Rawma ege 7
7
Ma maŋkanaŋkan ca, mbəy ɓarɓar ata heje, askwaw
1Zlana ege, hune kasan ma maa sa kaɗaw ŋ zlapahune, mavəday hune kasan ma maŋkanaŋkan. Maŋkanaŋkan mbəy a ɓarɓar ata ɗala ca, ata vah maa mbəy a nje. 2Ana wala maa káɗa wala aza, ma maŋkanaŋkan kájaw ka asa mawal anta ata vah maa mbəy a nje. Cemey, mada mawal anta kámac anta ca, wala wese képeleye aza ŋ ma maŋkanaŋkan ma jaw ka asa mawal anta wese. 3Cemey, mada wala wese, a ɗa wala asa mawal matakan ata vah maa mawal anta mbəy a nje ca, heje nayaɓa, a wala ma kaŋta kusam a bəza. Mada mawal anta kámac anta ca, mbəy kula ŋ ɗa wala asa mawal matakan, mavəday wala wese képeleye aza ŋ ma maŋkanaŋkan. A təwse ca, ara wala ma kaŋta kusam a bəza, səkwaw. 4Zlana ege, hune nja ana mbe yam. Hune kámac ŋkune a Almasəyhu. Mavəday anta, hune kéɓez ŋkune a ma maŋkanaŋkan. Ana ebe ŋghe, hune hejəye mala ɗala matakan ege. Ɗala matakan anta ca, ara ɗala ma gwarzamha aza ata lamac, ndar heje lene zlan ma taŋtaŋ ŋ Gazlavay. 5A nuna anta, maa heje kala səkan ege ana maa ledeŋ ŋkwaɓ ŋtakwaw, a kaɗaw ca, ma maŋkanaŋkan a kabaɗza kusam ŋtakwaw, ŋ la səkan ma kadak, səkwaw ege. Səkan anta ege ca, əy kadaheje lamac. 6Heje kéɓez ŋtakwaw, a ma maŋkanaŋkan, ma mbalaheje aka ana daŋgay ege wese. Cemey, na ŋgha ca, heje képeleye aza ŋ ma maŋkanaŋkan. Heje kula ŋ lene zlan aza ŋ Gazlavay ta ŋ taf mewe maa Zəwet a ghwalzaheje. Heje kanalakwaw, zlan a taf ma a nuna anta maa heje kewenzene ha aka ŋ ma maŋkanaŋkan zeney, askwaw.
Zlan ma maŋkanaŋkan
7Heje nazlap vaŋgay? Ma maŋkanaŋkan ca, ara gay vaw? Njenjəwen ca, kaw, askwaw! Cemey, ma maŋkanaŋkan kéghwelzekey, ŋ san gay, aza. Ana ebe ŋghe, mada kəɗe ma maŋkanaŋkan kázlap, a ŋgaya: «Hwa ɗaw ŋ la nje səkwaw,» askwaw ca, sa kanasan la nje, ara gay ca, askwaw. 8Gay a lem taf ŋ la nje tewtew, ŋ sa ca, mavəday ma maŋkanaŋkan. Cemey, mada ma maŋkanaŋkan, askwaw ca, gay ca, ara səkan mamacamac. 9A nuna anta maa ma maŋkanaŋkan, askwaw ca, sa a nje. Cemey, maa ma maŋkanaŋkan a ndaha ca, gay káŋta lanja aza. 10A naka ca, sa kámac naka. Ma maŋkanaŋkan ma kenecekey, ŋ lem lanja ma tuwah wese, a cekey ca, ma ata lamac. 11Cemey, gay kélem taf aza, a beɗzekey ta ŋ ma maŋkanaŋkan, aya, ana ebe ŋghe, jekey, aza ta a mbe. 12Ana ebe ŋghe, ma maŋkanaŋkan ca, a keweɗ, ma ma ŋma yam ca, a keweɗ, a heɗe a heɗe, mbəy tuwah.
13Mada ana ebe ŋghe ca, səkan ma tuwah ca, kula ŋ dekey mac aza vaw? Njenjəwen ca, kaw, askwaw. Cemey, ara gay ma dekey mac anta, kála səkan ma tuwah ŋghe ŋ jekey aza. Ana ebe ŋghe, mavəday ma maŋkanaŋkan wese ca, gay a kaghwalaza dadawar anta mambaza.
Gay ca, a kaŋgwav ɗala
14Ayaw, heje kasanakwaw, ma maŋkanaŋkan ca, a ndaha ka ara Zəwet Gazlavay. Cemey, sa ca, sa ɗala ŋkulaf bəse, gay késəkemekey aza, sa mava anta. 15Njenjəwen, sa kasan səkan maa sa kala səkwaw. Səkan maa sa kaɗawaw ca, sa kalaw, askwaw, cemey, səkan maa sa kaɗaw səkwaw ca, sa kalaw. 16Cemey, mada sa kala səkan maa sa kaɗaw səkwaw ca, wese ca, sa kálamza ma maŋkanaŋkan aza, sa kasanaw, mbəy tuwah. 17Mada ana ebe ŋghe ca, ara sa ma kala səkan anta, səkwaw, ara gay ma ŋ kusam naka ma kalaw. 18Ayaw, sa kasanaw, taŋtaŋ ŋ kusam naka ca, askwaw, ana zlap ca, sa ɗala ŋkulaf bəse. Sa kaɗaw ŋ la səkan ma tuwah, cemey, sa kula ŋ la səkwaw. 19Ana ebe ŋghe, taŋtaŋ maa sa kaɗawaw ca, sa kalaw, askwaw. Dadawar maa sa kaɗaw, səkwaw ca, sa la ca, mbe. 20Cemey, mada sa la səkan maa sa kaɗaw səkwaw ca, ara sa ma kala səkwaw. Ara gay ma ŋ kusam naka ma kalaw. 21Ana ebe ŋghe, sa kéndewzene aza ŋ ma maŋkanaŋkan ŋghe. Mada sa ɗaw ŋ la taŋtaŋ ca, ara dadawar, ma kala a ule taŋtaŋ anta. 22Uza ŋ unaf naka ca, ma maŋkanaŋkan mala Gazlavay a kendəremzekey. 23Cemey, ŋ kusam naka ca, sa ndew ata ma maŋkanaŋkan wende, a kaɗa gham a ma maŋkanaŋkan maa ŋkwaɓ naka a kedeŋza a heɗe. Ma maŋkanaŋkan anta kébewzekey aza ŋ mava mala ma maŋkanaŋkan mala gay ma ŋ kusam naka. 24Sa ca, sa ɗala ma kaŋgwav! Ma kenerehekey aza ŋ kusam ma kejeɓzekey, ata lamac ŋghe ca, vayay? 25Ŋ həmanzakwaw Gazlavay ta ŋ Yesu Almasəyhu, Bay Madakal ŋtakwaw!
Ana ebe ŋghe, ŋ ŋkwaɓ naka ca, sa kálamza ma maŋkanaŋkan mala Gazlavay aza, cemey, ŋ ŋkulaf kusam naka ca, sa wenzene ha aka ca, ŋ ma maŋkanaŋkan mala gay.
Currently Selected:
Rawma ege 7: BHS
Highlight
Share
Copy
Want to have your highlights saved across all your devices? Sign up or sign in
© 2025 CABTAL
Rawma ege 7
7
Ma maŋkanaŋkan ca, mbəy ɓarɓar ata heje, askwaw
1Zlana ege, hune kasan ma maa sa kaɗaw ŋ zlapahune, mavəday hune kasan ma maŋkanaŋkan. Maŋkanaŋkan mbəy a ɓarɓar ata ɗala ca, ata vah maa mbəy a nje. 2Ana wala maa káɗa wala aza, ma maŋkanaŋkan kájaw ka asa mawal anta ata vah maa mbəy a nje. Cemey, mada mawal anta kámac anta ca, wala wese képeleye aza ŋ ma maŋkanaŋkan ma jaw ka asa mawal anta wese. 3Cemey, mada wala wese, a ɗa wala asa mawal matakan ata vah maa mawal anta mbəy a nje ca, heje nayaɓa, a wala ma kaŋta kusam a bəza. Mada mawal anta kámac anta ca, mbəy kula ŋ ɗa wala asa mawal matakan, mavəday wala wese képeleye aza ŋ ma maŋkanaŋkan. A təwse ca, ara wala ma kaŋta kusam a bəza, səkwaw. 4Zlana ege, hune nja ana mbe yam. Hune kámac ŋkune a Almasəyhu. Mavəday anta, hune kéɓez ŋkune a ma maŋkanaŋkan. Ana ebe ŋghe, hune hejəye mala ɗala matakan ege. Ɗala matakan anta ca, ara ɗala ma gwarzamha aza ata lamac, ndar heje lene zlan ma taŋtaŋ ŋ Gazlavay. 5A nuna anta, maa heje kala səkan ege ana maa ledeŋ ŋkwaɓ ŋtakwaw, a kaɗaw ca, ma maŋkanaŋkan a kabaɗza kusam ŋtakwaw, ŋ la səkan ma kadak, səkwaw ege. Səkan anta ege ca, əy kadaheje lamac. 6Heje kéɓez ŋtakwaw, a ma maŋkanaŋkan, ma mbalaheje aka ana daŋgay ege wese. Cemey, na ŋgha ca, heje képeleye aza ŋ ma maŋkanaŋkan. Heje kula ŋ lene zlan aza ŋ Gazlavay ta ŋ taf mewe maa Zəwet a ghwalzaheje. Heje kanalakwaw, zlan a taf ma a nuna anta maa heje kewenzene ha aka ŋ ma maŋkanaŋkan zeney, askwaw.
Zlan ma maŋkanaŋkan
7Heje nazlap vaŋgay? Ma maŋkanaŋkan ca, ara gay vaw? Njenjəwen ca, kaw, askwaw! Cemey, ma maŋkanaŋkan kéghwelzekey, ŋ san gay, aza. Ana ebe ŋghe, mada kəɗe ma maŋkanaŋkan kázlap, a ŋgaya: «Hwa ɗaw ŋ la nje səkwaw,» askwaw ca, sa kanasan la nje, ara gay ca, askwaw. 8Gay a lem taf ŋ la nje tewtew, ŋ sa ca, mavəday ma maŋkanaŋkan. Cemey, mada ma maŋkanaŋkan, askwaw ca, gay ca, ara səkan mamacamac. 9A nuna anta maa ma maŋkanaŋkan, askwaw ca, sa a nje. Cemey, maa ma maŋkanaŋkan a ndaha ca, gay káŋta lanja aza. 10A naka ca, sa kámac naka. Ma maŋkanaŋkan ma kenecekey, ŋ lem lanja ma tuwah wese, a cekey ca, ma ata lamac. 11Cemey, gay kélem taf aza, a beɗzekey ta ŋ ma maŋkanaŋkan, aya, ana ebe ŋghe, jekey, aza ta a mbe. 12Ana ebe ŋghe, ma maŋkanaŋkan ca, a keweɗ, ma ma ŋma yam ca, a keweɗ, a heɗe a heɗe, mbəy tuwah.
13Mada ana ebe ŋghe ca, səkan ma tuwah ca, kula ŋ dekey mac aza vaw? Njenjəwen ca, kaw, askwaw. Cemey, ara gay ma dekey mac anta, kála səkan ma tuwah ŋghe ŋ jekey aza. Ana ebe ŋghe, mavəday ma maŋkanaŋkan wese ca, gay a kaghwalaza dadawar anta mambaza.
Gay ca, a kaŋgwav ɗala
14Ayaw, heje kasanakwaw, ma maŋkanaŋkan ca, a ndaha ka ara Zəwet Gazlavay. Cemey, sa ca, sa ɗala ŋkulaf bəse, gay késəkemekey aza, sa mava anta. 15Njenjəwen, sa kasan səkan maa sa kala səkwaw. Səkan maa sa kaɗawaw ca, sa kalaw, askwaw, cemey, səkan maa sa kaɗaw səkwaw ca, sa kalaw. 16Cemey, mada sa kala səkan maa sa kaɗaw səkwaw ca, wese ca, sa kálamza ma maŋkanaŋkan aza, sa kasanaw, mbəy tuwah. 17Mada ana ebe ŋghe ca, ara sa ma kala səkan anta, səkwaw, ara gay ma ŋ kusam naka ma kalaw. 18Ayaw, sa kasanaw, taŋtaŋ ŋ kusam naka ca, askwaw, ana zlap ca, sa ɗala ŋkulaf bəse. Sa kaɗaw ŋ la səkan ma tuwah, cemey, sa kula ŋ la səkwaw. 19Ana ebe ŋghe, taŋtaŋ maa sa kaɗawaw ca, sa kalaw, askwaw. Dadawar maa sa kaɗaw, səkwaw ca, sa la ca, mbe. 20Cemey, mada sa la səkan maa sa kaɗaw səkwaw ca, ara sa ma kala səkwaw. Ara gay ma ŋ kusam naka ma kalaw. 21Ana ebe ŋghe, sa kéndewzene aza ŋ ma maŋkanaŋkan ŋghe. Mada sa ɗaw ŋ la taŋtaŋ ca, ara dadawar, ma kala a ule taŋtaŋ anta. 22Uza ŋ unaf naka ca, ma maŋkanaŋkan mala Gazlavay a kendəremzekey. 23Cemey, ŋ kusam naka ca, sa ndew ata ma maŋkanaŋkan wende, a kaɗa gham a ma maŋkanaŋkan maa ŋkwaɓ naka a kedeŋza a heɗe. Ma maŋkanaŋkan anta kébewzekey aza ŋ mava mala ma maŋkanaŋkan mala gay ma ŋ kusam naka. 24Sa ca, sa ɗala ma kaŋgwav! Ma kenerehekey aza ŋ kusam ma kejeɓzekey, ata lamac ŋghe ca, vayay? 25Ŋ həmanzakwaw Gazlavay ta ŋ Yesu Almasəyhu, Bay Madakal ŋtakwaw!
Ana ebe ŋghe, ŋ ŋkwaɓ naka ca, sa kálamza ma maŋkanaŋkan mala Gazlavay aza, cemey, ŋ ŋkulaf kusam naka ca, sa wenzene ha aka ca, ŋ ma maŋkanaŋkan mala gay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 CABTAL