Rawma ege 5
5
Gazlavay kájavaheje aza a mbe ta ŋ Yesu
1Ana ebe ŋghe, heje hejəye ma taŋtaŋ ege a tama Gazlavay mavəday lalam ŋtakwaw. Na ŋgha ca, heje ŋ zəhay a mbe mavəday Bay Madakal ŋtakwaw Yesu Almasəyhu. 2Ara Yesu ma valaheje taf ŋ lem taŋtaŋ mala Gazlavay ta ŋ lalam. Ana ebe ŋghe, heje ŋ taŋtaŋ anta kaw vepey. Heje kasasam dakala, mavəday heje káca ŋkwaɓ aka ŋ lem ɓardakw mala Gazlavay. 3Day zeney, kaw heje kasa gef ca, heje kasasam mavəday heje kasan ca, a nacakzaheje ŋ sew gef anta. 4Lesew gef ca, a kaval ɓarɓar ŋ nja tuwah, lanja tuwah yam a kaval ɓarɓar ŋ ca ŋkwaɓ aka, ata səkan ma ata lemew. 5Laca ŋkwaɓ aka ata səkan anta ca, a kalaheje hawa, askwaw, mavəday Gazlavay kávalaheje laɗaw anta aza mambaza ŋ unaf ŋtakwaw ege ta ŋ Zəwet ma keweɗ maa a valaheje.
6Njenjəwen, ata vah maa heje kála kula ŋ reha a ha ŋtakwaw ege kwagwa, səkwaw wese ca, Almasəyhu kámac anta ata vah maa Gazlavay a caw, mavəday hejəye ma la gay ege. 7Ɓarɓar ŋ ɗala ŋ lamza ŋ mac a uley ɗala ma taŋtaŋ. Ketegəre ɗala a lamza aza ŋ mac a uley ɗala ma kala səkan a heɗe a heɗe ka vaw. 8Cemey, Gazlavay, a ghwalzaheje a kaɗawaheje ca, ana ebe ŋghe. Almasəyhu kámac anta a uley ŋtakwaw, ata vah maa heje ma la gay ege ule kwagwa. 9Ayaw, na ŋgha ca, mbambaz mala Almasəyhu kábawzaheje aza ŋ hejəye ma taŋtaŋ ege, ana ebe ŋghe heje nereh ŋtakwaw ata laghwaɗ unaf mala Gazlavay ta ŋ mbe yam. 10Cemey, ata vah maa heje kaɗaw ŋ gəre Gazlavay ata nje, səkwaw wese ca, kájavaheje aza a mbe ta ŋ lamac Mba anta. Ca, na ŋgha maa kájavaheje aza ca, ana ebe ŋghe, heje kasan njenjəwen, Gazlavay a nerehzaheje aza ta ŋ lanja mala Mba anta yam. 11Ara ebe ŋghe tew səkwaw! Heje kasasam a tama Gazlavay, mavəday Bay Madakal ŋtakwaw Yesu Almasəyhu ma javaheje aza na ŋgha a Gazlavay.
Ata Adamu ey Yesu Almasəyhu
12Gay a ndaha ŋ manhayak ca, mavəday ɗala teŋguleŋ, zlam heje anta ca, Adamu. Gay anta a daha lamac. Ana ebe ŋghe hejəye tewtew, əy kámac tata, mavəday tata tewtew tata, əy kála gay. 13Mar Gazlavay a nevelene ma maŋkanaŋkan a Musa ca, gay anta mbəy ŋ manhayak tew. Cemey, Gazlavay a kaŋgaɗ gay mala hejəye, askwaw, mavəday ma maŋkanaŋkan kandaha kwagwa səkwaw. 14A mbe anta tewtew ca, mar aka ata Adamu ha hwas ata Musa ca, lamac a kazam bay ata tata. Kaw evele, əy kála gay, ana Adamu ma tehzene zlam ŋ Gazlavay, səkwaw wese, askwaw ca, əy kámac tata war. Adamu ca, ara meɗele ɗala ma kanandaha.
15Cemey, səkan maa Gazlavay a kanavalza bəse ta ŋ ɗala anta ca, parpar a gay maa Adamu a laza. Ayaw hejəye vəram, əy kámac tata mavəday gay mala ɗala teŋguleŋ. Cemey, taŋtaŋ maa Gazlavay a valza bəse wese ca, pa ma day mambaza. Ana ebe ŋghe Gazlavay a neveletene taŋtaŋ anta ŋ hejəye vəram mambaza, mavəday ɗala teŋguleŋ. Heje anta ca, ara Yesu Almasəyhu. 16Laval səkan maa Gazlavay a valza bəse wese ca, a nja ana mala gay maa ɗala teŋguleŋ a laza wese səkwaw. Ana ebe ŋghe, guma mala Gazlavay kéveletene ghem aza ŋ hejəye dakənak ege, mavəday gay mala ɗala teŋguleŋ. Hejəye əy kála gay ege vəram, cemey, Gazlavay kábawzata aza ŋ hejəye ma taŋtaŋ ege, mavəday səkan maa a valza bəse wese. 17Ayaw, mavəday ɗala teŋguleŋ, ata gay anta teŋguleŋ anta, lamac kázam bay aza ata hejəye tewtew. Ana ebe ŋghe, ta ŋ Yesu Almasəyhu teŋguleŋ anta yam, hejəye əy kélem taŋtaŋ mala Gazlavay aza, dakala mambaza. Hejəye melem taŋtaŋ mala Gazlavay aza ege leŋ səkan maa a valza mala bəse wese ca, əy nanja tuwah, əy nazam bay mavəday, Almasəyhu. 18Ana ebe ŋghe, gay ɗala teŋguleŋ kádaha guma ata hejəye tewtew. Ana mbe yam, hejəye tewtew əy lem taŋtaŋ ey lanja ma tuwah ca, mavəday zlan ma taŋtaŋ maa Yesu Almasəyhu, a la teŋguleŋ anta. 19Ana mbe yam, hejəye vəram əy kala gay mavəday ɗala teŋguleŋ maa kéwenzene ha aka ŋ Gazlavay, askwaw. Ana mbe yam, hejəye vəram əy kábaw tata ŋ hejəye ma taŋtaŋ ege, mavəday ɗala teŋguleŋ maa a wenzene ha aka ŋ Gazlavay. 20Ma maŋkanaŋkan kándaha aza, ndar gay a vas ŋ la. Cemey, maa gay a kavas ŋ la ca, taŋtaŋ Gazlavay, a kavas ŋ la pa ma day. 21Ana maa gay a zam bay ŋ jata hejəye aza, ana mbe yam, ɓarɓar mala taŋtaŋ a ghwalha ta ŋ Yesu Almasəyhu, Bay Madakal ŋtakwaw, mavəday anta, heje kála ŋtakwaw ŋ hejəye ma taŋtaŋ ege a tama Gazlavay leŋ heje kélem lanja ma kaŋtakw kaw vepey, aza.
Currently Selected:
Rawma ege 5: BHS
Highlight
Share
Copy
Want to have your highlights saved across all your devices? Sign up or sign in
© 2025 CABTAL
Rawma ege 5
5
Gazlavay kájavaheje aza a mbe ta ŋ Yesu
1Ana ebe ŋghe, heje hejəye ma taŋtaŋ ege a tama Gazlavay mavəday lalam ŋtakwaw. Na ŋgha ca, heje ŋ zəhay a mbe mavəday Bay Madakal ŋtakwaw Yesu Almasəyhu. 2Ara Yesu ma valaheje taf ŋ lem taŋtaŋ mala Gazlavay ta ŋ lalam. Ana ebe ŋghe, heje ŋ taŋtaŋ anta kaw vepey. Heje kasasam dakala, mavəday heje káca ŋkwaɓ aka ŋ lem ɓardakw mala Gazlavay. 3Day zeney, kaw heje kasa gef ca, heje kasasam mavəday heje kasan ca, a nacakzaheje ŋ sew gef anta. 4Lesew gef ca, a kaval ɓarɓar ŋ nja tuwah, lanja tuwah yam a kaval ɓarɓar ŋ ca ŋkwaɓ aka, ata səkan ma ata lemew. 5Laca ŋkwaɓ aka ata səkan anta ca, a kalaheje hawa, askwaw, mavəday Gazlavay kávalaheje laɗaw anta aza mambaza ŋ unaf ŋtakwaw ege ta ŋ Zəwet ma keweɗ maa a valaheje.
6Njenjəwen, ata vah maa heje kála kula ŋ reha a ha ŋtakwaw ege kwagwa, səkwaw wese ca, Almasəyhu kámac anta ata vah maa Gazlavay a caw, mavəday hejəye ma la gay ege. 7Ɓarɓar ŋ ɗala ŋ lamza ŋ mac a uley ɗala ma taŋtaŋ. Ketegəre ɗala a lamza aza ŋ mac a uley ɗala ma kala səkan a heɗe a heɗe ka vaw. 8Cemey, Gazlavay, a ghwalzaheje a kaɗawaheje ca, ana ebe ŋghe. Almasəyhu kámac anta a uley ŋtakwaw, ata vah maa heje ma la gay ege ule kwagwa. 9Ayaw, na ŋgha ca, mbambaz mala Almasəyhu kábawzaheje aza ŋ hejəye ma taŋtaŋ ege, ana ebe ŋghe heje nereh ŋtakwaw ata laghwaɗ unaf mala Gazlavay ta ŋ mbe yam. 10Cemey, ata vah maa heje kaɗaw ŋ gəre Gazlavay ata nje, səkwaw wese ca, kájavaheje aza a mbe ta ŋ lamac Mba anta. Ca, na ŋgha maa kájavaheje aza ca, ana ebe ŋghe, heje kasan njenjəwen, Gazlavay a nerehzaheje aza ta ŋ lanja mala Mba anta yam. 11Ara ebe ŋghe tew səkwaw! Heje kasasam a tama Gazlavay, mavəday Bay Madakal ŋtakwaw Yesu Almasəyhu ma javaheje aza na ŋgha a Gazlavay.
Ata Adamu ey Yesu Almasəyhu
12Gay a ndaha ŋ manhayak ca, mavəday ɗala teŋguleŋ, zlam heje anta ca, Adamu. Gay anta a daha lamac. Ana ebe ŋghe hejəye tewtew, əy kámac tata, mavəday tata tewtew tata, əy kála gay. 13Mar Gazlavay a nevelene ma maŋkanaŋkan a Musa ca, gay anta mbəy ŋ manhayak tew. Cemey, Gazlavay a kaŋgaɗ gay mala hejəye, askwaw, mavəday ma maŋkanaŋkan kandaha kwagwa səkwaw. 14A mbe anta tewtew ca, mar aka ata Adamu ha hwas ata Musa ca, lamac a kazam bay ata tata. Kaw evele, əy kála gay, ana Adamu ma tehzene zlam ŋ Gazlavay, səkwaw wese, askwaw ca, əy kámac tata war. Adamu ca, ara meɗele ɗala ma kanandaha.
15Cemey, səkan maa Gazlavay a kanavalza bəse ta ŋ ɗala anta ca, parpar a gay maa Adamu a laza. Ayaw hejəye vəram, əy kámac tata mavəday gay mala ɗala teŋguleŋ. Cemey, taŋtaŋ maa Gazlavay a valza bəse wese ca, pa ma day mambaza. Ana ebe ŋghe Gazlavay a neveletene taŋtaŋ anta ŋ hejəye vəram mambaza, mavəday ɗala teŋguleŋ. Heje anta ca, ara Yesu Almasəyhu. 16Laval səkan maa Gazlavay a valza bəse wese ca, a nja ana mala gay maa ɗala teŋguleŋ a laza wese səkwaw. Ana ebe ŋghe, guma mala Gazlavay kéveletene ghem aza ŋ hejəye dakənak ege, mavəday gay mala ɗala teŋguleŋ. Hejəye əy kála gay ege vəram, cemey, Gazlavay kábawzata aza ŋ hejəye ma taŋtaŋ ege, mavəday səkan maa a valza bəse wese. 17Ayaw, mavəday ɗala teŋguleŋ, ata gay anta teŋguleŋ anta, lamac kázam bay aza ata hejəye tewtew. Ana ebe ŋghe, ta ŋ Yesu Almasəyhu teŋguleŋ anta yam, hejəye əy kélem taŋtaŋ mala Gazlavay aza, dakala mambaza. Hejəye melem taŋtaŋ mala Gazlavay aza ege leŋ səkan maa a valza mala bəse wese ca, əy nanja tuwah, əy nazam bay mavəday, Almasəyhu. 18Ana ebe ŋghe, gay ɗala teŋguleŋ kádaha guma ata hejəye tewtew. Ana mbe yam, hejəye tewtew əy lem taŋtaŋ ey lanja ma tuwah ca, mavəday zlan ma taŋtaŋ maa Yesu Almasəyhu, a la teŋguleŋ anta. 19Ana mbe yam, hejəye vəram əy kala gay mavəday ɗala teŋguleŋ maa kéwenzene ha aka ŋ Gazlavay, askwaw. Ana mbe yam, hejəye vəram əy kábaw tata ŋ hejəye ma taŋtaŋ ege, mavəday ɗala teŋguleŋ maa a wenzene ha aka ŋ Gazlavay. 20Ma maŋkanaŋkan kándaha aza, ndar gay a vas ŋ la. Cemey, maa gay a kavas ŋ la ca, taŋtaŋ Gazlavay, a kavas ŋ la pa ma day. 21Ana maa gay a zam bay ŋ jata hejəye aza, ana mbe yam, ɓarɓar mala taŋtaŋ a ghwalha ta ŋ Yesu Almasəyhu, Bay Madakal ŋtakwaw, mavəday anta, heje kála ŋtakwaw ŋ hejəye ma taŋtaŋ ege a tama Gazlavay leŋ heje kélem lanja ma kaŋtakw kaw vepey, aza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2025 CABTAL