Bielínyélínyé 27
27
Bámádɔ́m Pólo Lɔ́m
1Búmáal búmabɛ́sɔ́mb ká dɛgɔ́bɔ́lɛgaan agá gidoŋ ɛgɛgɔn gá gɔb agá giéns gá gus bábɛ́laná ká Italí, ebéŋin na Pólo na bɛmbɔg bíndodi gá Ɔgúnɔ́ wa musia ɔfɛ́n ká Suluyúse. Umabá agá ɔlɔŋ wá musia má ofuŋ uwɔgɔn wá Lɔ́m. 2Idiabɔ́lɛgaan agá gidoŋ ɛgɛgɔn gá tísɔn wa Adalamit, gímabán buay bá giéns gá gus gá Así, idiadɔ́mb. Alisitáka mɔnd wa Tísɔ́n wa Tesaloník mabá ɔlɔŋ nasɔ. Tísɔ́n uwaány nyɛ wa giéns gá gus bábɛ́laná ká Maseduán. 3Mémbelibeli anyɛ́ dímáal tílé Sidɔ́ŋ, Suluyúse umáabɛ́dɛ́gán Pólo bese, meéŋín wɔ́ bugaga búguɔyɔlɔ́ bégúl bág ká ubia gidúgune. 4Dɛmáal na guadɔg ány kɔɔ́m dɛmáal tílé, idianda buáya buáya gɛmbádá wa ɛlua bábɛ́laná Sipɛ́lɛ, gágual ká, ifufuny móoloón agás góbusió. 5Idiayɔɔg manáŋ abɔ́sa unyá egúy na Silisí na Pamfilí, idienege Míl agá gus gá Lisí. 6Ɔgúnɔ́ wa musia má Balomɛŋ uwɔfuɔg gidoŋ ɛgɛgɔn gá tísɔn wa Alɛkɛsandilí, ány gímábaán Italí. Uwedíbúlígi gá gɛ́. 7Idianda siɔ siɔ giod gá mɔɔ́s. Idielumen na muyú giod ká diám aga tísɔn wa Kiníd. Anɛ́ ófufuny méedíseésényí giod ká didiánda fiaŋ giáy igiány, idiasánd masiá masia gúsígusié wa ɛlua bábɛ́laná ká Kɛlɛ́t, giáy gá Salamonɛ ány ofufuny dimefuŋe giod. 8Na muyú giod, idianda buay buay bá gɛsál, idienege agá kɔɔ́m gányá ɔfɛ́n ká Bɛnɔ́g bá Esug, egúy na Tísɔn wa Lasáya. 9Anyɛ́ dímeédúmbi gɛsɛgɛl giod aga nŋili, ubuesiíl muyú ká dɛɛ́b nobusió na ɔŋɛnd, gágual ká, buɔ́s bá gubílég manyán mabá búmádɔ́mb. Búbú búnyá bulinsi ká ɛmaŋ ya budug ganyɛ kɔ́. Buád buanda Pólo méebiés bogóg gidoŋ. 10Uganyɛ gɔ́b ká: «Begúl bám, nŋuánan ká ɔŋɛnd wás gagúbá bɔbɛ. Sitíme na manda mányá kɔ́ nagadá gasɛŋɛg, basuá muátɛ dɛnyɛ bégúsúgudenyi diguénen.» 11Ta anaány, ɔgɔn wa musia má Balomɛ́ŋ mɔ́ɔbɔɔ́n ubú ogóg na muát gidoŋ ɛgɛgɔn mɔ́ɔyɔ́, udimɔgɔ́lɔn gɛsɛgɛl na moóny má Pólo. 12Nɛgɔ́l bidoŋ sɔ́n dɛmabá kɔɔ́m gá bese, gágual ká band dúmbi ɛmaŋ ya budug kɔ́, buád buandá band giod bámáabá aga gidoŋ ɛgɛgɔn máam ekelu ká báb nobusió. Bámambá ká búmabá fɛɛ́d fɛɛ́d, beég agá nɛgɔ́l bidoŋ ná Kɛlɛt níndodi nínyá ɔfɛ́n ká Fénis, ká ɛmaŋ dɔ́mbɛ́n bɔ́ kɔ́. Nɛgɔ́l gidoŋ iniány gúlɛ́ŋa giáy ɛgɛ́ ɔ́ny ábɛ́dɛ́máná.
Ofufuny uwɔgɔn agá manáŋ abɔ́sa
13Fɛfɛfɛ wúlénine gɛmbádá uwabanyɛg guala, abábɛ́dágɛ́d ká nuged nɔ́b nyɛ́ bágual nuámɛ́nɛn. Ebedúgi giléŋuléŋ gialaná ká gidoŋ ɛgɛgɔn delimen. Abában siɔsiɔ buay buay bá gɛsál gá ɛlua yá Kɛlɛ́t. 14Mɔɔn wá gɛsɛgɛl madɔ́mb, gianta gá ofufuny igiédígídígenyi. Úmóolónin agá dugɔnd dá ɛlua, bágɔ́bɛ́laan wɔ́ ká Elákilɔŋ; 15uwadɔ́mbán gidoŋ ɛgɛgɔn gágual ká gídimabá bégúdémbényi na ofufuny, idiabɛ́nɛɛn uwádɛ́dɔ́mbán. 16Idiadɔ́mbɛ́n giáy gá mɔɔn wa ɛlua ímáagɛ́mb ofufuny, ɔfɛ́n wa yɛ́ nyɛ ká Koda. Na gidɔmbɔ gidigid e, idiámɛ́nɛ́n ká diɔ́gɔnɔgɔn mɔɔn wá gilu, idiémi wɔ́ agá madɛ́ga. 17Dimáal dímébúlígi mɔɔn wá gilu agá gidoŋ ɛgɛgɔn ugumuana, idiambɛd iŋili gidigid ɛsɛ́ dimáabiánán, gá gúláma gidoŋ ɛgɛgɔn na duoli ká gɛ́dɛ́galágás. Anyɛ́ bémeédíne ká bádináakákán agá ensénseny wa gɛsál gá Libí, Ebedúnugi gidímbég gídélímenyé gidoŋ ɛgɛgɔn, abábɛ́tɛ́n gɔg ká ofufuny éndenyi bɔ́. 18Ofufuny mabán nobusió na gudíyúgule na bugaga nɛnama nɛnyá ká gúbélénenyi, ebédúm guétényi bɛnɔ agá manáŋ abɔsa gá guondi gidoŋ ɛgɛgɔn lág lág. 19Buɔ́s bá gádadɔ, bogóg gidoŋ ɛgɛgɔn obómbó manda mɔ́b má buol. 20Ofufuny uwɔ́baan nobusiɔ́ na gufuŋe na bugaga, ubuál medug giod, ta ɔ́ny, ta muódód dɛdɛmand guánaan. Idiésúgúdenyi gusɔlɔgɔg maláŋ ka nɛsɔ́dɛ́n dɛ́gába. 21Ebe bámáabá aga gidoŋ ɛgɛgɔn mabá bémédúmbi gianta gá gɛsɛgɛl gandɛ gunyá buanda. Pólo gudélímin ɔgɔ́b gá gadágadá ugány ká: «Bégúl bám, nuɔ́b gugál gám ká didiadɔ́g Kɛlɛ́t gesí nudiményími gɛdám gá manda egie na ɔmɔ mámánɔ́sɛŋɛ́sɛŋ. 22Nɛ́nuán gɔg, ánubiág mákánya gágual ká ta mɔnd agás gá ɔlɔŋ udigégú; gidoŋ ɛgɛgɔn gɛ́gɛ́ eŋényé diganuáyɛ́n. 23Na budug bá ínen ebue, Gɔdányá umɔ́ɔdɔ́bɔ́n yond yalaan wɔ́ buol sandɔ́mɛ́n ɔsɔ́mɔsɔm waga ká úsɛŋɔyɛ́dɛ́n, 24ka: “Pólo, adɛɛ́b buwa, buguófoon ká ofuŋ uwɔgɔn gugélenyi, buád buanda Gɔdányá agág gá bese gɔ́w góbusió, mánúguádábɛ́n sɔ́n ká ebe gidigid nunyá nɔbɔ sɔ́d ɔgɔ́w gá gélem.” 25Buam! Ánɔbɛ́gɛ́ndɛ́nán, nguóndonyi ɔdɛm aga Gɔdányá ká: búgagúbiál gɔɔ́gɔ anyɛ́ usɔɔ́guŋɔyɛdɛn. 26Ta anaány digaguáfagán agá ɛlua.»
Gidoŋ ɛgɛgɔn mágadɛ́g
27Búmabá gilélé gá gát na géní ofufuny méedidígén giáy gá manáŋ abɔ́sa unyá ɔfɛn ká Meditelané. Na ɔdɛm wá budug, ubuál bogóg gidoŋ ɛgɛgɔn anyɛ gus gányɛ egúy. 28Ebegedi guyuum gá mádɛga na nugediny, abaán ká madɛ́ga nyɛ guyuum bamɛ́ta nitín na bunyo na bándɛ. Mɔɔn wa gɛnambɛ, abánd gugedi guyuum, abaán ká gúnyɛ́ bamɛ́ta nitín na bányɛ́manyɛ. 29Bámabiánán buwa ká gidoŋ ɛgɛgɔn gagúbɛ́bɔ́m agá bɛdany. Buad buanda béméetí biléŋ léŋ bíní bídényígenyé gidoŋ ɛgɛgɔn. Bímabá agá gélem, abábanyɛg gufile ká kɔɔ́m bál fiaŋ fiaŋ. 30Bogóg gidoŋ ɛgɛgɔn ebeseli mɔɔn wá gilu agá manáŋ abɔ́sa, bénéŋe ká, bágɔ́d biléŋ léŋ bímodi bínyá ogóbúsió bídényígenyé gidoŋ ɛgɛgɔn. Nányé, bámambá gubínɔ. 31Pólo ganyɛ gá ɔgɔn wa musia na gá musia ká: «Band ebe meén bɔ́dílɔbɔ nagadá wa gidoŋ ɛgɛgɔn, nudibá bá gúsɔ́d.» 32Musia gusɔ́mb gɔg duoli dá mɔɔn wá gilu, abánɛɛn gɛ́, igiádɔ́mb. 33Kɔɔ́m mabá gámányɛ gádɛ́bál, Pólo gubɛ́lan band gidigid ká bányá buanda. Uganyɛ gɔ́b ká: «Medug mát na méní ewe ínen nunyá na nŋágɛ́nɛ́n, nudɛnyá buanda. 34Mmánɔbɛ́lɛgɛ́n gɔg ká nunyá manyán, gágual ká búguófoon ká núsɔ́d.» Mmánd gunuɔ́yɛdɛn ká, ta mɔnd omoom agán gá ɔlɔŋ udigenyími oŋído wág. 35Agá gɛ́lem gá gugál uguány, Pólo uwɔgɔ́l gɛnyɔka. Uweŋín Gɔdányá nɔkany ogóbusió bá band gidigid, uwáns gɛ́, uwabanyɛg gúnyánan. 36Ány gɔg band gidigid mɔ́ɔgɔ́l mákánya, bɔ́bɔ́ sɔ́n gubanyɛg gunyánan. 37Dimabá dɔgɔn duándɛ na etín ádadɔ na bunyo na omoom agá gidoŋ ɛgɛgɔn. 38Dimáal dímóodúg, idiétenyi belé agá mánaŋa abɔsa ká gidoŋ ɛgɛgɔn ónd fágɔfák.
39Kɔɔ́m máal gámábálá, bogóg gidoŋ ɛgɛgɔn abaán gɛsál gá ɛlua, bádɛmalɛns kɔɔ́m bámáabá gɔ́g. Ta anaány, abaán kɔɔ́m gámáabá na ensénsén. Abásɔ́mb ká búmábá fɛɛ́d fɛɛ́d baálá gidoŋ ɛgɛgɔ́n ábɛ́bɔ́m kɔ́. 40Ebesuŋun biléŋ-léŋ bídényígenyé gidoŋ ɛgɛgɔn agá manáŋ abɔ́sa. Ebésuŋun sɔ́n duoli dá buanda bufógono gidoŋ ɛgɛgɔn. Abád guedugi gɛla gínyá ogóbúsió bá gidoŋ ɛgɛgɔn ká ofufuny didigen gɛ́, ebédúm gɔbaan giáy gá gɛsal. 41Bámáal bámányɛ bédíneége, ebébísíd gimbi gá ensenseŋ. Gidoŋ ɛgɛgɔn ta guand gubiéyidin. Giáy gá gidoŋ gínyá nagadá wa madɛ́ga igiákákán kɔ́, binob bímáabá na bugaga ɛbɛ́b gá gúgada gélem gá gidoŋ ɛgɛgɔn. 42Musia gubɛ́dágɛd ká muɔ́nɔ́ bɛmbɔg gidigid ka bɔ́dibínɔɔ́ agá gúnáŋa. 43Ɔgúnɔ́ wa musia gɔg uméebílené gusɔ́di Pólo uweleg mú. Uganyɛ ká abálɛ́nsaná gunáŋa ká bébiétenyi bóbusió aga madɛ́ga bám egegus, 44bɔsɔ́gɔ́ bóndodi sién báládaán ndáliá agá mabam ɔ́gɔ ká agá bígedié bá gidoŋ ɛgɛgɔn. Anaány bɔ́bɔ́ bem bámásiánɛ́n bágányɛ egegus ta wegunyími oŋído wág.
Currently Selected:
Bielínyélínyé 27: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Bielínyélínyé 27
27
Bámádɔ́m Pólo Lɔ́m
1Búmáal búmabɛ́sɔ́mb ká dɛgɔ́bɔ́lɛgaan agá gidoŋ ɛgɛgɔn gá gɔb agá giéns gá gus bábɛ́laná ká Italí, ebéŋin na Pólo na bɛmbɔg bíndodi gá Ɔgúnɔ́ wa musia ɔfɛ́n ká Suluyúse. Umabá agá ɔlɔŋ wá musia má ofuŋ uwɔgɔn wá Lɔ́m. 2Idiabɔ́lɛgaan agá gidoŋ ɛgɛgɔn gá tísɔn wa Adalamit, gímabán buay bá giéns gá gus gá Así, idiadɔ́mb. Alisitáka mɔnd wa Tísɔ́n wa Tesaloník mabá ɔlɔŋ nasɔ. Tísɔ́n uwaány nyɛ wa giéns gá gus bábɛ́laná ká Maseduán. 3Mémbelibeli anyɛ́ dímáal tílé Sidɔ́ŋ, Suluyúse umáabɛ́dɛ́gán Pólo bese, meéŋín wɔ́ bugaga búguɔyɔlɔ́ bégúl bág ká ubia gidúgune. 4Dɛmáal na guadɔg ány kɔɔ́m dɛmáal tílé, idianda buáya buáya gɛmbádá wa ɛlua bábɛ́laná Sipɛ́lɛ, gágual ká, ifufuny móoloón agás góbusió. 5Idiayɔɔg manáŋ abɔ́sa unyá egúy na Silisí na Pamfilí, idienege Míl agá gus gá Lisí. 6Ɔgúnɔ́ wa musia má Balomɛŋ uwɔfuɔg gidoŋ ɛgɛgɔn gá tísɔn wa Alɛkɛsandilí, ány gímábaán Italí. Uwedíbúlígi gá gɛ́. 7Idianda siɔ siɔ giod gá mɔɔ́s. Idielumen na muyú giod ká diám aga tísɔn wa Kiníd. Anɛ́ ófufuny méedíseésényí giod ká didiánda fiaŋ giáy igiány, idiasánd masiá masia gúsígusié wa ɛlua bábɛ́laná ká Kɛlɛ́t, giáy gá Salamonɛ ány ofufuny dimefuŋe giod. 8Na muyú giod, idianda buay buay bá gɛsál, idienege agá kɔɔ́m gányá ɔfɛ́n ká Bɛnɔ́g bá Esug, egúy na Tísɔn wa Lasáya. 9Anyɛ́ dímeédúmbi gɛsɛgɛl giod aga nŋili, ubuesiíl muyú ká dɛɛ́b nobusió na ɔŋɛnd, gágual ká, buɔ́s bá gubílég manyán mabá búmádɔ́mb. Búbú búnyá bulinsi ká ɛmaŋ ya budug ganyɛ kɔ́. Buád buanda Pólo méebiés bogóg gidoŋ. 10Uganyɛ gɔ́b ká: «Begúl bám, nŋuánan ká ɔŋɛnd wás gagúbá bɔbɛ. Sitíme na manda mányá kɔ́ nagadá gasɛŋɛg, basuá muátɛ dɛnyɛ bégúsúgudenyi diguénen.» 11Ta anaány, ɔgɔn wa musia má Balomɛ́ŋ mɔ́ɔbɔɔ́n ubú ogóg na muát gidoŋ ɛgɛgɔn mɔ́ɔyɔ́, udimɔgɔ́lɔn gɛsɛgɛl na moóny má Pólo. 12Nɛgɔ́l bidoŋ sɔ́n dɛmabá kɔɔ́m gá bese, gágual ká band dúmbi ɛmaŋ ya budug kɔ́, buád buandá band giod bámáabá aga gidoŋ ɛgɛgɔn máam ekelu ká báb nobusió. Bámambá ká búmabá fɛɛ́d fɛɛ́d, beég agá nɛgɔ́l bidoŋ ná Kɛlɛt níndodi nínyá ɔfɛ́n ká Fénis, ká ɛmaŋ dɔ́mbɛ́n bɔ́ kɔ́. Nɛgɔ́l gidoŋ iniány gúlɛ́ŋa giáy ɛgɛ́ ɔ́ny ábɛ́dɛ́máná.
Ofufuny uwɔgɔn agá manáŋ abɔ́sa
13Fɛfɛfɛ wúlénine gɛmbádá uwabanyɛg guala, abábɛ́dágɛ́d ká nuged nɔ́b nyɛ́ bágual nuámɛ́nɛn. Ebedúgi giléŋuléŋ gialaná ká gidoŋ ɛgɛgɔn delimen. Abában siɔsiɔ buay buay bá gɛsál gá ɛlua yá Kɛlɛ́t. 14Mɔɔn wá gɛsɛgɛl madɔ́mb, gianta gá ofufuny igiédígídígenyi. Úmóolónin agá dugɔnd dá ɛlua, bágɔ́bɛ́laan wɔ́ ká Elákilɔŋ; 15uwadɔ́mbán gidoŋ ɛgɛgɔn gágual ká gídimabá bégúdémbényi na ofufuny, idiabɛ́nɛɛn uwádɛ́dɔ́mbán. 16Idiadɔ́mbɛ́n giáy gá mɔɔn wa ɛlua ímáagɛ́mb ofufuny, ɔfɛ́n wa yɛ́ nyɛ ká Koda. Na gidɔmbɔ gidigid e, idiámɛ́nɛ́n ká diɔ́gɔnɔgɔn mɔɔn wá gilu, idiémi wɔ́ agá madɛ́ga. 17Dimáal dímébúlígi mɔɔn wá gilu agá gidoŋ ɛgɛgɔn ugumuana, idiambɛd iŋili gidigid ɛsɛ́ dimáabiánán, gá gúláma gidoŋ ɛgɛgɔn na duoli ká gɛ́dɛ́galágás. Anyɛ́ bémeédíne ká bádináakákán agá ensénseny wa gɛsál gá Libí, Ebedúnugi gidímbég gídélímenyé gidoŋ ɛgɛgɔn, abábɛ́tɛ́n gɔg ká ofufuny éndenyi bɔ́. 18Ofufuny mabán nobusió na gudíyúgule na bugaga nɛnama nɛnyá ká gúbélénenyi, ebédúm guétényi bɛnɔ agá manáŋ abɔsa gá guondi gidoŋ ɛgɛgɔn lág lág. 19Buɔ́s bá gádadɔ, bogóg gidoŋ ɛgɛgɔn obómbó manda mɔ́b má buol. 20Ofufuny uwɔ́baan nobusiɔ́ na gufuŋe na bugaga, ubuál medug giod, ta ɔ́ny, ta muódód dɛdɛmand guánaan. Idiésúgúdenyi gusɔlɔgɔg maláŋ ka nɛsɔ́dɛ́n dɛ́gába. 21Ebe bámáabá aga gidoŋ ɛgɛgɔn mabá bémédúmbi gianta gá gɛsɛgɛl gandɛ gunyá buanda. Pólo gudélímin ɔgɔ́b gá gadágadá ugány ká: «Bégúl bám, nuɔ́b gugál gám ká didiadɔ́g Kɛlɛ́t gesí nudiményími gɛdám gá manda egie na ɔmɔ mámánɔ́sɛŋɛ́sɛŋ. 22Nɛ́nuán gɔg, ánubiág mákánya gágual ká ta mɔnd agás gá ɔlɔŋ udigégú; gidoŋ ɛgɛgɔn gɛ́gɛ́ eŋényé diganuáyɛ́n. 23Na budug bá ínen ebue, Gɔdányá umɔ́ɔdɔ́bɔ́n yond yalaan wɔ́ buol sandɔ́mɛ́n ɔsɔ́mɔsɔm waga ká úsɛŋɔyɛ́dɛ́n, 24ka: “Pólo, adɛɛ́b buwa, buguófoon ká ofuŋ uwɔgɔn gugélenyi, buád buanda Gɔdányá agág gá bese gɔ́w góbusió, mánúguádábɛ́n sɔ́n ká ebe gidigid nunyá nɔbɔ sɔ́d ɔgɔ́w gá gélem.” 25Buam! Ánɔbɛ́gɛ́ndɛ́nán, nguóndonyi ɔdɛm aga Gɔdányá ká: búgagúbiál gɔɔ́gɔ anyɛ́ usɔɔ́guŋɔyɛdɛn. 26Ta anaány digaguáfagán agá ɛlua.»
Gidoŋ ɛgɛgɔn mágadɛ́g
27Búmabá gilélé gá gát na géní ofufuny méedidígén giáy gá manáŋ abɔ́sa unyá ɔfɛn ká Meditelané. Na ɔdɛm wá budug, ubuál bogóg gidoŋ ɛgɛgɔn anyɛ gus gányɛ egúy. 28Ebegedi guyuum gá mádɛga na nugediny, abaán ká madɛ́ga nyɛ guyuum bamɛ́ta nitín na bunyo na bándɛ. Mɔɔn wa gɛnambɛ, abánd gugedi guyuum, abaán ká gúnyɛ́ bamɛ́ta nitín na bányɛ́manyɛ. 29Bámabiánán buwa ká gidoŋ ɛgɛgɔn gagúbɛ́bɔ́m agá bɛdany. Buad buanda béméetí biléŋ léŋ bíní bídényígenyé gidoŋ ɛgɛgɔn. Bímabá agá gélem, abábanyɛg gufile ká kɔɔ́m bál fiaŋ fiaŋ. 30Bogóg gidoŋ ɛgɛgɔn ebeseli mɔɔn wá gilu agá manáŋ abɔ́sa, bénéŋe ká, bágɔ́d biléŋ léŋ bímodi bínyá ogóbúsió bídényígenyé gidoŋ ɛgɛgɔn. Nányé, bámambá gubínɔ. 31Pólo ganyɛ gá ɔgɔn wa musia na gá musia ká: «Band ebe meén bɔ́dílɔbɔ nagadá wa gidoŋ ɛgɛgɔn, nudibá bá gúsɔ́d.» 32Musia gusɔ́mb gɔg duoli dá mɔɔn wá gilu, abánɛɛn gɛ́, igiádɔ́mb. 33Kɔɔ́m mabá gámányɛ gádɛ́bál, Pólo gubɛ́lan band gidigid ká bányá buanda. Uganyɛ gɔ́b ká: «Medug mát na méní ewe ínen nunyá na nŋágɛ́nɛ́n, nudɛnyá buanda. 34Mmánɔbɛ́lɛgɛ́n gɔg ká nunyá manyán, gágual ká búguófoon ká núsɔ́d.» Mmánd gunuɔ́yɛdɛn ká, ta mɔnd omoom agán gá ɔlɔŋ udigenyími oŋído wág. 35Agá gɛ́lem gá gugál uguány, Pólo uwɔgɔ́l gɛnyɔka. Uweŋín Gɔdányá nɔkany ogóbusió bá band gidigid, uwáns gɛ́, uwabanyɛg gúnyánan. 36Ány gɔg band gidigid mɔ́ɔgɔ́l mákánya, bɔ́bɔ́ sɔ́n gubanyɛg gunyánan. 37Dimabá dɔgɔn duándɛ na etín ádadɔ na bunyo na omoom agá gidoŋ ɛgɛgɔn. 38Dimáal dímóodúg, idiétenyi belé agá mánaŋa abɔsa ká gidoŋ ɛgɛgɔn ónd fágɔfák.
39Kɔɔ́m máal gámábálá, bogóg gidoŋ ɛgɛgɔn abaán gɛsál gá ɛlua, bádɛmalɛns kɔɔ́m bámáabá gɔ́g. Ta anaány, abaán kɔɔ́m gámáabá na ensénsén. Abásɔ́mb ká búmábá fɛɛ́d fɛɛ́d baálá gidoŋ ɛgɛgɔ́n ábɛ́bɔ́m kɔ́. 40Ebesuŋun biléŋ-léŋ bídényígenyé gidoŋ ɛgɛgɔn agá manáŋ abɔ́sa. Ebésuŋun sɔ́n duoli dá buanda bufógono gidoŋ ɛgɛgɔn. Abád guedugi gɛla gínyá ogóbúsió bá gidoŋ ɛgɛgɔn ká ofufuny didigen gɛ́, ebédúm gɔbaan giáy gá gɛsal. 41Bámáal bámányɛ bédíneége, ebébísíd gimbi gá ensenseŋ. Gidoŋ ɛgɛgɔn ta guand gubiéyidin. Giáy gá gidoŋ gínyá nagadá wa madɛ́ga igiákákán kɔ́, binob bímáabá na bugaga ɛbɛ́b gá gúgada gélem gá gidoŋ ɛgɛgɔn. 42Musia gubɛ́dágɛd ká muɔ́nɔ́ bɛmbɔg gidigid ka bɔ́dibínɔɔ́ agá gúnáŋa. 43Ɔgúnɔ́ wa musia gɔg uméebílené gusɔ́di Pólo uweleg mú. Uganyɛ ká abálɛ́nsaná gunáŋa ká bébiétenyi bóbusió aga madɛ́ga bám egegus, 44bɔsɔ́gɔ́ bóndodi sién báládaán ndáliá agá mabam ɔ́gɔ ká agá bígedié bá gidoŋ ɛgɛgɔn. Anaány bɔ́bɔ́ bem bámásiánɛ́n bágányɛ egegus ta wegunyími oŋído wág.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL