Zlən ataa həji ta zlən aagi 24
24
Yahuda aagi tawəl Pul aka
1Wan dzaɓən a diwzha, madagal maɗal kwakus Ananiyas taa tə a hayak Kaysariya abə həji ma gulakwakw ma ndza a hayak aagi abə Tertulus, ala ma sən ma ma garagar. Dəba aagi awəl Pul aka ara ala ma ndza aha hayak. 2Dəba aagi azlapanə a Pul a ndaha. Tertulus dəba a atəkakənə ma abə ma watsə, iŋgaya: «Ala ma dagal Filikus, ni ndza ŋter abə təwah, dawna hwa abə la ndza a mbaɗ tə ndə hwa gar ka dawna həji takwa aagi. 3Kala pish kwa a vatəy, ala ma dagal Filikus, ni kalima təwah, azha, ni kaɗalahu wasiy dagala. 4Ama, sa kaakərəŋahu ka a guɗaŋ səku. Dawna sha abə sa kaɗiwahu abə təwah, aska hwa tehzə ma cini kajik ikwa. 5Ni tagəra ala watsə, a ɗa ala ma gamak a hayak. A kahəɗəw Yahuda ma ndza a manahayak aagi tiwtiw, sha ana ma ndza aha həji ma kafəcak həji aagi a Nasaratu. 6Tatəlzə a ɗal səkən ndiɓi aagi, ghal tə ci, tagəy jak kwakus takwa ka, azha vərəs ni mbələ bəza. [7] 8Hwa kula abə ha kwa, a ɗiwzə, hwa kaagəra tək ma cini ma ndza a heɗe, a ndza a ɗa gaɗaɗaŋ. » 9Yahuda aagi tsakənə a Tertulus, dəba aagi azlap, aagi iŋgaya: «A ɗa ma ndə a kagas ŋter veme.»
Pul a kaləm aha ha tə atama Filikus
10A diwzha ndə ala ma ndza aha hayak a zlapanə bəza, Pul iŋgaya: «Sa kasənə, hwa ana ma kazla guma ma ma ndza a hayak cini va aka, azha, ŋzliŋ a kadzaka a ghal ma naka səku. 11Hwa kula a gas a sənə abə ha kwa ana ma tə, tagwar a wan wam aha gbak abə sa gwar a Wərusalima a həmən Bizlaf səku. 12Azha, kwa a jak kwakus, kwa a jak ta tarha Yahuda aagi, aka səku, a hayak ma dzamadzam, kwa ala tagəraka, ni kadza səbakw abə ala akas, aka səku, sa kahəɗəw həji aagi. 13Ma ndə həji watsə aagi katək anawatsə, aa kaɗa kula ghal səku. 14Tsakwa ana səkən ndə sa kasənə: sa ɗalanə zlən a Bizlaf ataa jiji takwa aagi abə təf Bay Madagal. Ataa aŋta, aa gəraka andza ala ma ghal təf ta fəcak həji aagi, ama sa ɗal awa aska ma ma ŋtir aka a ɗerewal ataa ma ma garagar aagi, abə ataa həji ma ɗaf ma ndə aa zlimazə ara Bizlaf. 15Səkən ndə sa kadeŋ ka gwara ara Bizlaf. Həji ma katək ma ata sa aagi aa kasən səkən watsa, Bizlaf a agarazə həji ma dəlili ma bazl ta aagi a bəza a jiɓ abə həji ma gamak aagi. 16Sha ana ndə sa kaləm, sa tə yəm, sa kambəla ŋkwaɓ aska ma Bizlaf, zhana sa mbəla ŋkwaɓ atama həji aagi. 17A diwzha va dagala, sa tazhinha a Wərusalima a daatana dala a həji naka aagi, zhana abə səkən ta vəla a Bizlaf. A tsutsa abə jak kwakus abə aa gəraka. 18Azha a tsutsa abə aa gəraka a jak kwakus ndə sa kaɗal gwaygwaya ta ban dadawər, kwa həji aagi vərəm a diwzha naka akas, kwa piw akas. 19Ama Yahuda ma ndza a hayak Asiya ndiɓi aagi a tsutsa. Təmta ana ma kazhiva a ndaha atama kwa a təkaksa ma, andza aa tagəra səkən ma zhiva, aagi gulakaka a heɗe aka. 20Aka səku, tiɗa ndə aa jaɓaka ata guma ya, həji ma ndza a ɗi aagi tagəra səkən ndə sa ɗal ma gamak aka vəw? Andza a ndza sha, aa maghalə. 21Atama həji ma zla guma aagi, sa tadza wəla ata lagar a taba ta: “Sa kasənə Bizlaf a agarazə həji ma bazl ta aagi a bəza a jiɓ. Dawna ma watsə abə sa ndaha akacihwa ata guma atama kuni azha vəw?”»
22Filikus tazlima bəza katkadək ata zlap ataa Bay Madagal, iŋgaya: «Sa azla guma kuni watsə tiɗa ndə madagal ma ndza aha suji aagi Lisiyas a kaandaha,» iy. 23Zlap a zlapanə a ala ma ndza aha suji ndiɓi aagi aska a həbar Pul a jak yaka, ama ara a dzaw ka, ara a tak ŋgwanambə tə aagi aska aagi lamzə akas.
Pul a jak yaka
24Wan kajik a diwzha, Filikus taa tə abə wala tə Durusila, ma ɗa ndə Yahuda. Dəba aagi ayaha Pul, aa zlima Pul a kazlap ata ɗal awa ataa Yesu Kərist. 25Ama, ndə Pul a kaghalə avaŋgəy abə həji aa ndza dəlili atama Bizlaf, səw ma abə mbəla ŋkwaɓ aska ha kwa, abə ata guma ma kaandaha, azha ŋzliŋ tadza Filikus bəza, i Pul iŋgaya: «Anawatsə teete ana ma ma ndza akacihwa, ndə sa kaalima təf, sa kaayahu, » iy. 26Ala ma ndza aha hayak Filikus watsa a deŋ ka ya, Pul a avəlanə dala, sha ana ndə, a yə zhin vərəm aska aagi a zlap abə sha. 27A diwzha va gbak, Filikus tambaɗaya, Purikiyus Festus ana ma nda a ŋgas tə, ama ndə a kaɗiw a ɗa təwah ata nja Yahuda aagi, mbasl a mbasl Pul aka a jak yaka.
Currently Selected:
Zlən ataa həji ta zlən aagi 24: GOU
Highlight
Share
Copy
Want to have your highlights saved across all your devices? Sign up or sign in
Zlən ataa həji ta zlən aagi 24
24
Yahuda aagi tawəl Pul aka
1Wan dzaɓən a diwzha, madagal maɗal kwakus Ananiyas taa tə a hayak Kaysariya abə həji ma gulakwakw ma ndza a hayak aagi abə Tertulus, ala ma sən ma ma garagar. Dəba aagi awəl Pul aka ara ala ma ndza aha hayak. 2Dəba aagi azlapanə a Pul a ndaha. Tertulus dəba a atəkakənə ma abə ma watsə, iŋgaya: «Ala ma dagal Filikus, ni ndza ŋter abə təwah, dawna hwa abə la ndza a mbaɗ tə ndə hwa gar ka dawna həji takwa aagi. 3Kala pish kwa a vatəy, ala ma dagal Filikus, ni kalima təwah, azha, ni kaɗalahu wasiy dagala. 4Ama, sa kaakərəŋahu ka a guɗaŋ səku. Dawna sha abə sa kaɗiwahu abə təwah, aska hwa tehzə ma cini kajik ikwa. 5Ni tagəra ala watsə, a ɗa ala ma gamak a hayak. A kahəɗəw Yahuda ma ndza a manahayak aagi tiwtiw, sha ana ma ndza aha həji ma kafəcak həji aagi a Nasaratu. 6Tatəlzə a ɗal səkən ndiɓi aagi, ghal tə ci, tagəy jak kwakus takwa ka, azha vərəs ni mbələ bəza. [7] 8Hwa kula abə ha kwa, a ɗiwzə, hwa kaagəra tək ma cini ma ndza a heɗe, a ndza a ɗa gaɗaɗaŋ. » 9Yahuda aagi tsakənə a Tertulus, dəba aagi azlap, aagi iŋgaya: «A ɗa ma ndə a kagas ŋter veme.»
Pul a kaləm aha ha tə atama Filikus
10A diwzha ndə ala ma ndza aha hayak a zlapanə bəza, Pul iŋgaya: «Sa kasənə, hwa ana ma kazla guma ma ma ndza a hayak cini va aka, azha, ŋzliŋ a kadzaka a ghal ma naka səku. 11Hwa kula a gas a sənə abə ha kwa ana ma tə, tagwar a wan wam aha gbak abə sa gwar a Wərusalima a həmən Bizlaf səku. 12Azha, kwa a jak kwakus, kwa a jak ta tarha Yahuda aagi, aka səku, a hayak ma dzamadzam, kwa ala tagəraka, ni kadza səbakw abə ala akas, aka səku, sa kahəɗəw həji aagi. 13Ma ndə həji watsə aagi katək anawatsə, aa kaɗa kula ghal səku. 14Tsakwa ana səkən ndə sa kasənə: sa ɗalanə zlən a Bizlaf ataa jiji takwa aagi abə təf Bay Madagal. Ataa aŋta, aa gəraka andza ala ma ghal təf ta fəcak həji aagi, ama sa ɗal awa aska ma ma ŋtir aka a ɗerewal ataa ma ma garagar aagi, abə ataa həji ma ɗaf ma ndə aa zlimazə ara Bizlaf. 15Səkən ndə sa kadeŋ ka gwara ara Bizlaf. Həji ma katək ma ata sa aagi aa kasən səkən watsa, Bizlaf a agarazə həji ma dəlili ma bazl ta aagi a bəza a jiɓ abə həji ma gamak aagi. 16Sha ana ndə sa kaləm, sa tə yəm, sa kambəla ŋkwaɓ aska ma Bizlaf, zhana sa mbəla ŋkwaɓ atama həji aagi. 17A diwzha va dagala, sa tazhinha a Wərusalima a daatana dala a həji naka aagi, zhana abə səkən ta vəla a Bizlaf. A tsutsa abə jak kwakus abə aa gəraka. 18Azha a tsutsa abə aa gəraka a jak kwakus ndə sa kaɗal gwaygwaya ta ban dadawər, kwa həji aagi vərəm a diwzha naka akas, kwa piw akas. 19Ama Yahuda ma ndza a hayak Asiya ndiɓi aagi a tsutsa. Təmta ana ma kazhiva a ndaha atama kwa a təkaksa ma, andza aa tagəra səkən ma zhiva, aagi gulakaka a heɗe aka. 20Aka səku, tiɗa ndə aa jaɓaka ata guma ya, həji ma ndza a ɗi aagi tagəra səkən ndə sa ɗal ma gamak aka vəw? Andza a ndza sha, aa maghalə. 21Atama həji ma zla guma aagi, sa tadza wəla ata lagar a taba ta: “Sa kasənə Bizlaf a agarazə həji ma bazl ta aagi a bəza a jiɓ. Dawna ma watsə abə sa ndaha akacihwa ata guma atama kuni azha vəw?”»
22Filikus tazlima bəza katkadək ata zlap ataa Bay Madagal, iŋgaya: «Sa azla guma kuni watsə tiɗa ndə madagal ma ndza aha suji aagi Lisiyas a kaandaha,» iy. 23Zlap a zlapanə a ala ma ndza aha suji ndiɓi aagi aska a həbar Pul a jak yaka, ama ara a dzaw ka, ara a tak ŋgwanambə tə aagi aska aagi lamzə akas.
Pul a jak yaka
24Wan kajik a diwzha, Filikus taa tə abə wala tə Durusila, ma ɗa ndə Yahuda. Dəba aagi ayaha Pul, aa zlima Pul a kazlap ata ɗal awa ataa Yesu Kərist. 25Ama, ndə Pul a kaghalə avaŋgəy abə həji aa ndza dəlili atama Bizlaf, səw ma abə mbəla ŋkwaɓ aska ha kwa, abə ata guma ma kaandaha, azha ŋzliŋ tadza Filikus bəza, i Pul iŋgaya: «Anawatsə teete ana ma ma ndza akacihwa, ndə sa kaalima təf, sa kaayahu, » iy. 26Ala ma ndza aha hayak Filikus watsa a deŋ ka ya, Pul a avəlanə dala, sha ana ndə, a yə zhin vərəm aska aagi a zlap abə sha. 27A diwzha va gbak, Filikus tambaɗaya, Purikiyus Festus ana ma nda a ŋgas tə, ama ndə a kaɗiw a ɗa təwah ata nja Yahuda aagi, mbasl a mbasl Pul aka a jak yaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in