Mata 2
2
Həji ma sən səkən aagi taha a taŋzə Yesu
1Yesu a mbəwha a hayak ma dzamadzam Baytilama, ma ndza a hayak Yahudiya, tiɗa ndə Haridus a ɗa bay ma dagal. A diwzha ndə a mbəw tə, həji ma kasən səkən ma ndza ata gəmzla aagi, aa taa ta, aa ndaha gwara a wəzaha ata mbirha pish a nda a Wərusalima. 2Azha, ɗiw aa ɗiwzə, aagi iŋgaya: «Mbə ma mbəwha, ma kaaɗa bay ataa Yahuda watsa a vata? Ni tagəra gəmzla tə pay a wəzaha ata mbirha pish, sha ana ndə, ni ndaha a hawanə yəm.» 3Ndə bay Haridus a zlima ma watsa, hak aa ghərəŋ ta abə həji ma ndza a Wərusalima aagi tiwtiw. 4Bay dəba a adzam magulakwakw maɗal kwakus aagi abə masərək ma ma garagar aagi, ɗiw a ɗiwzata, iŋgaya: «La ndə Kərist a mbəwha a heɗe watsa, a vata?» iy. 5Zhin aa zhinanə, aagi iŋgaya: «A ambəwha a hayak ma dzamadzam Baytilama, ma ndza a hayak Yahudiya, ara ndə a ɗa, tsakwa ana ma ndə a ŋtir ka ana ala ma ɗaf ma ndə a zlima ara Bizlaf, iŋgaya: 6Azha hwa yəm, Baytilama hayak ma ndza a Yahudiya, hwa tagwar a ɗa ma feŋ ma ndza a taba hayak ma dzamadzam ma ndza a hayak Yahudiya aagi səku: ara ndə a ɗa, gwara ara hwa abə a ndaha ana bay, ma kaanjin həji ma ndza a hayak Isərayila aagi. »
7Mbara azha, Haridus dəba a aya həji ma sən səkən aagi bəza ata paŋ abə ŋhil, aska a ɗiwzə ara təmta, vah ndə gəmzla a payha. 8Azha, zlən a zlənata a Baytilama, i təmta iŋgaya: «Huni nda ɗiwzaka ma ma ndza ata mbə watsa, ndə huni kaagəra bəza, huni ndaha a ghalaka, aska a sa nda hawanə yəm,» iy. 9Ndə aa zlima ma bay watsa bəza, aa tsaa kanda ta. Gəmzla ndə aa gərazə a wəzaha ata la mbirha pish taa tə, atama ta atama a vaŋ ata la ndə mbə a mbəwha a heɗe watsa, nda gbək a gar ata la ndə mbə a heɗe ana gəmzla. 10Ndə aa gəra gəmzla, ꞌunəf ta mkpef abə ɓas ma dagal. 11Tsaw aa nda a jak, nda gəra aa gəra tiw mbə abə mamən tə Mariyama, gəliɓ aa gəliɓ ta aka atama tə a hawanə. A tsutsa dəɗ aagi slibi ta aagi, pa aa vəlanə səkən aagi: wəshi abə səkən ndə həji kaŋkəɗə ma kanji fiŋfiŋ, mali ma kanji təwah. 12A diwzha tə, Bizlaf zlap a zlapatana a shiŋshiŋ, ara ndə aa kazhin gwara ara bay Haridus. Leŋ aa jiɓa təf maparam a zhin ta a hayak ta.
Shi ma ndza a hayak Misəra
13A diwzha ndə aa nda ta ana həji ma kasən səkən aagi, matəf ataa Bay Madagal tsaw a ndaha ara Yusufu a shiŋshiŋ, i kəsha iŋgaya: «Gar a wəzəm, ji mbə watsə abə mamən, shi kwa a hayak Misəra. Huni ndza kuni ka a tsutsa vaŋ ata vah ndə sa kaaghalahu, ara ndə bay Haridus a kagas mbə watsa a dzə ka a mci.» 14Yusufu takaw a gar tə a wəzəm, leŋ a ji mbə abə mamən tə, abə zaɗə, aa tsaa kashi tə a Misəra. 15Ka a ndza tə ka a vaŋ ata mci bay Haridus. Aska a ɗal andza ndə Bizlaf ma ndza a wəzəm a zlapazə ka gwara ara ala ma ɗaf ndə a zlimazə ara Bizlafma, iŋgaya: A Misəra sa tayaha mbə naka a bəza , iy.
Bazl wəzhi
16Ndə bay Haridus a gəra masən səkən ma atama aagi taghut ka, tikush a ghuɗek tə a guɗaŋ, zlən i həji aagi a bazl wəzhi ma ndza a Baytilama aagi abə ma ndza a hayak ma ndza abəra aagi ka tiwtiw, kala wəzhi ma ɗal va gbak aagi abə ndə va ɓəraŋ a gbak aagi. ꞌWa aka ata ndə gəmzla a payha ata nja masən səkən aagi a wəzaha ata la mbirha pish. 17Azha, ikwa abə a ɗal andza ma ndə ala ma ɗaf ma ndə a zlimazə ara Bizlaf Yeremiya, iŋgaya:
18 Həji tazlima wəla minja a tadzaha a Rama,
han ma dagal abə ŋguzŋguz ma dagal a kaɗal:
Rahilu ma kahan wəzhi tə aagi.
ꞌunəf tə sakw takum,
ara ndə wəzhi tə aagi aa bazl ta .
Zhinha tiw Yesu a bəza abə həji mbəwazə aagi a hayak Misəra a nda a Nasaratu
19A diwzha mci bay Haridus, matəf ataa Bay Madagal pay ara Yusufu a shiŋshiŋ, a hayak Misəra. 20Azha, zlap a zlapanə, iŋgaya: «Gar kwa a wəzəm, ji mbə watsə abə mamən tə, zhin kwa a hayak ataa Isərayila, ara ndə a ɗa, aa tabazl ta ana həji ma kagas mbə watsa a dzə ka aagi.» 21Yusufu takaw a gar tə a wəzəm, leŋ a ji mbə abə mamən tə, aa tsaa kanda ta a hayak Isərayila. 22Ama, ndə a zlima, Arkilawus ana bay ma ndza a hayak Yahudiya a ŋgas cin tə, Haridus, azha tiw Yusufu aa taɗal ŋzliŋ aka a zhin a hayak Yahudiya. Bay Madagal zlap a zlapanə a shiŋshiŋ, aa tsaa kanda ta a ndzaɓa a hayak Galili. 23Azha ka aa ndza ta ka a hayak ma dzamadzam ndə həji kayə Nasaratu, aska a ɗal andza ma ndə həji ma ɗaf ma ndə aa zlimazə ara Bizlaf aagi aa zlap ka Aagi aɓin a yə, ndə Nasaratu.
Currently Selected:
Mata 2: GOU
Highlight
Share
Copy
Want to have your highlights saved across all your devices? Sign up or sign in
Mata 2
2
Həji ma sən səkən aagi taha a taŋzə Yesu
1Yesu a mbəwha a hayak ma dzamadzam Baytilama, ma ndza a hayak Yahudiya, tiɗa ndə Haridus a ɗa bay ma dagal. A diwzha ndə a mbəw tə, həji ma kasən səkən ma ndza ata gəmzla aagi, aa taa ta, aa ndaha gwara a wəzaha ata mbirha pish a nda a Wərusalima. 2Azha, ɗiw aa ɗiwzə, aagi iŋgaya: «Mbə ma mbəwha, ma kaaɗa bay ataa Yahuda watsa a vata? Ni tagəra gəmzla tə pay a wəzaha ata mbirha pish, sha ana ndə, ni ndaha a hawanə yəm.» 3Ndə bay Haridus a zlima ma watsa, hak aa ghərəŋ ta abə həji ma ndza a Wərusalima aagi tiwtiw. 4Bay dəba a adzam magulakwakw maɗal kwakus aagi abə masərək ma ma garagar aagi, ɗiw a ɗiwzata, iŋgaya: «La ndə Kərist a mbəwha a heɗe watsa, a vata?» iy. 5Zhin aa zhinanə, aagi iŋgaya: «A ambəwha a hayak ma dzamadzam Baytilama, ma ndza a hayak Yahudiya, ara ndə a ɗa, tsakwa ana ma ndə a ŋtir ka ana ala ma ɗaf ma ndə a zlima ara Bizlaf, iŋgaya: 6Azha hwa yəm, Baytilama hayak ma ndza a Yahudiya, hwa tagwar a ɗa ma feŋ ma ndza a taba hayak ma dzamadzam ma ndza a hayak Yahudiya aagi səku: ara ndə a ɗa, gwara ara hwa abə a ndaha ana bay, ma kaanjin həji ma ndza a hayak Isərayila aagi. »
7Mbara azha, Haridus dəba a aya həji ma sən səkən aagi bəza ata paŋ abə ŋhil, aska a ɗiwzə ara təmta, vah ndə gəmzla a payha. 8Azha, zlən a zlənata a Baytilama, i təmta iŋgaya: «Huni nda ɗiwzaka ma ma ndza ata mbə watsa, ndə huni kaagəra bəza, huni ndaha a ghalaka, aska a sa nda hawanə yəm,» iy. 9Ndə aa zlima ma bay watsa bəza, aa tsaa kanda ta. Gəmzla ndə aa gərazə a wəzaha ata la mbirha pish taa tə, atama ta atama a vaŋ ata la ndə mbə a mbəwha a heɗe watsa, nda gbək a gar ata la ndə mbə a heɗe ana gəmzla. 10Ndə aa gəra gəmzla, ꞌunəf ta mkpef abə ɓas ma dagal. 11Tsaw aa nda a jak, nda gəra aa gəra tiw mbə abə mamən tə Mariyama, gəliɓ aa gəliɓ ta aka atama tə a hawanə. A tsutsa dəɗ aagi slibi ta aagi, pa aa vəlanə səkən aagi: wəshi abə səkən ndə həji kaŋkəɗə ma kanji fiŋfiŋ, mali ma kanji təwah. 12A diwzha tə, Bizlaf zlap a zlapatana a shiŋshiŋ, ara ndə aa kazhin gwara ara bay Haridus. Leŋ aa jiɓa təf maparam a zhin ta a hayak ta.
Shi ma ndza a hayak Misəra
13A diwzha ndə aa nda ta ana həji ma kasən səkən aagi, matəf ataa Bay Madagal tsaw a ndaha ara Yusufu a shiŋshiŋ, i kəsha iŋgaya: «Gar a wəzəm, ji mbə watsə abə mamən, shi kwa a hayak Misəra. Huni ndza kuni ka a tsutsa vaŋ ata vah ndə sa kaaghalahu, ara ndə bay Haridus a kagas mbə watsa a dzə ka a mci.» 14Yusufu takaw a gar tə a wəzəm, leŋ a ji mbə abə mamən tə, abə zaɗə, aa tsaa kashi tə a Misəra. 15Ka a ndza tə ka a vaŋ ata mci bay Haridus. Aska a ɗal andza ndə Bizlaf ma ndza a wəzəm a zlapazə ka gwara ara ala ma ɗaf ndə a zlimazə ara Bizlafma, iŋgaya: A Misəra sa tayaha mbə naka a bəza , iy.
Bazl wəzhi
16Ndə bay Haridus a gəra masən səkən ma atama aagi taghut ka, tikush a ghuɗek tə a guɗaŋ, zlən i həji aagi a bazl wəzhi ma ndza a Baytilama aagi abə ma ndza a hayak ma ndza abəra aagi ka tiwtiw, kala wəzhi ma ɗal va gbak aagi abə ndə va ɓəraŋ a gbak aagi. ꞌWa aka ata ndə gəmzla a payha ata nja masən səkən aagi a wəzaha ata la mbirha pish. 17Azha, ikwa abə a ɗal andza ma ndə ala ma ɗaf ma ndə a zlimazə ara Bizlaf Yeremiya, iŋgaya:
18 Həji tazlima wəla minja a tadzaha a Rama,
han ma dagal abə ŋguzŋguz ma dagal a kaɗal:
Rahilu ma kahan wəzhi tə aagi.
ꞌunəf tə sakw takum,
ara ndə wəzhi tə aagi aa bazl ta .
Zhinha tiw Yesu a bəza abə həji mbəwazə aagi a hayak Misəra a nda a Nasaratu
19A diwzha mci bay Haridus, matəf ataa Bay Madagal pay ara Yusufu a shiŋshiŋ, a hayak Misəra. 20Azha, zlap a zlapanə, iŋgaya: «Gar kwa a wəzəm, ji mbə watsə abə mamən tə, zhin kwa a hayak ataa Isərayila, ara ndə a ɗa, aa tabazl ta ana həji ma kagas mbə watsa a dzə ka aagi.» 21Yusufu takaw a gar tə a wəzəm, leŋ a ji mbə abə mamən tə, aa tsaa kanda ta a hayak Isərayila. 22Ama, ndə a zlima, Arkilawus ana bay ma ndza a hayak Yahudiya a ŋgas cin tə, Haridus, azha tiw Yusufu aa taɗal ŋzliŋ aka a zhin a hayak Yahudiya. Bay Madagal zlap a zlapanə a shiŋshiŋ, aa tsaa kanda ta a ndzaɓa a hayak Galili. 23Azha ka aa ndza ta ka a hayak ma dzamadzam ndə həji kayə Nasaratu, aska a ɗal andza ma ndə həji ma ɗaf ma ndə aa zlimazə ara Bizlaf aagi aa zlap ka Aagi aɓin a yə, ndə Nasaratu.
Currently Selected:
:
Highlight
Share
Copy
Want to have your highlights saved across all your devices? Sign up or sign in