Mata 14
14
Mci ataa Yahwana ma ɗal batem
(Mrk 6.14-29; Luk 9.7-9)
1Ata vah watsa, Haridus ana madagal ma ndza aha hayak Galili, ndə a zlima zlap ma ndza ata Yesu. 2Haridus zlap a zlapatana a həji zlən tə aagi, iŋgaya: «A ɗa Yahwana ma ɗal batem. Sha ma zhina tə a bəza a jiɓ a taba həji ma bazl ta aagi, sha ana ndə, a lima ɓərɓər ta ɗal tsaɓan aagi.»
3Ara ndə a ɗa, Haridus ma zlapatana a həji aagi a mbəla Yahwana, aska a jaɓ ka a jak yaka, mavəy Harudiya wala zliŋgin Filip. 4Ara ndə, Yahwana tazlapanə ka, iŋgaya: «Tazhiva a hwa a ji Harudiya a wala kwa səku.» 5Haridus a may a dza Yahwana ka a mci ci, ŋzliŋ a kadzə ara ŋgaɓa həji aagi ara ndə, həji aagi deŋ ka ci, Yahwana a ɗa ala ma ɗaf ma ndə a zlimazə ara Bizlaf.
6Azha, a ɗa vah gwaygwaya ata lambəwha bay ma dagal Haridus, dəba həla Harudiya a adəməs a taba həji ma yahaya ataa Haridus aagi, a ɗalanə təwah ata nja tə. 7Azha, dəba a ameɗanə ka, a vəlanə səkən ndə a kaaɗiw aagi tiwtiw. 8Mavəy ndə mamən a zlapanə ka, zlap a zlapanə a Haridus, iŋgaya: «Vəlaka ha ataa Yahwana ma ɗal batem a ɗi ata pəlay,» iy. 9Bay taŋgaɗ nja bəza mavəy meɗ tə abə həji tə ma yahaya aagi, zlap a zlapatana a həji a zlazə a vəlanə ha Yahwana watsa. 10Zlən a zlənha ala minja a ndaha a zla ha ataa Yahwana ma ɗal batem a jak yaka. 11Leŋ aa daanə ha ataa Yahwana ata pəlay. Pa aa vəlanə a həla watsa, jaɓ a jaɓanə a mamən. 12Magəli ataa Yahwana, aa taa ta a ji zlikusəm tə, azha kah aa kah ka. Aa tsaa nda ghalanə a Yesu ana səkən ma pew.
Yesu tandar həji aagi bəluk dzaɓən
(Mrk 6.30-44; Luk 9.10-17; Yhw 6.1-14)
13Ndə Yesu a zlima ma watsa ya, takaw a gar tə a wəzəm a taba həji aagi, takaf a taf tə ata gəlmbə, aska a nda tə a damə ata dərzləm. Ndə ŋgaɓa aa zlima, aa tsaa kanda ta a bəza a hayak ma dzamadzam aagi, aa səbarə abə ŋgas. 14Ndə a taduk tə ka ata gəlmbə ya, gəra, bay ŋgaɓa həji aagi aska, hahər tadzə bəza a guɗaŋ aska həji watsa aagi, azha dəba a akwaleŋatana dawər həji dawər aagi bəza a taba ta. 15Ndə ŋtsəɓahw a ɗal tə, magəli Yesu aagi tsaw aa ndaha ara, zlap aa zlapanə, aagi kəsha iŋgaya: «Zlapatana a ŋgaɓa həji watsə aagi aska, aagi nda a səkəmɓa səkən zəm aagi a ŋge a hayak ma dzuk dzuk aagi,» aagiy. 16Ama, Yesu zlap a zlapatana, iŋgaya: «Tazhiva a aagi nda gədək, a nda a gasəha səkən zəm səku, huni abə ha kuni, huni vəlatana səkən zəm,» iy. 17A tsutsa, zlap aa zlapanə, aagi iŋgaya: «Ambash wəda dzaɓən gagagha ana ma ndza, a ɗi ara ni abə ŋkilif gbak,» aagiy. 18Azha, iŋgaya: «Huni daaka təmta a ɗi», iy. 19Azha, zlap a zlapatana a ŋgaɓa həji aagi mandza ka ata ŋkəsaf tsəɓakw tsəɓakw, leŋ a ji ambash wəda ma dzaɓən watsa abə ŋkilif ma gbak watsa, kaf i nja a wəzlaf, dəba a aɗiw bəzla a heɗe. Zhana, teŋ a teŋ wəda watsa ka a mən, pa a vəlatana a magəli tə aagi, zhana yəm magəli tə dəba aagi avəlatana a ŋgaɓa həji ma ndza a tsutsa watsa aagi. 20Zəm aa zəmə tiwtiw, aa ndar, azha kirkem wəda ndə aa dzamha wədzəm dzaɓən. 21Həji ma zəm səkən aagi ɗal bəza bəluk dzaɓən, wali abə wəzhi, həji taŋgəɗata akas.
Yesu a kanda ata mtil abə ŋgas
(Mrk 6.45-52; Yhw 6.15-21)
22A tsutsa a tsutsa, Yesu dəba a atak magəli tə aagi taf a gəlmbə, zhana aska aagi nda tehi a bəza aha ma mtil, tiɗa ndə, a kazhinha ŋgaɓa həji aagi aara. 23Mbara azha ndə, a zhinha ŋgaɓa həji aagi bəza, takaf a taf tə ŋtaguleŋ tə aha wəzəm aska a tarha, ŋtsəɓahw taa tə, ndza tə a tsutsa wəruk, ŋtaguleŋ tə. 24Gəlmbə gədək abəra ata hayak, yəm a kabuŋkwa a mən ara ndə valalay a kadzakənə a gəlmbə. 25A ɗa dəylakwaf tiw, Yesu tsaa kaanda ara magəli tə aagi abə ŋgas ata mtil. 26Ndə aa gəra, a kandaha ata mtil abə ŋgas ya, ara ŋzliŋ akas, aa kazlap, aagi iŋgaya: «Ala ma zhinha a jiɓ!» aagiy. Aa kadza wəla ara ŋzliŋ. 27Ama, a tsutsa, Yesu zlap a zlapatana, iŋgaya: «Huni ndza ka! Sa, ŋzliŋ a dzahunis!» iy. 28Piyer zhin a zhinanə, iŋgaya: «Bay Madagal, andza hwa ci, zlapaka abə ha kwa, a sa a nda ara hwa ata mtil abə ŋgas,» iy. 29«Ndaha,» ana Yesu i kəsha. Tsaw Piyer a ndaa tə ka ata gəlmbə, dəba a anda ara Yesu abə ŋgas ata mtil. 30Ama, ndə a gəra valalay a kadza a guɗaŋ, ŋzliŋ tadzə bəza, azha ndə, a gəra a kadiw a bət tə, dəba a adza wəla, iŋgaya: «Bay Madagal, rehaka bəza!» iy. 31A tsutsa a tsutsa, Yesu kaf a kaf ra a gulak, azha i kəsha iŋgaya: «Ala ndə ɗal awa a ɗa ɓəraŋ ara, hwa ŋga ŋkwaɓ ara veme?» iy.
32Takaf aa taf ta a gəlmbə gbak gbak, ɗekɗek valalay a ndza tə ka. 33Azha, magəli tə ndiɓi aagi, ma ndza a gəlmbə aagi, dəba aagi agəliɓakənə atama Yesu, aagi iŋgaya: «Hwa ɗa ŋter Mbə Bizlaf,» aagiy.
Yesu takwaleŋatana dawər ataa həji dawər ndiɓi aagi a hayak Genesaret
(Mrk 6.53-56)
34Ndə aa tazlaŋa ta bəza aha ma mtil, azha peteŋ aagi a hayak Genesaret. 35Ndə həji ma ndza a hayak watsa aagi kasən Yesu, dəba aagi aghalə, a hayak watsa tiwtiw, azha dəba aagi adaanə həji dawər aagi tiwtiw. 36Dəba aagi adzanə ra aska, a mbaslata ka ndə, aa dishzə ra kwa ata mazləm rəkuts tə. Həji ma dish ra ata rəkuts tə tiwtiw, dawər ta kwaleŋ.
Currently Selected:
Mata 14: GOU
Highlight
Share
Copy
Want to have your highlights saved across all your devices? Sign up or sign in
Mata 14
14
Mci ataa Yahwana ma ɗal batem
(Mrk 6.14-29; Luk 9.7-9)
1Ata vah watsa, Haridus ana madagal ma ndza aha hayak Galili, ndə a zlima zlap ma ndza ata Yesu. 2Haridus zlap a zlapatana a həji zlən tə aagi, iŋgaya: «A ɗa Yahwana ma ɗal batem. Sha ma zhina tə a bəza a jiɓ a taba həji ma bazl ta aagi, sha ana ndə, a lima ɓərɓər ta ɗal tsaɓan aagi.»
3Ara ndə a ɗa, Haridus ma zlapatana a həji aagi a mbəla Yahwana, aska a jaɓ ka a jak yaka, mavəy Harudiya wala zliŋgin Filip. 4Ara ndə, Yahwana tazlapanə ka, iŋgaya: «Tazhiva a hwa a ji Harudiya a wala kwa səku.» 5Haridus a may a dza Yahwana ka a mci ci, ŋzliŋ a kadzə ara ŋgaɓa həji aagi ara ndə, həji aagi deŋ ka ci, Yahwana a ɗa ala ma ɗaf ma ndə a zlimazə ara Bizlaf.
6Azha, a ɗa vah gwaygwaya ata lambəwha bay ma dagal Haridus, dəba həla Harudiya a adəməs a taba həji ma yahaya ataa Haridus aagi, a ɗalanə təwah ata nja tə. 7Azha, dəba a ameɗanə ka, a vəlanə səkən ndə a kaaɗiw aagi tiwtiw. 8Mavəy ndə mamən a zlapanə ka, zlap a zlapanə a Haridus, iŋgaya: «Vəlaka ha ataa Yahwana ma ɗal batem a ɗi ata pəlay,» iy. 9Bay taŋgaɗ nja bəza mavəy meɗ tə abə həji tə ma yahaya aagi, zlap a zlapatana a həji a zlazə a vəlanə ha Yahwana watsa. 10Zlən a zlənha ala minja a ndaha a zla ha ataa Yahwana ma ɗal batem a jak yaka. 11Leŋ aa daanə ha ataa Yahwana ata pəlay. Pa aa vəlanə a həla watsa, jaɓ a jaɓanə a mamən. 12Magəli ataa Yahwana, aa taa ta a ji zlikusəm tə, azha kah aa kah ka. Aa tsaa nda ghalanə a Yesu ana səkən ma pew.
Yesu tandar həji aagi bəluk dzaɓən
(Mrk 6.30-44; Luk 9.10-17; Yhw 6.1-14)
13Ndə Yesu a zlima ma watsa ya, takaw a gar tə a wəzəm a taba həji aagi, takaf a taf tə ata gəlmbə, aska a nda tə a damə ata dərzləm. Ndə ŋgaɓa aa zlima, aa tsaa kanda ta a bəza a hayak ma dzamadzam aagi, aa səbarə abə ŋgas. 14Ndə a taduk tə ka ata gəlmbə ya, gəra, bay ŋgaɓa həji aagi aska, hahər tadzə bəza a guɗaŋ aska həji watsa aagi, azha dəba a akwaleŋatana dawər həji dawər aagi bəza a taba ta. 15Ndə ŋtsəɓahw a ɗal tə, magəli Yesu aagi tsaw aa ndaha ara, zlap aa zlapanə, aagi kəsha iŋgaya: «Zlapatana a ŋgaɓa həji watsə aagi aska, aagi nda a səkəmɓa səkən zəm aagi a ŋge a hayak ma dzuk dzuk aagi,» aagiy. 16Ama, Yesu zlap a zlapatana, iŋgaya: «Tazhiva a aagi nda gədək, a nda a gasəha səkən zəm səku, huni abə ha kuni, huni vəlatana səkən zəm,» iy. 17A tsutsa, zlap aa zlapanə, aagi iŋgaya: «Ambash wəda dzaɓən gagagha ana ma ndza, a ɗi ara ni abə ŋkilif gbak,» aagiy. 18Azha, iŋgaya: «Huni daaka təmta a ɗi», iy. 19Azha, zlap a zlapatana a ŋgaɓa həji aagi mandza ka ata ŋkəsaf tsəɓakw tsəɓakw, leŋ a ji ambash wəda ma dzaɓən watsa abə ŋkilif ma gbak watsa, kaf i nja a wəzlaf, dəba a aɗiw bəzla a heɗe. Zhana, teŋ a teŋ wəda watsa ka a mən, pa a vəlatana a magəli tə aagi, zhana yəm magəli tə dəba aagi avəlatana a ŋgaɓa həji ma ndza a tsutsa watsa aagi. 20Zəm aa zəmə tiwtiw, aa ndar, azha kirkem wəda ndə aa dzamha wədzəm dzaɓən. 21Həji ma zəm səkən aagi ɗal bəza bəluk dzaɓən, wali abə wəzhi, həji taŋgəɗata akas.
Yesu a kanda ata mtil abə ŋgas
(Mrk 6.45-52; Yhw 6.15-21)
22A tsutsa a tsutsa, Yesu dəba a atak magəli tə aagi taf a gəlmbə, zhana aska aagi nda tehi a bəza aha ma mtil, tiɗa ndə, a kazhinha ŋgaɓa həji aagi aara. 23Mbara azha ndə, a zhinha ŋgaɓa həji aagi bəza, takaf a taf tə ŋtaguleŋ tə aha wəzəm aska a tarha, ŋtsəɓahw taa tə, ndza tə a tsutsa wəruk, ŋtaguleŋ tə. 24Gəlmbə gədək abəra ata hayak, yəm a kabuŋkwa a mən ara ndə valalay a kadzakənə a gəlmbə. 25A ɗa dəylakwaf tiw, Yesu tsaa kaanda ara magəli tə aagi abə ŋgas ata mtil. 26Ndə aa gəra, a kandaha ata mtil abə ŋgas ya, ara ŋzliŋ akas, aa kazlap, aagi iŋgaya: «Ala ma zhinha a jiɓ!» aagiy. Aa kadza wəla ara ŋzliŋ. 27Ama, a tsutsa, Yesu zlap a zlapatana, iŋgaya: «Huni ndza ka! Sa, ŋzliŋ a dzahunis!» iy. 28Piyer zhin a zhinanə, iŋgaya: «Bay Madagal, andza hwa ci, zlapaka abə ha kwa, a sa a nda ara hwa ata mtil abə ŋgas,» iy. 29«Ndaha,» ana Yesu i kəsha. Tsaw Piyer a ndaa tə ka ata gəlmbə, dəba a anda ara Yesu abə ŋgas ata mtil. 30Ama, ndə a gəra valalay a kadza a guɗaŋ, ŋzliŋ tadzə bəza, azha ndə, a gəra a kadiw a bət tə, dəba a adza wəla, iŋgaya: «Bay Madagal, rehaka bəza!» iy. 31A tsutsa a tsutsa, Yesu kaf a kaf ra a gulak, azha i kəsha iŋgaya: «Ala ndə ɗal awa a ɗa ɓəraŋ ara, hwa ŋga ŋkwaɓ ara veme?» iy.
32Takaf aa taf ta a gəlmbə gbak gbak, ɗekɗek valalay a ndza tə ka. 33Azha, magəli tə ndiɓi aagi, ma ndza a gəlmbə aagi, dəba aagi agəliɓakənə atama Yesu, aagi iŋgaya: «Hwa ɗa ŋter Mbə Bizlaf,» aagiy.
Yesu takwaleŋatana dawər ataa həji dawər ndiɓi aagi a hayak Genesaret
(Mrk 6.53-56)
34Ndə aa tazlaŋa ta bəza aha ma mtil, azha peteŋ aagi a hayak Genesaret. 35Ndə həji ma ndza a hayak watsa aagi kasən Yesu, dəba aagi aghalə, a hayak watsa tiwtiw, azha dəba aagi adaanə həji dawər aagi tiwtiw. 36Dəba aagi adzanə ra aska, a mbaslata ka ndə, aa dishzə ra kwa ata mazləm rəkuts tə. Həji ma dish ra ata rəkuts tə tiwtiw, dawər ta kwaleŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in