Mata 16
16
Farisa aagi abə Saduki aagi, aa kaɗiw səkən tsaɓan
(Mrk 8.11-13; Luk 12.54-56)
1Farisa aagi abə Saduki aagi tsaw aa ndaha ara Yesu, aska a sleŋanə kilŋga abə ma ndə aa ɗiw a ghalatana səkən tsaɓan ma ndaha ara Bizlaf aagi. 2Ama, Yesu zhin a zhinatana, iŋgaya: «Ndə pish a ndəv tə, la ma ndza a wəzlaf ghəm, huni kazlap, huni iŋgaya: “A kwaf la a aɓal,” huniy. 3Azha, a kwaf biŋ, huni kazlap, huni iŋgaya: “Akacihwa ci, vah ma ŋtanəs ara ndə a ɗa, la ma ndza a wəzlaf a ɗa zərɓən,” huniy. Huni kasən səkən ma kaɗal a wəzlaf ci, səkən tsaɓan ma kapew abəra huni, huni kasənə ndə, a kamay a ghal səkwa! 4Həji ma ndza a zaman ma ndza akacihwa, ma gamak aagi abə həji ma ŋkula ɗa dəlili atama Bizlaf aagi gas səkən tsaɓan. Səkən tsaɓan watsa kwa huni kaalima aha dəɓa tsaɓan ataa Yunas akas.» A diwzha tə, mbasl a mbaslata aka, azha tsaa kanda tə.
Faŋtər ataa Farisa aagi abə Saduki aagi
(Mrk 8.14-21)
5Ndə magəli tə aagi zlaŋ ta a bəza ata guva mtil minja, aa tahashashaŋ bəza a kwar wəda aara. 6Azha, Yesu zlap a zlapatana, iŋgaya: «Huni mbəla ŋkwaɓ, huni keŋ ha kuni ara faŋtər ataa Farisa aagi abə Saduki aagi,» iy. 7Magəli tə aagi dəba aagi azlap a walaŋ ta, aagi iŋgaya: «A zlap ma watsə ara ndə həji ŋkula kwarha wəda aara watsə,» aagiy. 8Ama, Yesu a kasən deŋ ŋkwaɓ ta, azha dəba a aɗiwzata, iŋgaya: «Huni zlap a walaŋ kuni “ara ndə həji ŋkula kwarha wəda aara” huniy, ara veme? Huni həji ndə ɗal awa kuni a ɗa ɓəraŋ aagi! 9Huni tanaka a zlima səku wəruk vəw? Huni kasənakənə ana ambash wəda ma dzaɓən ndə, həji ɓizhatana a həji aagi bəluk dzaɓən wəra? Azha wədzəm vana ana kirkem ndə huni dzam a diwzha? 10Kwa aka səku ambash wəda ma ŋshiliɗ ndə həji ɓizhatana a həji aagi bəluk ŋfaɗ, azha wədzəm kirkem vana ana ndə huni dzam a diwzha? 11Ndə sa kazlapahuni: Huni keŋ ha kuni ara faŋtər Farisa aagi abə Saduki aagi ci, sa zlapahuni ata wədas. Huni ŋkula zlima azha ara veme?»
12Mbara azha, magəli aagi tazlima, ndə Yesu a zlapatana ya, a ɗa keŋ ara faŋtər, ama ara sərək ma ataa Farisa aagi abə Saduki aagi.
Piyer a kaghalə Yesu ana Kərist
(Mrk 8.27-30; Luk 9.18-21)
13Yesu tsaw a nda a hayak Kaysariya ataa Filip, dəba a aɗiwzə magəli tə aagi, iŋgaya: «Aska zlap həji aagi ya, Mbə həji ma dəgnak a ɗa, aagi zlap vaya?» iy. 14Zhin aa zhinanə, aagi iŋgaya: «Həji ndiɓi aagi iŋgaya, Hwa Yahwana ma ɗal batem, ndiɓi aagi, hwa Iliya, ndiɓi aagi zhana, hwa Yerimiya, aka səku hwa ɗa ala minja ŋtaguleŋ a taba həji ma ɗaf ma ndə aa zlimazə ara Bizlaf,» aagiy. 15Yesu iŋgaya: «Azha, huni yəm, sa ɗa vaya?» iy. 16Simun Piyer leŋ a ji zlap, iŋgaya: «Hwa Kərist, Mbə Bizlaf ma ndza abə nja,» iy. 17Yesu leŋ a ji zlap, zlap a zlapanə, iŋgaya: «Simun mbə ataa Yunas, hwa ndza abə ɓas, ara ndə a ɗa, həji ma dəgnak ma ghalahu səku, ama Vana ma ndza a wəzəm a wəzlaf,» iy. 18Sa, sa kazlapahu: Hwa ɗa Piyer, azha ata kefe watsa, sa aꞌun ladzam həji naka aagi. Ɓərɓər mci abə ha tə, a kaaɗa kula ata təmtas. 19Sa avəlahu lekili ta dəɗ majak ataa la ndza bay Bizlaf ma ndza a wəzəm a wəzlaf: Ma ndə hwa dzaw ka ata manahayak tiwtiw, a adzaw tə ikwa a wəzəm a wəzlaf. Ama, ma ndə hwa pəl ka a ɗi ata manahayak tiwtiw, a apəl tə a wəzəm a wəzlaf.
20Mbara, Yesu ŋgəz a ŋgəz magəli tə aagi bəza a heɗe a heɗe, ara aagi aghalanə a kwa vaye, a ɗa Kərist.
Yesu a kaghal mci tə abə zhina tə a bəza a jiɓ
(Mrk 8.31-33; Luk 9.22-27)
21ꞌWa aka a tsutsa, Yesu dəba a aghalatana a magəli tə aagi ata nja ata nja, iŋgaya: «Səy sa taf a Wərusalima, azha a tsutsa, sa sa yaka a guɗaŋ aska ra magulakwakw aagi, magulakwakw maɗal kwakus aagi, zhana masərək ma ma garagar aagi. Aagi adzaka ka, azha vah mamahkaɗ, sa agara naka a wəzəm a jiɓ,» iy. 22Piyer daŋ a yazə a bəza ata digh, dəba a agulakə, iŋgaya: «Bizlaf manjinahu, Bay Madagal, aŋghə, səkən watsa a kaagwar a ɗalahu kwa akas,» iy. 23Ama, Yesu takwaɗ a zlazakənə ma a Piyer, zlap a zlapanə, iŋgaya: «Nda kwa a bəza a diwzha naka, Gətili! Hwa kilŋga ma ndza aska sa. Ara ndə a ɗa, deŋ ŋkwaɓ kwa tandza andza ataa Bizlaf səku, ama a ndza andza ataa həji ma dəgnak.»
Səkən ndə həji kaaɗalə a səbar Yesu
(Mrk 8.34; 9.1; Luk 9.23-27)
24Azha, Yesu zlap a zlapatana a magəli tə aagi, iŋgaya: «Andza ala a kamay a səbaraka, mambasl deŋ ha tə ka, matiw mpi ma gəzlaŋgarak tə, masəbaraka. 25Ara ndə a ɗa ya, ala ma kamay reh miɗ tə, a afəcak bəza. Ama, kala ala ma kaafəcak miɗ tə bəza aska sa, a alima miɗ tə bəza. 26Azha, kat tə ara ala, ndə a kalima səkən ma ndza a manahayak watsə, ama fəcak a fəcak miɗ tə bəza veme? Aka səku ya, səkən ndə ala kaavələ aska a mbaɗ miɗ tə abə sha veme? 27Ara ndə a ɗa, Mbə həji ma dəgnak a andaha a sləf Cin abə matəf aagi, azha mbara ikwa abə kwa vaye a alima wəda zlən tə teete andza zlən tə ndə, a ɗalə. 28Sa zlapahuni, a ɗa ŋter: a taba həji ma ndza a ɗi watsə aagi, ndiɓi aagi kaagwar a mca kwagwa abə aagi agəra Mbə həji ma dəgnak, a ndaha andza bay səku,» iy.
Currently Selected:
Mata 16: GOU
Highlight
Share
Copy
Want to have your highlights saved across all your devices? Sign up or sign in
Mata 16
16
Farisa aagi abə Saduki aagi, aa kaɗiw səkən tsaɓan
(Mrk 8.11-13; Luk 12.54-56)
1Farisa aagi abə Saduki aagi tsaw aa ndaha ara Yesu, aska a sleŋanə kilŋga abə ma ndə aa ɗiw a ghalatana səkən tsaɓan ma ndaha ara Bizlaf aagi. 2Ama, Yesu zhin a zhinatana, iŋgaya: «Ndə pish a ndəv tə, la ma ndza a wəzlaf ghəm, huni kazlap, huni iŋgaya: “A kwaf la a aɓal,” huniy. 3Azha, a kwaf biŋ, huni kazlap, huni iŋgaya: “Akacihwa ci, vah ma ŋtanəs ara ndə a ɗa, la ma ndza a wəzlaf a ɗa zərɓən,” huniy. Huni kasən səkən ma kaɗal a wəzlaf ci, səkən tsaɓan ma kapew abəra huni, huni kasənə ndə, a kamay a ghal səkwa! 4Həji ma ndza a zaman ma ndza akacihwa, ma gamak aagi abə həji ma ŋkula ɗa dəlili atama Bizlaf aagi gas səkən tsaɓan. Səkən tsaɓan watsa kwa huni kaalima aha dəɓa tsaɓan ataa Yunas akas.» A diwzha tə, mbasl a mbaslata aka, azha tsaa kanda tə.
Faŋtər ataa Farisa aagi abə Saduki aagi
(Mrk 8.14-21)
5Ndə magəli tə aagi zlaŋ ta a bəza ata guva mtil minja, aa tahashashaŋ bəza a kwar wəda aara. 6Azha, Yesu zlap a zlapatana, iŋgaya: «Huni mbəla ŋkwaɓ, huni keŋ ha kuni ara faŋtər ataa Farisa aagi abə Saduki aagi,» iy. 7Magəli tə aagi dəba aagi azlap a walaŋ ta, aagi iŋgaya: «A zlap ma watsə ara ndə həji ŋkula kwarha wəda aara watsə,» aagiy. 8Ama, Yesu a kasən deŋ ŋkwaɓ ta, azha dəba a aɗiwzata, iŋgaya: «Huni zlap a walaŋ kuni “ara ndə həji ŋkula kwarha wəda aara” huniy, ara veme? Huni həji ndə ɗal awa kuni a ɗa ɓəraŋ aagi! 9Huni tanaka a zlima səku wəruk vəw? Huni kasənakənə ana ambash wəda ma dzaɓən ndə, həji ɓizhatana a həji aagi bəluk dzaɓən wəra? Azha wədzəm vana ana kirkem ndə huni dzam a diwzha? 10Kwa aka səku ambash wəda ma ŋshiliɗ ndə həji ɓizhatana a həji aagi bəluk ŋfaɗ, azha wədzəm kirkem vana ana ndə huni dzam a diwzha? 11Ndə sa kazlapahuni: Huni keŋ ha kuni ara faŋtər Farisa aagi abə Saduki aagi ci, sa zlapahuni ata wədas. Huni ŋkula zlima azha ara veme?»
12Mbara azha, magəli aagi tazlima, ndə Yesu a zlapatana ya, a ɗa keŋ ara faŋtər, ama ara sərək ma ataa Farisa aagi abə Saduki aagi.
Piyer a kaghalə Yesu ana Kərist
(Mrk 8.27-30; Luk 9.18-21)
13Yesu tsaw a nda a hayak Kaysariya ataa Filip, dəba a aɗiwzə magəli tə aagi, iŋgaya: «Aska zlap həji aagi ya, Mbə həji ma dəgnak a ɗa, aagi zlap vaya?» iy. 14Zhin aa zhinanə, aagi iŋgaya: «Həji ndiɓi aagi iŋgaya, Hwa Yahwana ma ɗal batem, ndiɓi aagi, hwa Iliya, ndiɓi aagi zhana, hwa Yerimiya, aka səku hwa ɗa ala minja ŋtaguleŋ a taba həji ma ɗaf ma ndə aa zlimazə ara Bizlaf,» aagiy. 15Yesu iŋgaya: «Azha, huni yəm, sa ɗa vaya?» iy. 16Simun Piyer leŋ a ji zlap, iŋgaya: «Hwa Kərist, Mbə Bizlaf ma ndza abə nja,» iy. 17Yesu leŋ a ji zlap, zlap a zlapanə, iŋgaya: «Simun mbə ataa Yunas, hwa ndza abə ɓas, ara ndə a ɗa, həji ma dəgnak ma ghalahu səku, ama Vana ma ndza a wəzəm a wəzlaf,» iy. 18Sa, sa kazlapahu: Hwa ɗa Piyer, azha ata kefe watsa, sa aꞌun ladzam həji naka aagi. Ɓərɓər mci abə ha tə, a kaaɗa kula ata təmtas. 19Sa avəlahu lekili ta dəɗ majak ataa la ndza bay Bizlaf ma ndza a wəzəm a wəzlaf: Ma ndə hwa dzaw ka ata manahayak tiwtiw, a adzaw tə ikwa a wəzəm a wəzlaf. Ama, ma ndə hwa pəl ka a ɗi ata manahayak tiwtiw, a apəl tə a wəzəm a wəzlaf.
20Mbara, Yesu ŋgəz a ŋgəz magəli tə aagi bəza a heɗe a heɗe, ara aagi aghalanə a kwa vaye, a ɗa Kərist.
Yesu a kaghal mci tə abə zhina tə a bəza a jiɓ
(Mrk 8.31-33; Luk 9.22-27)
21ꞌWa aka a tsutsa, Yesu dəba a aghalatana a magəli tə aagi ata nja ata nja, iŋgaya: «Səy sa taf a Wərusalima, azha a tsutsa, sa sa yaka a guɗaŋ aska ra magulakwakw aagi, magulakwakw maɗal kwakus aagi, zhana masərək ma ma garagar aagi. Aagi adzaka ka, azha vah mamahkaɗ, sa agara naka a wəzəm a jiɓ,» iy. 22Piyer daŋ a yazə a bəza ata digh, dəba a agulakə, iŋgaya: «Bizlaf manjinahu, Bay Madagal, aŋghə, səkən watsa a kaagwar a ɗalahu kwa akas,» iy. 23Ama, Yesu takwaɗ a zlazakənə ma a Piyer, zlap a zlapanə, iŋgaya: «Nda kwa a bəza a diwzha naka, Gətili! Hwa kilŋga ma ndza aska sa. Ara ndə a ɗa, deŋ ŋkwaɓ kwa tandza andza ataa Bizlaf səku, ama a ndza andza ataa həji ma dəgnak.»
Səkən ndə həji kaaɗalə a səbar Yesu
(Mrk 8.34; 9.1; Luk 9.23-27)
24Azha, Yesu zlap a zlapatana a magəli tə aagi, iŋgaya: «Andza ala a kamay a səbaraka, mambasl deŋ ha tə ka, matiw mpi ma gəzlaŋgarak tə, masəbaraka. 25Ara ndə a ɗa ya, ala ma kamay reh miɗ tə, a afəcak bəza. Ama, kala ala ma kaafəcak miɗ tə bəza aska sa, a alima miɗ tə bəza. 26Azha, kat tə ara ala, ndə a kalima səkən ma ndza a manahayak watsə, ama fəcak a fəcak miɗ tə bəza veme? Aka səku ya, səkən ndə ala kaavələ aska a mbaɗ miɗ tə abə sha veme? 27Ara ndə a ɗa, Mbə həji ma dəgnak a andaha a sləf Cin abə matəf aagi, azha mbara ikwa abə kwa vaye a alima wəda zlən tə teete andza zlən tə ndə, a ɗalə. 28Sa zlapahuni, a ɗa ŋter: a taba həji ma ndza a ɗi watsə aagi, ndiɓi aagi kaagwar a mca kwagwa abə aagi agəra Mbə həji ma dəgnak, a ndaha andza bay səku,» iy.
Currently Selected:
:
Highlight
Share
Copy
Want to have your highlights saved across all your devices? Sign up or sign in