Bielínyélínyé 25
25
Pólo ogóbusió bá Fesetúse
1Fesetúse mabá umámán gudúmbi medug mádadɔ agág gá giéns gá gus bábɛ́laná Sesalé, uwad gɔb Yelúsalɛm. 2Bɔgɔ́gɔ na bagɔn bá Beyúdɛn abáb ogóbusió bá Fesetúse gá gusɔ́mɛ́n Pólo, ɔbɔ́nɔdigɔnɔn, 3bɔ́yɔ gá Fesetúse ká: Digúgubísógólonyi, ála ká Pólo siond Yelúsalɛm. Gá guán, bámáal ɛdɔg gág góbúsió, abámbɛd sɔ́n ká bɔɔ́n wɔ́ agá nŋili. 4Fesetúse gɔg guondinyi bɔ́ ká, Pólo nyɛ agá gians gá mbíne Sesalé, gá mɔɔn wa gɛsɛgɛl, yaŋuá muát ngond kɔ́. 5«Nsɛ́ bagɔn bán ónd Sesalé nam, bɔ́sɔ́mɛ́n mɔnd uwaány ɔ́gɔ umáal buanda bá bɔbɛ.» 6Fesetúse uwedúmbi medug mányɛ́manyɛ, guám mát Yelúsalɛm. Uwɔ́ guond Sesalé, uwɔgɔ́l niluku mémbelibél agá nɛgál, uwéŋin bugaga ká bóol na Pólo. 7Anyɛ́ Pólo méesiége, Beyúdɛn bámáab guadɔ́g Yelúsalɛm, ɔbɔ́bɔŋ wɔ́. Ɔbɔ́sɔ́mɔn wɔ́ gá giod gá bɛnana, bɛ́bɛ́ nɔ́ bugaga. Bádɛmabá baguál ká bédíye meliŋítas má bɛnana bág. 8Pólo mɔbiɔ́gɔ́nɔ́gɔ́n wɔyɔ ká: «Ndɛ́gual gɛnana ta buay bá bisele bá Beyúdɛn, ta buay bá ɔnyɛb wa Gɔdányá, gúmén giáy gá ofuŋ uwɔgɔn Sesála.» 9Fesetúse mambá ká Beyúdɛn án wɔ́ bese. Ɔwɔ́ guófún Pólo ká: «Aguámba guond Yelúsalɛm ká bégúgélényi agám góbúsió gá ɔduɔ́ wá buóny ubuány e?» 10Pólo guondinyi ká: «Aya anyɛ́ inyá ndényé, búnyɛ ofuŋ uwɔgɔn Sesála ubiananá ká wúŋgéli. Ndígual Beyúdɛn buanda bá bɔbɛ anyɛ́ aŋuá muát alɛnsaná bese na bese. 11Ímábá meliŋítas ngúlɛnsaan buanda, gúmén nguál buanda búsɛ́gɛmananá na nigú, ndiguénen ká ngú, buanda bá meliŋítas mén búdɛbá agá bɛsɔ́mɔnɔ ɛbɛ́ band ebe biananá nam, ta mɔnd udigúbianan bugaga bégundú gɔ́b. Nsɛ́ buóny bám áb aga ofuŋ uwɔgɔn Sesála.» 12Fesetúse máal úmáman gugála na band bá nɛgál, uganyɛ gá Pólo ká: «Anyɛ́ ɔyɔnɔ ká ngɔ́mɔnɔ ubiananá ká ugál gɛsan gɔ́w, egenedélímín gá nɛgál agág gá busió.»
Pólo ogóbusió bá Akilipá na Beleníse
13Gɛdam gá medug máal gɛ́madɔ́mb, ofuŋ Akilipá na endimen waga wa agánd Beleníse abásiám Sesalé gá gúsibígélídi Fesetúse. 14Anyɛ́ béméedúmbí kɔ́ gɛdám gá medug, Fesetúse guɔyɛdɛn ofuŋ buóny bá Pólo. Uganyɛ gág ká: «Mɔnd nya aya ɔwɔ́ Felíse máatɛ́n agá gians gá mbíne. 15Anyɛ́ mmáb Yelúsalɛm, bɔgɔ́gɔ na bagɔn bá Beyúdɛn, oboól gá gúsɔ́mɛ́n wɔ́ ká yéŋin wɔ́ gɛgua. 16Nganyɛ gɔ́b ká Balomɛ́ŋ gugélenyi mɔnd kand gubá ká umábɛ́saág ɔlɔŋ na bambɛ́lɛmbɛ́l bág gá buóny bɔ́sɔ́mɔnɔ́ wɔ́ gá bɔ́. Ugúbianan ká úbiɔ́gɔnɔgɔn. 17Idiosiondo ɔlɔŋ ayana ta gudúmbi gɛsɛgɛl, iyedélímin agá nɛgál mémbelibél. Iyéŋin bugaga ká boól na mɔnd uwaány. 18Bambɛ́lɛmbɛ́l bág mebídíyé. Bádɛmand gusɔ́mɛ́n wɔ́ gɔg, ta gá buanda búmóm bá bɔbɛ imáabá mbɛ́dága. 19Bámabiánán gɔɔ́g nségié naga agá buóny búlɛ́ŋaná giádábɛn gɔ́b na buóny bá mɔnd ondodi bábɛ́laná ká Yésu uméegú, uwɔ́ Pólo ɔyɔnɔ́ ká unyɛ ɔgɔ́s. 20Ndɛlɛnsán anyɛ́ nnyá bágɔsɔ́mb buóny ubuány, iyɔyɛdɛn Pólo ká wɔ́b Yelúsalɛm ká bégélényí wɔ́ kɔ́ gá buóny ubuány. 21Pólo guámba gɔg ká ofuŋ uwɔgɔn géli wɔ́. Kányɛ nnyá guɔyɛd ká bábɛ́dɛ́gɛn wɔ́ agá gians gá mbíne, úbídenyi Sesála.» 22Akilipá ganyɛ gá ofuŋ ká: «Yaŋuá sɔ́n nguámba gubɛ́dɔ́lɛ́gɛn mɔnd ewe gá ɛgám gɛsɛgɛl.» Fesetúse guondinyi ká: «Nŋɔguɔ́ ɔgɔbɛ́dɔ́lɛ́gɛn wɔ́.» 23Buɔ́s búmáaládán, Akilipá nɔ́b na Beleníse abásiám na gianta gá ɔlɔŋ wá band, bágaan duwéwé bádáma ɛmbɔ́g. Uwebíŋín agá gians gá nɛgál, na bagɔn bá musia, na bagɔn bá gɛdɔŋ. Fesetúse guɔyɛd ká bólón Pólo. 24Fesetúse ganyɛ ká: «Ofuŋ Akilipá, na banuá gidigid nunyá aya agasuá, ánulɛ́ŋá mɔnd ewe, nigúl gidigid ná Beyúdɛn ɔ́gusɔ́mɛ́n wɔ́ Yelúsalɛm na aya. Bágubá bánsa bɔ́yɔ ká udɛguánd gubianan ká úsɔ́dɔɔn. 25Gá ugám, ndɛɛ́guán buanda unyá gual bá bɔbɛ ká údáŋáb nigú. Anyɛ́ uwɔ́ muát umɔ́ɔyɛ́d ká buóny bág áb ogóbusió bá ofuŋ uwɔgɔn, nganyɛ gɔg ká ngadɔ́m wɔ́. 26Anyɛ́ ndiábiánáná buanda bunyá sáŋŋ bulɛ́ŋaná wɔ́ ká yɔ́ŋɛ́n Ngɔ́mɔnɔ, buád buanda nnyá gúlén wɔ́ aganuá dɔ́mbá dɔ́mba ɔgɔwɔ ofuŋ Akilipá. Anyɛ́ nugonuófoon wɔ́ iŋófúny, umóndínyí, ngabia bágual ká yɔɔ́ŋ. 27Yaŋuá muát nguánaan ká gɔdɔ́m gɛmbɔg Lɔ́m kand gɔlɛns bese na bese ubú bɔ́sɔ́mɔnɔ́ wɔ́ gá bɔ́, ubuány dɛbá na nsɔ́ŋɔ́nɛn.»
Currently Selected:
Bielínyélínyé 25: MMU2
Highlight
Share
Copy
Want to have your highlights saved across all your devices? Sign up or sign in
CABTAL
Bielínyélínyé 25
25
Pólo ogóbusió bá Fesetúse
1Fesetúse mabá umámán gudúmbi medug mádadɔ agág gá giéns gá gus bábɛ́laná Sesalé, uwad gɔb Yelúsalɛm. 2Bɔgɔ́gɔ na bagɔn bá Beyúdɛn abáb ogóbusió bá Fesetúse gá gusɔ́mɛ́n Pólo, ɔbɔ́nɔdigɔnɔn, 3bɔ́yɔ gá Fesetúse ká: Digúgubísógólonyi, ála ká Pólo siond Yelúsalɛm. Gá guán, bámáal ɛdɔg gág góbúsió, abámbɛd sɔ́n ká bɔɔ́n wɔ́ agá nŋili. 4Fesetúse gɔg guondinyi bɔ́ ká, Pólo nyɛ agá gians gá mbíne Sesalé, gá mɔɔn wa gɛsɛgɛl, yaŋuá muát ngond kɔ́. 5«Nsɛ́ bagɔn bán ónd Sesalé nam, bɔ́sɔ́mɛ́n mɔnd uwaány ɔ́gɔ umáal buanda bá bɔbɛ.» 6Fesetúse uwedúmbi medug mányɛ́manyɛ, guám mát Yelúsalɛm. Uwɔ́ guond Sesalé, uwɔgɔ́l niluku mémbelibél agá nɛgál, uwéŋin bugaga ká bóol na Pólo. 7Anyɛ́ Pólo méesiége, Beyúdɛn bámáab guadɔ́g Yelúsalɛm, ɔbɔ́bɔŋ wɔ́. Ɔbɔ́sɔ́mɔn wɔ́ gá giod gá bɛnana, bɛ́bɛ́ nɔ́ bugaga. Bádɛmabá baguál ká bédíye meliŋítas má bɛnana bág. 8Pólo mɔbiɔ́gɔ́nɔ́gɔ́n wɔyɔ ká: «Ndɛ́gual gɛnana ta buay bá bisele bá Beyúdɛn, ta buay bá ɔnyɛb wa Gɔdányá, gúmén giáy gá ofuŋ uwɔgɔn Sesála.» 9Fesetúse mambá ká Beyúdɛn án wɔ́ bese. Ɔwɔ́ guófún Pólo ká: «Aguámba guond Yelúsalɛm ká bégúgélényi agám góbúsió gá ɔduɔ́ wá buóny ubuány e?» 10Pólo guondinyi ká: «Aya anyɛ́ inyá ndényé, búnyɛ ofuŋ uwɔgɔn Sesála ubiananá ká wúŋgéli. Ndígual Beyúdɛn buanda bá bɔbɛ anyɛ́ aŋuá muát alɛnsaná bese na bese. 11Ímábá meliŋítas ngúlɛnsaan buanda, gúmén nguál buanda búsɛ́gɛmananá na nigú, ndiguénen ká ngú, buanda bá meliŋítas mén búdɛbá agá bɛsɔ́mɔnɔ ɛbɛ́ band ebe biananá nam, ta mɔnd udigúbianan bugaga bégundú gɔ́b. Nsɛ́ buóny bám áb aga ofuŋ uwɔgɔn Sesála.» 12Fesetúse máal úmáman gugála na band bá nɛgál, uganyɛ gá Pólo ká: «Anyɛ́ ɔyɔnɔ ká ngɔ́mɔnɔ ubiananá ká ugál gɛsan gɔ́w, egenedélímín gá nɛgál agág gá busió.»
Pólo ogóbusió bá Akilipá na Beleníse
13Gɛdam gá medug máal gɛ́madɔ́mb, ofuŋ Akilipá na endimen waga wa agánd Beleníse abásiám Sesalé gá gúsibígélídi Fesetúse. 14Anyɛ́ béméedúmbí kɔ́ gɛdám gá medug, Fesetúse guɔyɛdɛn ofuŋ buóny bá Pólo. Uganyɛ gág ká: «Mɔnd nya aya ɔwɔ́ Felíse máatɛ́n agá gians gá mbíne. 15Anyɛ́ mmáb Yelúsalɛm, bɔgɔ́gɔ na bagɔn bá Beyúdɛn, oboól gá gúsɔ́mɛ́n wɔ́ ká yéŋin wɔ́ gɛgua. 16Nganyɛ gɔ́b ká Balomɛ́ŋ gugélenyi mɔnd kand gubá ká umábɛ́saág ɔlɔŋ na bambɛ́lɛmbɛ́l bág gá buóny bɔ́sɔ́mɔnɔ́ wɔ́ gá bɔ́. Ugúbianan ká úbiɔ́gɔnɔgɔn. 17Idiosiondo ɔlɔŋ ayana ta gudúmbi gɛsɛgɛl, iyedélímin agá nɛgál mémbelibél. Iyéŋin bugaga ká boól na mɔnd uwaány. 18Bambɛ́lɛmbɛ́l bág mebídíyé. Bádɛmand gusɔ́mɛ́n wɔ́ gɔg, ta gá buanda búmóm bá bɔbɛ imáabá mbɛ́dága. 19Bámabiánán gɔɔ́g nségié naga agá buóny búlɛ́ŋaná giádábɛn gɔ́b na buóny bá mɔnd ondodi bábɛ́laná ká Yésu uméegú, uwɔ́ Pólo ɔyɔnɔ́ ká unyɛ ɔgɔ́s. 20Ndɛlɛnsán anyɛ́ nnyá bágɔsɔ́mb buóny ubuány, iyɔyɛdɛn Pólo ká wɔ́b Yelúsalɛm ká bégélényí wɔ́ kɔ́ gá buóny ubuány. 21Pólo guámba gɔg ká ofuŋ uwɔgɔn géli wɔ́. Kányɛ nnyá guɔyɛd ká bábɛ́dɛ́gɛn wɔ́ agá gians gá mbíne, úbídenyi Sesála.» 22Akilipá ganyɛ gá ofuŋ ká: «Yaŋuá sɔ́n nguámba gubɛ́dɔ́lɛ́gɛn mɔnd ewe gá ɛgám gɛsɛgɛl.» Fesetúse guondinyi ká: «Nŋɔguɔ́ ɔgɔbɛ́dɔ́lɛ́gɛn wɔ́.» 23Buɔ́s búmáaládán, Akilipá nɔ́b na Beleníse abásiám na gianta gá ɔlɔŋ wá band, bágaan duwéwé bádáma ɛmbɔ́g. Uwebíŋín agá gians gá nɛgál, na bagɔn bá musia, na bagɔn bá gɛdɔŋ. Fesetúse guɔyɛd ká bólón Pólo. 24Fesetúse ganyɛ ká: «Ofuŋ Akilipá, na banuá gidigid nunyá aya agasuá, ánulɛ́ŋá mɔnd ewe, nigúl gidigid ná Beyúdɛn ɔ́gusɔ́mɛ́n wɔ́ Yelúsalɛm na aya. Bágubá bánsa bɔ́yɔ ká udɛguánd gubianan ká úsɔ́dɔɔn. 25Gá ugám, ndɛɛ́guán buanda unyá gual bá bɔbɛ ká údáŋáb nigú. Anyɛ́ uwɔ́ muát umɔ́ɔyɛ́d ká buóny bág áb ogóbusió bá ofuŋ uwɔgɔn, nganyɛ gɔg ká ngadɔ́m wɔ́. 26Anyɛ́ ndiábiánáná buanda bunyá sáŋŋ bulɛ́ŋaná wɔ́ ká yɔ́ŋɛ́n Ngɔ́mɔnɔ, buád buanda nnyá gúlén wɔ́ aganuá dɔ́mbá dɔ́mba ɔgɔwɔ ofuŋ Akilipá. Anyɛ́ nugonuófoon wɔ́ iŋófúny, umóndínyí, ngabia bágual ká yɔɔ́ŋ. 27Yaŋuá muát nguánaan ká gɔdɔ́m gɛmbɔg Lɔ́m kand gɔlɛns bese na bese ubú bɔ́sɔ́mɔnɔ́ wɔ́ gá bɔ́, ubuány dɛbá na nsɔ́ŋɔ́nɛn.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
CABTAL