Mata 3
3
Yahwana ma ɗal batem
(Mrk 1.2-6; Luk 3.1-6; Yhw 1.19-23)
1Ma vah watsa ya, Yahwana ma ɗal batem pay a damə ata dərzləm a hayak Yahudiya, dəba a aɗaf ma, iŋgaya: 2«Huni mbaɗ landza kuni bəza, La ndza bay ma ndza a wəzəm a wəzlaf huk!» iy. 3Ala ma ɗaf ma ndə a zlimazə ara Bizlaf, Isaya tava a zlap ata Yahwana, ndə a zlap iŋgaya: «Ala minja a kadza wəla a damə ata dərzləm iŋgaya: “Huni lamanə təf aka dəlili a Bay Madagal ma ndza a wəzəm, huni lamanə təf ma lihwlihw aagi ka a təf baŋw aagi, dəlili” ».
4Rəkuts ataa Yahwana a dza abə dzuguɗ ŋgaluba, ŋkərap ana ndə a dzaw gaŋ tə abə sha. Səkən zəm tə ci, wayak abə mza amam ma ndza a damə. 5Həji ma ndza a Wərusalima aagi abə həji ma ndza a hayak Yahudiya aagi, ma huk abəra zlazlər Urdun aagi tiwtiw aa taha ara. 6Azha, Yahwana aa kaɗal batem a zlazlər Urdun, kwa vaye a ghal mpət tə ata nja manahayak tiwtiw. 7Ndə Yahwana a gəra Farisa aagi abə Saduki aagi, aa kandaha ara vərəm, aska a ɗalatana batem ya, Yahwana zlap a zlapatana, iŋgaya: «Ŋkuraslə aagi, ala ma ghalahuni, huni areh kuni ara ghuɗek Bizlaf ma huk a ndaha, i vaya? 8Huni ɗal zlən ma təwah, aska həji asən ci, huni tambaɗ landza kuni bəza ŋter. 9Huni ɗiw a deŋ ka a ꞌunəf kuni a zlap ya: “Ibərahima a ɗa jiji cini” huniyis. Ara ndə a ɗa, Bizlaf a kula a bəw ŋkəɗaŋ ndə huni kagərata watsə aagi bəza, aagi ɗa wəzhi Ibərahima aagi. 10Jeni tabəzaya, aska bəl mpi abə dzara tə tiwtiw: Ara ndə a ɗa, kala mpi ma ŋkula mbəw mbə ma ŋtan, a bəl aka, a fak aka a kwahu. 11Azha sa, sa ɗalahuni batem abə yəm, aska huni a bəw landza kuni bəza. Ama, ala ma kaandaha a diwzha naka, a aɗalahuni batem abə Miɗ ma ghwaɗeɗe, abə kwahu. A aɗa dəy aha sa abə ɓərɓər, sa kaɗa teete a pəl sherek aŋci tə səku. 12A andaha abə teptepi aska ra a mbem ndiri, azha mbə ndiri, a zlaɗ ka a cebem, mbəɗmbəɗ tə, a buk ka a kwahu ma ŋkula mca, a feŋ ka.»
Batem ataa Yesu
(Mrk 1.9-11; Luk 3.21-22)
13Azha, Yesu peteŋ a hayak Galili ama zlazlər Urdun, ara Yahwana aska a ɗalanə batem. 14Ama, Yahwana taɗiw a ji səku, zlap a zlapanə, iŋgaya: «Mayɓa bəza ci, hwa ana ma ɗalaka batem, azha, hwa ana ma kandaha ara sa!» iy. 15Ama, Yesu zhin a zhinanə, iŋgaya: «Ɗalaka awa a ndə mə a mən watsə. Ara ndə a ɗa, tsakwa abə mə aɗal səkən ndə Bizlaf a kaɗiw tiwtiw.» Mbara azha, awa ana Yahwana, iy. 16A diwzha ndə Yesu a ɗal batem bəza, tsaw a ndaa tə bəza a yəm. A tsutsa a tsutsa, mpaŋ la ma ndza a wəzəm a wəzlaf a dəɗ tə. A kagəra Miɗ ma ghwaɗeɗe a katadukha a ndza a heɗe andza ꞌwanan. 17Azha, wəla minja a kadzaha a wəzəm a wəzlaf, iŋgaya: «Watsə ana Mbə madaraf naka, ndə sa kamayə abə ɓas» iy.
Currently Selected:
Mata 3: GOU
Highlight
Share
Copy
Want to have your highlights saved across all your devices? Sign up or sign in
Mata 3
3
Yahwana ma ɗal batem
(Mrk 1.2-6; Luk 3.1-6; Yhw 1.19-23)
1Ma vah watsa ya, Yahwana ma ɗal batem pay a damə ata dərzləm a hayak Yahudiya, dəba a aɗaf ma, iŋgaya: 2«Huni mbaɗ landza kuni bəza, La ndza bay ma ndza a wəzəm a wəzlaf huk!» iy. 3Ala ma ɗaf ma ndə a zlimazə ara Bizlaf, Isaya tava a zlap ata Yahwana, ndə a zlap iŋgaya: «Ala minja a kadza wəla a damə ata dərzləm iŋgaya: “Huni lamanə təf aka dəlili a Bay Madagal ma ndza a wəzəm, huni lamanə təf ma lihwlihw aagi ka a təf baŋw aagi, dəlili” ».
4Rəkuts ataa Yahwana a dza abə dzuguɗ ŋgaluba, ŋkərap ana ndə a dzaw gaŋ tə abə sha. Səkən zəm tə ci, wayak abə mza amam ma ndza a damə. 5Həji ma ndza a Wərusalima aagi abə həji ma ndza a hayak Yahudiya aagi, ma huk abəra zlazlər Urdun aagi tiwtiw aa taha ara. 6Azha, Yahwana aa kaɗal batem a zlazlər Urdun, kwa vaye a ghal mpət tə ata nja manahayak tiwtiw. 7Ndə Yahwana a gəra Farisa aagi abə Saduki aagi, aa kandaha ara vərəm, aska a ɗalatana batem ya, Yahwana zlap a zlapatana, iŋgaya: «Ŋkuraslə aagi, ala ma ghalahuni, huni areh kuni ara ghuɗek Bizlaf ma huk a ndaha, i vaya? 8Huni ɗal zlən ma təwah, aska həji asən ci, huni tambaɗ landza kuni bəza ŋter. 9Huni ɗiw a deŋ ka a ꞌunəf kuni a zlap ya: “Ibərahima a ɗa jiji cini” huniyis. Ara ndə a ɗa, Bizlaf a kula a bəw ŋkəɗaŋ ndə huni kagərata watsə aagi bəza, aagi ɗa wəzhi Ibərahima aagi. 10Jeni tabəzaya, aska bəl mpi abə dzara tə tiwtiw: Ara ndə a ɗa, kala mpi ma ŋkula mbəw mbə ma ŋtan, a bəl aka, a fak aka a kwahu. 11Azha sa, sa ɗalahuni batem abə yəm, aska huni a bəw landza kuni bəza. Ama, ala ma kaandaha a diwzha naka, a aɗalahuni batem abə Miɗ ma ghwaɗeɗe, abə kwahu. A aɗa dəy aha sa abə ɓərɓər, sa kaɗa teete a pəl sherek aŋci tə səku. 12A andaha abə teptepi aska ra a mbem ndiri, azha mbə ndiri, a zlaɗ ka a cebem, mbəɗmbəɗ tə, a buk ka a kwahu ma ŋkula mca, a feŋ ka.»
Batem ataa Yesu
(Mrk 1.9-11; Luk 3.21-22)
13Azha, Yesu peteŋ a hayak Galili ama zlazlər Urdun, ara Yahwana aska a ɗalanə batem. 14Ama, Yahwana taɗiw a ji səku, zlap a zlapanə, iŋgaya: «Mayɓa bəza ci, hwa ana ma ɗalaka batem, azha, hwa ana ma kandaha ara sa!» iy. 15Ama, Yesu zhin a zhinanə, iŋgaya: «Ɗalaka awa a ndə mə a mən watsə. Ara ndə a ɗa, tsakwa abə mə aɗal səkən ndə Bizlaf a kaɗiw tiwtiw.» Mbara azha, awa ana Yahwana, iy. 16A diwzha ndə Yesu a ɗal batem bəza, tsaw a ndaa tə bəza a yəm. A tsutsa a tsutsa, mpaŋ la ma ndza a wəzəm a wəzlaf a dəɗ tə. A kagəra Miɗ ma ghwaɗeɗe a katadukha a ndza a heɗe andza ꞌwanan. 17Azha, wəla minja a kadzaha a wəzəm a wəzlaf, iŋgaya: «Watsə ana Mbə madaraf naka, ndə sa kamayə abə ɓas» iy.
Currently Selected:
:
Highlight
Share
Copy
Want to have your highlights saved across all your devices? Sign up or sign in