Bielínyélínyé 28
28
Pólo agá ɛlua yá Málate
1Dimáal dímaám cém agá madɛ́ga, idiɔ́b ká ɛlua ɛyány nyɛ ɔfɛ́n ká Malat. 2Band bá ɛlua ɛyány abádɛ́gɛ́ndɛ́gɛn bese. Abáfuán gianta gá yoóg, idielukumin kɔ́ basuá bem gá gúbiésébe. Niyo mabá kɔ́ anyɛ́ nɔbɔl máabá núnuanan. 3Pólo uwagɔ́sɛ́d dugas duguén ká waág agá yoóg, nányé nnyɔ́k mabá kɔ́, iyɔbiɔ́b olúgulúg wa yoóg, iyábɛ́gágálɛdɛn Pólo agá ɔmbɔ́g. 4Band bɔmɔ́ɔsɔ́dɔɔ́n agá ɛlua ɛyány máal bánaán nnyɔ́k isuembel suembel agá ɔmbɔ́g wá Pólo, bágányá gúbiɔ́yɔɔn bɔ́bɔ́ na bɔ́bɔ́ ká: «Mɔnd ewe nyɛ oŋónóny cácácá. Anyɛ́ uságual udigú agá manáŋ abɔ́sa, busi bá Gɔdányá gɔ́g dɛgagɔ́nɛn wɔ́ ká úsɔ́d nɛ́nuán.» 5Pólo uwebisid nnyɔ́k agá yoóg, búdɛmal wɔ́ gudá. 6Bɔsɔ́gɔ́ bámáabá ány mebídényí ká ɔmbɔ́g wá Pólo óbo, gúmén úgú kɔ́ nɔ kɔ́. Ebébídenyi gianta gá gɛsɛgɛl, ta guán ká buanda bá bɔbɛ máal wɔ́. Ebéséndi gugál bágányɛ ká: «Unyɛ omoom wa bagɔdányá.»
7Gus gúmáabá agá buay bá kɔɔ́m agany mɔɔ́bɔ́nɛ́n ɔgɔn wa ɛlua ɔfɛ́n ká Pubiliyúse. Uwadɛ́gɛ́ndɛ́gɛn agág gá nuyá anyɛ begúl bág. Idiedúmbi kɔ́ medug mádadɔ. 8Dimɔfuɔ́g sié wág mbɛ́diá agá nɛbɛd unúma niyo na gɛfála. Pólo ánaan wɔ́, uwadál wɔ́ ɛmbɔ́g, uwobísógólidi gág góbusió, uwéŋúgi wɔ́. 9Agá gélem ány, band bá ɛlua bóndodi bámáanɔ́má, obóloon aga Pólo, uwéŋúgenyi bɔ́ sɔ́n. 10Bɔ́mɔgɔ́lɔɔ́n gɛsɛgɛl nasɔ anyɛ́ gúmóofoón. Gás gá guadɔg, abádɛ́dábɔ́nɛn ɔŋɛnd wás.
Guám gá Pólo Lɔ́m
11Agá gélem gá iyol ɛ́dadɔ, idiɔgɔ́l nŋili ya manáŋ abɔ́sa agá gidoŋ ɛgɛgɔn gíméedúmbí ɛmaŋ gidigid agá ɛlua. Gidoŋ ɛgɛgɔn igiány mabá gá tísɔn wa Alɛkɛsandilí. Bámabɛ́laán gɛ́ ká gɔdány nɛbásia. 12Idianaám Silakús, idial kɔ́ medug mádadɔ. 13Dɛmáal diadɔgaan ány, idiɔgɔ́l nŋili buay buay bá ɛlua gá guám Lesió. Mémbelibeli, ofufuny menéegúdúgín gɛmbádá uwéfuŋe, idial medug mándɛ ká diám agá tísɔn wa Pusolɛ́s. 14Dɛmɔfuɔ́g beédéb kɔ́, agá tísɔn uwaány. Abádɛ́gɛ́ndɛ́gɛn, abál gás ká dídúmbi medug mátɛ́ndád nomo ɔgɔbɔ́, anaány dɛmáandá gá guám Lɔ́m. 15Anyɛ́ beédéb bányá Lɔ́m máalɛnsɛ ká dɛnyɛ agá nŋili, obósidígólí agá kɔɔ́m bians bɛ́dadɔ máabá agá nionyi ná Apíyus. Anyɛ́ Pólo máan bɔ́, uwéŋin Gɔdányá nukany, uwabia makánya.
Pólo Lɔ́m
16Dɛmáal diámaán Lɔ́m, abaág Pólo agá gians uwɔ́ eŋényé, na isia ká íbídenyi wɔ́. 17Agá gélem gá medug mádadɔ, Pólo uwabɛ́lɛ́gɛn befuŋ bá Beyúdɛn bámáabá Lɔ́m agagá. Bámáal na gubɛ́gɔ́sɛ́d, uwal gɔ́b ká: «Belimén, yaŋuá ndɛmal nigúl nás buanda, ta bisele bá besié bás. Báguŋadɛgɛn Yelúsalɛm obóndóŋinyi agá ɛmbɔ́g sá band bá Lɔ́m. 18Bómoŋófoón manda giod, abáan ká báŋnɛn, gágual ká bádɛmáan buanda bágúbiádɛgɛnɛn kɔ́ ká bɔ́ŋɔ́n. 19Beyúdɛn dɛmáadábaan, iyabá agá gɛgɔ́da ká yábaŋɛ́dɛ́n ofuŋ uwɔgɔn. Ta anyɛ́ mmáal ndibiánán mbɛ́dágɛ́dɛ́n ya gusɔ́mɛ́n gɛdɔŋ gám. 20Buád buanda nnyá guamba gunuán ká nnuɔ́yɛdɛn. Gá meliŋítas nnyɛ agá masɛŋɛ góbusió bá ewe Ísalayɛ́l áganá ɔdɛm agagá.» 21Obóndinyi bágányɛ ká: «Basuá dɛdɛmabia ta mbɔbɔnɔ ya buóny bɔ́w imóolín Yudé, ta endimen wás omoom udɛmanadɔ́g Yudé gá gusidiɔ́yɛ́dɛ́n buóny, gúmén buanda bá bɔbɛ búgúbɛ́lɛ́ŋaná. 22Dɛguámba ká aŋuá muát ɔ́diɔ́yɔɔn ubú abɛ́dáganá na niíd nɔ́w. Gágual ká, kɔɔ́m gidigid band gúgála bɔbɛ gá ɔlɔŋ uwɔ́ ányá gulád.» 23Ebédényígenyi buɔ́s bágual ká band lumen na Pólo. Buád buɔ́s máal na gusiege, oboól bɔ́bɔ́ giod kɔɔ́m Pólo máabá ubɛ́dɛ́man. Agág gá gugála, Pólo méelényí gɛ́laluá gá Bufuŋ bá Gɔdányá. Gubanyɛg na budúdúg guám na niɔb, Pólo mabɛ́kɛ́ndɛ́nán ká úyódi bɔ́. Umɔyɔ́ buóny bá Yésu gubanyɛg agá bisele bá Moyíso, guám agá imbɔbɔnɔ sá mubús. 24Gɛdam igiádáb ubú umɔ́ɔyɔ́, bóndodi ebeén guádáb. 25Agá gɛsɛgɛl gá guádɔ́gan, bádɛmáam ekelu bɔ́bɔ́ na bɔ́bɔ́. Pólo gany gɔ́b ká: «Ɛsámb yá Mefúny mɔyɔ́ meliŋítas gá besié baan agá niíd na ibús ya Gɔdányá Isayi ká:
26 Ɛmbɛ gán band bá nigúl eníné, ál gá gɔ́b ká:
Nugúbɛ́dɔ́lɛ́gɔɔn, nudɛgɔ́sɔ́ŋɔ́na gɔg, nudanuna eŋís nudiánán.
27 Búnyɛ nɔ́, band bá nigúl iniány nyɛ na ɛdɛm gulal,
bégúbígíde idú,
bébífugeen eŋís
ká eŋís yɔ́b diánaán,
idú sɔ́b diɔ́bɔɔ́n,
ɛdɛm sɔ́b dɛsɔ́ŋɔ́n
ká bábɛ́gɔ́ŋɔ́n buay bá Gɔdányá.
Ngeéŋúgi bɔ́ e?
28Pólo ganyɛ gɔ́b sɔ́n ká: Ánulɛnsaán bese na bese ká Gɔdányá madɔ́m Ndág ya Nsɔ́m ya gisódio gá ebe bádiábá Beyúdɛn, bɔ́gɔbɛ́dɔ́lɛ́gɛn yɛ́!» [ 29#28.29 Bɔ́guɔ́yɔ agá imbɔbɔnɔ símodi ká: Agá gugál gá Pólo uguány, Beyúdɛn abádɔ́mb boól bésúŋénényí bese na bese bɔ́bɔ́ na bɔ́bɔ́.] 30Pólo máal duɔŋ duándɛ gidigid agá gians umáabá unamaan. Umabá ugɛ́ndɛ́gaan band gidigid bámáasiámánɛ́n wɔ́, 31wɔyɔɔn bɔ́ Bufuŋ bá Gɔdányá, wond ufúnyifunyi bɔ́ búlɛ́ŋaná Ɔgúnɔ́ Yésu Kilíse, na giondiɔdɛ́mɔ́, ta mɔnd udimeleg wɔ́.
Currently Selected:
Bielínyélínyé 28: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Bielínyélínyé 28
28
Pólo agá ɛlua yá Málate
1Dimáal dímaám cém agá madɛ́ga, idiɔ́b ká ɛlua ɛyány nyɛ ɔfɛ́n ká Malat. 2Band bá ɛlua ɛyány abádɛ́gɛ́ndɛ́gɛn bese. Abáfuán gianta gá yoóg, idielukumin kɔ́ basuá bem gá gúbiésébe. Niyo mabá kɔ́ anyɛ́ nɔbɔl máabá núnuanan. 3Pólo uwagɔ́sɛ́d dugas duguén ká waág agá yoóg, nányé nnyɔ́k mabá kɔ́, iyɔbiɔ́b olúgulúg wa yoóg, iyábɛ́gágálɛdɛn Pólo agá ɔmbɔ́g. 4Band bɔmɔ́ɔsɔ́dɔɔ́n agá ɛlua ɛyány máal bánaán nnyɔ́k isuembel suembel agá ɔmbɔ́g wá Pólo, bágányá gúbiɔ́yɔɔn bɔ́bɔ́ na bɔ́bɔ́ ká: «Mɔnd ewe nyɛ oŋónóny cácácá. Anyɛ́ uságual udigú agá manáŋ abɔ́sa, busi bá Gɔdányá gɔ́g dɛgagɔ́nɛn wɔ́ ká úsɔ́d nɛ́nuán.» 5Pólo uwebisid nnyɔ́k agá yoóg, búdɛmal wɔ́ gudá. 6Bɔsɔ́gɔ́ bámáabá ány mebídényí ká ɔmbɔ́g wá Pólo óbo, gúmén úgú kɔ́ nɔ kɔ́. Ebébídenyi gianta gá gɛsɛgɛl, ta guán ká buanda bá bɔbɛ máal wɔ́. Ebéséndi gugál bágányɛ ká: «Unyɛ omoom wa bagɔdányá.»
7Gus gúmáabá agá buay bá kɔɔ́m agany mɔɔ́bɔ́nɛ́n ɔgɔn wa ɛlua ɔfɛ́n ká Pubiliyúse. Uwadɛ́gɛ́ndɛ́gɛn agág gá nuyá anyɛ begúl bág. Idiedúmbi kɔ́ medug mádadɔ. 8Dimɔfuɔ́g sié wág mbɛ́diá agá nɛbɛd unúma niyo na gɛfála. Pólo ánaan wɔ́, uwadál wɔ́ ɛmbɔ́g, uwobísógólidi gág góbusió, uwéŋúgi wɔ́. 9Agá gélem ány, band bá ɛlua bóndodi bámáanɔ́má, obóloon aga Pólo, uwéŋúgenyi bɔ́ sɔ́n. 10Bɔ́mɔgɔ́lɔɔ́n gɛsɛgɛl nasɔ anyɛ́ gúmóofoón. Gás gá guadɔg, abádɛ́dábɔ́nɛn ɔŋɛnd wás.
Guám gá Pólo Lɔ́m
11Agá gélem gá iyol ɛ́dadɔ, idiɔgɔ́l nŋili ya manáŋ abɔ́sa agá gidoŋ ɛgɛgɔn gíméedúmbí ɛmaŋ gidigid agá ɛlua. Gidoŋ ɛgɛgɔn igiány mabá gá tísɔn wa Alɛkɛsandilí. Bámabɛ́laán gɛ́ ká gɔdány nɛbásia. 12Idianaám Silakús, idial kɔ́ medug mádadɔ. 13Dɛmáal diadɔgaan ány, idiɔgɔ́l nŋili buay buay bá ɛlua gá guám Lesió. Mémbelibeli, ofufuny menéegúdúgín gɛmbádá uwéfuŋe, idial medug mándɛ ká diám agá tísɔn wa Pusolɛ́s. 14Dɛmɔfuɔ́g beédéb kɔ́, agá tísɔn uwaány. Abádɛ́gɛ́ndɛ́gɛn, abál gás ká dídúmbi medug mátɛ́ndád nomo ɔgɔbɔ́, anaány dɛmáandá gá guám Lɔ́m. 15Anyɛ́ beédéb bányá Lɔ́m máalɛnsɛ ká dɛnyɛ agá nŋili, obósidígólí agá kɔɔ́m bians bɛ́dadɔ máabá agá nionyi ná Apíyus. Anyɛ́ Pólo máan bɔ́, uwéŋin Gɔdányá nukany, uwabia makánya.
Pólo Lɔ́m
16Dɛmáal diámaán Lɔ́m, abaág Pólo agá gians uwɔ́ eŋényé, na isia ká íbídenyi wɔ́. 17Agá gélem gá medug mádadɔ, Pólo uwabɛ́lɛ́gɛn befuŋ bá Beyúdɛn bámáabá Lɔ́m agagá. Bámáal na gubɛ́gɔ́sɛ́d, uwal gɔ́b ká: «Belimén, yaŋuá ndɛmal nigúl nás buanda, ta bisele bá besié bás. Báguŋadɛgɛn Yelúsalɛm obóndóŋinyi agá ɛmbɔ́g sá band bá Lɔ́m. 18Bómoŋófoón manda giod, abáan ká báŋnɛn, gágual ká bádɛmáan buanda bágúbiádɛgɛnɛn kɔ́ ká bɔ́ŋɔ́n. 19Beyúdɛn dɛmáadábaan, iyabá agá gɛgɔ́da ká yábaŋɛ́dɛ́n ofuŋ uwɔgɔn. Ta anyɛ́ mmáal ndibiánán mbɛ́dágɛ́dɛ́n ya gusɔ́mɛ́n gɛdɔŋ gám. 20Buád buanda nnyá guamba gunuán ká nnuɔ́yɛdɛn. Gá meliŋítas nnyɛ agá masɛŋɛ góbusió bá ewe Ísalayɛ́l áganá ɔdɛm agagá.» 21Obóndinyi bágányɛ ká: «Basuá dɛdɛmabia ta mbɔbɔnɔ ya buóny bɔ́w imóolín Yudé, ta endimen wás omoom udɛmanadɔ́g Yudé gá gusidiɔ́yɛ́dɛ́n buóny, gúmén buanda bá bɔbɛ búgúbɛ́lɛ́ŋaná. 22Dɛguámba ká aŋuá muát ɔ́diɔ́yɔɔn ubú abɛ́dáganá na niíd nɔ́w. Gágual ká, kɔɔ́m gidigid band gúgála bɔbɛ gá ɔlɔŋ uwɔ́ ányá gulád.» 23Ebédényígenyi buɔ́s bágual ká band lumen na Pólo. Buád buɔ́s máal na gusiege, oboól bɔ́bɔ́ giod kɔɔ́m Pólo máabá ubɛ́dɛ́man. Agág gá gugála, Pólo méelényí gɛ́laluá gá Bufuŋ bá Gɔdányá. Gubanyɛg na budúdúg guám na niɔb, Pólo mabɛ́kɛ́ndɛ́nán ká úyódi bɔ́. Umɔyɔ́ buóny bá Yésu gubanyɛg agá bisele bá Moyíso, guám agá imbɔbɔnɔ sá mubús. 24Gɛdam igiádáb ubú umɔ́ɔyɔ́, bóndodi ebeén guádáb. 25Agá gɛsɛgɛl gá guádɔ́gan, bádɛmáam ekelu bɔ́bɔ́ na bɔ́bɔ́. Pólo gany gɔ́b ká: «Ɛsámb yá Mefúny mɔyɔ́ meliŋítas gá besié baan agá niíd na ibús ya Gɔdányá Isayi ká:
26 Ɛmbɛ gán band bá nigúl eníné, ál gá gɔ́b ká:
Nugúbɛ́dɔ́lɛ́gɔɔn, nudɛgɔ́sɔ́ŋɔ́na gɔg, nudanuna eŋís nudiánán.
27 Búnyɛ nɔ́, band bá nigúl iniány nyɛ na ɛdɛm gulal,
bégúbígíde idú,
bébífugeen eŋís
ká eŋís yɔ́b diánaán,
idú sɔ́b diɔ́bɔɔ́n,
ɛdɛm sɔ́b dɛsɔ́ŋɔ́n
ká bábɛ́gɔ́ŋɔ́n buay bá Gɔdányá.
Ngeéŋúgi bɔ́ e?
28Pólo ganyɛ gɔ́b sɔ́n ká: Ánulɛnsaán bese na bese ká Gɔdányá madɔ́m Ndág ya Nsɔ́m ya gisódio gá ebe bádiábá Beyúdɛn, bɔ́gɔbɛ́dɔ́lɛ́gɛn yɛ́!» [ 29#28.29 Bɔ́guɔ́yɔ agá imbɔbɔnɔ símodi ká: Agá gugál gá Pólo uguány, Beyúdɛn abádɔ́mb boól bésúŋénényí bese na bese bɔ́bɔ́ na bɔ́bɔ́.] 30Pólo máal duɔŋ duándɛ gidigid agá gians umáabá unamaan. Umabá ugɛ́ndɛ́gaan band gidigid bámáasiámánɛ́n wɔ́, 31wɔyɔɔn bɔ́ Bufuŋ bá Gɔdányá, wond ufúnyifunyi bɔ́ búlɛ́ŋaná Ɔgúnɔ́ Yésu Kilíse, na giondiɔdɛ́mɔ́, ta mɔnd udimeleg wɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL