Zlən ataa həji ta zlən aagi 26
26
Zlap ataa Pul atama Agaripa
1Agaripa zlap a zlapanə a Pul iŋgaya: «Təf ara hwa aka, a hwa la ha kwa ata ma ma tək ata hwa watsə.» Azha, dəba Pul a aɗalanə wasiy abə ra, dəba a azlap, iŋgaya: 2«Bay madagal Agaripa, ma ndə aa tək tiwtiw ata sa ana Yahuda aagi, sa abə ɓas, aska a sa a ghalata atama kwa akacihwa. 3Hwa kasənə katkadək ana kwakus jiji ta aagi, abə ma ndə aa kadza səbakw a heɗe. Azha, sa kadzahu ra aska hwa teh ma naka katkadək.
4Yahuda aagi tiwtiw, aa kasən landza naka ꞌwa aka tiɗa sa mbə, aa kasən avaŋgəy abə sa ndzaha a taba həji naka aagi a Wərusalima. 5Aa kasənaka va aka dagala, aa tagəra abə nja ta, aa kula a ghal ma ma ndza ata sa andza aa taji katkadək, avaŋgəy abə sa ndzaha a kwakus ataa Farisa ma ɓərɓər aagi. 6Azha akacihwa, andza sa ata guma, dawna deŋ naka ndə sa tsəz ka ata səkən ndə Bizlaf ma ndza a wəzəm a gar ka a vəlatana a jiji takwa aagi. 7Ndəɓ takwa ma wam aha gbak watsə aagi, may ta aska aagi alima səkən ndə Bizlaf ma ndza a wəzəm a gar ka a ɗalə, sha ana ndə aa kaɗalanə zlən zaɗə abə biskit. Bay madagal Agaripa, sa tə yəm, deŋ naka a heɗe alima, sha ana ndə aa katək ma ata sa ana Yahuda aagi. 8Huni kaji a zlima ya, Bizlaf a garha həji ma bazl ta aagi bəza səku ya, azha ara veme?
9Kwa sa tə abə ha naka, sa taləm a gəy zləm ataa Yesu ndə Nasaratu kwa abə təf ma ndza a vatəy. 10Azha, sha ana ndə sa ɗalazə a Wərusalima. Sa takwiy həji ma ji ma Yesu aagi vərəm a jak yaka. Ara ndə a ɗa magulakwakw maɗal kwakus aagi tavəlaka təf a ɗalə ikwa. Ndə aa kadzə ka a mci, sa tə yəm, a ɗalaka təwah. 11Sa katəwər a ŋge a jak ta tarha Yahuda aagi tiwtiw, sa kaɗal zlən naka, aska a satana yaka a həji ma ji ma Yesu aagi, aska aagi ra dahalay ata zləm ataa Yesu. Sa taghuɗek naka ŋter ata təmta azha, sa aska təmta tsalah a hayak ma dzamadzam gədək abəra Wərusalima aagi.
12Andza ikwa, vah minja, sa ta a hayak Damas. Magulakwakw maɗal kwakus aagi tazlənzaka a tsutsa a nda mbəlaha həji ma ji ma Yesu aagi. 13Sa ata təf, bay ma dagal Agaripa, a ɗal bəza pish ɗawarwar abə sa gəra səkən minja a ndaha a wəzəm a wəzlaf, ɓal tə tizlizli dəy aha pish, dəp a dəpaka bəza ana ɓal tə abə həji ma ndza abəra sa ata təf aagi. 14Ni tiwtiw, ni tandəv cini ata hayak azha, sa zlima ma minja a kazlapaka abə ma ataa Ibəraniŋku aagi iŋgaya: “Sul, Sul hwa saka yaka ava? Hwa ləm andza zla ndə cina zla a kadzə ava? Kadək səku!” 15Dəba sa azhinanə: “Hwa vaye sa Bay Madagal?” Bay Madagal zhin a zhinaka: “Sa Yesu, sa ana ndə hwa kasanə yaka watsə. 16Ama gar kwa a wəzəm anawatsə! Tsakwa ara veme abə sa ghalahu ha naka. Sa ma jihu a ɗa ala ma ɗalaka zlən. Aska hwa aghal səkən ndə hwa gəraka akacihwa ndə sa ɗalə abə səkən ndə hwa kaagəra, səkən sa kaaghalahu zhana atama. 17Sa zlənzahu ara həji kwa aagi, azha gwara ara həji ndiɓi aagi, ma ŋkula ɗa Yahuda aagi, sa pəlaahu bəza. 18Azha, hwa adəɗatana nja, hwa akwarata a bəza a ləvaŋ, a daata ka a la ma kaweɗ. Aa kaagwar a ɗa həji Gətili aagi zhana səku, ama həji Bizlaf aagi, aska aagi aɗal awa aska ma naka, aagi alima pəl mpət ta aagi abə la ndza ataa həji Bizlaf aagi.”
19ꞌWa aka a heɗe, bay Agaripa, sa tazhin a ŋkal a hawanə a səkən ndə sa gərazə a wəzəm a wəzlaf akas. 20Aɓa azha, tsakwa ana ma ndə sa diw a zlapatana kwagwa a həji ma ndza a hayak Damas aagi, a diwzha a həji ma ndza a Wərusalima aagi, a həji ma ndza a hayak Yahudiya aagi tiwtiw, zhana a həji ma ŋkula ɗa Yahuda aagi, sa iŋgaya: “Huni mbaɗ landza kuni bəza, huni zlazəha ma ara Bizlaf. Huni ɗal zlən ma təwah aagi aska a huni a ghal ya, huni tambaɗ landza kuni bəza.” 21Dawna sha abə Yahuda aagi mbəlaka a jak kwakus, azha, aa tatəlzə a dzaka ka. 22Ama gwar akacihwa, Bizlaf a kalamzaka, pal azha sa ŋcah a ghal zlən tə atama həji aagi tiwtiw, wəzhi abə magulakwakw aagi. Tiw Musa abə həji ma ɗaf ma ndə aa zlimazə ara Bizlaf, aa tazlap ata səkən ma kaandaha, sa kazlap ma minja kwa aha dəɓa tə aka zhanas. 23Kərist tasa yaka sha tə, sha ana ma ɗa ala mampər a gara tə a wəzəm a jiɓ a taba həji ma bazl ta aagi, a ghalatana weɗ la a həji takwa aagi, zhana a həji ma ŋkula ɗa Yahuda aagi.»
24Pul a kaləm a la ha tə andza watsə tiɗa ndə Festus a kadza wəla a guɗaŋ iŋgaya: «Hwa kawək Pul! Abə səkən ndə hwa kasən tiwtiw watsə, hwa tabəw kwa, hwa kawək!» 25Ama dəba Pul azhinanə, iŋgaya: «Sa kawək akas, ala ma dagal Festus, sa ləm zlap ma ma ɗa ŋter abə riy ma təwah. 26Bay a kasən səkən watsə tiwtiw, sha ana ndə ŋzliŋ a ŋkula dzaka a zlap atama tə. Sa kasən katkadək ci, kwa səkən ndə a kula gəra aka səku, kwa səkən ma ɓah akas. 27Bay ma dagal Agaripa, hwa ɗal awa aska zlap ataa həji ma ɗaf ma ndə aa zlimazə ara Bizlaf aagi vəw? Sa kasən hwa kaɗal awa aska ma ta watsa aagi.» 28Dəba azha, bay ma dagal Agaripa a azlapanə a Pul, iŋgaya: «Atama kajik, hwa aghutaka bəza, sa abəw naka ana ala ma səbar Yesu!» iy. 29Pul zhin a zhinanə, iŋgaya: «Kwa a ndza a finha wan kajik ikwa, kwa dagala, Bizlaf ana ndə sa katarə aha hwa gagagha səku, ama abə həji ma katehzə ma naka aagi akacihwa, huni bəw kuni andza sa, ara yaka ma ndza ata sa watsə a ɗal ata huni.»
30Takaw bay a gar tə a wəzəm ana tiw bay ma dagal abə ala ma ndza aha hayak, Bernike abə həji ndə aa kandza abə təmta aagi. 31Ndə aa ndaa ta a bəza, dəba aagi azlap a walaŋ ta, aagi iŋgaya: «Kwa səkən ndə ala watsə a ɗalə, a zhiva a dza ka aka səku, a fak aka a jak yaka aka,» aagiy. 32Dəba Agaripa a zlapanə a Festus, iŋgaya: «Andza ala watsə taya cina hayak aka səku avəli ci, həna həji apəl ka,» aagiy.
Currently Selected:
Zlən ataa həji ta zlən aagi 26: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 26
26
Zlap ataa Pul atama Agaripa
1Agaripa zlap a zlapanə a Pul iŋgaya: «Təf ara hwa aka, a hwa la ha kwa ata ma ma tək ata hwa watsə.» Azha, dəba Pul a aɗalanə wasiy abə ra, dəba a azlap, iŋgaya: 2«Bay madagal Agaripa, ma ndə aa tək tiwtiw ata sa ana Yahuda aagi, sa abə ɓas, aska a sa a ghalata atama kwa akacihwa. 3Hwa kasənə katkadək ana kwakus jiji ta aagi, abə ma ndə aa kadza səbakw a heɗe. Azha, sa kadzahu ra aska hwa teh ma naka katkadək.
4Yahuda aagi tiwtiw, aa kasən landza naka ꞌwa aka tiɗa sa mbə, aa kasən avaŋgəy abə sa ndzaha a taba həji naka aagi a Wərusalima. 5Aa kasənaka va aka dagala, aa tagəra abə nja ta, aa kula a ghal ma ma ndza ata sa andza aa taji katkadək, avaŋgəy abə sa ndzaha a kwakus ataa Farisa ma ɓərɓər aagi. 6Azha akacihwa, andza sa ata guma, dawna deŋ naka ndə sa tsəz ka ata səkən ndə Bizlaf ma ndza a wəzəm a gar ka a vəlatana a jiji takwa aagi. 7Ndəɓ takwa ma wam aha gbak watsə aagi, may ta aska aagi alima səkən ndə Bizlaf ma ndza a wəzəm a gar ka a ɗalə, sha ana ndə aa kaɗalanə zlən zaɗə abə biskit. Bay madagal Agaripa, sa tə yəm, deŋ naka a heɗe alima, sha ana ndə aa katək ma ata sa ana Yahuda aagi. 8Huni kaji a zlima ya, Bizlaf a garha həji ma bazl ta aagi bəza səku ya, azha ara veme?
9Kwa sa tə abə ha naka, sa taləm a gəy zləm ataa Yesu ndə Nasaratu kwa abə təf ma ndza a vatəy. 10Azha, sha ana ndə sa ɗalazə a Wərusalima. Sa takwiy həji ma ji ma Yesu aagi vərəm a jak yaka. Ara ndə a ɗa magulakwakw maɗal kwakus aagi tavəlaka təf a ɗalə ikwa. Ndə aa kadzə ka a mci, sa tə yəm, a ɗalaka təwah. 11Sa katəwər a ŋge a jak ta tarha Yahuda aagi tiwtiw, sa kaɗal zlən naka, aska a satana yaka a həji ma ji ma Yesu aagi, aska aagi ra dahalay ata zləm ataa Yesu. Sa taghuɗek naka ŋter ata təmta azha, sa aska təmta tsalah a hayak ma dzamadzam gədək abəra Wərusalima aagi.
12Andza ikwa, vah minja, sa ta a hayak Damas. Magulakwakw maɗal kwakus aagi tazlənzaka a tsutsa a nda mbəlaha həji ma ji ma Yesu aagi. 13Sa ata təf, bay ma dagal Agaripa, a ɗal bəza pish ɗawarwar abə sa gəra səkən minja a ndaha a wəzəm a wəzlaf, ɓal tə tizlizli dəy aha pish, dəp a dəpaka bəza ana ɓal tə abə həji ma ndza abəra sa ata təf aagi. 14Ni tiwtiw, ni tandəv cini ata hayak azha, sa zlima ma minja a kazlapaka abə ma ataa Ibəraniŋku aagi iŋgaya: “Sul, Sul hwa saka yaka ava? Hwa ləm andza zla ndə cina zla a kadzə ava? Kadək səku!” 15Dəba sa azhinanə: “Hwa vaye sa Bay Madagal?” Bay Madagal zhin a zhinaka: “Sa Yesu, sa ana ndə hwa kasanə yaka watsə. 16Ama gar kwa a wəzəm anawatsə! Tsakwa ara veme abə sa ghalahu ha naka. Sa ma jihu a ɗa ala ma ɗalaka zlən. Aska hwa aghal səkən ndə hwa gəraka akacihwa ndə sa ɗalə abə səkən ndə hwa kaagəra, səkən sa kaaghalahu zhana atama. 17Sa zlənzahu ara həji kwa aagi, azha gwara ara həji ndiɓi aagi, ma ŋkula ɗa Yahuda aagi, sa pəlaahu bəza. 18Azha, hwa adəɗatana nja, hwa akwarata a bəza a ləvaŋ, a daata ka a la ma kaweɗ. Aa kaagwar a ɗa həji Gətili aagi zhana səku, ama həji Bizlaf aagi, aska aagi aɗal awa aska ma naka, aagi alima pəl mpət ta aagi abə la ndza ataa həji Bizlaf aagi.”
19ꞌWa aka a heɗe, bay Agaripa, sa tazhin a ŋkal a hawanə a səkən ndə sa gərazə a wəzəm a wəzlaf akas. 20Aɓa azha, tsakwa ana ma ndə sa diw a zlapatana kwagwa a həji ma ndza a hayak Damas aagi, a diwzha a həji ma ndza a Wərusalima aagi, a həji ma ndza a hayak Yahudiya aagi tiwtiw, zhana a həji ma ŋkula ɗa Yahuda aagi, sa iŋgaya: “Huni mbaɗ landza kuni bəza, huni zlazəha ma ara Bizlaf. Huni ɗal zlən ma təwah aagi aska a huni a ghal ya, huni tambaɗ landza kuni bəza.” 21Dawna sha abə Yahuda aagi mbəlaka a jak kwakus, azha, aa tatəlzə a dzaka ka. 22Ama gwar akacihwa, Bizlaf a kalamzaka, pal azha sa ŋcah a ghal zlən tə atama həji aagi tiwtiw, wəzhi abə magulakwakw aagi. Tiw Musa abə həji ma ɗaf ma ndə aa zlimazə ara Bizlaf, aa tazlap ata səkən ma kaandaha, sa kazlap ma minja kwa aha dəɓa tə aka zhanas. 23Kərist tasa yaka sha tə, sha ana ma ɗa ala mampər a gara tə a wəzəm a jiɓ a taba həji ma bazl ta aagi, a ghalatana weɗ la a həji takwa aagi, zhana a həji ma ŋkula ɗa Yahuda aagi.»
24Pul a kaləm a la ha tə andza watsə tiɗa ndə Festus a kadza wəla a guɗaŋ iŋgaya: «Hwa kawək Pul! Abə səkən ndə hwa kasən tiwtiw watsə, hwa tabəw kwa, hwa kawək!» 25Ama dəba Pul azhinanə, iŋgaya: «Sa kawək akas, ala ma dagal Festus, sa ləm zlap ma ma ɗa ŋter abə riy ma təwah. 26Bay a kasən səkən watsə tiwtiw, sha ana ndə ŋzliŋ a ŋkula dzaka a zlap atama tə. Sa kasən katkadək ci, kwa səkən ndə a kula gəra aka səku, kwa səkən ma ɓah akas. 27Bay ma dagal Agaripa, hwa ɗal awa aska zlap ataa həji ma ɗaf ma ndə aa zlimazə ara Bizlaf aagi vəw? Sa kasən hwa kaɗal awa aska ma ta watsa aagi.» 28Dəba azha, bay ma dagal Agaripa a azlapanə a Pul, iŋgaya: «Atama kajik, hwa aghutaka bəza, sa abəw naka ana ala ma səbar Yesu!» iy. 29Pul zhin a zhinanə, iŋgaya: «Kwa a ndza a finha wan kajik ikwa, kwa dagala, Bizlaf ana ndə sa katarə aha hwa gagagha səku, ama abə həji ma katehzə ma naka aagi akacihwa, huni bəw kuni andza sa, ara yaka ma ndza ata sa watsə a ɗal ata huni.»
30Takaw bay a gar tə a wəzəm ana tiw bay ma dagal abə ala ma ndza aha hayak, Bernike abə həji ndə aa kandza abə təmta aagi. 31Ndə aa ndaa ta a bəza, dəba aagi azlap a walaŋ ta, aagi iŋgaya: «Kwa səkən ndə ala watsə a ɗalə, a zhiva a dza ka aka səku, a fak aka a jak yaka aka,» aagiy. 32Dəba Agaripa a zlapanə a Festus, iŋgaya: «Andza ala watsə taya cina hayak aka səku avəli ci, həna həji apəl ka,» aagiy.
Currently Selected:
:
Highlight
Share
Copy
Want to have your highlights saved across all your devices? Sign up or sign in