Mata 15
15
Səkən ndə jiji takwa aagi dərakwahəji
(Mrk 7.1-13)
1Azha, Farisa aagi abə masərək ma ma garagar aagi ndaa a bəza a Wərusalima, aska a ndaha a ara Yesu, dəba aagi aɗiwzə, aagi iŋgaya: 2«Magəli kwa aagi kaji njin səkən ndə jiji takwa aagi garazə ka a njin səku ya, ara veme? Ara ndə aɗa, aa kaban ra a zəm səkən səku.» 3Yesu zhin a zhinatana, iŋgaya: «Azha, huni taji a hawanə a ma dzawadzaw Bizlaf səku, huni hawanə a kwakus ataa jiji kuni aagi ara veme? 4Ara ndə a ɗa, Bizlaf iŋgaya: Hawanə a cihw abə matsuh. Azha wəruk, iŋgaya: Kwa vaye ma karanə dahalay ma gamak a cin, aka səku mamən, a adza ka a mci, iy. 5Ama, huni, huni kazlap: “Ala ma kaazlapanə a cin, aka səku a mamən: Səkən ndə, sa kamay a lamzahu abə sha ci, sa vəlanə bəza a Bizlaf, 6ala watsa tahawanə a cin akas.” Sha ana ndə, huni mbasl ma Bizlaf aka aska kwakus jiji kuni aagi. 7Huni həji mbəɗku aagi! Zlap Isaya, ala ma ɗaf ma ndə a zlimazə ara Bizlaf a heɗe a heɗe, ana ndə a zlap ata huni iŋgaya: 8Bizlaf iŋgaya:
Həji watsə aagi həmənaka abə madedizh ma,
ama ꞌunəf ta gədək abəra sa.
9 Tarha ndə aa kaɗalaka abə kwakus ta aagi, a ɗa ɓəlaakaka,
ara ndə a ɗa, ma ndə aa kasərəkatana a həji aagi, a ɗa andza dzaw ma ataa həji aagi.»
Səkən ma kabəw ala a ɗa dadawər
(Mrk 7.14-23)
10A diwzha tə, Yesu daŋ a yaha ŋgaɓa həji aagi, zlap a zlapatana, iŋgaya: «Huni tehzə ma watsə katkadək, azha huni zlima ma watsə katkadək: 11Səkən ma kanda gwara a takam ala, a kabəw ala a ɗa dadawər akas. Ama, səkən ma kandaa a bəza a takam tə, ana ma kabəw ala, a ɗa dadawər.»
12Azha, magəli tə aagi kərəɗ aa kərəɗha ara Yesu, zlap aa zlapanə, aagi iŋgaya: «Hwa kasən ci, zlap kwa watsə taghuɗekatana ꞌunəf aka a Farisa aagi wəra?» 13Yesu zhin a zhinatana, iŋgaya: «Kala mpi ndə Vana ma ndza a wəzəm a wəzlaf a ŋkula ŋgəɓə, aagi adəɗ aka abə dzara tə. 14Huni mbaslata ka: Aa ɗa həji wələf aagi ma kanjiw həji wələf ndiɓi aagi. Ama, andza ala wələf a njiw ala wələf minja andza sha, təmta gbak gbak, aagi azah ta a wəli.» 15Piyer leŋ a ji zlap, zlap a zlapanə, iŋgaya: «Ghalani ma ma ndza a maŋgəla watsə,» iy. 16Yesu zhin a zhinazə, iŋgaya: «Abə huni tə wəruk, huni yəm, ŋkwaɓ ara huni a sən səkən aka wəra? 17Huni kasən ci, kala səkən ma kanda gwara a takam, a nda gwara a bəra ala, azha, a ndaa tə a bəza gwara a zlikusəm ana ŋva aka wəra? 18Ama, səkən ma ndaa a bəza a takam, a ndaa a bəza a ꞌunəf, sha ana ma kabəw ala aka a ɗa, ala ma dadawər. 19Ara ndə a ɗa, aa ndaa aka a ꞌunəf ana deŋ ŋkwaɓ ma gamak, ma kaghut ala: a dza ha, a ɗal mazheref, a ɗal badaway, a ŋhil, a zla gaɗaɗaŋ ata ala, zhana a zlap ma ma gamak ata həji ndiɓi aagi. 20Tsakwa ana ma kabəw ala a ɗa dadawər, ama zəm abə ra ma ŋkula ban, a kabəw ala a ɗa dadawər akas.»
Ɗal awa ataa wala Kanana
(Mrk 7.24-30)
21Azha, Yesu tsaa kanda tə a bəza ata la watsa, a nda a hayak Tirus abə Sidun. 22Wala ndə Kanana minja a hayak watsa, tsaw a ndaha ara Yesu, dəba a adza wəla, iŋgaya: «Bay Madagal, Mbə ataa Dawda! Za hahər kwa ata sa! Həla naka ara miɗ ma gamak akas, a kasanə yaka a guɗaŋ,» iy. 23Ama, kwa Yesu tazhinanə zlap kwa ŋtaguleŋ akas. Magəli tə aagi, kərəɗ aa kərəɗha ara, a ɗiwzə: «Gam aara, ara ndə a ɗa, a kadza wəla a diwzha takwa,» aagiy. 24Yesu a zhinazə, iŋgaya: «Bizlaf a zlənaka dawna ŋcimi ataa həji Isərayila ma fəcak ta aagi,» iy. 25Ama, wala watsa tsaw a ndaha, gəliɓ a gəliɓ tə ka atama tə, iŋgaya: «Bay Madagal, lamzaka,» iy. 26Zhin a zhinanə, iŋgaya: «Kadək, a həji a ji wəda wəzhi a fakatana bəza a wəzhi həzhi səku,» iy. 27Wala watsa a zhinanə, iŋgaya: «Ma kwa ŋter Bay Madagal, njiwin wəzhi həzhi aa dəm giɗgiɗ wəda, ma kazaha ata la zəm wəda madagal ta,» iy. 28Azha, Yesu i kəsha iŋgaya: «Wala, ɗal awa kwa dəy. Bizlaf maɗalahu səkən ndə ꞌunəf kwa a kamayə.» A tsutsa a tsutsa, həla tə nana, mbəl.
Yesu takwaleŋatana dawər a həji vərəm
(Mrk 7.31)
29Yesu tsaa kanda tə a bəza a tsutsa aska a nda a bəza a mazləm mtil ataa Galili. Takaw a taf aha dawən, azha ka a ndza tə ka. 30Azha, bay ŋgaɓa həji aagi kandaha ara, aa kadaanə həji ma kacuksleŋ aagi, həji wələf aagi, həji ndə ŋgas ŋtaɗ ŋtaɗ aagi, həji ma ŋtəɗ ta abə həji dawər ndiɓi aagi. Shak aa zata ka atama, dəba a akwalənatana dawər a həji dawər. 31Ŋgaɓa həji aagi, hak aa ghərəŋ ta a heɗe ndə aa gəra həji madəŋə aagi kazlap, həji ndə ŋgas ŋtaɗ ŋtaɗ aagi tabəw ta ŋgas gbak ata təmta, həji ma kacuksleŋ aagi kanda, zhana həji wələf aagi kagəra la, azha dəba aagi ahəmən Bizlaf ataa Isərayila aagi.
Yesu tandar həji aagi bəluk ŋfaɗ
(Mrk 8.1-10)
32Yesu daŋ a yaha magəli tə , azha zlap a zlapatana, iŋgaya: «Hahər a kadzaka bəza aska həji watsə aagi, tsakwa vah mahkaɗ anawatsə, aa ɗi abəra sa, kwa aa tazəm səkən akas. Sa kaji a zhinata ka abə mintish səku, ara ndə, aa kaanda a bəza zhana ra mintish səku.» 33Magəli aagi zhin aa zhinanə, aagi iŋgaya: «Həji alimatana səkən zəm tə a ŋgaɓa həji ma həna watsə aagi, a ɗi a damə watsə a vata, aska aagi zəm ndar?» 34Yesu zlap a zlapatana, iŋgaya: «Ambash wəda ma ndza ara huni vana?» iy. Zhin aa zhinanə, aagi iŋgaya: «Ŋshiliɗ abə ŋkilif ndiɓi fashiɗ ikwa,» aagiy. 35Azha, zlap a zlapatana aska ŋgaɓa həji aagi ndza ka ata hayak. 36Azha, leŋ a ji ambash wəda ma ŋshiliɗ watsa abə ŋkilif watsa aagi, a diwzha ndə, a ɗalanə wasiy bəza a Bizlaf, teŋ a teŋ ambash wəda watsa ka, pa a vəlatana a magəli aagi, aska aa ɓizhatana a ŋgaɓa həji aagi. 37Kwa vaye, tazəmə andza ndə bəra tə a kamayə, zhana wədzəm ŋshiliɗ ana kirkem wəda ma finha ndə aa kwarazə. 38Həji ma zəmə aagi ya, aa bəluk ŋfaɗ ana mawəl aagi, aa taŋgəɗ wali ka abə wəzhi səku. 39A diwzha ndə a zlapatana a ŋgaɓa həji a zhin ta, takaf a taf tə a gəlmbə, azha tsaa kanda tə a hayak Magadaŋ.
Currently Selected:
Mata 15: GOU
Highlight
Share
Copy
Want to have your highlights saved across all your devices? Sign up or sign in
Mata 15
15
Səkən ndə jiji takwa aagi dərakwahəji
(Mrk 7.1-13)
1Azha, Farisa aagi abə masərək ma ma garagar aagi ndaa a bəza a Wərusalima, aska a ndaha a ara Yesu, dəba aagi aɗiwzə, aagi iŋgaya: 2«Magəli kwa aagi kaji njin səkən ndə jiji takwa aagi garazə ka a njin səku ya, ara veme? Ara ndə aɗa, aa kaban ra a zəm səkən səku.» 3Yesu zhin a zhinatana, iŋgaya: «Azha, huni taji a hawanə a ma dzawadzaw Bizlaf səku, huni hawanə a kwakus ataa jiji kuni aagi ara veme? 4Ara ndə a ɗa, Bizlaf iŋgaya: Hawanə a cihw abə matsuh. Azha wəruk, iŋgaya: Kwa vaye ma karanə dahalay ma gamak a cin, aka səku mamən, a adza ka a mci, iy. 5Ama, huni, huni kazlap: “Ala ma kaazlapanə a cin, aka səku a mamən: Səkən ndə, sa kamay a lamzahu abə sha ci, sa vəlanə bəza a Bizlaf, 6ala watsa tahawanə a cin akas.” Sha ana ndə, huni mbasl ma Bizlaf aka aska kwakus jiji kuni aagi. 7Huni həji mbəɗku aagi! Zlap Isaya, ala ma ɗaf ma ndə a zlimazə ara Bizlaf a heɗe a heɗe, ana ndə a zlap ata huni iŋgaya: 8Bizlaf iŋgaya:
Həji watsə aagi həmənaka abə madedizh ma,
ama ꞌunəf ta gədək abəra sa.
9 Tarha ndə aa kaɗalaka abə kwakus ta aagi, a ɗa ɓəlaakaka,
ara ndə a ɗa, ma ndə aa kasərəkatana a həji aagi, a ɗa andza dzaw ma ataa həji aagi.»
Səkən ma kabəw ala a ɗa dadawər
(Mrk 7.14-23)
10A diwzha tə, Yesu daŋ a yaha ŋgaɓa həji aagi, zlap a zlapatana, iŋgaya: «Huni tehzə ma watsə katkadək, azha huni zlima ma watsə katkadək: 11Səkən ma kanda gwara a takam ala, a kabəw ala a ɗa dadawər akas. Ama, səkən ma kandaa a bəza a takam tə, ana ma kabəw ala, a ɗa dadawər.»
12Azha, magəli tə aagi kərəɗ aa kərəɗha ara Yesu, zlap aa zlapanə, aagi iŋgaya: «Hwa kasən ci, zlap kwa watsə taghuɗekatana ꞌunəf aka a Farisa aagi wəra?» 13Yesu zhin a zhinatana, iŋgaya: «Kala mpi ndə Vana ma ndza a wəzəm a wəzlaf a ŋkula ŋgəɓə, aagi adəɗ aka abə dzara tə. 14Huni mbaslata ka: Aa ɗa həji wələf aagi ma kanjiw həji wələf ndiɓi aagi. Ama, andza ala wələf a njiw ala wələf minja andza sha, təmta gbak gbak, aagi azah ta a wəli.» 15Piyer leŋ a ji zlap, zlap a zlapanə, iŋgaya: «Ghalani ma ma ndza a maŋgəla watsə,» iy. 16Yesu zhin a zhinazə, iŋgaya: «Abə huni tə wəruk, huni yəm, ŋkwaɓ ara huni a sən səkən aka wəra? 17Huni kasən ci, kala səkən ma kanda gwara a takam, a nda gwara a bəra ala, azha, a ndaa tə a bəza gwara a zlikusəm ana ŋva aka wəra? 18Ama, səkən ma ndaa a bəza a takam, a ndaa a bəza a ꞌunəf, sha ana ma kabəw ala aka a ɗa, ala ma dadawər. 19Ara ndə a ɗa, aa ndaa aka a ꞌunəf ana deŋ ŋkwaɓ ma gamak, ma kaghut ala: a dza ha, a ɗal mazheref, a ɗal badaway, a ŋhil, a zla gaɗaɗaŋ ata ala, zhana a zlap ma ma gamak ata həji ndiɓi aagi. 20Tsakwa ana ma kabəw ala a ɗa dadawər, ama zəm abə ra ma ŋkula ban, a kabəw ala a ɗa dadawər akas.»
Ɗal awa ataa wala Kanana
(Mrk 7.24-30)
21Azha, Yesu tsaa kanda tə a bəza ata la watsa, a nda a hayak Tirus abə Sidun. 22Wala ndə Kanana minja a hayak watsa, tsaw a ndaha ara Yesu, dəba a adza wəla, iŋgaya: «Bay Madagal, Mbə ataa Dawda! Za hahər kwa ata sa! Həla naka ara miɗ ma gamak akas, a kasanə yaka a guɗaŋ,» iy. 23Ama, kwa Yesu tazhinanə zlap kwa ŋtaguleŋ akas. Magəli tə aagi, kərəɗ aa kərəɗha ara, a ɗiwzə: «Gam aara, ara ndə a ɗa, a kadza wəla a diwzha takwa,» aagiy. 24Yesu a zhinazə, iŋgaya: «Bizlaf a zlənaka dawna ŋcimi ataa həji Isərayila ma fəcak ta aagi,» iy. 25Ama, wala watsa tsaw a ndaha, gəliɓ a gəliɓ tə ka atama tə, iŋgaya: «Bay Madagal, lamzaka,» iy. 26Zhin a zhinanə, iŋgaya: «Kadək, a həji a ji wəda wəzhi a fakatana bəza a wəzhi həzhi səku,» iy. 27Wala watsa a zhinanə, iŋgaya: «Ma kwa ŋter Bay Madagal, njiwin wəzhi həzhi aa dəm giɗgiɗ wəda, ma kazaha ata la zəm wəda madagal ta,» iy. 28Azha, Yesu i kəsha iŋgaya: «Wala, ɗal awa kwa dəy. Bizlaf maɗalahu səkən ndə ꞌunəf kwa a kamayə.» A tsutsa a tsutsa, həla tə nana, mbəl.
Yesu takwaleŋatana dawər a həji vərəm
(Mrk 7.31)
29Yesu tsaa kanda tə a bəza a tsutsa aska a nda a bəza a mazləm mtil ataa Galili. Takaw a taf aha dawən, azha ka a ndza tə ka. 30Azha, bay ŋgaɓa həji aagi kandaha ara, aa kadaanə həji ma kacuksleŋ aagi, həji wələf aagi, həji ndə ŋgas ŋtaɗ ŋtaɗ aagi, həji ma ŋtəɗ ta abə həji dawər ndiɓi aagi. Shak aa zata ka atama, dəba a akwalənatana dawər a həji dawər. 31Ŋgaɓa həji aagi, hak aa ghərəŋ ta a heɗe ndə aa gəra həji madəŋə aagi kazlap, həji ndə ŋgas ŋtaɗ ŋtaɗ aagi tabəw ta ŋgas gbak ata təmta, həji ma kacuksleŋ aagi kanda, zhana həji wələf aagi kagəra la, azha dəba aagi ahəmən Bizlaf ataa Isərayila aagi.
Yesu tandar həji aagi bəluk ŋfaɗ
(Mrk 8.1-10)
32Yesu daŋ a yaha magəli tə , azha zlap a zlapatana, iŋgaya: «Hahər a kadzaka bəza aska həji watsə aagi, tsakwa vah mahkaɗ anawatsə, aa ɗi abəra sa, kwa aa tazəm səkən akas. Sa kaji a zhinata ka abə mintish səku, ara ndə, aa kaanda a bəza zhana ra mintish səku.» 33Magəli aagi zhin aa zhinanə, aagi iŋgaya: «Həji alimatana səkən zəm tə a ŋgaɓa həji ma həna watsə aagi, a ɗi a damə watsə a vata, aska aagi zəm ndar?» 34Yesu zlap a zlapatana, iŋgaya: «Ambash wəda ma ndza ara huni vana?» iy. Zhin aa zhinanə, aagi iŋgaya: «Ŋshiliɗ abə ŋkilif ndiɓi fashiɗ ikwa,» aagiy. 35Azha, zlap a zlapatana aska ŋgaɓa həji aagi ndza ka ata hayak. 36Azha, leŋ a ji ambash wəda ma ŋshiliɗ watsa abə ŋkilif watsa aagi, a diwzha ndə, a ɗalanə wasiy bəza a Bizlaf, teŋ a teŋ ambash wəda watsa ka, pa a vəlatana a magəli aagi, aska aa ɓizhatana a ŋgaɓa həji aagi. 37Kwa vaye, tazəmə andza ndə bəra tə a kamayə, zhana wədzəm ŋshiliɗ ana kirkem wəda ma finha ndə aa kwarazə. 38Həji ma zəmə aagi ya, aa bəluk ŋfaɗ ana mawəl aagi, aa taŋgəɗ wali ka abə wəzhi səku. 39A diwzha ndə a zlapatana a ŋgaɓa həji a zhin ta, takaf a taf tə a gəlmbə, azha tsaa kanda tə a hayak Magadaŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in