bá Gɔdányá buol. 26Buád buanda Gɔdányá máanɛ́n bɔ́ ká bála biád bá bɛsɛmɛ́dɛ́n: Bagánd bɔ́b dɛguánd guádában ká banɔ́mandɔ bɛ́dɛ́gan bɔ́ anyɛ́ uméegedí, bádábaan ká bábɛ́bɛ́dɛ́ganɛn bɔ́bɔ́ na bɔ́bɔ́. 27Anaány sɔ́n banɔ́mandɔ nyá gutɛ́n gubɛ́dɛ́gan bagánd bɔ́b anyɛ́ Gɔdányá méegedí, obónd gá gúbianan nsana giod ká bábɛ́dɛ́ganɛn bɔ́bɔ́ na bɔ́bɔ́, búbɔ́ búményené guámanɛn ɔgɔ́b gá ɛdɛm, bála manda má ɔduɔ́ gunɔ́, banɔ́mandɔ na banɔ́mandɔ, anaány bábiananá bɔ́bɔ́ muát bɛnama bɛ́sɛ́gɛmananá na gɛfal ɛgɛ́ bálaná. 28Anɛ bényéguen gɔlɛns Gɔdányá, úgubɛ́yɛbɛd bɔ́ ɔgɔ́b gá nsiŋi sídiédémbénényé na Gɔdányá ká bála ubú bádiábiánán ká bála. 29Ɛdɛ́m sɔ́b nyɛ́ sifuógón na manda mádiábáná ndényé agá eŋís yá Gɔdányá, na gɛfal, na gubílén gá muonyi, na ifíl, na gubísésidenyi gá giod, na muɔ́nɔ́n, na nsaŋ, na mebénd, na buneŋ, na gudélenyi band monyi ma bɛsɔbɔ, 30bágálanɛn, bányɛ́ bambɛ́lɛbɛ́l bá Gɔdányá, básɛ́ganɛn, bányɛ́ na gubíbúlígi, na ɔmbiɔ́yɔ, báguamba iŋili gidigid ságuala gɛfal, bɔ́diɔ́bɔ́nɛ́n bebiény bɔ́b. 31Bádɛ́bá na nsiŋi, bɔ́digúfuógonyi indán sɔ́b, bányɛ́ na ɛdɛm gulal, bádɛguánanɛn gɔsɔ́g. 32Bágɔ́lɛnsan bese na bese ká Gɔdányá guɔ́yɔ ká, ebe bɔ́bígɔ́lɔnɔ́ nɛnama iniány bágúsɛgɛmanan na nigú. Ta nɔ́, bágúbaan nobusió na guala anama yá manda ayány, bédigúsúgeen gá mɔ́, bɔ́guɔ́bɔn bese na ebe bálaná mɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL