Mata 4
4
Wələɓi a kaslənzə Yesu
(Mrk 1.12-13; Luk 4.1-13)
1Azha a tsutsa, Miɗ ma ghwaɗeɗe jaɓ a jaɓ Yesu aka a damə ata dərzləm, aska wəleɓi a slənzə. 2A diwzha ndə, a ɗal dalyam bəza wan raŋfaɗ, vah raŋfaɗ a kazəm səkən aka səku, dəba mintish a adzə. 3Wəliɓi, ma slən həji aagi, kərəɗ a kərəɗha, i kəsha iŋgaya: «Andza hwa Mbə Bizlaf, zlapanə a ŋkəɗaŋ watsə, mabəw tə a səkən zəm,» iy. 4Ama, Yesu zhin a zhinanə, iŋgaya: «Taŋtiraya a ɗerewal ma ghwaɗeɗe: Ala a kandza gagagha aska səkən zəmə səku, ama abə zlap ndə Bizlaf a zlapazə ata madedizh ma tə aagi tiwtiw.» 5Azha, Wəleɓi jaɓ a jaɓ ka gwar a Wərusalima, a hayak ma dzamadzam ma ghwaɗeɗe, pa a tsəzə ka a ha jak kwakus Bizlaf. 6Azha, dəba a azlapanə, iŋgaya: «Andza hwa Mbə Bizlaf, fak ha kwa a riy ata hayak, ara ndə a ɗa, taŋtiraya a ɗerewal ma ghwaɗeɗe: Bizlaf a azlapatana a matəf tə aagi, a aagi a tawahu bəza a ra ta, ara ndə ŋgas kwa a kaagbaw tə ata ŋkəɗaŋ.» 7Yesu zlap a zlapanə zhana, iŋgaya: Taŋtiraya a ɗerewal ma ghwaɗeɗe zhana: Hwa ɗiw a ji a slənzə Bizlaf kwa ma ndza a wəzəm a wəzlaf səku, iy. 8Wəliɓi jaɓ a jaɓ ka zhana a ha wəzəm ma jiŋ, ghal a ghalanə la ndza bay ma ndza a manahayak aagi tiwtiw abə sləf tə aagi. 9Azha, i kəsha iŋgaya: «Sa avəlahu la ndza bay watsə aagi abə sləf tə aagi, andza hwa taji a gəliɓ atama naka a hawaka,» iy. 10Azha, Yesu zlap a zlapanə, iŋgaya: «Ji ŋgas kwa a bəza a ɗi Gətili, ara ndə a ɗa, taŋtiraya a ɗerewal ma ghwaɗeɗe: Hwa ahawanə a Bay Madagal, Bizlaf kwa, hwa aɗalanə zlən a sha ŋtaguleŋ,» iy. 11A tsutsa azha, wəliɓi mbasl a mbasl Yesu aka. Matəf Bizlaf aagi tsaw aa ndaha abəra, dəba aagi aɗalanə zlən.
Diw zlən Yesu a hayak Galili
(Mrk 1.14-15; Luk 4.14-15)
12Ndə Yesu a zlima, aa tambəla Yahwana bəza, a tacakaya a jak yaka, tsaa kanda tə a hayak Galili. 13Tazhin a ndza a hayak Nasaratu akas, ama tsaa kanda tə a hayak Kafarnahum, hayak ma dzamadzam ma huk abəra mtil Galili, hayak ataa Zhabulun abə Naftali. 14A ɗal ikwa aska a kəliy ma ndə ala ma ɗaf ma ndə a zlimazə ara Bizlaf Isaya a zlap ka, iŋgaya:
15 Hayak Zhabulun, hayak Naftali,
təf ta nda ama mtil ma dagal,
hayak ma ndza a bəzaha aha ma zlazlər Urdun,
Galili hayak ndə həji ma ŋkula ɗa Yahuda aagi kandza a mən!
16 Həji ma ndza a ləvaŋ aagi,
aa tagəra weɗ la ma dagal!
Ataa həji ma ndza a kushaŋ mci aagi,
weɗ la ma ghwaɗeɗe a payha ara təmta.
17A ꞌwa aka bishkit watsa abə Yesu a diw a ghal ma Bizlaf, iŋgaya: «Huni mbaɗ landza kuni bəza: la ndza bay ma ndza a wəzəm a wəzlaf huk,» iy.
Magəli mampər ndə Yesu a yata aagi
(Mrk 1.16-20; Luk 5.1-11)
18Ndə Yesu a kapew gwara ama mtil ma dagal ataa hayak Galili, gəra a gəra həji ndiɓi aagi ata zlaŋgin ta, aa gbak, aa kambəla ŋkilif, Simun ndə zləm tə a ɗa Piyer abə zlaŋgin Andire. Aa kafak kadara ata mtil ma dagal a mbəla ŋkilif, ara ndə aa ɗa həji ma mbəla ŋkilif aagi. 19Yesu zlap a zlapatana, iŋgaya: «Huni səbaraka, sa abəwahuni ka, aa ɗa həji ma mbəla həji aagi.» 20A tsutsa, mbasl aa mbasl kadara ta ka, dəba aagi asəbarə. 21A kərəɗ kajik ikwa atama zhana, gəra a gəra həji ndiɓi aagi ata zliŋgin ta, aa gbak, tiw Yakuba abə Yahwana, wəzhi Zhebede aagi. Aa ata gəlmbə abə tiw cin ta Zhebede, aa kadzaw kadara. Daŋ a yazata. 22Azha, a tsutsa a tsutsa, mbasl aa mbasl gəlmbə ta ka abə cin ta, dəba aagi asəbarə.
Sərək ma Yesu abə kwaleŋ dawər
(Mrk 1.39; Luk 4.44; 6.17-18)
23A diwzha tə, Yesu dəba a anda a ŋge a hayak Galili aagi tiwtiw, a kasərəkatana səkən a həji aagi a ŋge a jak ta tarha Yahuda ma ndza a hayak watsa aagi, a kaɗaf Ma wiyə ma təwah ataa La ndza bay Bizlaf, zhana takwaleŋ həji dawər aagi vərəm, zhana kwa a kazhin a zlima ndirim tə akas. 24Həji ma ndza a hayak Siriya aagi tiwtiw, aa tazlima aa kazlap a heɗe. Dəba həji aagi akwaranə həji ma kasa yaka ara dawər ma parpar a parpar aagi, abə həji ndə miɗ ma gamak a kasatana yaka aagi, həji ma kaɓərəzl, həji ma gəy ma aagi, tarehata bəza. 25Ŋgaɓa həji aagi kasəbar Yesu, həji ma ndaha a hayak Galili aagi, abə hayak Dekapul, hayak ndə hayak ma dzamadzam wam a mən, a Wərusalima, a hayak Yahudiya abə hayak ma ndza a bəzaha aha mazlazlər Urdun aagi.
Currently Selected:
Mata 4: GOU
Highlight
Share
Copy
Want to have your highlights saved across all your devices? Sign up or sign in
Mata 4
4
Wələɓi a kaslənzə Yesu
(Mrk 1.12-13; Luk 4.1-13)
1Azha a tsutsa, Miɗ ma ghwaɗeɗe jaɓ a jaɓ Yesu aka a damə ata dərzləm, aska wəleɓi a slənzə. 2A diwzha ndə, a ɗal dalyam bəza wan raŋfaɗ, vah raŋfaɗ a kazəm səkən aka səku, dəba mintish a adzə. 3Wəliɓi, ma slən həji aagi, kərəɗ a kərəɗha, i kəsha iŋgaya: «Andza hwa Mbə Bizlaf, zlapanə a ŋkəɗaŋ watsə, mabəw tə a səkən zəm,» iy. 4Ama, Yesu zhin a zhinanə, iŋgaya: «Taŋtiraya a ɗerewal ma ghwaɗeɗe: Ala a kandza gagagha aska səkən zəmə səku, ama abə zlap ndə Bizlaf a zlapazə ata madedizh ma tə aagi tiwtiw.» 5Azha, Wəleɓi jaɓ a jaɓ ka gwar a Wərusalima, a hayak ma dzamadzam ma ghwaɗeɗe, pa a tsəzə ka a ha jak kwakus Bizlaf. 6Azha, dəba a azlapanə, iŋgaya: «Andza hwa Mbə Bizlaf, fak ha kwa a riy ata hayak, ara ndə a ɗa, taŋtiraya a ɗerewal ma ghwaɗeɗe: Bizlaf a azlapatana a matəf tə aagi, a aagi a tawahu bəza a ra ta, ara ndə ŋgas kwa a kaagbaw tə ata ŋkəɗaŋ.» 7Yesu zlap a zlapanə zhana, iŋgaya: Taŋtiraya a ɗerewal ma ghwaɗeɗe zhana: Hwa ɗiw a ji a slənzə Bizlaf kwa ma ndza a wəzəm a wəzlaf səku, iy. 8Wəliɓi jaɓ a jaɓ ka zhana a ha wəzəm ma jiŋ, ghal a ghalanə la ndza bay ma ndza a manahayak aagi tiwtiw abə sləf tə aagi. 9Azha, i kəsha iŋgaya: «Sa avəlahu la ndza bay watsə aagi abə sləf tə aagi, andza hwa taji a gəliɓ atama naka a hawaka,» iy. 10Azha, Yesu zlap a zlapanə, iŋgaya: «Ji ŋgas kwa a bəza a ɗi Gətili, ara ndə a ɗa, taŋtiraya a ɗerewal ma ghwaɗeɗe: Hwa ahawanə a Bay Madagal, Bizlaf kwa, hwa aɗalanə zlən a sha ŋtaguleŋ,» iy. 11A tsutsa azha, wəliɓi mbasl a mbasl Yesu aka. Matəf Bizlaf aagi tsaw aa ndaha abəra, dəba aagi aɗalanə zlən.
Diw zlən Yesu a hayak Galili
(Mrk 1.14-15; Luk 4.14-15)
12Ndə Yesu a zlima, aa tambəla Yahwana bəza, a tacakaya a jak yaka, tsaa kanda tə a hayak Galili. 13Tazhin a ndza a hayak Nasaratu akas, ama tsaa kanda tə a hayak Kafarnahum, hayak ma dzamadzam ma huk abəra mtil Galili, hayak ataa Zhabulun abə Naftali. 14A ɗal ikwa aska a kəliy ma ndə ala ma ɗaf ma ndə a zlimazə ara Bizlaf Isaya a zlap ka, iŋgaya:
15 Hayak Zhabulun, hayak Naftali,
təf ta nda ama mtil ma dagal,
hayak ma ndza a bəzaha aha ma zlazlər Urdun,
Galili hayak ndə həji ma ŋkula ɗa Yahuda aagi kandza a mən!
16 Həji ma ndza a ləvaŋ aagi,
aa tagəra weɗ la ma dagal!
Ataa həji ma ndza a kushaŋ mci aagi,
weɗ la ma ghwaɗeɗe a payha ara təmta.
17A ꞌwa aka bishkit watsa abə Yesu a diw a ghal ma Bizlaf, iŋgaya: «Huni mbaɗ landza kuni bəza: la ndza bay ma ndza a wəzəm a wəzlaf huk,» iy.
Magəli mampər ndə Yesu a yata aagi
(Mrk 1.16-20; Luk 5.1-11)
18Ndə Yesu a kapew gwara ama mtil ma dagal ataa hayak Galili, gəra a gəra həji ndiɓi aagi ata zlaŋgin ta, aa gbak, aa kambəla ŋkilif, Simun ndə zləm tə a ɗa Piyer abə zlaŋgin Andire. Aa kafak kadara ata mtil ma dagal a mbəla ŋkilif, ara ndə aa ɗa həji ma mbəla ŋkilif aagi. 19Yesu zlap a zlapatana, iŋgaya: «Huni səbaraka, sa abəwahuni ka, aa ɗa həji ma mbəla həji aagi.» 20A tsutsa, mbasl aa mbasl kadara ta ka, dəba aagi asəbarə. 21A kərəɗ kajik ikwa atama zhana, gəra a gəra həji ndiɓi aagi ata zliŋgin ta, aa gbak, tiw Yakuba abə Yahwana, wəzhi Zhebede aagi. Aa ata gəlmbə abə tiw cin ta Zhebede, aa kadzaw kadara. Daŋ a yazata. 22Azha, a tsutsa a tsutsa, mbasl aa mbasl gəlmbə ta ka abə cin ta, dəba aagi asəbarə.
Sərək ma Yesu abə kwaleŋ dawər
(Mrk 1.39; Luk 4.44; 6.17-18)
23A diwzha tə, Yesu dəba a anda a ŋge a hayak Galili aagi tiwtiw, a kasərəkatana səkən a həji aagi a ŋge a jak ta tarha Yahuda ma ndza a hayak watsa aagi, a kaɗaf Ma wiyə ma təwah ataa La ndza bay Bizlaf, zhana takwaleŋ həji dawər aagi vərəm, zhana kwa a kazhin a zlima ndirim tə akas. 24Həji ma ndza a hayak Siriya aagi tiwtiw, aa tazlima aa kazlap a heɗe. Dəba həji aagi akwaranə həji ma kasa yaka ara dawər ma parpar a parpar aagi, abə həji ndə miɗ ma gamak a kasatana yaka aagi, həji ma kaɓərəzl, həji ma gəy ma aagi, tarehata bəza. 25Ŋgaɓa həji aagi kasəbar Yesu, həji ma ndaha a hayak Galili aagi, abə hayak Dekapul, hayak ndə hayak ma dzamadzam wam a mən, a Wərusalima, a hayak Yahudiya abə hayak ma ndza a bəzaha aha mazlazlər Urdun aagi.
Currently Selected:
:
Highlight
Share
Copy
Want to have your highlights saved across all your devices? Sign up or sign in