Mateo 3
3
Juan wãmeõtiribasocʉcã buerigue
(Mc 1:1-8; Lc 3:1-9, 15-17; Jn 1:19-28)
1Tibʉrecorirena#3:1 Capítulo dopʉ nirẽrẽ wedeyoriasiro 28 cʉmarĩ cametʉariasiropʉ aticapítulo trere biriguere wedesocoyoyu. Juan wãmeõtiribasocʉ Judea dita yucʉ manirõpʉ#3:1 Atidita bʉtoro boposãrĩdita, ʉ̃tãperipiridita, ĩcãye yucʉ witutuaheridita niyuro. Ĩñerõcã basoca tiditapʉre pẽrãgã niyura. Topʉre waibʉcʉra macãrʉ̃cʉ̃ macãrã niyura. basocare buegʉ eayugʉ. 2Abiro ĩ bueyugʉ: “Mʉjãcã ñañarẽ tirecʉtirere wãcũpasʉti wasoaya. Merẽ Manigʉ̃cã cʉ̃yarare dotire mʉjã cʉtiro nisia” ĩyugʉ.
3Isaías Manigʉ̃ye quetire wedesʉgueribasocʉ Juanye maquẽrẽna ojagʉ abiro ojarigʉ niwĩ:
«Ĩcʉ̃ yucʉ manirõpʉ basocare bʉtoro bʉsʉromena abiro ĩ wede caribiwõnogʉagawi:
“Marĩ Nirũpʉ̃cã watiatosʉguero cʉ̃cã watiatimarẽ diamacãma, ñurĩma quenorõrã abiro
mʉjãcã nirẽcʉtirere, mʉjãcã wãcũrẽrẽ wasoa diamacã maquẽrẽ tiya” ĩgʉagawi»#Is 40:3.
ĩ ojarigʉ niwĩ.
4Juanya sutiro camello poarimena tiriaro niyuro.#3:4 Bʉcʉtutipʉre wederora abiro Manigʉ̃ye queti wedesʉgueribasocʉ Elíacã suti sãñarĩguera abiro baure sãñurẽrã Juancã suti sãñarigʉ niwĩ (2Re 1:8; Zac 13:4). Judío basoca Elíare Manigʉ̃ye queti wedesʉgueribasocʉre upatuti watiacʉre yuera tiriara niwã, Manigʉ̃cã beseyorigʉ Cristocã watiatosʉguero basocare quenoyueradara (Mal 4:5-6). Siro Jesús atierena “Juanrã ñawĩ Manigʉ̃ye queti wedesʉgueribasocʉ Elías mʉjãcã yueyogʉ” ĩ wedewi (Mt 11:14; 17:10-13). Tairora waibʉcʉ caseromena wẽñarĩãdacʉtiyugʉ. Cʉ̃ya yarigue yeseroa, macãrʉ̃cʉ̃ macãrã momiã oco niyuro.
5Jerusalén macãrã, nipetiro Judea dita macãrã ĩñerõcã nipetiro dia Jordán tʉsaro macãrã cʉ̃cã wederere tʉora eaicãyura. 6Cʉ̃jãcã ñañarẽ tirecʉtiriguere wedecametʉañerõcã ĩñagʉ̃ cʉ̃jãrẽ dia Jordánpʉ wãmeõticãyugʉ.
7Pajʉ fariseo basoca,#3:7 Fariseo basoca Manigʉ̃yere tiquetaturibumacãrãrã niyura judío basoca watoare pajʉ nicametʉanʉcãrã. Seis mil watoano ʉmʉã niyura. Cʉ̃jã Moisécã dotire cũriguere bʉtoro tutuaromena tidotiribasoca niyura. Tora abiriwãme ãpẽrãrẽ “mʉjã abiro tiya” ĩ buecaperacãrã pajeri cʉ̃jãbasurupepʉa cʉ̃jãcã bueriwãmerã abiro icãta tiheriyura. “Tie dotirere queoro yʉra wadorena Manigʉ̃ ñurõ tigawi” ĩ wedewõrẽ cʉora niyura. Cʉ̃jã “marĩ ãpẽrãsotoare ñucametʉanʉcãrã ña” ĩ wãcũrã niyura. Cʉ̃jã ãpẽrãpere Manigʉ̃cã dotire cũriguere tutuaromena queoro tidotiyura. Fariseo ĩrõ: “dicawatiribasoca” ĩrõ tiyuro. ãpẽrã saduceo basoca#3:7 Saduceoyabumacãrã judíoyabumacãrã judíoa paje bʉere cʉora ĩñerõcã ñurõ buere cʉorayabumacãrã niyura. Saduceoyabumacãrã cõwõãriarapʉ masãrẽrẽ ĩñerõcã cõwõãriarapʉ masãtecãrẽ wedewõheriyura. Tairora Manigʉ̃rẽ wedecoteribasocacãrẽ, cõwõãriaraye yeripũnarĩcãrẽ wedewõheriyura. Moisécã ojarigue ĩcãõpʉcʉñepũrĩ wadorena wedewõyura. Cʉ̃jãcã wedewõrẽmena bira fariseoyabumacãrãmena queoro niheriyura. cʉ̃rẽ “wãmeõtiaro” ĩrã cʉ̃ cʉtiropʉ eañerõcã ĩñagʉ̃ abiro ĩyugʉ: “Mʉjã tiritorepira, ĩritorepira ãñarã abiro nima pũnirẽ cʉora ñañarã ña. ¿Mʉjãcã ñañarẽ tirẽcʉtirere wãcũpasʉti wasoarugahericaperacã dairo tira ĩritoremena Manigʉ̃cã ñañarõ tiatere#3:7 Judío basoca atibʉreco petiremena “Manigʉ̃ basocare cʉ̃jãcã ñañarõ tirecʉtire wapare wãcũpasʉti wasoaheririasiro ñañarõ tigʉagawi” ĩ masĩrã eayura (Is 13:9-13; Ez 7:1-4; Zac 1:14-18; 2:1-3). camewitirugara yʉre wãmeõtidotira watiri? 8Mʉjã ‘Ʉ̃sãcã ñañarẽ tirecʉtirere wãcũpasʉtiawʉ, ñañarõ wãcũrẽrẽ wasoawʉ’ ĩrã mʉjãcã ñañarẽ tirecʉtirere piti ñurẽpere tiya. 9Mʉjã mʉjãbasurupe ‘Ʉ̃sã Abraham pãrãmerã nitutiara ninirã Manigʉ̃ ĩñacorore ñurã ña’ ĩ wãcũherimocãña. Mʉjãrẽ wede: Anorã abiro mʉjãcã wãcũrẽrẽ wasoaheriñerõcã mʉjãcã ‘Abraham pãrãmerã nitutiara ña’ ĩrẽ wapamani. Manigʉ̃ atie ʉ̃tãperirena Abraham pãrãmerã nitutiara wañerõcã timasĩwĩ. 10Ĩcãgʉ yucʉgʉ ñurẽ dicamaniñerõcã tigʉre cʉogʉ cõmeãmena nʉcõrĩpʉra patacõã pecamepʉ soecõãmocãgawi. Tiwãmerã Manigʉ̃cã mʉjãcã ñañarẽ tirecʉtirere pitiheriñerõcã ĩñagʉ̃ ñañarẽ dicacʉtirigʉre cõmeãmena nʉcõrĩpʉra patacõã pecamepʉ soecõãrõrã abiro mʉjãrẽ ñañarõ tigʉagawi.
11”Mʉjãcã ñañarẽ tirecʉtirere wãcũpasʉti wasoañerõcã ĩñagʉ̃ yʉ mʉjãre diamacãrã ocomena wãmeõti. Buri yʉsiro watigʉpe#3:11 Juancã “yʉsiro watigʉpe” ĩrẽrẽ tʉoriara “basocare cametʉoacʉre (arameoyemena: Mesías) ĩgʉ̃ tigawi” ĩ tʉomasĩbogatiyuwa. yʉsotoa tutuacametʉanʉcãgʉ̃ ñawĩ. Tairo tigʉ pẽrõgãno cʉ̃ya dʉposutire necomasĩheriga. Cʉ̃doca mʉjãrẽ Espíritu Santomena, pecamemena wãmeõtigʉ#3:11 Ĩcãrã pajʉ Manigʉ̃ye maquẽrẽ bue ĩñabeseribasoca “pecamemena wãmeõtire ĩrẽrẽ Manigʉ̃cã basocare cʉ̃jãcã ñañarẽ tirecʉtirere wãcũpasʉti wasoaherare ñañarõ tiatere ĩrõ tiga” ĩ wãcũwã (Is 26:11; 66:15-16, 24). Tairo ĩcapetacãrã ãpẽrãpe “Manigʉ̃cã cʉ̃yarare ñañarõ cametʉañerõcã tiremena cosecõãyoariara abiro pʉtʉañerõcã tigawi pecamepʉ ʉ̃ camewitirora abiro” ĩ wãcũwã (Is 1:25; 4:4; Zac 13:9; Mal 3:2; Rt 4:13, 17). cʉ̃rẽ tidujiocogʉagawi mʉjãmena nirucũmocãro ĩgʉ̃. Ñañarẽrẽ soecõãrõ tirora abiro mʉjãcã ñañarẽ tirere cõãgʉagawi. 12Cʉ̃ merẽ trigore sutiwegʉdagʉ yuegʉra abiro nisiawi. Cʉ̃cã mamʉõrĩbesomena ticaserire merĩã, tipericãrẽ merĩã dicaworosiro tiperi wadore quenoriwipʉ quenogawi. Ticaseripere pecamepʉ soecõãgawi. Anorã abiro yʉsiro watigʉ basoca ñurãrẽ cʉ̃ cʉtiropʉ newagʉagawi tiperi wadore quenoriwipʉ quenoãriarora abiro. Basoca ñañarãpere pecame yatiherimepʉ#Lc 3:17; Mc 9:43, 48; Is 34:8-10; 66:4. soecõãgʉagawi ticaserire soecõãriarora abiro” ĩyugʉ.
Juancã Jesúre wãmeõtirigue
(Mc 1:9-11; Lc 3:21-22)
13Ĩcãbʉreco Jesús Galileapʉ niãrigʉ dia Jordánpʉ Juanrẽ wãmeõtidotigʉ wayugʉ. 14Topʉ cʉ̃cã eañerõcã marĩcʉ̃ Juan cʉ̃rẽ wãmeõtirugaheriyugʉ. Cʉ̃rẽ:
—¿Mʉpe yʉre wãmeõtirono tigʉ dairo tigʉ yʉpere mʉ wãmeõtidotigʉ watiri? ―ĩyugʉ.
15Jesús cʉ̃rẽ yʉyugʉ:
—Marĩcʉ̃ tairora yʉre wãmeõtimocãña. Nipetire Manigʉ̃cã marĩrẽ tidotirora abiro tiro bo ―ĩyugʉ.
Cʉ̃cã tairo ĩñerõcã tʉogʉ Juan “jaʉ” ĩ cʉ̃rẽ wãmeõtiyugʉ. 16Cʉ̃rẽ wãmeõtituwaremena Jesúcã ocopʉ niãrigʉ manʉcãrẽmenarã ʉmʉãwese pãwõãñerõcã cʉ̃ Espíritu Santore ĩcʉ̃ buarora abiro duiati cʉ̃pʉre duijeagʉre ĩñayugʉ.
17Tairo wariwatoa Manigʉ̃ ʉmʉãwesepʉmena abiro wederucũdujiocoyugʉ: “Ãni ñawĩ yʉmacʉ̃ yʉcã bʉtoro maĩyogʉ. Cʉ̃mena bʉtoro ʉsea” ĩyugʉ.#3:17 Manigʉ̃cã anopʉre ĩrẽ Salmopũpʉ 2:7 ĩñerõcã Is 42:1norẽ basocare cametʉogʉye maquẽrẽ wederora abiro sãñurõrã ĩrõ ya.
Currently Selected:
Mateo 3: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
Mateo 3
3
Juan wãmeõtiribasocʉcã buerigue
(Mc 1:1-8; Lc 3:1-9, 15-17; Jn 1:19-28)
1Tibʉrecorirena#3:1 Capítulo dopʉ nirẽrẽ wedeyoriasiro 28 cʉmarĩ cametʉariasiropʉ aticapítulo trere biriguere wedesocoyoyu. Juan wãmeõtiribasocʉ Judea dita yucʉ manirõpʉ#3:1 Atidita bʉtoro boposãrĩdita, ʉ̃tãperipiridita, ĩcãye yucʉ witutuaheridita niyuro. Ĩñerõcã basoca tiditapʉre pẽrãgã niyura. Topʉre waibʉcʉra macãrʉ̃cʉ̃ macãrã niyura. basocare buegʉ eayugʉ. 2Abiro ĩ bueyugʉ: “Mʉjãcã ñañarẽ tirecʉtirere wãcũpasʉti wasoaya. Merẽ Manigʉ̃cã cʉ̃yarare dotire mʉjã cʉtiro nisia” ĩyugʉ.
3Isaías Manigʉ̃ye quetire wedesʉgueribasocʉ Juanye maquẽrẽna ojagʉ abiro ojarigʉ niwĩ:
«Ĩcʉ̃ yucʉ manirõpʉ basocare bʉtoro bʉsʉromena abiro ĩ wede caribiwõnogʉagawi:
“Marĩ Nirũpʉ̃cã watiatosʉguero cʉ̃cã watiatimarẽ diamacãma, ñurĩma quenorõrã abiro
mʉjãcã nirẽcʉtirere, mʉjãcã wãcũrẽrẽ wasoa diamacã maquẽrẽ tiya” ĩgʉagawi»#Is 40:3.
ĩ ojarigʉ niwĩ.
4Juanya sutiro camello poarimena tiriaro niyuro.#3:4 Bʉcʉtutipʉre wederora abiro Manigʉ̃ye queti wedesʉgueribasocʉ Elíacã suti sãñarĩguera abiro baure sãñurẽrã Juancã suti sãñarigʉ niwĩ (2Re 1:8; Zac 13:4). Judío basoca Elíare Manigʉ̃ye queti wedesʉgueribasocʉre upatuti watiacʉre yuera tiriara niwã, Manigʉ̃cã beseyorigʉ Cristocã watiatosʉguero basocare quenoyueradara (Mal 4:5-6). Siro Jesús atierena “Juanrã ñawĩ Manigʉ̃ye queti wedesʉgueribasocʉ Elías mʉjãcã yueyogʉ” ĩ wedewi (Mt 11:14; 17:10-13). Tairora waibʉcʉ caseromena wẽñarĩãdacʉtiyugʉ. Cʉ̃ya yarigue yeseroa, macãrʉ̃cʉ̃ macãrã momiã oco niyuro.
5Jerusalén macãrã, nipetiro Judea dita macãrã ĩñerõcã nipetiro dia Jordán tʉsaro macãrã cʉ̃cã wederere tʉora eaicãyura. 6Cʉ̃jãcã ñañarẽ tirecʉtiriguere wedecametʉañerõcã ĩñagʉ̃ cʉ̃jãrẽ dia Jordánpʉ wãmeõticãyugʉ.
7Pajʉ fariseo basoca,#3:7 Fariseo basoca Manigʉ̃yere tiquetaturibumacãrãrã niyura judío basoca watoare pajʉ nicametʉanʉcãrã. Seis mil watoano ʉmʉã niyura. Cʉ̃jã Moisécã dotire cũriguere bʉtoro tutuaromena tidotiribasoca niyura. Tora abiriwãme ãpẽrãrẽ “mʉjã abiro tiya” ĩ buecaperacãrã pajeri cʉ̃jãbasurupepʉa cʉ̃jãcã bueriwãmerã abiro icãta tiheriyura. “Tie dotirere queoro yʉra wadorena Manigʉ̃ ñurõ tigawi” ĩ wedewõrẽ cʉora niyura. Cʉ̃jã “marĩ ãpẽrãsotoare ñucametʉanʉcãrã ña” ĩ wãcũrã niyura. Cʉ̃jã ãpẽrãpere Manigʉ̃cã dotire cũriguere tutuaromena queoro tidotiyura. Fariseo ĩrõ: “dicawatiribasoca” ĩrõ tiyuro. ãpẽrã saduceo basoca#3:7 Saduceoyabumacãrã judíoyabumacãrã judíoa paje bʉere cʉora ĩñerõcã ñurõ buere cʉorayabumacãrã niyura. Saduceoyabumacãrã cõwõãriarapʉ masãrẽrẽ ĩñerõcã cõwõãriarapʉ masãtecãrẽ wedewõheriyura. Tairora Manigʉ̃rẽ wedecoteribasocacãrẽ, cõwõãriaraye yeripũnarĩcãrẽ wedewõheriyura. Moisécã ojarigue ĩcãõpʉcʉñepũrĩ wadorena wedewõyura. Cʉ̃jãcã wedewõrẽmena bira fariseoyabumacãrãmena queoro niheriyura. cʉ̃rẽ “wãmeõtiaro” ĩrã cʉ̃ cʉtiropʉ eañerõcã ĩñagʉ̃ abiro ĩyugʉ: “Mʉjã tiritorepira, ĩritorepira ãñarã abiro nima pũnirẽ cʉora ñañarã ña. ¿Mʉjãcã ñañarẽ tirẽcʉtirere wãcũpasʉti wasoarugahericaperacã dairo tira ĩritoremena Manigʉ̃cã ñañarõ tiatere#3:7 Judío basoca atibʉreco petiremena “Manigʉ̃ basocare cʉ̃jãcã ñañarõ tirecʉtire wapare wãcũpasʉti wasoaheririasiro ñañarõ tigʉagawi” ĩ masĩrã eayura (Is 13:9-13; Ez 7:1-4; Zac 1:14-18; 2:1-3). camewitirugara yʉre wãmeõtidotira watiri? 8Mʉjã ‘Ʉ̃sãcã ñañarẽ tirecʉtirere wãcũpasʉtiawʉ, ñañarõ wãcũrẽrẽ wasoawʉ’ ĩrã mʉjãcã ñañarẽ tirecʉtirere piti ñurẽpere tiya. 9Mʉjã mʉjãbasurupe ‘Ʉ̃sã Abraham pãrãmerã nitutiara ninirã Manigʉ̃ ĩñacorore ñurã ña’ ĩ wãcũherimocãña. Mʉjãrẽ wede: Anorã abiro mʉjãcã wãcũrẽrẽ wasoaheriñerõcã mʉjãcã ‘Abraham pãrãmerã nitutiara ña’ ĩrẽ wapamani. Manigʉ̃ atie ʉ̃tãperirena Abraham pãrãmerã nitutiara wañerõcã timasĩwĩ. 10Ĩcãgʉ yucʉgʉ ñurẽ dicamaniñerõcã tigʉre cʉogʉ cõmeãmena nʉcõrĩpʉra patacõã pecamepʉ soecõãmocãgawi. Tiwãmerã Manigʉ̃cã mʉjãcã ñañarẽ tirecʉtirere pitiheriñerõcã ĩñagʉ̃ ñañarẽ dicacʉtirigʉre cõmeãmena nʉcõrĩpʉra patacõã pecamepʉ soecõãrõrã abiro mʉjãrẽ ñañarõ tigʉagawi.
11”Mʉjãcã ñañarẽ tirecʉtirere wãcũpasʉti wasoañerõcã ĩñagʉ̃ yʉ mʉjãre diamacãrã ocomena wãmeõti. Buri yʉsiro watigʉpe#3:11 Juancã “yʉsiro watigʉpe” ĩrẽrẽ tʉoriara “basocare cametʉoacʉre (arameoyemena: Mesías) ĩgʉ̃ tigawi” ĩ tʉomasĩbogatiyuwa. yʉsotoa tutuacametʉanʉcãgʉ̃ ñawĩ. Tairo tigʉ pẽrõgãno cʉ̃ya dʉposutire necomasĩheriga. Cʉ̃doca mʉjãrẽ Espíritu Santomena, pecamemena wãmeõtigʉ#3:11 Ĩcãrã pajʉ Manigʉ̃ye maquẽrẽ bue ĩñabeseribasoca “pecamemena wãmeõtire ĩrẽrẽ Manigʉ̃cã basocare cʉ̃jãcã ñañarẽ tirecʉtirere wãcũpasʉti wasoaherare ñañarõ tiatere ĩrõ tiga” ĩ wãcũwã (Is 26:11; 66:15-16, 24). Tairo ĩcapetacãrã ãpẽrãpe “Manigʉ̃cã cʉ̃yarare ñañarõ cametʉañerõcã tiremena cosecõãyoariara abiro pʉtʉañerõcã tigawi pecamepʉ ʉ̃ camewitirora abiro” ĩ wãcũwã (Is 1:25; 4:4; Zac 13:9; Mal 3:2; Rt 4:13, 17). cʉ̃rẽ tidujiocogʉagawi mʉjãmena nirucũmocãro ĩgʉ̃. Ñañarẽrẽ soecõãrõ tirora abiro mʉjãcã ñañarẽ tirere cõãgʉagawi. 12Cʉ̃ merẽ trigore sutiwegʉdagʉ yuegʉra abiro nisiawi. Cʉ̃cã mamʉõrĩbesomena ticaserire merĩã, tipericãrẽ merĩã dicaworosiro tiperi wadore quenoriwipʉ quenogawi. Ticaseripere pecamepʉ soecõãgawi. Anorã abiro yʉsiro watigʉ basoca ñurãrẽ cʉ̃ cʉtiropʉ newagʉagawi tiperi wadore quenoriwipʉ quenoãriarora abiro. Basoca ñañarãpere pecame yatiherimepʉ#Lc 3:17; Mc 9:43, 48; Is 34:8-10; 66:4. soecõãgʉagawi ticaserire soecõãriarora abiro” ĩyugʉ.
Juancã Jesúre wãmeõtirigue
(Mc 1:9-11; Lc 3:21-22)
13Ĩcãbʉreco Jesús Galileapʉ niãrigʉ dia Jordánpʉ Juanrẽ wãmeõtidotigʉ wayugʉ. 14Topʉ cʉ̃cã eañerõcã marĩcʉ̃ Juan cʉ̃rẽ wãmeõtirugaheriyugʉ. Cʉ̃rẽ:
—¿Mʉpe yʉre wãmeõtirono tigʉ dairo tigʉ yʉpere mʉ wãmeõtidotigʉ watiri? ―ĩyugʉ.
15Jesús cʉ̃rẽ yʉyugʉ:
—Marĩcʉ̃ tairora yʉre wãmeõtimocãña. Nipetire Manigʉ̃cã marĩrẽ tidotirora abiro tiro bo ―ĩyugʉ.
Cʉ̃cã tairo ĩñerõcã tʉogʉ Juan “jaʉ” ĩ cʉ̃rẽ wãmeõtiyugʉ. 16Cʉ̃rẽ wãmeõtituwaremena Jesúcã ocopʉ niãrigʉ manʉcãrẽmenarã ʉmʉãwese pãwõãñerõcã cʉ̃ Espíritu Santore ĩcʉ̃ buarora abiro duiati cʉ̃pʉre duijeagʉre ĩñayugʉ.
17Tairo wariwatoa Manigʉ̃ ʉmʉãwesepʉmena abiro wederucũdujiocoyugʉ: “Ãni ñawĩ yʉmacʉ̃ yʉcã bʉtoro maĩyogʉ. Cʉ̃mena bʉtoro ʉsea” ĩyugʉ.#3:17 Manigʉ̃cã anopʉre ĩrẽ Salmopũpʉ 2:7 ĩñerõcã Is 42:1norẽ basocare cametʉogʉye maquẽrẽ wederora abiro sãñurõrã ĩrõ ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.