Lomɛ́ŋ 3
3
Mɔnd unyá osi ogóbusió bá Gɔdányá dɛbá
1Ány gɔgɔ, Yúdɛn gubianan giág gíndodió gudɔ́mb bɔsɔ́gɔ́ e? Buensi gúdúgúne gágiág e? 2Mfí nyɛ gianta agá nŋili gidigid. Buanda bobúsió, Beyúdɛn bámáakɛ́n gubia gugál gá Gɔdányá. 3Ímábá gɔg ká gɛdam ɔgɔ́b gá ɔlɔŋ dɛmabá na nuládad, búbú gɔ́g búgenúlég Gɔdányá gubá na nuládad e? 4Ágó, saá anaány! Ta anyɛ́ búnyɛ́ ká mɔnd gidigid nyɛ ɔsɔ́bɔsɔ́b, dɛgúbianan ká dɛ́lɛ́ns sáŋ ká Gɔdányá nyɛ́ meliŋítas, gɔɔ́gɔ́ anyɛ́ búnyá buɔ́ŋɔ́n ká: Buanda gidigid ɔyɔ́nɔ́ band, báguánan ká anyɛ osi, ogúyodonyi ebe bégúgélenyé. 5Búmoól ká gɛfal dialaná gúdíyenyi ká Gɔdányá nyɛ́ osi, diɔ́yɛd ká Gɔdányá dɛ́bá osi gigúl údiéŋené nugényigény. Ngúgálá aya anɛ band bómodió gálaná 6Ágó! gágual ká, úbá anaány, nanyá unyá wegugélenyi band bá gus e? 7Búmábá gɔg ká, agám gá gɛsɔbɔ, meliŋítas ma Gɔdányá anɛ́ganá sáŋ gágúdíye nugumi nuág, góbusió bágiág gɔ́g, nugényigény maányá nam gágual ká inyɛ eŋeli gɛfal e? 8Ány gɔgɔ, dɛdɛbá bɔ́guɔyɛd ká nsɛ́ diála bɛfal ká bese ólúgun e? Gá bɔ́, band bóndodió gúngálɛ́galɛn, bɔ́yɔ ká yaŋuá yɔyɔnɔ́ nɔ́. Band abaány gabia nugényigeny. Nugúsɛgɛmanan nɔbɔ. 9Giág gɔ́g? Basuá Beyúdɛn dɛgɔ́dɔ́mbaan bɔsɔ́gɔ́ bóndodi e? Ta buanda! Gágual ká nsaman gudíye ká, basuá bem, gɛfal gúdímányɛ́ganɛn, Beyúdɛn anɛ ebe bádiábáná Beyúdɛn. 10Mbɔbɔnɔ ya Gɔdányá guɔ́yɔ ká:
Osi wa mɔnd dɛbá, ta omoóm,
11 Ta mɔnd udɛgúsɔ́ŋɔ́ná ubú búnyá bese, ta omoóm wambaná Gɔdányá udɛba.
12 Bɔ́bɔ́ bem báguadɔg agá nŋili ya bese, abánaan bɔ́bɔ́ gidigid,
ta walaná bese udɛba, ta omoóm.
13 Dumɛnɛ́n dɔ́b nyɛ anɛ gɛbɛ́l gínyá nŋɔ́liɔ́;
bányɛ́ na bɛlámb bá bɛsɔbɔ,
moóny maámaná ɔgɔ́b gá niíd nyɛ bɔguɔ́n mɔnd;
14 eŋid yɔ́b nyɛ́ ofuógon na gilɔm na móny má gɛfal;
15 na bɛgɔnd biɔ́b, bégúdíne fiaŋ fiaŋ ká bɔ́nɔ band;
16 bágúgada kɔɔ́m gidigid ɔgɔ́ bádúmbaná, bónd bala ká meyú bá kɔ́;
17 bádɛgɔ́lɛnsan nŋili yá bumben.
18 Ɔgɔ́b gá eŋís Gɔdányá dɛbá ta buanda!
19Nányé e dɛgɔ́lɛnsaan buand gidigid ubú bisele ɔ́yɔnɔ́. Bíguɔyɔ bú gá ebe bábiananá ká báládaan bisele, nɛnama nɛ́nyá ká ta mɔnd udiálɔn niíd ká úbɛ́saág, na ká mɔnd gidigid egegus lɛns ká Gɔdányá gegélenyi wɔ́. 20Kány gúnyá ká, ta mɔnd udɛgabá osi agá eŋís yá Gɔdányá gágual ká umofuógónyí bisele. Gá guán, bisele guála ká mɔnd ɔ́sɔn ká unyɛ na gɛfal. 21Nɛ́nuán gɔg, Gɔdányá médíyé nɛnama nínúm údióndonyo besi agág góbusió kandɛ bisele. Imbɔbɔnɔ sá bisele na ɛsɛ́ mubús mɔ́ɔŋɔ́ guelenyi gɛ́laluá gá bɔ́. 22Gɔdányá guondonyi band besi agág gá búsió gɛsɛgɛl bádábaná Yésu Kilíse. Uguála nɔ́ gá ebe gidigid bádábaná Kilíse, gágual ká, band nyɛ táŋ buanda búmoóm agág gá eŋís, 23bámáal gɛfal bɔ́bɔ́ bem, anaány bányá ayáyá na nugúm ná Gɔdányá. 24Kányɛ gɔ́g, Gɔdányá agág gá bese, óndonyó bɔ́ besi gilé gilé agá Yésu Kilíse wáŋɔ́naná bɔ́ gá bɛfal. 25Gɔdányá madɔ́m Kilíse anyɛ mbúny yá mbasa ká, agá gélem gá nigú nág, band bádábaná wɔ́ bia gɛnɛnɛna gɔ́b gá bɛfal. Umáal anaány ká, údíye ká unyɛ bigul gidigid osi gágual ká udiméeŋin band bá nsua nugényigény gá bɛfal bɔ́b. 26Anyɛ́ udiɔ́bɔ́nɔ́ ilób fiaŋ, umaányɛ nɔ́ ínen, anyɛ́ wambaná gudíye agá gigúl giád gímoom ká ubá osi, wónd wóndi ebe bádábaná Yésu besi. 27Ány, dinyɛ sɔ́n na nɛɛm ná gubiɔ́yɔ e? Ágó ta nímoóm! Gágiag? Gágual ká, ubú buófonó guala, dɛbá gufuógonyi bisele, guádáb guófono. 28Ŋɛ́ɛɛ! Dɛgɔ́bɛ́dága gɔg ká, band gond besi aga eŋís ya Gɔdányá gágual ka báguádábaan, saá gágual ká, bógúfuógonyi bisele. 29Ɔ́gɔ ká, Gɔdányá nyɛ́ Gɔdányá wa Beyúdɛn gusúg e? Udɛbá Gɔdányá wa ebe bádiábá Beyúdɛn sɔ́n e? Búnyɛ́ nɔ́! Unyɛ sɔ́n Gɔdányá wa ebe bádiábá Beyúdɛn, 30anɛ gunyá ká Gɔdányá nyɛ táŋɛ́ omóm, uwɔ́ ugonuóndi Beyúdɛn baganuádáb besi. Uwɔ́ sɔ́n ugonuondi ebe bádiábá Beyúdɛn besi agá guádáb gɔ́b. 31Búdɛguamba guɔyɛ́d ká, dɛ́mabá na guádáb, bisele nyɛ́ buand bá gilé gilé. Budibá anaány, diguéŋen bisele mfí ya bɛ́ gidigid.
Currently Selected:
Lomɛ́ŋ 3: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Lomɛ́ŋ 3
3
Mɔnd unyá osi ogóbusió bá Gɔdányá dɛbá
1Ány gɔgɔ, Yúdɛn gubianan giág gíndodió gudɔ́mb bɔsɔ́gɔ́ e? Buensi gúdúgúne gágiág e? 2Mfí nyɛ gianta agá nŋili gidigid. Buanda bobúsió, Beyúdɛn bámáakɛ́n gubia gugál gá Gɔdányá. 3Ímábá gɔg ká gɛdam ɔgɔ́b gá ɔlɔŋ dɛmabá na nuládad, búbú gɔ́g búgenúlég Gɔdányá gubá na nuládad e? 4Ágó, saá anaány! Ta anyɛ́ búnyɛ́ ká mɔnd gidigid nyɛ ɔsɔ́bɔsɔ́b, dɛgúbianan ká dɛ́lɛ́ns sáŋ ká Gɔdányá nyɛ́ meliŋítas, gɔɔ́gɔ́ anyɛ́ búnyá buɔ́ŋɔ́n ká: Buanda gidigid ɔyɔ́nɔ́ band, báguánan ká anyɛ osi, ogúyodonyi ebe bégúgélenyé. 5Búmoól ká gɛfal dialaná gúdíyenyi ká Gɔdányá nyɛ́ osi, diɔ́yɛd ká Gɔdányá dɛ́bá osi gigúl údiéŋené nugényigény. Ngúgálá aya anɛ band bómodió gálaná 6Ágó! gágual ká, úbá anaány, nanyá unyá wegugélenyi band bá gus e? 7Búmábá gɔg ká, agám gá gɛsɔbɔ, meliŋítas ma Gɔdányá anɛ́ganá sáŋ gágúdíye nugumi nuág, góbusió bágiág gɔ́g, nugényigény maányá nam gágual ká inyɛ eŋeli gɛfal e? 8Ány gɔgɔ, dɛdɛbá bɔ́guɔyɛd ká nsɛ́ diála bɛfal ká bese ólúgun e? Gá bɔ́, band bóndodió gúngálɛ́galɛn, bɔ́yɔ ká yaŋuá yɔyɔnɔ́ nɔ́. Band abaány gabia nugényigeny. Nugúsɛgɛmanan nɔbɔ. 9Giág gɔ́g? Basuá Beyúdɛn dɛgɔ́dɔ́mbaan bɔsɔ́gɔ́ bóndodi e? Ta buanda! Gágual ká nsaman gudíye ká, basuá bem, gɛfal gúdímányɛ́ganɛn, Beyúdɛn anɛ ebe bádiábáná Beyúdɛn. 10Mbɔbɔnɔ ya Gɔdányá guɔ́yɔ ká:
Osi wa mɔnd dɛbá, ta omoóm,
11 Ta mɔnd udɛgúsɔ́ŋɔ́ná ubú búnyá bese, ta omoóm wambaná Gɔdányá udɛba.
12 Bɔ́bɔ́ bem báguadɔg agá nŋili ya bese, abánaan bɔ́bɔ́ gidigid,
ta walaná bese udɛba, ta omoóm.
13 Dumɛnɛ́n dɔ́b nyɛ anɛ gɛbɛ́l gínyá nŋɔ́liɔ́;
bányɛ́ na bɛlámb bá bɛsɔbɔ,
moóny maámaná ɔgɔ́b gá niíd nyɛ bɔguɔ́n mɔnd;
14 eŋid yɔ́b nyɛ́ ofuógon na gilɔm na móny má gɛfal;
15 na bɛgɔnd biɔ́b, bégúdíne fiaŋ fiaŋ ká bɔ́nɔ band;
16 bágúgada kɔɔ́m gidigid ɔgɔ́ bádúmbaná, bónd bala ká meyú bá kɔ́;
17 bádɛgɔ́lɛnsan nŋili yá bumben.
18 Ɔgɔ́b gá eŋís Gɔdányá dɛbá ta buanda!
19Nányé e dɛgɔ́lɛnsaan buand gidigid ubú bisele ɔ́yɔnɔ́. Bíguɔyɔ bú gá ebe bábiananá ká báládaan bisele, nɛnama nɛ́nyá ká ta mɔnd udiálɔn niíd ká úbɛ́saág, na ká mɔnd gidigid egegus lɛns ká Gɔdányá gegélenyi wɔ́. 20Kány gúnyá ká, ta mɔnd udɛgabá osi agá eŋís yá Gɔdányá gágual ká umofuógónyí bisele. Gá guán, bisele guála ká mɔnd ɔ́sɔn ká unyɛ na gɛfal. 21Nɛ́nuán gɔg, Gɔdányá médíyé nɛnama nínúm údióndonyo besi agág góbusió kandɛ bisele. Imbɔbɔnɔ sá bisele na ɛsɛ́ mubús mɔ́ɔŋɔ́ guelenyi gɛ́laluá gá bɔ́. 22Gɔdányá guondonyi band besi agág gá búsió gɛsɛgɛl bádábaná Yésu Kilíse. Uguála nɔ́ gá ebe gidigid bádábaná Kilíse, gágual ká, band nyɛ táŋ buanda búmoóm agág gá eŋís, 23bámáal gɛfal bɔ́bɔ́ bem, anaány bányá ayáyá na nugúm ná Gɔdányá. 24Kányɛ gɔ́g, Gɔdányá agág gá bese, óndonyó bɔ́ besi gilé gilé agá Yésu Kilíse wáŋɔ́naná bɔ́ gá bɛfal. 25Gɔdányá madɔ́m Kilíse anyɛ mbúny yá mbasa ká, agá gélem gá nigú nág, band bádábaná wɔ́ bia gɛnɛnɛna gɔ́b gá bɛfal. Umáal anaány ká, údíye ká unyɛ bigul gidigid osi gágual ká udiméeŋin band bá nsua nugényigény gá bɛfal bɔ́b. 26Anyɛ́ udiɔ́bɔ́nɔ́ ilób fiaŋ, umaányɛ nɔ́ ínen, anyɛ́ wambaná gudíye agá gigúl giád gímoom ká ubá osi, wónd wóndi ebe bádábaná Yésu besi. 27Ány, dinyɛ sɔ́n na nɛɛm ná gubiɔ́yɔ e? Ágó ta nímoóm! Gágiag? Gágual ká, ubú buófonó guala, dɛbá gufuógonyi bisele, guádáb guófono. 28Ŋɛ́ɛɛ! Dɛgɔ́bɛ́dága gɔg ká, band gond besi aga eŋís ya Gɔdányá gágual ka báguádábaan, saá gágual ká, bógúfuógonyi bisele. 29Ɔ́gɔ ká, Gɔdányá nyɛ́ Gɔdányá wa Beyúdɛn gusúg e? Udɛbá Gɔdányá wa ebe bádiábá Beyúdɛn sɔ́n e? Búnyɛ́ nɔ́! Unyɛ sɔ́n Gɔdányá wa ebe bádiábá Beyúdɛn, 30anɛ gunyá ká Gɔdányá nyɛ táŋɛ́ omóm, uwɔ́ ugonuóndi Beyúdɛn baganuádáb besi. Uwɔ́ sɔ́n ugonuondi ebe bádiábá Beyúdɛn besi agá guádáb gɔ́b. 31Búdɛguamba guɔyɛ́d ká, dɛ́mabá na guádáb, bisele nyɛ́ buand bá gilé gilé. Budibá anaány, diguéŋen bisele mfí ya bɛ́ gidigid.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL