Bielínyélínyé 26
26
Gugál gá Pólo ogóbusió bá Akilipá
1Akilipá máal na gugɔ́l gugál, uganyɛ gá Pólo ká: «Agúbianan ká ábísaág.» Pólo guedugi ɔmbɔ́g ká úbísaág. 2Uganyɛ ká: «Ofuŋ Akilipá, mmɔɔ́b bese ká mbɛ́saág ínén ɔgɔ́w góbusió gá manda gidigid Beyúdɛn ɔ́nsɔ́mɔnɔ́ gá mɔ́. 3Gá guán, agúlɛnsaan nubadádá gidigid ná Beyúdɛn, na ɛduá sá moóny bésúŋunenyé. Ngúgubísógolonyi gɔg ká ɔ́gɔ́l gɛsɛgɛl gá gumbɛ́dɔ́lɛ́gɛn.
4«Beyúdɛn gidigid gúlɛnsan gusɔ́d gám, gudúm buábayuá bám, bálɛ́nsaan nanyá mmɔ́ɔsɔ́dɔɔ́n gadágadá wa nigúl nám Yelúsalɛm. 5Bányɛ béguŋéli gɛ́laluá bémébíléné gágual ká búgány gianta gá gɛsɛgɛl ɛgɛ́ nnyá gusɔ́dɔɔn agá giɔ́b gás gá Bafalisiɛ́ŋ gínyá gulal. 6Nɛ́nuán, báguŋaban agá nɛgál gágual ká nguágaan ɔdɛm gá ndán ɛyɛ́ Gɔdányá méeŋín besié bás. 7Ɛyɛ́ yaád egúl yás enkim át na ándɛ áganá ɔdɛm ká baán gufuógi gá ndán ya gualaan Gɔdányá buol na magɛ́nda, na medug na buɔ́s, gá buád buóny ofuŋ nnyá ɔgɔ́w góbúsió aya ofuŋ Akilipá. 8Gá giág banuá Beyúdɛn nudiámbáná guádáb ká Gɔdányá guényugenyi beguén e?
9«Yaŋuá muát, mmabɛ́dágɛ́d ká nnyɛ bégúnusi agá nŋili gidigid ɔfɛ́n wa Yésu wa Násalɛd. 10Bubɔ́ mmáalá Yelúsalɛm. Mmáagaán beédéb giod agá gians gá mbíne, na gianta gá bugaga ubú bɔgɔ́gɔ máamfá. Iyond iyágaan ɔmbɔ́g ká bɔɔ́nɔ́ bɔ́. 11Imóol yɛ́baán agá bians bá mbísógól gidigid, yóbígonyi sɔ́n beédéb ká bábɛ́sáŋɔ́n guádáb gɔ́b. Ilób ɛyɛ́ mmáabiánán nɔbɔ mandɔ́maán ká íládaan bɔ́ gutɔ guege agá bɔtísɔn bá benyi.
Pólo guɔ́yɔ gubígɔ́ŋɔ́n gág
12«Anaány mmáabaán ebue buɔ́s Damás, bɔgɔ́gɔ mandɔ́m na bugaga bɔ́b gá ngimide ya busɔ́m. 13Éee ofuŋ Akilipá, mmabá mmány agá nŋili, manda má tólóf, iyaán gise gílenin ugumuana gíségéde giod gudɔ́mb gise gá ɔɔ́ny. Gise igiány igiámbɔgɛn ɔlɔŋ na band béméendílígeén. 14Idiagua gidigid e wás egegus, ány iyɔɔ́b ekelu úgála gám magɔ́gɔ́n na gugál gá ebele wɔ́yɔ ká: “Sɔ́lɔ, Sɔ́lɔ, gá giág eŋsésenyé? Búnyɛ nɔw meyú ká ál ɔndɔndɔ niaŋ ɛnɛ́ búlúke álaná gigúl ɛgɛ́ mɔnd wendenyé bú ságunáŋɛ́d bú!” 15Iyófún ká: “Ɔgúnɔ́, aŋuá ányá wɔ́ e?” Ɔgúnɔ́ guondinyi ká: “Nnyɛ Yésu, yaŋuá wɔ́ esésenyé 16Délímín gɔ́g. Ngugudɔ́bɔ́n ká ábá eŋél buol wám, ábá eŋél gɛ́laluá, oól ɔ́yɔ́ anyɛ́ amánúŋán ínén, ónd ɔ́yɔɔn bɔ́. Ɛ́nɛ́, manda ngenúgúdíye. Manda amaány nnyá guguámɛ́n gá mɔ́. 17Mmágɔdɔ́m giáy gá nigúl nɔ́w, na ebe bádiábá Beyúdɛn. Ngagununa góbúsió bá egúl ayány. 18Mmágɔdɔ́m ká éfune bɔ́ eŋís, élí bɔ́ agá mbíne, óndi bɔ́ agá gise. Elí bɔ́ sɔ́n agá bugaga bá Sátan, óndi bɔ́ aga Gɔdányá. Bómóndi ɛdɛm sɔ́b agamia, bánúbia gɛnɛnɛna gɔ́b gá bɛfal, bádáŋáb niluku gadágadá wa ebe Gɔdányá mɔ́ɔdɔ́bɔ́n.”
Pólo guɔ́yɔ buól bág
19«Ofuŋ Akilipá, gá ubú nnyá guán búnyá guúlín ugumuana, ndígual ɔduɔ́ gulal. 20Iyedúm gɔg guɔyɔ niɔy ná Gɔdányá gá band bá Damás na bá Yelúsalɛm. Iyabád gɔb nobusió aga ebe bá Yúde na band bádiábá Beyúdɛn. Iyɔyɛdɛn bɔ́ ká bébínúgún, bébiéŋin aga Gɔdányá, bála binɔ́g bá bielínyélínyé bídíyenyé gubɛ́gɔ́ŋɔ́n gɔ́b. 21Gá buád buand Beyúdɛn máaŋadɛ́gɛ́n agá ɔnyɛb abaál ká bɔ́ŋɔ́n. 22Gusiám ínen, Gɔdányá gúmbɛ́dɛ́gaan ká yɛ́baan nobusió, na guélenyi gɛ́laluá ogóbusió bá band gidigid, baábayɔ anyɛ bagɔn. Mubús má Gɔdányá na Moyíso makɛ́n guɔyɔ gisiósio manda máganúbiál, nguɔ́yɔ sɔ́n buanda búmóm, ta guɔ́yɛ́kɛnɛn, 23ká Kilíse gɔɔ́bɛ́gɔɔn, úbá sɔ́n mɔnd wobusió wa guanyɔg aga beguén. Ugúbianan ká údúmbenyi Ndág ya Nsɔ́m ya gise agasuá, na aga ebe bádiábá Beyúdɛn.»
Pólo gúgedenyi guɔyɔɔn band nŋádábɛ́n yaga
24Pólo máal umányá gubɛ́saága, Fesetúse guánsɛ́d uganyɛ ká: «Pólo, anyɛ ɔduɔ́duɔ e, gɔfɔ́nɔfɔn gɔ́w gá giod móguondi ɔduɔ́duɔ e?» 25Pólo guondinyi ká: «Ngɔ́mɔnɔ Fesetúse, ndɛbá ɔduɔ́duɔ. Ubú yɔyɔnɔ́ nyɛ meliŋítas, búguónd buɔ́bɛ́gɔbɛg. 26Ofuŋ Akilipá, agúlɛnsan manda eme gidigid bumóm bumóm o, buád buanda ngálaná kand bité agá niíd gágual ká ta buanda búdɛ́gubiál agá niɔsɛg. 27Ofuŋ Akilipá, aguádábaan ubú mubús ɔ́yɔnɔ́ e? Ngúlɛnsaan ká aguádábaan.» 28Ofuŋ uwaány ganyɛ gá Pólo ká: «Aguámba ká éŋíyi kilísitɛn kɔ́ nɔ kɔ́ e?» 29Uwondinyi ká: «Ta búbá kɔ́ nɔ kɔ́, ta gá gianta gá gɛsɛgɛl, ngúbísógólonyi Gɔdányá ká saá aŋuá eŋényé gusúg, ta ebe gidigid e gɔg bɔ́mbɛ́dɔ́lɛ́gɔnɔ́ ínén nuɛ́y anyɛ yaŋuá, kand masɛŋɛ.»
30Ofuŋ Akilipá na Ngɔ́mɔnɔ Fesetúse, na Beleníse na ebe bámáabá nɔbɔ, abádɔgaan gá gɔdɔ́mb. 31Bámáal na gubɛ́gɔ́gɛ́d, ebédúm guɔyɔ bɔ́bɔ́ na bɔ́bɔ́ ká: «Mɔnd ewe digúsɛgɛmanan na nigú ɔ́gɔ ká na gians gá mbíne, gágual ká, udɛmaál ta buanda bá bɔbɛ.» 32Akilipá ganyɛ gá Fesetúse ká: «Ímábá mɔnd ewe dimɔyɛd ká buóny bág áb aga ofuŋ Sesála, gesí digagútɛɛ́n wɔ́ údɔ́mb.»
Currently Selected:
Bielínyélínyé 26: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Bielínyélínyé 26
26
Gugál gá Pólo ogóbusió bá Akilipá
1Akilipá máal na gugɔ́l gugál, uganyɛ gá Pólo ká: «Agúbianan ká ábísaág.» Pólo guedugi ɔmbɔ́g ká úbísaág. 2Uganyɛ ká: «Ofuŋ Akilipá, mmɔɔ́b bese ká mbɛ́saág ínén ɔgɔ́w góbusió gá manda gidigid Beyúdɛn ɔ́nsɔ́mɔnɔ́ gá mɔ́. 3Gá guán, agúlɛnsaan nubadádá gidigid ná Beyúdɛn, na ɛduá sá moóny bésúŋunenyé. Ngúgubísógolonyi gɔg ká ɔ́gɔ́l gɛsɛgɛl gá gumbɛ́dɔ́lɛ́gɛn.
4«Beyúdɛn gidigid gúlɛnsan gusɔ́d gám, gudúm buábayuá bám, bálɛ́nsaan nanyá mmɔ́ɔsɔ́dɔɔ́n gadágadá wa nigúl nám Yelúsalɛm. 5Bányɛ béguŋéli gɛ́laluá bémébíléné gágual ká búgány gianta gá gɛsɛgɛl ɛgɛ́ nnyá gusɔ́dɔɔn agá giɔ́b gás gá Bafalisiɛ́ŋ gínyá gulal. 6Nɛ́nuán, báguŋaban agá nɛgál gágual ká nguágaan ɔdɛm gá ndán ɛyɛ́ Gɔdányá méeŋín besié bás. 7Ɛyɛ́ yaád egúl yás enkim át na ándɛ áganá ɔdɛm ká baán gufuógi gá ndán ya gualaan Gɔdányá buol na magɛ́nda, na medug na buɔ́s, gá buád buóny ofuŋ nnyá ɔgɔ́w góbúsió aya ofuŋ Akilipá. 8Gá giág banuá Beyúdɛn nudiámbáná guádáb ká Gɔdányá guényugenyi beguén e?
9«Yaŋuá muát, mmabɛ́dágɛ́d ká nnyɛ bégúnusi agá nŋili gidigid ɔfɛ́n wa Yésu wa Násalɛd. 10Bubɔ́ mmáalá Yelúsalɛm. Mmáagaán beédéb giod agá gians gá mbíne, na gianta gá bugaga ubú bɔgɔ́gɔ máamfá. Iyond iyágaan ɔmbɔ́g ká bɔɔ́nɔ́ bɔ́. 11Imóol yɛ́baán agá bians bá mbísógól gidigid, yóbígonyi sɔ́n beédéb ká bábɛ́sáŋɔ́n guádáb gɔ́b. Ilób ɛyɛ́ mmáabiánán nɔbɔ mandɔ́maán ká íládaan bɔ́ gutɔ guege agá bɔtísɔn bá benyi.
Pólo guɔ́yɔ gubígɔ́ŋɔ́n gág
12«Anaány mmáabaán ebue buɔ́s Damás, bɔgɔ́gɔ mandɔ́m na bugaga bɔ́b gá ngimide ya busɔ́m. 13Éee ofuŋ Akilipá, mmabá mmány agá nŋili, manda má tólóf, iyaán gise gílenin ugumuana gíségéde giod gudɔ́mb gise gá ɔɔ́ny. Gise igiány igiámbɔgɛn ɔlɔŋ na band béméendílígeén. 14Idiagua gidigid e wás egegus, ány iyɔɔ́b ekelu úgála gám magɔ́gɔ́n na gugál gá ebele wɔ́yɔ ká: “Sɔ́lɔ, Sɔ́lɔ, gá giág eŋsésenyé? Búnyɛ nɔw meyú ká ál ɔndɔndɔ niaŋ ɛnɛ́ búlúke álaná gigúl ɛgɛ́ mɔnd wendenyé bú ságunáŋɛ́d bú!” 15Iyófún ká: “Ɔgúnɔ́, aŋuá ányá wɔ́ e?” Ɔgúnɔ́ guondinyi ká: “Nnyɛ Yésu, yaŋuá wɔ́ esésenyé 16Délímín gɔ́g. Ngugudɔ́bɔ́n ká ábá eŋél buol wám, ábá eŋél gɛ́laluá, oól ɔ́yɔ́ anyɛ́ amánúŋán ínén, ónd ɔ́yɔɔn bɔ́. Ɛ́nɛ́, manda ngenúgúdíye. Manda amaány nnyá guguámɛ́n gá mɔ́. 17Mmágɔdɔ́m giáy gá nigúl nɔ́w, na ebe bádiábá Beyúdɛn. Ngagununa góbúsió bá egúl ayány. 18Mmágɔdɔ́m ká éfune bɔ́ eŋís, élí bɔ́ agá mbíne, óndi bɔ́ agá gise. Elí bɔ́ sɔ́n agá bugaga bá Sátan, óndi bɔ́ aga Gɔdányá. Bómóndi ɛdɛm sɔ́b agamia, bánúbia gɛnɛnɛna gɔ́b gá bɛfal, bádáŋáb niluku gadágadá wa ebe Gɔdányá mɔ́ɔdɔ́bɔ́n.”
Pólo guɔ́yɔ buól bág
19«Ofuŋ Akilipá, gá ubú nnyá guán búnyá guúlín ugumuana, ndígual ɔduɔ́ gulal. 20Iyedúm gɔg guɔyɔ niɔy ná Gɔdányá gá band bá Damás na bá Yelúsalɛm. Iyabád gɔb nobusió aga ebe bá Yúde na band bádiábá Beyúdɛn. Iyɔyɛdɛn bɔ́ ká bébínúgún, bébiéŋin aga Gɔdányá, bála binɔ́g bá bielínyélínyé bídíyenyé gubɛ́gɔ́ŋɔ́n gɔ́b. 21Gá buád buand Beyúdɛn máaŋadɛ́gɛ́n agá ɔnyɛb abaál ká bɔ́ŋɔ́n. 22Gusiám ínen, Gɔdányá gúmbɛ́dɛ́gaan ká yɛ́baan nobusió, na guélenyi gɛ́laluá ogóbusió bá band gidigid, baábayɔ anyɛ bagɔn. Mubús má Gɔdányá na Moyíso makɛ́n guɔyɔ gisiósio manda máganúbiál, nguɔ́yɔ sɔ́n buanda búmóm, ta guɔ́yɛ́kɛnɛn, 23ká Kilíse gɔɔ́bɛ́gɔɔn, úbá sɔ́n mɔnd wobusió wa guanyɔg aga beguén. Ugúbianan ká údúmbenyi Ndág ya Nsɔ́m ya gise agasuá, na aga ebe bádiábá Beyúdɛn.»
Pólo gúgedenyi guɔyɔɔn band nŋádábɛ́n yaga
24Pólo máal umányá gubɛ́saága, Fesetúse guánsɛ́d uganyɛ ká: «Pólo, anyɛ ɔduɔ́duɔ e, gɔfɔ́nɔfɔn gɔ́w gá giod móguondi ɔduɔ́duɔ e?» 25Pólo guondinyi ká: «Ngɔ́mɔnɔ Fesetúse, ndɛbá ɔduɔ́duɔ. Ubú yɔyɔnɔ́ nyɛ meliŋítas, búguónd buɔ́bɛ́gɔbɛg. 26Ofuŋ Akilipá, agúlɛnsan manda eme gidigid bumóm bumóm o, buád buanda ngálaná kand bité agá niíd gágual ká ta buanda búdɛ́gubiál agá niɔsɛg. 27Ofuŋ Akilipá, aguádábaan ubú mubús ɔ́yɔnɔ́ e? Ngúlɛnsaan ká aguádábaan.» 28Ofuŋ uwaány ganyɛ gá Pólo ká: «Aguámba ká éŋíyi kilísitɛn kɔ́ nɔ kɔ́ e?» 29Uwondinyi ká: «Ta búbá kɔ́ nɔ kɔ́, ta gá gianta gá gɛsɛgɛl, ngúbísógólonyi Gɔdányá ká saá aŋuá eŋényé gusúg, ta ebe gidigid e gɔg bɔ́mbɛ́dɔ́lɛ́gɔnɔ́ ínén nuɛ́y anyɛ yaŋuá, kand masɛŋɛ.»
30Ofuŋ Akilipá na Ngɔ́mɔnɔ Fesetúse, na Beleníse na ebe bámáabá nɔbɔ, abádɔgaan gá gɔdɔ́mb. 31Bámáal na gubɛ́gɔ́gɛ́d, ebédúm guɔyɔ bɔ́bɔ́ na bɔ́bɔ́ ká: «Mɔnd ewe digúsɛgɛmanan na nigú ɔ́gɔ ká na gians gá mbíne, gágual ká, udɛmaál ta buanda bá bɔbɛ.» 32Akilipá ganyɛ gá Fesetúse ká: «Ímábá mɔnd ewe dimɔyɛd ká buóny bág áb aga ofuŋ Sesála, gesí digagútɛɛ́n wɔ́ údɔ́mb.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL