Zlən ataa həji ta zlən aagi 25
25
Pul atama Festus, ala ma ndza aha hayak
1Azha, wan mahkaɗ a diwzha ndaha Festus a mar hayak, tsaa kanda tə a bəza a hayak Kaysariya, a nda ciwirha a hayak ma dzamadzam Wərusalima. 2Peteŋ magulakwakw maɗal kwakus aagi abə həji ataa bay Yahuda aagi taa ta atama tə, aska a wəl Pul. Aa katsapanə ɗiw. 3Dəba aagi aɗiwzə Festus: «Ni kadzahu ra aska a hwa zhinha Pul aka a Wərusalima.» May ta aska aagi aghutazə, aagi ndaha a dzə ka ata təf. 4Ama Festus zhin a zhinatana, iŋgaya: «Pul a jak yaka a hayak ma dzamadzam Kaysariya, sa abə ha naka, sa azhin a tsutsa anawatsə,» iy. 5Magulakwakw kuni ma kamay a səbaraka aagi, aa mandaha, ni anda abə təmta a hayak Kaysariya, andza səkən ma gamak ndə a ɗalə aka, aa mawələ. 6Ndza Festus a hayak ta a ɗal bəza wan dzamahkaɗ a vaŋ a wan wam. Ndə a zhina tə a hayak Kaysariya, leŋ a ji la ndza ata zla guma a kwaf tə, azha dəba a azlap, aska aagi a daaha Pul. 7Ndə ala watsa a ɗa peteŋ a tsutsa azha, Yahuda ma ndaha a Wərusalima aagi, aa tadzəsl bəza dandeleŋleŋ, aa katək ma ma gamak aagi dagala a heɗe, ama, ghal takum ara təmta ana ma ndə aa kamay a ghalə. 8Dəba Pul a aləm aska ha tə, iŋgaya: «Sa tagəy ma akas, kwa ata ma ma garagar Yahuda aagi, kwa ata jak kwakus, kwa ata cina hayak,» iy. 9Aska a ɗalatana təwah a həji ma gulakwakw watsa aagi, Festus dəba a azlapanə a Pul, iŋgaya: «Hwa kaji a taf a wəzəm a Wərusalima aska aagi nda zla guma kwa watsə ata nja naka vəw?» iy. 10Pul zhin a zhinanə iŋgaya: «Sa atama la dzam guma cina hayak Ruma, a ɗi abə huni zla guma naka. Yahuda aagi, sa tagəyatana ma kwa akas, kwa andza hwa tə ma, hwa kasən katkadək. 11Andza sa ɗa maskwalay, sa taɗal səkən ma gamak ma teete a dzaka, sa tashi naka ara mci akas. Ama, andza ma ndə həji watsə aagi katək ata sa, tasaɓ andza sha səku, kwa ala ma ndza abə təf a vəlaka ka a ra ta akas. Sa yaha cina hayak Ruma.» 12Festus dəba a aɗiwzə həji tə aagi, dəba a azhinanə a Pul iŋgaya: «Hwa taya cina hayak, azha hwa anda atama cina hayak,» iy.
Pul atama tiw Agaripa abə Bernike
13A diwzha tə, wan kajik ikwa ndə bay ma dagal Agaripa abə Bernike, peteŋ aa ndaha a hayak Kaysariya a zlapzanə a Festus. 14Aa taɗal wan dagala a tsutsa, ghal a ghalanə ma ataa Pul watsa ana Festus a bay ma dagal, iŋgaya: «Ala minja aka, a ɗi ndə Filikus a mbasl ka a jak yaka. 15Tiɗa ndə sa nda a Wərusalima, magulakwakw maɗal kwakus aagi abə magulakwakw ataa Yahuda aagi, aa taha a təkakənə ma ana ala watsa aska a zanə mpət. 16Sa tazhinatana: “Həji ma ndza a hayak Ruma aagi kavəla ala andza watsə səku. Ala ndə aa tək ma a heɗe, dzəv aa dzəv bəza kwagwa abə həji ma tək ma a heɗe aagi, tsa kagas təf ta ləm a la ha ara tək ma ta watsa.” 17Magulakwakw maɗal kwakus aagi aa taha a ɗi ara sa, azha, kwa sa tanəp akas, apat tə, sa kandza ata la zla guma, azha, sa tazlap aska aagi daaha ala watsa. 18Ndə aa ɗa a ɗi abəra ana həji ma tək ma a heɗe watsa aagi, deŋ naka ci, aagi aghalha ma ndə a gəyə bay tə ata nja, ama, kwa ha ata ma tə akas. 19Səbakw ana ndə aa dzə gagagha a walaŋ ta ata təf Bizlaf ndə aa njinə, zhana ata ala minja Yesu ma mca tə, ndə ataa Pul, a kazlap tamca səku, ndza tə abə nja. 20Sa kasən səkən ndə sa kaɗalə ata ma ma həna watsə səku. Sa tazlapanə a Pul azha, aska a nda a Wərusalima, a tsutsa, aa tsa kanda zla guma ata ma tə watsə. 21Ama, Pul dəba a aya cina hayak Ruma, ara ndə, a mayə sha ma kazla guma tə, sha ana ndə sa zlap aska aagi ambasl Pul aka a jak yaka kwagwa. Atama, sa tsaa kaazlənanə a cina hayak Ruma.» 22Azha, Agaripa zlap a zlapanə a Festus, iŋgaya: «Sa may a tehzə ma ataa ala watsa abə ha naka yəm,» iy. Festus zhin a zhinanə, iŋgaya: «A kwaf watsə, hwa azlima ma tə,» iy.
23A kwaf tə azha, tiw Agaripa abə Bernike aa taa ta abə magulakwakw ma ndza aha suji aagi, tsaw aa nda a jak ta zla guma, aagi abə suji ma gulakwakw ma ndza aha suji a diwzha ta abə həji ma gulakwakw ma ndza a hayak ma dzamadzam aagi. Festus zlap a zlap aska aagi daaha Pul, azha, leŋ aa daaha Pul. 24Azha, Festus dəba a azlap, iŋgaya: «Bay madagal Agaripa abə huni ma ndza a ɗi abə ni aagi tiwtiw, huni kagəra ala watsə. Yahuda aagi tiwtiw, aa taha ara sa dawna ma tə, a Wərusalima, a gwar a ɗi, aa kadza wəla: “Tazhiva a ndza abə nja səku, madza ka,” aagiy. 25Ataa naka, kwa sa tagəra zlən ma kazhiva a həji aa dzə ka a mci aka səku, ama, taya cina hayak Ruma, sha ana ndə, sa kaɗiw a zlən ala watsə ka ara. 26Kwa səkən ndə sa kaɗa kula a ŋtir gbar a heɗe akas, sha ana ndə sa daazə atama kuni, zhana atama kwa atama kwa bay madagal Agaripa. Ɗiwzə, aska sa a ŋtiri ma tə ndə hwa zlima, a diwzha ma watsə. 27Ara ndə a ɗa, jaɓ ala a jak yaka, həji tagəra ma ndə a gəy səku ci, ataa anaka a kaɗalaka kadək səku.»
Currently Selected:
Zlən ataa həji ta zlən aagi 25: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 25
25
Pul atama Festus, ala ma ndza aha hayak
1Azha, wan mahkaɗ a diwzha ndaha Festus a mar hayak, tsaa kanda tə a bəza a hayak Kaysariya, a nda ciwirha a hayak ma dzamadzam Wərusalima. 2Peteŋ magulakwakw maɗal kwakus aagi abə həji ataa bay Yahuda aagi taa ta atama tə, aska a wəl Pul. Aa katsapanə ɗiw. 3Dəba aagi aɗiwzə Festus: «Ni kadzahu ra aska a hwa zhinha Pul aka a Wərusalima.» May ta aska aagi aghutazə, aagi ndaha a dzə ka ata təf. 4Ama Festus zhin a zhinatana, iŋgaya: «Pul a jak yaka a hayak ma dzamadzam Kaysariya, sa abə ha naka, sa azhin a tsutsa anawatsə,» iy. 5Magulakwakw kuni ma kamay a səbaraka aagi, aa mandaha, ni anda abə təmta a hayak Kaysariya, andza səkən ma gamak ndə a ɗalə aka, aa mawələ. 6Ndza Festus a hayak ta a ɗal bəza wan dzamahkaɗ a vaŋ a wan wam. Ndə a zhina tə a hayak Kaysariya, leŋ a ji la ndza ata zla guma a kwaf tə, azha dəba a azlap, aska aagi a daaha Pul. 7Ndə ala watsa a ɗa peteŋ a tsutsa azha, Yahuda ma ndaha a Wərusalima aagi, aa tadzəsl bəza dandeleŋleŋ, aa katək ma ma gamak aagi dagala a heɗe, ama, ghal takum ara təmta ana ma ndə aa kamay a ghalə. 8Dəba Pul a aləm aska ha tə, iŋgaya: «Sa tagəy ma akas, kwa ata ma ma garagar Yahuda aagi, kwa ata jak kwakus, kwa ata cina hayak,» iy. 9Aska a ɗalatana təwah a həji ma gulakwakw watsa aagi, Festus dəba a azlapanə a Pul, iŋgaya: «Hwa kaji a taf a wəzəm a Wərusalima aska aagi nda zla guma kwa watsə ata nja naka vəw?» iy. 10Pul zhin a zhinanə iŋgaya: «Sa atama la dzam guma cina hayak Ruma, a ɗi abə huni zla guma naka. Yahuda aagi, sa tagəyatana ma kwa akas, kwa andza hwa tə ma, hwa kasən katkadək. 11Andza sa ɗa maskwalay, sa taɗal səkən ma gamak ma teete a dzaka, sa tashi naka ara mci akas. Ama, andza ma ndə həji watsə aagi katək ata sa, tasaɓ andza sha səku, kwa ala ma ndza abə təf a vəlaka ka a ra ta akas. Sa yaha cina hayak Ruma.» 12Festus dəba a aɗiwzə həji tə aagi, dəba a azhinanə a Pul iŋgaya: «Hwa taya cina hayak, azha hwa anda atama cina hayak,» iy.
Pul atama tiw Agaripa abə Bernike
13A diwzha tə, wan kajik ikwa ndə bay ma dagal Agaripa abə Bernike, peteŋ aa ndaha a hayak Kaysariya a zlapzanə a Festus. 14Aa taɗal wan dagala a tsutsa, ghal a ghalanə ma ataa Pul watsa ana Festus a bay ma dagal, iŋgaya: «Ala minja aka, a ɗi ndə Filikus a mbasl ka a jak yaka. 15Tiɗa ndə sa nda a Wərusalima, magulakwakw maɗal kwakus aagi abə magulakwakw ataa Yahuda aagi, aa taha a təkakənə ma ana ala watsa aska a zanə mpət. 16Sa tazhinatana: “Həji ma ndza a hayak Ruma aagi kavəla ala andza watsə səku. Ala ndə aa tək ma a heɗe, dzəv aa dzəv bəza kwagwa abə həji ma tək ma a heɗe aagi, tsa kagas təf ta ləm a la ha ara tək ma ta watsa.” 17Magulakwakw maɗal kwakus aagi aa taha a ɗi ara sa, azha, kwa sa tanəp akas, apat tə, sa kandza ata la zla guma, azha, sa tazlap aska aagi daaha ala watsa. 18Ndə aa ɗa a ɗi abəra ana həji ma tək ma a heɗe watsa aagi, deŋ naka ci, aagi aghalha ma ndə a gəyə bay tə ata nja, ama, kwa ha ata ma tə akas. 19Səbakw ana ndə aa dzə gagagha a walaŋ ta ata təf Bizlaf ndə aa njinə, zhana ata ala minja Yesu ma mca tə, ndə ataa Pul, a kazlap tamca səku, ndza tə abə nja. 20Sa kasən səkən ndə sa kaɗalə ata ma ma həna watsə səku. Sa tazlapanə a Pul azha, aska a nda a Wərusalima, a tsutsa, aa tsa kanda zla guma ata ma tə watsə. 21Ama, Pul dəba a aya cina hayak Ruma, ara ndə, a mayə sha ma kazla guma tə, sha ana ndə sa zlap aska aagi ambasl Pul aka a jak yaka kwagwa. Atama, sa tsaa kaazlənanə a cina hayak Ruma.» 22Azha, Agaripa zlap a zlapanə a Festus, iŋgaya: «Sa may a tehzə ma ataa ala watsa abə ha naka yəm,» iy. Festus zhin a zhinanə, iŋgaya: «A kwaf watsə, hwa azlima ma tə,» iy.
23A kwaf tə azha, tiw Agaripa abə Bernike aa taa ta abə magulakwakw ma ndza aha suji aagi, tsaw aa nda a jak ta zla guma, aagi abə suji ma gulakwakw ma ndza aha suji a diwzha ta abə həji ma gulakwakw ma ndza a hayak ma dzamadzam aagi. Festus zlap a zlap aska aagi daaha Pul, azha, leŋ aa daaha Pul. 24Azha, Festus dəba a azlap, iŋgaya: «Bay madagal Agaripa abə huni ma ndza a ɗi abə ni aagi tiwtiw, huni kagəra ala watsə. Yahuda aagi tiwtiw, aa taha ara sa dawna ma tə, a Wərusalima, a gwar a ɗi, aa kadza wəla: “Tazhiva a ndza abə nja səku, madza ka,” aagiy. 25Ataa naka, kwa sa tagəra zlən ma kazhiva a həji aa dzə ka a mci aka səku, ama, taya cina hayak Ruma, sha ana ndə, sa kaɗiw a zlən ala watsə ka ara. 26Kwa səkən ndə sa kaɗa kula a ŋtir gbar a heɗe akas, sha ana ndə sa daazə atama kuni, zhana atama kwa atama kwa bay madagal Agaripa. Ɗiwzə, aska sa a ŋtiri ma tə ndə hwa zlima, a diwzha ma watsə. 27Ara ndə a ɗa, jaɓ ala a jak yaka, həji tagəra ma ndə a gəy səku ci, ataa anaka a kaɗalaka kadək səku.»
Currently Selected:
:
Highlight
Share
Copy
Want to have your highlights saved across all your devices? Sign up or sign in