Zlən ataa həji ta zlən aagi 27
27
Nda Pul a Ruma
1Ndə deŋ ŋkwaɓ a ɗal tə aska ni nda a Italiya ata gəlmbə, pa həji vəla tiw Pul aka abə həji ma ndza a jak yaka ndiɓi aagi ka aska ra suji ma ndza aha suji ndiɓi aagi, ndə həji kayə Yuliyus. A ɗa ala ma ndza a taba suji ataa cina hayak Ruma. 2Takaf ni taf cini ata gəlmbə ma ndaha a hayak ma dzamadzam Adaramitenus ma gwara a mazləm mtil ataa hayak Asiya. Aristarkus, ala ndə hayak Makeduniya ma ndza a hayak ma dzamadzam Tesaluniki abəra ni. 3Apat tə, ndə ni a hayak ma dzamadzam Sidun, Yuliyus a kandza təwah abə Pul, pəl a pəlanə təf a nda taŋazə ŋgwanambə tə aagi aska a lima səkən ndə a kamayə. 4A diwzha tə, dəba ni anda cini, ama miɗ a kadzakəni, azha, ni pew gwara a mazləm bay yəm Kipərus. 5A diwzha, ni pew gwara a ma mtil ma ndza abəra hayak Silikiya abə Pamfiliya, azha peteŋ ni a hayak ma dzamadzam Mira ma ndza a hayak Lisiya. 6A tsutsa, abə suji ma ndza aha suji ndiɓi aagi gəra gəlmbə ma ndaha a hayak ma dzamadzam Aleksandiriya ata təf, aska a nda a hayak Italiya, azha takaf ni taf cini a heɗe. 7Wan aka dagala, ni nda zaaya, ni gwarha abə yaka dagala atama hayak ma dzamadzam Kinidus, ama miɗ tatakani a njin təf watsa. Azha, ni tsaa kanda cini gwara a mazləm bay mtil, ata la ndə miɗ a ŋkula dza a guɗaŋ Kirita, ni pewha gwara ata guva hayak ma ndza a mtil Salmuni. 8A diwzha ndə ni ɗa gwar abə yaka, ata la minja ndə həji kayə «la tadukha ma təwah,» huk abəra hayak ma dzamadzam Laseya.
9Ama, ni tahəzəkha dagala ata təf, nda cini ma ndza atama a ɗa ɓərɓər a kandas, ara ndə a ɗa, dalyam tapew tə. Pul azha iŋgaya: 10«Ŋgwanambə naka aagi, sa gəra ya, nda takwa ma ndza ata yəm watsə a aɗa ɓərɓər. Gəlmbə abə səkən ta ber ma ndza a mən aagi tiwtiw, aagi adzəɓ ta, zhana həji talam kusəm səku ci, həji abazl takwa dagala yəm,» iy. 11Ama, suji ma ndza aha suji ndiɓi watsa aagi, tadeŋ zlap ataa Pul akas, a ɗiwɓa ma ataa tiw cina gəlmbə abə ala ma kagaɓ gəlmbə. 12Zhana, la ma ndza a mazləm mtil kadək səku aska aagi pew mashifa a tsutsa. Azha, slaɓ a ɗa həji aagi tiwtiw ana ma zlap aska aagi anda ta a bəza a tsutsa. May ta andza a kalimatana, aa ɗiw a nda a Fenikis, mazləm mtil Kirita, təf tadəɗaya a nduŋ a mbaha ata la ndəv pish, zhana a wəzəm abə ata la ndəv pish, aska aagi apew mashifa a tsutsa.
Valalay ata mtil
13Valalay minja a kadzaha gwara a wəzaha a nduŋ zaaya, həji ma ndza ata gəlmbə aagi deŋ ka ya, səkən ndə aa kadeŋ a ɗalə a ɗal tə. Aa tsaa kanda ta, dəba aagi atəlzə a nda gwara a mazləm bay yəm Kirita. 14Ama, slaɓ a tsutsa a tsutsa, taa tə ana valalay minja, ndə həji kayə Erakiluŋ, miɗ ma kadza gwara ata paŋ ata la mbirha pish. 15Miɗ a kaŋtsuk gəlmbə abə səkən ma ndza a diwzha, miɗ a gas a dzəɓ aka ara ndə, a kadza abə ɓərɓər tə dəy, ni tambasl valalay aka, a kaŋtsuk gəlmbə a gaw. 16Ni pew gwara a wəzaha a nduŋ ataa mtil minja ndə həji kayə «Kawda», ata la ndə miɗ a ŋkula dza a guɗaŋ. Ni pewha a tsutsa abə bay yaka abə ni nda, mbara azha a tsutsa abə ni lima ŋgalaŋ ta mbəla ha gəlmbə ma feŋ aska ni gaɓə abə ha cini. 17Ni kaləm a tiw gəlmbə ma feŋ aka a bay gəlmbə, azha həji ma gaɓ gəlmbə aagi kaləm a dzaw mbərlə ta vəlanə ɓərɓər aagi a mazləm bay gəlmbə. Ŋzliŋ a kadzata ara ndə, gəlmbə a kamgbuk tə ata ndil vakw Siritis, mbasl aa mbasl səkən ma ndəlndəl ma dzaw aka ata gəlmbə, miɗ dəba a atiwi, tsa kalawaɗ abə sha. 18A kwaf tə, andza ndə valalay a ŋgulavani bəza dəy, kwiy aa kwiy səkən aagi ka ata mtil. 19Vah mamahkaɗ tə, abə ra ta, dəba aagi apəl mbərlə ka, zhana tsar aa pəlha gidiwri ka ata gəlmbə. 20Wan aka, həji kula a gəra pish səku, kwa tiŋgwishi aagi. Valalay a kadza a guɗaŋ wəruk. Ni tadeŋ ka zhana, a ni reh cini səku.
21Wan aka, kwa ni tazəm səkən səku. Mbara azha, takaw Pul a gar a wəzəm atama manahayak tiwtiw, iŋgaya: «Huni kagəra azha, ŋgwanambə naka aagi, galaɓa huni tehzə ma naka, həna həji kandaa a bəza a hayak Kirita akas. Valalay watsə a kaagwar a ɗal ata huni abə səkən ta ber ndə huni fəcakata watsə aagi tiwtiw akas. 22Ama, anawatsə, sa kaghalahuni, huni mbəla ꞌunəf kuni ka, ara ndə a ɗa, kwa ala ŋtaguleŋ a taba kuni a kaamca akas, gəlmbə gagagha ana ma kaafəcakaŋkwa aara. 23Abə zaɗə watsə, matəf Bizlaf ma ɗa ndə sa ataa aŋtə ma tsaka, zhana ndə sa kaɗalanə zlən, taghalaka ha tə. 24Azha, tazlapaka, iŋgaya: “Ŋzliŋ a dzahu səku Pul! Səy aagi ayahu ata guma atama cina hayak, a kaɗiw ci, cina hayak ma zlahu guma kwa bəza, azha, dawna hwa, Bizlaf tambaslatana miɗ aka a həji ma ciwir abə hwa aagi.” 25Huni mbəla ꞌunəf kuni ka azha, ŋgwanambə naka aagi! Sa kasən deŋ Bizlaf katkadək, a aɗalə andza ndə a ghalaka. 26Həji akwiy takwa a mazləm yəm.»
Reh
27A ɗa zaɗə mawam aha ŋfaɗ tə, azha, valalay a kwarani wəruk ata mtil Adiriya. A ɗal bəza taba zaɗə, həji ma gaɓ gəlmbə aagi kasənə ci, ni slaɓ a gwar ata hayak. 28Dəba aagi afak mbərlə ndə aa dzaw səkən ma ndəlndəl aka a heɗe aska aagi taŋ gaw yəm watsa, aa gəra ya, ndza tə a ɗal bəza mbir ramahkaɗ aha ŋshiliɗ. A diwzha tə zhana kajik, dəba aagi azhin a təlzə, aa gəra gaw watsa a finha mbir ragbak aha dzamahkaɗ. 29Ŋzliŋ a kadzata, ara ndə, bay gəlmbə a kadza a ŋkəɗaŋ a kaabaf tə. Sha ana ndə, aa fak mbərlə ɓərzləm aka ŋfaɗ ata gəlmbə azha, aska aagi teh lakwaf abə ŋkwaɓ. 30Ama magaɓ gəlmbə aagi dəba aagi atadukha gəlmbə ma feŋ aka a mazləm bay yəm, aa may a mbirata ka a nda ta atama, ama, aa ɗiw a ŋteɓ ta, dəba aagi aɗal andza lafak ɓərzləm ma ndəlndəl watsa ka atama gəlmbə, azha mbasl aa mbasl ka ata mtil. 31Pul zlap a zlapatana a tiw ala ma ndza aha suji ndiɓi aagi abə suji aagi, iŋgaya: «Andza həji watsə aagi tandza ta ka a gəlmbə aka səku, huni, huni kaagwar a reh səku.» 32Azha, suji aagi naɗ aa zla mbərlə ma kambəla gəlmbə ma feŋ watsa ka, mbasl aa mbasl ka ata mtil.
33Ndə aa kateh lakwaf kwagwa, dəba Pul a azlapatana a həji a zəm səkən, iŋgaya: «Akacihwa wan mawam aha ŋfaɗ tə, huni, huni ndza abə mintish, kwa huni tazəm səkən akas. 34Sa kazlapahuni azha a zəm səkən ara ndə a ɗa, may kuni aska reh ha kuni. Zhana wəruk, kwa ala kaafəcak dzuguɗ ha tə bəza ŋtaɗ a taba kuni akas.» 35A diwzha zlap watsə, leŋ Pul a ji wəda, dəba a aɗalanə wasiy a Bizlaf ata nja həji aagi tiwtiw, teŋ a teŋ ka azha, dəba a azəmə. 36Azha, təmta tiwtiw, sakw aa sakw ꞌunəf, dəba aagi azəm wəda watsa kwa vaye ta yəm. 37Tiwtiw ata gəlmbə, ni ɗal bəza teemeri gbak abə raŋshiliɗ aha ŋkwah. 38Ndə kwa vaye a ɗa ndar, dəba aagi akwiy mbərkadam ata mtil aska a bəw gəlmbə ka kefkef.
39Ndə la a kwaf tə, həji ma gaɓ gəlmbə aagi, aa kasən la ndə aa a heɗe səku, ama aa gəra ci, vakw ata varvara. Andza a kaaɗal ci, aa may a nda ta a heɗe. 40Sha ana ndə aa zla mbərlə ɓərzləm watsa bəza, azha mbasl aa mbasl ɓərzləm ma ndəlndəl watsa ka ata mtil. Zhana, rats aa zla mbərlə ma kadzaw lagaɓ gəlmbə bəza, dzaw aa dzaw gidiwri ka atama gəlmbə. Aska, valalay a jaɓata gwara ata vakw. 41Ama, aa mba ka ata vakw, gəlmbə kula a zhin kusah səku. Ma tə tadəm tə a vakw, azha, kula a zhin ndaa tə a bəza səku, a diwzha tə, yəm ma kabuŋkwaha abə ɓərɓər tə hwats a ŋgaz mazərəf gəlmbə ka. 42Suji aagi aa may a bazl həji ma ndza a jak yaka aagi ka, ara ndə, aa kaadza gwavgwav aska a shi ta. 43Ama, ala ma ndza aha suji ndiɓi aagi a may a reh Pul bəza, azha, dəba a atak suji aagi a ɗal səkən ndə aa deŋi. Zlap a zlapatana a həji ma kasən dza gwavgwav aagi, aska aagi a mbir mpər ata yəm a nda ata hayak. 44Ndiɓi aagi dəba aagi anjin kusəm ndə aa wan ka, ndiɓi aagi zhana, dəba aagi anjin mazləm gəlmbə ma finha watsa. Azha ikwa andza watsə abə aa gwar ta ata hayak, tiwtiw aa reh.
Currently Selected:
Zlən ataa həji ta zlən aagi 27: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 27
27
Nda Pul a Ruma
1Ndə deŋ ŋkwaɓ a ɗal tə aska ni nda a Italiya ata gəlmbə, pa həji vəla tiw Pul aka abə həji ma ndza a jak yaka ndiɓi aagi ka aska ra suji ma ndza aha suji ndiɓi aagi, ndə həji kayə Yuliyus. A ɗa ala ma ndza a taba suji ataa cina hayak Ruma. 2Takaf ni taf cini ata gəlmbə ma ndaha a hayak ma dzamadzam Adaramitenus ma gwara a mazləm mtil ataa hayak Asiya. Aristarkus, ala ndə hayak Makeduniya ma ndza a hayak ma dzamadzam Tesaluniki abəra ni. 3Apat tə, ndə ni a hayak ma dzamadzam Sidun, Yuliyus a kandza təwah abə Pul, pəl a pəlanə təf a nda taŋazə ŋgwanambə tə aagi aska a lima səkən ndə a kamayə. 4A diwzha tə, dəba ni anda cini, ama miɗ a kadzakəni, azha, ni pew gwara a mazləm bay yəm Kipərus. 5A diwzha, ni pew gwara a ma mtil ma ndza abəra hayak Silikiya abə Pamfiliya, azha peteŋ ni a hayak ma dzamadzam Mira ma ndza a hayak Lisiya. 6A tsutsa, abə suji ma ndza aha suji ndiɓi aagi gəra gəlmbə ma ndaha a hayak ma dzamadzam Aleksandiriya ata təf, aska a nda a hayak Italiya, azha takaf ni taf cini a heɗe. 7Wan aka dagala, ni nda zaaya, ni gwarha abə yaka dagala atama hayak ma dzamadzam Kinidus, ama miɗ tatakani a njin təf watsa. Azha, ni tsaa kanda cini gwara a mazləm bay mtil, ata la ndə miɗ a ŋkula dza a guɗaŋ Kirita, ni pewha gwara ata guva hayak ma ndza a mtil Salmuni. 8A diwzha ndə ni ɗa gwar abə yaka, ata la minja ndə həji kayə «la tadukha ma təwah,» huk abəra hayak ma dzamadzam Laseya.
9Ama, ni tahəzəkha dagala ata təf, nda cini ma ndza atama a ɗa ɓərɓər a kandas, ara ndə a ɗa, dalyam tapew tə. Pul azha iŋgaya: 10«Ŋgwanambə naka aagi, sa gəra ya, nda takwa ma ndza ata yəm watsə a aɗa ɓərɓər. Gəlmbə abə səkən ta ber ma ndza a mən aagi tiwtiw, aagi adzəɓ ta, zhana həji talam kusəm səku ci, həji abazl takwa dagala yəm,» iy. 11Ama, suji ma ndza aha suji ndiɓi watsa aagi, tadeŋ zlap ataa Pul akas, a ɗiwɓa ma ataa tiw cina gəlmbə abə ala ma kagaɓ gəlmbə. 12Zhana, la ma ndza a mazləm mtil kadək səku aska aagi pew mashifa a tsutsa. Azha, slaɓ a ɗa həji aagi tiwtiw ana ma zlap aska aagi anda ta a bəza a tsutsa. May ta andza a kalimatana, aa ɗiw a nda a Fenikis, mazləm mtil Kirita, təf tadəɗaya a nduŋ a mbaha ata la ndəv pish, zhana a wəzəm abə ata la ndəv pish, aska aagi apew mashifa a tsutsa.
Valalay ata mtil
13Valalay minja a kadzaha gwara a wəzaha a nduŋ zaaya, həji ma ndza ata gəlmbə aagi deŋ ka ya, səkən ndə aa kadeŋ a ɗalə a ɗal tə. Aa tsaa kanda ta, dəba aagi atəlzə a nda gwara a mazləm bay yəm Kirita. 14Ama, slaɓ a tsutsa a tsutsa, taa tə ana valalay minja, ndə həji kayə Erakiluŋ, miɗ ma kadza gwara ata paŋ ata la mbirha pish. 15Miɗ a kaŋtsuk gəlmbə abə səkən ma ndza a diwzha, miɗ a gas a dzəɓ aka ara ndə, a kadza abə ɓərɓər tə dəy, ni tambasl valalay aka, a kaŋtsuk gəlmbə a gaw. 16Ni pew gwara a wəzaha a nduŋ ataa mtil minja ndə həji kayə «Kawda», ata la ndə miɗ a ŋkula dza a guɗaŋ. Ni pewha a tsutsa abə bay yaka abə ni nda, mbara azha a tsutsa abə ni lima ŋgalaŋ ta mbəla ha gəlmbə ma feŋ aska ni gaɓə abə ha cini. 17Ni kaləm a tiw gəlmbə ma feŋ aka a bay gəlmbə, azha həji ma gaɓ gəlmbə aagi kaləm a dzaw mbərlə ta vəlanə ɓərɓər aagi a mazləm bay gəlmbə. Ŋzliŋ a kadzata ara ndə, gəlmbə a kamgbuk tə ata ndil vakw Siritis, mbasl aa mbasl səkən ma ndəlndəl ma dzaw aka ata gəlmbə, miɗ dəba a atiwi, tsa kalawaɗ abə sha. 18A kwaf tə, andza ndə valalay a ŋgulavani bəza dəy, kwiy aa kwiy səkən aagi ka ata mtil. 19Vah mamahkaɗ tə, abə ra ta, dəba aagi apəl mbərlə ka, zhana tsar aa pəlha gidiwri ka ata gəlmbə. 20Wan aka, həji kula a gəra pish səku, kwa tiŋgwishi aagi. Valalay a kadza a guɗaŋ wəruk. Ni tadeŋ ka zhana, a ni reh cini səku.
21Wan aka, kwa ni tazəm səkən səku. Mbara azha, takaw Pul a gar a wəzəm atama manahayak tiwtiw, iŋgaya: «Huni kagəra azha, ŋgwanambə naka aagi, galaɓa huni tehzə ma naka, həna həji kandaa a bəza a hayak Kirita akas. Valalay watsə a kaagwar a ɗal ata huni abə səkən ta ber ndə huni fəcakata watsə aagi tiwtiw akas. 22Ama, anawatsə, sa kaghalahuni, huni mbəla ꞌunəf kuni ka, ara ndə a ɗa, kwa ala ŋtaguleŋ a taba kuni a kaamca akas, gəlmbə gagagha ana ma kaafəcakaŋkwa aara. 23Abə zaɗə watsə, matəf Bizlaf ma ɗa ndə sa ataa aŋtə ma tsaka, zhana ndə sa kaɗalanə zlən, taghalaka ha tə. 24Azha, tazlapaka, iŋgaya: “Ŋzliŋ a dzahu səku Pul! Səy aagi ayahu ata guma atama cina hayak, a kaɗiw ci, cina hayak ma zlahu guma kwa bəza, azha, dawna hwa, Bizlaf tambaslatana miɗ aka a həji ma ciwir abə hwa aagi.” 25Huni mbəla ꞌunəf kuni ka azha, ŋgwanambə naka aagi! Sa kasən deŋ Bizlaf katkadək, a aɗalə andza ndə a ghalaka. 26Həji akwiy takwa a mazləm yəm.»
Reh
27A ɗa zaɗə mawam aha ŋfaɗ tə, azha, valalay a kwarani wəruk ata mtil Adiriya. A ɗal bəza taba zaɗə, həji ma gaɓ gəlmbə aagi kasənə ci, ni slaɓ a gwar ata hayak. 28Dəba aagi afak mbərlə ndə aa dzaw səkən ma ndəlndəl aka a heɗe aska aagi taŋ gaw yəm watsa, aa gəra ya, ndza tə a ɗal bəza mbir ramahkaɗ aha ŋshiliɗ. A diwzha tə zhana kajik, dəba aagi azhin a təlzə, aa gəra gaw watsa a finha mbir ragbak aha dzamahkaɗ. 29Ŋzliŋ a kadzata, ara ndə, bay gəlmbə a kadza a ŋkəɗaŋ a kaabaf tə. Sha ana ndə, aa fak mbərlə ɓərzləm aka ŋfaɗ ata gəlmbə azha, aska aagi teh lakwaf abə ŋkwaɓ. 30Ama magaɓ gəlmbə aagi dəba aagi atadukha gəlmbə ma feŋ aka a mazləm bay yəm, aa may a mbirata ka a nda ta atama, ama, aa ɗiw a ŋteɓ ta, dəba aagi aɗal andza lafak ɓərzləm ma ndəlndəl watsa ka atama gəlmbə, azha mbasl aa mbasl ka ata mtil. 31Pul zlap a zlapatana a tiw ala ma ndza aha suji ndiɓi aagi abə suji aagi, iŋgaya: «Andza həji watsə aagi tandza ta ka a gəlmbə aka səku, huni, huni kaagwar a reh səku.» 32Azha, suji aagi naɗ aa zla mbərlə ma kambəla gəlmbə ma feŋ watsa ka, mbasl aa mbasl ka ata mtil.
33Ndə aa kateh lakwaf kwagwa, dəba Pul a azlapatana a həji a zəm səkən, iŋgaya: «Akacihwa wan mawam aha ŋfaɗ tə, huni, huni ndza abə mintish, kwa huni tazəm səkən akas. 34Sa kazlapahuni azha a zəm səkən ara ndə a ɗa, may kuni aska reh ha kuni. Zhana wəruk, kwa ala kaafəcak dzuguɗ ha tə bəza ŋtaɗ a taba kuni akas.» 35A diwzha zlap watsə, leŋ Pul a ji wəda, dəba a aɗalanə wasiy a Bizlaf ata nja həji aagi tiwtiw, teŋ a teŋ ka azha, dəba a azəmə. 36Azha, təmta tiwtiw, sakw aa sakw ꞌunəf, dəba aagi azəm wəda watsa kwa vaye ta yəm. 37Tiwtiw ata gəlmbə, ni ɗal bəza teemeri gbak abə raŋshiliɗ aha ŋkwah. 38Ndə kwa vaye a ɗa ndar, dəba aagi akwiy mbərkadam ata mtil aska a bəw gəlmbə ka kefkef.
39Ndə la a kwaf tə, həji ma gaɓ gəlmbə aagi, aa kasən la ndə aa a heɗe səku, ama aa gəra ci, vakw ata varvara. Andza a kaaɗal ci, aa may a nda ta a heɗe. 40Sha ana ndə aa zla mbərlə ɓərzləm watsa bəza, azha mbasl aa mbasl ɓərzləm ma ndəlndəl watsa ka ata mtil. Zhana, rats aa zla mbərlə ma kadzaw lagaɓ gəlmbə bəza, dzaw aa dzaw gidiwri ka atama gəlmbə. Aska, valalay a jaɓata gwara ata vakw. 41Ama, aa mba ka ata vakw, gəlmbə kula a zhin kusah səku. Ma tə tadəm tə a vakw, azha, kula a zhin ndaa tə a bəza səku, a diwzha tə, yəm ma kabuŋkwaha abə ɓərɓər tə hwats a ŋgaz mazərəf gəlmbə ka. 42Suji aagi aa may a bazl həji ma ndza a jak yaka aagi ka, ara ndə, aa kaadza gwavgwav aska a shi ta. 43Ama, ala ma ndza aha suji ndiɓi aagi a may a reh Pul bəza, azha, dəba a atak suji aagi a ɗal səkən ndə aa deŋi. Zlap a zlapatana a həji ma kasən dza gwavgwav aagi, aska aagi a mbir mpər ata yəm a nda ata hayak. 44Ndiɓi aagi dəba aagi anjin kusəm ndə aa wan ka, ndiɓi aagi zhana, dəba aagi anjin mazləm gəlmbə ma finha watsa. Azha ikwa andza watsə abə aa gwar ta ata hayak, tiwtiw aa reh.
Currently Selected:
:
Highlight
Share
Copy
Want to have your highlights saved across all your devices? Sign up or sign in