Filipenses Atipũ abiro tiro ojayoyu
Atipũ abiro tiro ojayoyu
Pablocã nirĩbʉrecorire Roma dotiropupea Macedonia ditapʉ nirĩmacã Filipo wãmecʉtirimacãrã nijorimacã niyuro. Timacãrã marĩcʉorore Grecia ditapʉre warucʉtiripanepe ãcũnuã macã sopepe pʉtʉa. Jesúre wedewõrĩbumacãrã Filipo macãrã Pablocã ĩcãrĩsiro Jesucristoye quetire wedecamesãrĩwatoamena ĩcʉ̃ ʉmʉcã cʉ̃rẽ Macedoniape waya ĩcorere queoro yʉwʉmʉãriguemena cʉ̃cã cʉ̃jãrẽ Jesúre wedewõrĩbumacãrã nirã eañerõcã tisocoyoria macã macãrã niyura Hch 16:6-40 wederora abiro. Timacã macãrãrã niriara niwã Pablocã to Europapʉre Jesucristore wedewõrĩbumacãrã nisocora nirã eañerõcã tisocoyoria macã macãrã.
Pablo atipũ Filipo macãrãrẽ ojacogʉ cʉmarĩ 50-60 watoarino niñerõcã ojagatiyi, cʉ̃cã peresupʉ nirĩbʉrecori watoarino niñerõcã (1:7, 13, 17). Buri cʉ̃cã peresu niria macãjorore ñurõjoro masĩñamani; Romape nirõ (Hch 28:16-31), o Cesareape nirõ (Hch 24:27), o Éfesope nirõ nigatiyu. Pablocã atipũpʉre wede ojacorere ĩñañerõcã Jesúre wedewõrã Filipo macãrãrẽ cʉ̃cã bʉtoro maĩgʉ̃ niriguere eño. Tairora Filipo macãrã Jesúre wedewõrãcã Pablore titamurẽ niyeru ticoriguemenarã cʉ̃jãcã cʉ̃rẽ maĩrã niriguere eño (Flp 4:10-18). Queorojoropʉare Filipensere cʉ̃cã ojacoriapũ cʉ̃jãcã Epafroditomena titamurẽ ticoriguere ʉseapeogʉ cʉ̃cã cʉ̃jãrẽ ojacoriapũ ña.
Pablocã Filipenses macãrãrẽ ojacoriapũ
Currently Selected:
Filipenses Atipũ abiro tiro ojayoyu: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.