Rawma ege 8
8
Lereh a Zəwet mala Gazlavay
1Na ŋgha eze ca, kaw guma a kanambalata hejəye ma kéjeveye ŋ Yesu Almasəyhu ege, askwaw. 2Cemey, ma maŋkanaŋkan mala Zəwet ma kaval lanja ŋ Yesu Almasəyhu képelzekey aza ata ma maŋkanaŋkan mala gay ey mala lamac. 3Zlan maa ma maŋkanaŋkan mala Musa kula ŋ la səkwaw, mavəday, ŋkulaf kusam wese ca, Gazlavay kála aza. Gazlavay a laɓaza Mba anta, kusam anta ana kusam ŋtakwaw heje hejəye ma la gay ege ca, ŋ palaheje aza ŋ gay ŋtakwaw ege. Ana ebe ŋghe, Gazlavay kéghem gay ma ŋ kusam hejəye aza. 4A laha ana ebe ŋghe ca, ndar taŋtaŋ mala ma maŋkanaŋkan a la ŋ heje, heje hejəye ma kala səkan ege ana maa kusam ŋtakwaw ege, əy kaɗawata, səkwaw, cemey, heje lakwaw səkan ege ana maa Zəwet ma keweɗ, a kaɗawaw. 5Cemey, hejəye ma kala səkan ege ana maa kusam tata ege, əy kaɗawata ca, əy valza ha tata ege aka ca, ŋ səkan ege maa kusam tata ege, əy kaɗawata. Hejəye ma kasəbar Zəwet ma keweɗ ege ca, əy wenzene ha aka ca, ŋ səkan ege maa Zəwet ma keweɗ a kaɗawata. 6Mada ɗala a kasəbar ŋ la səkan ana maa kusam anta a kaɗaw ca, heje anta a namac. Cemey, mada ɗala a kasəbar ŋ la səkan ana maa Zəwet ma keweɗ, a kaɗaw ca, heje anta a nelem lanja ey zəhay. 7Hejəye ma kasəbar ŋ la səkan ege ana maa kusam tata ege, əy kaɗawata ca, ara tata hejəye ma kaŋgəlay nje a Gazlavay ege, səkwaw. Əy kewenzene ha aka ŋ ma maŋkanaŋkan mala Gazlavay, səkwaw, kaw əy kanala kula, səkwaw. 8Hejəye ma kasəbar ŋ la səkan ege ana maa kusam tata ege, əy kaɗawata ca, əy kanala kula ŋ ndəremzene ŋ Gazlavay, səkwaw. 9Cemey, hune ca, hune hejəye ma kala səkan ege ana maa kusam ŋkune ege, əy kaɗawata, səkwaw, cemey, hune kalata səkan ege ana maa Zəwet a kaɗawaw, mavəday Zəwet Gazlavay mbəy ŋ hune. Ɗala maa Zəwet Almasəyhu mbəy a mbe askwaw ca, ara ɗala mala Almasəyhu, səkwaw. 10Cemey, Almasəyhu mbəy a hune. Njenjəwen, kusam ŋkune ege, əy namac tata, mavəday gay, cemey, Zəwet ma keweɗ a navalahune lanja, mavəday kábawzahune aza, ŋ hejəye ma taŋtaŋ ege. 11Mada Zəwet mala Gazlavay ma gwarzamha aza Yesu aza ata lamac, mbəy a hune ca, Gazlavay ma gwarzamha aza Yesu Almasəyhu aza ata lamac, a neveletene lanja ŋ kusam ŋkune ege, ma mac tata wese, ta ŋ Zəwet anta ma ŋ hune.
12Zlana ege, mavəday anta, səy heje njakwaw, ana maa Zəwet Gazlavay a kaɗawaw, səkwaw ca, heje ɗaw ŋ njakwaw, ana maa kusam ŋtakwaw ege, əy kaɗawata, səkwaw. 13Mada hune nja ana maa kusam ŋkune ege, əy kaɗawata ca, hune namac. Cemey, mada Zəwet ma keweɗ, a kacakzahune ŋ jata səkan ege ma ŋ kusam ŋkune ege əy kaɗawata tewtew aza ca, hune nelem lanja. 14Cemey, hejəye tewtew maa Zəwet mala Gazlavay a kecetene ma ege ca, ara uzəye mala Gazlavay ege. 15Zəwet maa hune lem ca, ara Zəwet ma kabawzahune aza ŋ mava ege leŋ ŋ hejəye ma kalalak ege zeney səkwaw, cemey, ara Zəwet ma kabawzahune aza ŋ uzəye mala Gazlavay ege. Zəwet anta kávalaheje taf aza, ŋ yaɓa Gazlavay: «Abba, Vana ŋtakwaw!» 16Zəwet Gazlavay a ha anta a kaghwalza njenjəwen, heje uzəye mala Gazlavay ege. 17Ayaw, heje ca, heje uzəye mala Gazlavay ege. Ana ebe ŋghe, heje nelem səkan maa a zlap, a neveletene ŋ hejəye anta ege wese yam. Heje nelem səkan a Almasəyhu. Mada heje kasakwaw, gef njenjəwen a Almasəyhu ca, heje nelem ɓardakw anta maa a lem yam.
Ɓardakw ma kanandaha
18Sa kedeŋza ca, gef ŋtakwaw ege ma na ŋgha, njenjəwen ca, əy kanahwas ŋ slaŋgal a ɓardakw maa Gazlavay a kanaghwalaheje, səkwaw. 19Səkan ege tewtew maa Gazlavay a bata, əy kaɗaw vah maa Gazlavay a kanaghwalaza ɓardakw mala uzəye anta ege wese ca, mandaha kəcaŋ. 20Səkan ege tewtew maa Gazlavay a bata, əy képeleye asa ra ɓarɓar ma bəse. Səkan anta ege, əy ma mayɓa, a ha tata səkwaw, cemey, ara Gazlavay ma cata asa ra ɓarɓar ma bəse anta. A mbe anta tewtew ca, kéveletene ledeŋ ŋkwaɓ ata səkan maa əy kenelemew. 21Səkan ege tewtew maa Gazlavay a bata, anta yam, Gazlavay a napalata aza, ŋ mava asa ra ɓarɓar ma bəse ma kagayzata wese, ndar, əy lem zəhay ey ɓardakw mala uzəye mala Gazlavay ege.
22Cemey, heje kasan ca, ha na ŋgha zeney, səkan ege tewtew maa Gazlavay a bata, əy kasa gef, əy kahan ana wala ma kusah. 23Ara səkan anta ege ma kasa gef ey ma kahan gagaha səkwaw, cemey, heje hejəye ma lem Zəwet ma keweɗ aza ege, ana səkan maa Gazlavay a valaheje bəse mampar yam, heje kahan ŋ unaf ŋtakwaw ege. Heje kahəbarakwaw, ndar Gazlavay a bawzaheje aza ŋ uzəye anta ege njenjəwen, a palaheje aza. 24Gazlavay kérehzaheje aza, cemey, lereh anta ca, ŋ ledeŋ ŋkwaɓ ata səkan maa heje kenelemekaw, ende ŋghe. Mada ɗala a kegəre səkan maa a kenelemew, aza ca, wese ca, ara ledeŋ ŋkwaɓ ata səkan maa a kenelem zeney, səkwaw. Səkan maa ɗala kégəre aza ca, a nezen ŋ deŋ ŋkwaɓ ŋ lem səkan anta zeney, vaw? 25Cemey, mada heje kedeŋza ŋ lem səkan maa heje kegəre, askwaw ca, wese ca, heje nahəbarakwaw, a lesew. 26Ana mbe yam, ana maa Zəwet Gazlavay a kacakzaheje, mavəday heje ɓarɓar ŋ lalam, askwaw. Heje kasan ŋ rak Gazlavay a heɗe a heɗe, səkwaw. Cemey, Zəwet ma keweɗ, a ha anta a karak Gazlavay mavəday, ŋtakwaw, a ka zezem ma kaw heje kula ŋ zlapaza ma anta səkwaw. 27Gazlavay ma kasan səkan ma ŋ unaf ɗala, a kasan səkan maa Zəwet ma keweɗ a kampamaw, mavəday Zəwet a karak Gazlavay ata hejəye anta ege ma tuwah ca, ana maa Gazlavay anta a kaɗawaw.
28Heje kasan ca, Gazlavay a kala səkan ege tewtew, ndar hejəye maa əy kaɗawaw ege, əy nja kadak. Hejəye anta ege ca, ara hejəye mayaya ege ana maa a deŋza ŋ law. 29Cemey, Gazlavay kásanata aza a nuna anta, kámayata aza, ndar əy nja ana Mba anta, ndar Mba anta yam a la anta ŋ gwenje mbaw, ŋ taba zlaŋgan ege vəram. 30Hejəye maa Gazlavay a mayata aza ege wese ca, káyata aza yam. Hejəye maa a yata aza ege wese yam, kábawzata aza ŋ hejəye ma taŋtaŋ ege. Hejəye maa a bawzata aza ŋ hejəye ma taŋtaŋ ege wese ca, kéveletene ɓardakw anta aza yam.
Laɗaw mala Gazlavay
31Na ŋgha ca, heje nazlap zeney ca, vaŋgay? Mada Gazlavay mbəy ara heje ca, ma kanala kula ŋ ɗa gham a heje vayay? 32Gazlavay kégeɓza Mba anta aka ŋ sa gef, kávalza aza ŋ mac mavəday ŋtakwaw tewtew. Ana ebe ŋghe ca, səkan maa a kanavalaheje aza tewtew, a Mba anta, səkwaw ca, vemey? 33Ma kula ŋ ŋkəɗawata hejəye maa Gazlavay a mayata aza ege ca, vayay? Mavəday, ara Gazlavay mbəy ma kabawzata aza ŋ hejəye ma taŋtaŋ ege. 34Ma kula ŋ ghemata a guma ca, vayay? Kaw ɗala, askwaw! Yesu Almasəyhu kámac anta, day zeney, kágwarzamha aza ata lamac, kénjeye ata ra zam mala Gazlavay, a karakaw, mavəday ŋtakwaw. 35Ana ebe ŋghe ca, ma kula ŋ ŋtezaheje aza, a laɗaw mala Almasəyhu vayay? Ŋgwav vaw, laslaɗ ha vaw, ŋgwesem vaw, metes vaw, metetekw vaw, lakuɗap vaw, askwaw ca, masalam vaw? 36Ana maa kéŋtereye, a ŋgaya:
«Əy kampam taf ŋ jeney, aza tewtew, ata pes ata pes, mavəday hwa,
əy serzeney ana ŋtəmek ma ata fat.»
37Cemey, ŋ səkan ŋghe anta ege tewtew ca, heje kándavzata aza mambaza ta ŋ ɗala maa káɗawaheje aza. 38Ayaw, sa kasan njenjəwen, səkan ma kanala kula aza ŋtezaheje a laɗaw anta ca, askwaw, kaw mac, kaw lanja, kaw malaɓ Gazlavay ege, kaw zaɓəla ege, kaw ma na ŋgha, kaw ma kanandaha, 39kaw ɓardakw ma mgba ata uzlaf, kaw ma ata hayak, kaw səkan vemey mababa, kaw səkan ma kanala kula aza ŋ ɓevzaheje ŋ laɗaw mala Gazlavay maa a ghwalaza ŋ Yesu Almasəyhu, Bay Madakal ŋtakwaw ca, askwaw.
Currently Selected:
Rawma ege 8: BHS
Highlight
Share
Copy
Want to have your highlights saved across all your devices? Sign up or sign in
© 2025 CABTAL
Rawma ege 8
8
Lereh a Zəwet mala Gazlavay
1Na ŋgha eze ca, kaw guma a kanambalata hejəye ma kéjeveye ŋ Yesu Almasəyhu ege, askwaw. 2Cemey, ma maŋkanaŋkan mala Zəwet ma kaval lanja ŋ Yesu Almasəyhu képelzekey aza ata ma maŋkanaŋkan mala gay ey mala lamac. 3Zlan maa ma maŋkanaŋkan mala Musa kula ŋ la səkwaw, mavəday, ŋkulaf kusam wese ca, Gazlavay kála aza. Gazlavay a laɓaza Mba anta, kusam anta ana kusam ŋtakwaw heje hejəye ma la gay ege ca, ŋ palaheje aza ŋ gay ŋtakwaw ege. Ana ebe ŋghe, Gazlavay kéghem gay ma ŋ kusam hejəye aza. 4A laha ana ebe ŋghe ca, ndar taŋtaŋ mala ma maŋkanaŋkan a la ŋ heje, heje hejəye ma kala səkan ege ana maa kusam ŋtakwaw ege, əy kaɗawata, səkwaw, cemey, heje lakwaw səkan ege ana maa Zəwet ma keweɗ, a kaɗawaw. 5Cemey, hejəye ma kala səkan ege ana maa kusam tata ege, əy kaɗawata ca, əy valza ha tata ege aka ca, ŋ səkan ege maa kusam tata ege, əy kaɗawata. Hejəye ma kasəbar Zəwet ma keweɗ ege ca, əy wenzene ha aka ca, ŋ səkan ege maa Zəwet ma keweɗ a kaɗawata. 6Mada ɗala a kasəbar ŋ la səkan ana maa kusam anta a kaɗaw ca, heje anta a namac. Cemey, mada ɗala a kasəbar ŋ la səkan ana maa Zəwet ma keweɗ, a kaɗaw ca, heje anta a nelem lanja ey zəhay. 7Hejəye ma kasəbar ŋ la səkan ege ana maa kusam tata ege, əy kaɗawata ca, ara tata hejəye ma kaŋgəlay nje a Gazlavay ege, səkwaw. Əy kewenzene ha aka ŋ ma maŋkanaŋkan mala Gazlavay, səkwaw, kaw əy kanala kula, səkwaw. 8Hejəye ma kasəbar ŋ la səkan ege ana maa kusam tata ege, əy kaɗawata ca, əy kanala kula ŋ ndəremzene ŋ Gazlavay, səkwaw. 9Cemey, hune ca, hune hejəye ma kala səkan ege ana maa kusam ŋkune ege, əy kaɗawata, səkwaw, cemey, hune kalata səkan ege ana maa Zəwet a kaɗawaw, mavəday Zəwet Gazlavay mbəy ŋ hune. Ɗala maa Zəwet Almasəyhu mbəy a mbe askwaw ca, ara ɗala mala Almasəyhu, səkwaw. 10Cemey, Almasəyhu mbəy a hune. Njenjəwen, kusam ŋkune ege, əy namac tata, mavəday gay, cemey, Zəwet ma keweɗ a navalahune lanja, mavəday kábawzahune aza, ŋ hejəye ma taŋtaŋ ege. 11Mada Zəwet mala Gazlavay ma gwarzamha aza Yesu aza ata lamac, mbəy a hune ca, Gazlavay ma gwarzamha aza Yesu Almasəyhu aza ata lamac, a neveletene lanja ŋ kusam ŋkune ege, ma mac tata wese, ta ŋ Zəwet anta ma ŋ hune.
12Zlana ege, mavəday anta, səy heje njakwaw, ana maa Zəwet Gazlavay a kaɗawaw, səkwaw ca, heje ɗaw ŋ njakwaw, ana maa kusam ŋtakwaw ege, əy kaɗawata, səkwaw. 13Mada hune nja ana maa kusam ŋkune ege, əy kaɗawata ca, hune namac. Cemey, mada Zəwet ma keweɗ, a kacakzahune ŋ jata səkan ege ma ŋ kusam ŋkune ege əy kaɗawata tewtew aza ca, hune nelem lanja. 14Cemey, hejəye tewtew maa Zəwet mala Gazlavay a kecetene ma ege ca, ara uzəye mala Gazlavay ege. 15Zəwet maa hune lem ca, ara Zəwet ma kabawzahune aza ŋ mava ege leŋ ŋ hejəye ma kalalak ege zeney səkwaw, cemey, ara Zəwet ma kabawzahune aza ŋ uzəye mala Gazlavay ege. Zəwet anta kávalaheje taf aza, ŋ yaɓa Gazlavay: «Abba, Vana ŋtakwaw!» 16Zəwet Gazlavay a ha anta a kaghwalza njenjəwen, heje uzəye mala Gazlavay ege. 17Ayaw, heje ca, heje uzəye mala Gazlavay ege. Ana ebe ŋghe, heje nelem səkan maa a zlap, a neveletene ŋ hejəye anta ege wese yam. Heje nelem səkan a Almasəyhu. Mada heje kasakwaw, gef njenjəwen a Almasəyhu ca, heje nelem ɓardakw anta maa a lem yam.
Ɓardakw ma kanandaha
18Sa kedeŋza ca, gef ŋtakwaw ege ma na ŋgha, njenjəwen ca, əy kanahwas ŋ slaŋgal a ɓardakw maa Gazlavay a kanaghwalaheje, səkwaw. 19Səkan ege tewtew maa Gazlavay a bata, əy kaɗaw vah maa Gazlavay a kanaghwalaza ɓardakw mala uzəye anta ege wese ca, mandaha kəcaŋ. 20Səkan ege tewtew maa Gazlavay a bata, əy képeleye asa ra ɓarɓar ma bəse. Səkan anta ege, əy ma mayɓa, a ha tata səkwaw, cemey, ara Gazlavay ma cata asa ra ɓarɓar ma bəse anta. A mbe anta tewtew ca, kéveletene ledeŋ ŋkwaɓ ata səkan maa əy kenelemew. 21Səkan ege tewtew maa Gazlavay a bata, anta yam, Gazlavay a napalata aza, ŋ mava asa ra ɓarɓar ma bəse ma kagayzata wese, ndar, əy lem zəhay ey ɓardakw mala uzəye mala Gazlavay ege.
22Cemey, heje kasan ca, ha na ŋgha zeney, səkan ege tewtew maa Gazlavay a bata, əy kasa gef, əy kahan ana wala ma kusah. 23Ara səkan anta ege ma kasa gef ey ma kahan gagaha səkwaw, cemey, heje hejəye ma lem Zəwet ma keweɗ aza ege, ana səkan maa Gazlavay a valaheje bəse mampar yam, heje kahan ŋ unaf ŋtakwaw ege. Heje kahəbarakwaw, ndar Gazlavay a bawzaheje aza ŋ uzəye anta ege njenjəwen, a palaheje aza. 24Gazlavay kérehzaheje aza, cemey, lereh anta ca, ŋ ledeŋ ŋkwaɓ ata səkan maa heje kenelemekaw, ende ŋghe. Mada ɗala a kegəre səkan maa a kenelemew, aza ca, wese ca, ara ledeŋ ŋkwaɓ ata səkan maa a kenelem zeney, səkwaw. Səkan maa ɗala kégəre aza ca, a nezen ŋ deŋ ŋkwaɓ ŋ lem səkan anta zeney, vaw? 25Cemey, mada heje kedeŋza ŋ lem səkan maa heje kegəre, askwaw ca, wese ca, heje nahəbarakwaw, a lesew. 26Ana mbe yam, ana maa Zəwet Gazlavay a kacakzaheje, mavəday heje ɓarɓar ŋ lalam, askwaw. Heje kasan ŋ rak Gazlavay a heɗe a heɗe, səkwaw. Cemey, Zəwet ma keweɗ, a ha anta a karak Gazlavay mavəday, ŋtakwaw, a ka zezem ma kaw heje kula ŋ zlapaza ma anta səkwaw. 27Gazlavay ma kasan səkan ma ŋ unaf ɗala, a kasan səkan maa Zəwet ma keweɗ a kampamaw, mavəday Zəwet a karak Gazlavay ata hejəye anta ege ma tuwah ca, ana maa Gazlavay anta a kaɗawaw.
28Heje kasan ca, Gazlavay a kala səkan ege tewtew, ndar hejəye maa əy kaɗawaw ege, əy nja kadak. Hejəye anta ege ca, ara hejəye mayaya ege ana maa a deŋza ŋ law. 29Cemey, Gazlavay kásanata aza a nuna anta, kámayata aza, ndar əy nja ana Mba anta, ndar Mba anta yam a la anta ŋ gwenje mbaw, ŋ taba zlaŋgan ege vəram. 30Hejəye maa Gazlavay a mayata aza ege wese ca, káyata aza yam. Hejəye maa a yata aza ege wese yam, kábawzata aza ŋ hejəye ma taŋtaŋ ege. Hejəye maa a bawzata aza ŋ hejəye ma taŋtaŋ ege wese ca, kéveletene ɓardakw anta aza yam.
Laɗaw mala Gazlavay
31Na ŋgha ca, heje nazlap zeney ca, vaŋgay? Mada Gazlavay mbəy ara heje ca, ma kanala kula ŋ ɗa gham a heje vayay? 32Gazlavay kégeɓza Mba anta aka ŋ sa gef, kávalza aza ŋ mac mavəday ŋtakwaw tewtew. Ana ebe ŋghe ca, səkan maa a kanavalaheje aza tewtew, a Mba anta, səkwaw ca, vemey? 33Ma kula ŋ ŋkəɗawata hejəye maa Gazlavay a mayata aza ege ca, vayay? Mavəday, ara Gazlavay mbəy ma kabawzata aza ŋ hejəye ma taŋtaŋ ege. 34Ma kula ŋ ghemata a guma ca, vayay? Kaw ɗala, askwaw! Yesu Almasəyhu kámac anta, day zeney, kágwarzamha aza ata lamac, kénjeye ata ra zam mala Gazlavay, a karakaw, mavəday ŋtakwaw. 35Ana ebe ŋghe ca, ma kula ŋ ŋtezaheje aza, a laɗaw mala Almasəyhu vayay? Ŋgwav vaw, laslaɗ ha vaw, ŋgwesem vaw, metes vaw, metetekw vaw, lakuɗap vaw, askwaw ca, masalam vaw? 36Ana maa kéŋtereye, a ŋgaya:
«Əy kampam taf ŋ jeney, aza tewtew, ata pes ata pes, mavəday hwa,
əy serzeney ana ŋtəmek ma ata fat.»
37Cemey, ŋ səkan ŋghe anta ege tewtew ca, heje kándavzata aza mambaza ta ŋ ɗala maa káɗawaheje aza. 38Ayaw, sa kasan njenjəwen, səkan ma kanala kula aza ŋtezaheje a laɗaw anta ca, askwaw, kaw mac, kaw lanja, kaw malaɓ Gazlavay ege, kaw zaɓəla ege, kaw ma na ŋgha, kaw ma kanandaha, 39kaw ɓardakw ma mgba ata uzlaf, kaw ma ata hayak, kaw səkan vemey mababa, kaw səkan ma kanala kula aza ŋ ɓevzaheje ŋ laɗaw mala Gazlavay maa a ghwalaza ŋ Yesu Almasəyhu, Bay Madakal ŋtakwaw ca, askwaw.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 CABTAL