Rawma ege 6
6
Lamac ey lanja mala Almasəyhu
1Ca, na ŋgha ca, heje nazlap, vaŋgay? Heje vas ŋ la gay, ndar taŋtaŋ Gazlavay a vas ŋ la pa ma day, vaw? 2Njenjəwen ca, kaw, askwaw! Heje kámac ŋtakwaw ŋ gay. Ca, heje nasan ŋ nja ŋ gay zeney ca, vaŋgay? 3Hune kasanaw, laban a yam baptəysma maa heje lem ca, kájavaheje aza a Yesu Almasəyhu. Ana zlap ca, heje kámac ŋtakwaw a mbe. 4Cemey, ta ŋ baptəysma maa heje lem wese ca, heje kémeceye a mbe, heje kémpeseye aza, a mbe. Cemey, ɓardakw Vana ŋtakwaw a gwarzamaza Almasəyhu aza ata lamac ca, ndar heje yam, heje nja a lanja mewe. 5Cemey, mada heje kájav ŋtakwaw a mbe ŋ lamac ana mala anta ca, heje nagwarzamha aza ata lamac ana mbe yam. 6Heje san ka kadak kadak, lanja ŋtakwaw ma zlezle ca, kámac anta a mbe ata mpe gafaŋgal. Aya, ndar gay ma ata heje wese a ŋtakw anta. Ana ebe ŋghe, heje mava mala gay zeney, səkwaw. 7Mavəday, mada ɗala kámac anta ca, gay kula a heɗe zeney, səkwaw. 8Cemey, mada heje kámac ŋtakwaw a Almasəyhu ca, heje kasanakwaw, heje nanja a mbe yam. 9Heje kasan njenjəwen, Almasəyhu ma gwarzamha aza ata lamac wese ca, a kanamac zeney, askwaw. Mac kula a heɗe zeney, səkwaw. 10Cemey, Almasəyhu a mac mavəday gay, ŋgas teŋguleŋ kaw vepey. Na ŋgha ca, mbəy a nje, lanja anta tewtew mala Gazlavay. 11A nja ana mbe, hune yam, hune san ka ca, hune kámac ŋkune mavəday gay, hune nja mala Gazlavay mavəday lajav ŋkune a Yesu Almasəyhu. 12Ana ebe ŋghe, gay a ɗaw ŋ zam bay ŋ kusam ŋkune ma kanamac zeney, askwaw, səkwaw. Hune ɗaw ŋ səbar səkan dadawar maa kusam ŋkune a kaɗaw, səkwaw. 13Hune ɗaw ŋ valza kusam ŋkune ka ŋ gay ndar a bawza kusam anta aza, ŋ səkan ma ata la zlan mala dadawar zeney, səkwaw. Cemey, hune valza kusam ŋkune ka ŋ lene zlan ŋ Gazlavay ana hejəye ma a nje ege ma gwarzamha aza ata lamac ege. Hune valza kusam ŋkune ka tewtew ana səkan ma ata la zlan ma taŋtaŋ. 14Cemey, gay ca, kula ata hune zeney, səkwaw, mavəday hune kasəbar ma maŋkanaŋkan zeney, askwaw, cemey, hune səbar ca, taŋtaŋ mala Gazlavay.
Lala zlan ma taŋtaŋ
15Ara ma maŋkanaŋkan ma kazam bay ata heje, səkwaw, cemey, ara taŋtaŋ mala Gazlavay ma kazam bay ata heje. Ca, heje navas la gay ca, mavəday anta vaw? Njenjəwen ca, kaw, askwaw. 16Hune kasan njenjəwen, mada hune kavalza ha ŋkune ege aza, ŋ lene zlan ŋ ɗala ana mava ŋ wenzene ha aka ca, hune mava mala heje maa hune kewenzene ha aka wese ege. Ana ebe ŋghe, mada hune mava ege mala gay ege ca, gay anta a nejeɓzahune ŋ mac, mada hune mava mala Gazlavay ege ca, Gazlavay a nabawzahune aza ŋ hejəye ma taŋtaŋ ege, mavəday hune kewenzene ha aka. 17Cemey, na ŋgha ca, ŋ həmanzakwaw Gazlavay! A nuna anta ca, hune mava mala gay ege, na ŋgha ca, hune kéwenzene ha aza a unaf ŋkune tewtew ŋ lasasərak maa hune lemaza tewtew ŋ la anta. 18Hune ca, hune képeleye aza ŋ gay, hune kábaw ŋkune ŋ mava mala taŋtaŋ ege. 19Sa zlapahune ana maa hejəye əy kazlap ata hune, mavəday hune hejəye ŋkulaf ege. A nuna anta ca, hune kávalza kusam ŋkune aza ana mava ege ŋ səkan ma kadak səkwaw ey səkan dadawar ŋ gwarzamha ma maa Gazlavay a kaɗaw, səkwaw. Ana mbe yam, na ŋgha ca, hune valza ha ŋkune ege ka tewtew ana mava ege ŋ la səkan ege a heɗe a heɗe, ndar hune nanja hune hejəye ma keweɗ ege. 20Ata vah maa hune mava mala gay ege wese ca, hune képeleye aza ata lala taŋtaŋ. 21Ayaw, səkan maa hune lem ara ata vah maa hune kala səkan ma kadak səkwaw wese ca, vemey? Na ŋgha, səkan anta a kalahune hawa, mavəday laŋtakw zlan anta ca, ara mac. 22Cemey, na ŋgha ca, hune képeleye aza ŋ gay, hune kábaw ŋkune ŋ mava mala Gazlavay ege, hune kelene zlan ma kendəremzene ŋ Gazlavay, mavəday anta, hune nelem lanja ma kaŋtakw səkwaw ara mbe. 23Ayaw, laŋtar mala gay ca, ara mac, cemey, səkan bəse maa Gazlavay a kavalza ca, ara lanja ma kaŋtakw, səkwaw, ŋ lajav a Yesu Almasəyhu, Bay Madakal ŋtakwaw.
Currently Selected:
Rawma ege 6: BHS
Highlight
Share
Copy
Want to have your highlights saved across all your devices? Sign up or sign in
© 2025 CABTAL
Rawma ege 6
6
Lamac ey lanja mala Almasəyhu
1Ca, na ŋgha ca, heje nazlap, vaŋgay? Heje vas ŋ la gay, ndar taŋtaŋ Gazlavay a vas ŋ la pa ma day, vaw? 2Njenjəwen ca, kaw, askwaw! Heje kámac ŋtakwaw ŋ gay. Ca, heje nasan ŋ nja ŋ gay zeney ca, vaŋgay? 3Hune kasanaw, laban a yam baptəysma maa heje lem ca, kájavaheje aza a Yesu Almasəyhu. Ana zlap ca, heje kámac ŋtakwaw a mbe. 4Cemey, ta ŋ baptəysma maa heje lem wese ca, heje kémeceye a mbe, heje kémpeseye aza, a mbe. Cemey, ɓardakw Vana ŋtakwaw a gwarzamaza Almasəyhu aza ata lamac ca, ndar heje yam, heje nja a lanja mewe. 5Cemey, mada heje kájav ŋtakwaw a mbe ŋ lamac ana mala anta ca, heje nagwarzamha aza ata lamac ana mbe yam. 6Heje san ka kadak kadak, lanja ŋtakwaw ma zlezle ca, kámac anta a mbe ata mpe gafaŋgal. Aya, ndar gay ma ata heje wese a ŋtakw anta. Ana ebe ŋghe, heje mava mala gay zeney, səkwaw. 7Mavəday, mada ɗala kámac anta ca, gay kula a heɗe zeney, səkwaw. 8Cemey, mada heje kámac ŋtakwaw a Almasəyhu ca, heje kasanakwaw, heje nanja a mbe yam. 9Heje kasan njenjəwen, Almasəyhu ma gwarzamha aza ata lamac wese ca, a kanamac zeney, askwaw. Mac kula a heɗe zeney, səkwaw. 10Cemey, Almasəyhu a mac mavəday gay, ŋgas teŋguleŋ kaw vepey. Na ŋgha ca, mbəy a nje, lanja anta tewtew mala Gazlavay. 11A nja ana mbe, hune yam, hune san ka ca, hune kámac ŋkune mavəday gay, hune nja mala Gazlavay mavəday lajav ŋkune a Yesu Almasəyhu. 12Ana ebe ŋghe, gay a ɗaw ŋ zam bay ŋ kusam ŋkune ma kanamac zeney, askwaw, səkwaw. Hune ɗaw ŋ səbar səkan dadawar maa kusam ŋkune a kaɗaw, səkwaw. 13Hune ɗaw ŋ valza kusam ŋkune ka ŋ gay ndar a bawza kusam anta aza, ŋ səkan ma ata la zlan mala dadawar zeney, səkwaw. Cemey, hune valza kusam ŋkune ka ŋ lene zlan ŋ Gazlavay ana hejəye ma a nje ege ma gwarzamha aza ata lamac ege. Hune valza kusam ŋkune ka tewtew ana səkan ma ata la zlan ma taŋtaŋ. 14Cemey, gay ca, kula ata hune zeney, səkwaw, mavəday hune kasəbar ma maŋkanaŋkan zeney, askwaw, cemey, hune səbar ca, taŋtaŋ mala Gazlavay.
Lala zlan ma taŋtaŋ
15Ara ma maŋkanaŋkan ma kazam bay ata heje, səkwaw, cemey, ara taŋtaŋ mala Gazlavay ma kazam bay ata heje. Ca, heje navas la gay ca, mavəday anta vaw? Njenjəwen ca, kaw, askwaw. 16Hune kasan njenjəwen, mada hune kavalza ha ŋkune ege aza, ŋ lene zlan ŋ ɗala ana mava ŋ wenzene ha aka ca, hune mava mala heje maa hune kewenzene ha aka wese ege. Ana ebe ŋghe, mada hune mava ege mala gay ege ca, gay anta a nejeɓzahune ŋ mac, mada hune mava mala Gazlavay ege ca, Gazlavay a nabawzahune aza ŋ hejəye ma taŋtaŋ ege, mavəday hune kewenzene ha aka. 17Cemey, na ŋgha ca, ŋ həmanzakwaw Gazlavay! A nuna anta ca, hune mava mala gay ege, na ŋgha ca, hune kéwenzene ha aza a unaf ŋkune tewtew ŋ lasasərak maa hune lemaza tewtew ŋ la anta. 18Hune ca, hune képeleye aza ŋ gay, hune kábaw ŋkune ŋ mava mala taŋtaŋ ege. 19Sa zlapahune ana maa hejəye əy kazlap ata hune, mavəday hune hejəye ŋkulaf ege. A nuna anta ca, hune kávalza kusam ŋkune aza ana mava ege ŋ səkan ma kadak səkwaw ey səkan dadawar ŋ gwarzamha ma maa Gazlavay a kaɗaw, səkwaw. Ana mbe yam, na ŋgha ca, hune valza ha ŋkune ege ka tewtew ana mava ege ŋ la səkan ege a heɗe a heɗe, ndar hune nanja hune hejəye ma keweɗ ege. 20Ata vah maa hune mava mala gay ege wese ca, hune képeleye aza ata lala taŋtaŋ. 21Ayaw, səkan maa hune lem ara ata vah maa hune kala səkan ma kadak səkwaw wese ca, vemey? Na ŋgha, səkan anta a kalahune hawa, mavəday laŋtakw zlan anta ca, ara mac. 22Cemey, na ŋgha ca, hune képeleye aza ŋ gay, hune kábaw ŋkune ŋ mava mala Gazlavay ege, hune kelene zlan ma kendəremzene ŋ Gazlavay, mavəday anta, hune nelem lanja ma kaŋtakw səkwaw ara mbe. 23Ayaw, laŋtar mala gay ca, ara mac, cemey, səkan bəse maa Gazlavay a kavalza ca, ara lanja ma kaŋtakw, səkwaw, ŋ lajav a Yesu Almasəyhu, Bay Madakal ŋtakwaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 CABTAL