1 Corintios 9
9
Pablocã “Jesucristocã cʉ̃ye quetire buedotigʉ cũyorigʉra abiro tiyoborigʉ nicapeicã yʉ tiere tiñerõcã tiheri” ĩ wedere
1Mʉjã yʉre, ãpẽrã Jesucristocã cʉ̃ye quetire buedotigʉ cũyoriaracã tiyoboriwãmerẽ cʉ̃pʉa cʉobogʉmerã ñawĩ ĩmasĩheriga. Yʉcã, Jesucristobasurupera cʉ̃ye quetire buedotigʉ ñeyorigʉra nigʉ̃ ya; cʉ̃ marĩ Nirũpʉ̃ Jesucristorena yʉ ĩñawʉ̃. Tairo tira mʉjãrã nirã ya yʉcã cʉ̃yere padederibasocʉ cũyoriarora abirora mʉjãrẽ cʉ̃ye quetire wedeñerõcãrã mʉjãcã cʉ̃rẽ wedewõrã eariguemenarã yʉcã Jesucristorena beseyorigʉ nirẽrẽ eñorã.#Hch 9:3, 17; 18:9; 22:14, 18; 23:11; 1Co 3:6; 4:15; 15:8; 2Co 12:12; Ga 1:1. 2Yʉ ãpẽrãpʉare “cʉ̃ Jesucristocã cʉ̃ye quetire buedotigʉ cũyorigʉmerã ñawĩ” ĩyogʉra niga. Buri mʉjãpʉare tora abiro niheriga. Merẽ mʉjã yʉmenarã yʉcã cʉ̃ye quetire bueñerõcãrã mʉjã cʉ̃rẽ wedewõsocora eawʉ. Tairo tira mʉjã cʉ̃rẽ wedewõrãrã ninirã yʉre “Jesucristocã cʉ̃ye quetire buedotigʉ cũyorigʉra ñawĩ” ĩ masĩ.#2Co 3:2-3.
3Yʉre ãpẽrã “cʉ̃ Jesucristocã cʉ̃ye quetire buedotigʉ beseyorigʉmerã ñawĩ” ĩ wedepasʉtigawa. Tairo tigʉ cʉ̃jãrẽ yʉ abiro ĩ yʉ: 4Yʉ Jesucristocã cʉ̃ye quetire buedotigʉ beseyorigʉ yʉmenamacãrãmenarã ʉ̃sãcã bue padedere wapare ʉ̃sãrẽ yarigue maquẽrẽ, sĩnirẽ maquẽrẽ nʉniyoborere cʉomasĩrãrã nirã ya.#Lc 10:7; 2Co 11:9; 1Ts 2:6; 2Ts 3:8-9. 5Tairora ʉ̃sãcã ʉ̃sã nʉmosãrõmiãrẽ ʉ̃sãrẽ bapuaro ĩrã ʉ̃sãcã buewonorã waropʉ neãmasĩborere cʉorara nirã ya; Pedrocã, ãpẽrã Jesucristocã cʉ̃ye quetire buedotigʉ beseyoriaracã ĩñerõcã Jesús bairacã cʉ̃jã nʉmosãrõmiãrẽ neãrucũrõrã abirora.#Mt 8:14; 12:46; 1Co 7:7-8. 6Ãpẽrã Jesucristocã cʉ̃ye quetire buedotigʉ cũyoriara cʉ̃jãcã yate maquẽrẽ cʉoradara cʉ̃jãbasurupe cʉ̃jãya wãmorĩmena padede wapatahericapetacãrã ¿topʉare ʉ̃sã pʉ̃ãrã yʉ ĩñerõcã Bernabémena wadora ñarĩ quepa ʉ̃sãcã buere wapamena yate maquẽrẽ nʉniyoborere cʉomasĩheribora?#Hch 4:36-37; 18:2-3; 20:34; 1Co 4:12; 2Co 11:7. 7¿Daigʉno oguegʉ cʉ̃cã oguegʉ nigʉ̃ padederiwatoare cʉ̃basurupe cʉ̃cã yatere, sĩniãtere wapatimasĩgari? ¿Noãno ʉse wese tiarigʉ tie dicare seariasiro tairo yaro manirõrã cametʉamocãgari? ¿Noãno oveja coteribasocʉ nimocãcapeicã cʉ̃jãya õpẽcõãrẽ biporosiro õpẽcõãrẽ sĩnirõ manirõrã cametʉamocãgʉ̃ nigari?#Dt 20:6; Pr 27:18. 8Yʉcã mʉjãrẽ anorã abiro ĩrẽrẽ basoca wãcũrẽrã abiro ĩgʉ̃ yawí ĩ tʉoiñarãmerã tiwa; merẽ Manigʉ̃cã Moisére dotire cũriguecã tairora wede. 9Tie Manigʉ̃cã dotire cũriguere Moisécã ojarigue abiro ĩ: «Wecʉ trigo cʉtawerucũgʉ̃rẽ trigo yarugagʉ yaro ĩrã cʉ̃ya ʉseropʉ tusãrĩbetore tusãherimocãro» ĩ ojayore ña. Manigʉ̃ tiere tora abiro dotire cũgʉ̃ wecʉaye maquẽ wadorena ĩgʉ̃merã tiyi.#Dt 25:4; 1Tm 5:18. 10Buripe tiere dotire cũgʉ̃ ʉ̃sã cʉ̃ye quetire bueribasocaye maquẽ niãteperena ĩbosagʉ tiyi. Tairo tiro ʉ̃sãye maquẽ niãterena tie dotirere cũyore niñerõcãrã ĩcʉ̃ ditaro oteatore secũgʉ̃nocã ĩñerõcã ãpĩ dicacʉtiñerõcã trigocaserire docaweacʉnocã “tie dicare marĩcãrõ dicaworere ñerõãcu” ĩ tʉoiñarẽmena padederora abiro bi. 11Atiwãmerã abiro ĩcʉ̃ oteribasocʉ otedicare oterora abiro ʉ̃sã mʉjãye yeripũnarĩ maquẽ niãterena mʉjãrẽ ñurẽ quetire buewʉ. Ʉ̃sãcã mʉjãrẽ tora abiro tiriasiro niñerõcãrã ʉ̃sãcã padedearigue wapare tira mʉjãcã ʉ̃sãrẽ yarigue maquẽ niãtere, sĩnirẽ maquẽ niãtere wapatare nʉniyoborere ʉ̃sã cʉojomocãrãrã nirã ya.#Ro 15:27. 12Ãpẽrã mʉjãrẽ bueribasocare cʉ̃jãcã borere mʉjãcã nʉnirõrã abirora ʉ̃sã docare sotoa nʉnimasĩborora nirõ ya.
Buri ʉ̃sã mʉjãrẽ “anorã abiro ʉ̃sãrẽ tiro nirõ ya” ĩmasĩboariara nicaperacãrã icãta tiere tairo tiya ĩherara tairo nʉcãwʉmʉãtirucũmocã. Ʉ̃sã anorã abiro ya, apewatoa ʉ̃sãcã tora abiro mʉjãrẽ apeyenorẽ sãĩrẽmenape “ʉ̃sãcã ñurẽ quetire wederere cʉ̃jãrẽ tʉorugaheriñerõcã tinirã marĩpʉ posoboga” ĩnirã. Tairo tira ʉ̃sã mʉjãrẽ sãĩboariara nicaperacãrã ʉ̃sãcã borere cʉoherijomocãcaperacãrã mʉjãrẽ icãta sãĩpãmaheri.#2Co 6:3; 11:12. 13Mʉjã atiere masĩga. Manigʉ̃wipʉ padederibasoca paia tiwimaquẽ niãte yarigue nʉniyoariguerena yacatigawa. Ĩñerõcã waibʉcʉrare sĩãpeoro cʉtiropʉ padederacã cʉ̃jãcã Manigʉ̃rẽ wedewõrã waibʉcʉrare sĩãpeoariaraya direna yawa; cʉ̃jãcã topʉ padedere wapa.#Lv 6:9, 16, 26; Dt 18:1-3. 14Atiwãmerã abirora marĩ Nirũpʉ̃ Jesucristocã “yaye quetire wede padederibasocacã cʉ̃jãcã tiere wede padedere wapamenarã yarigue maquẽrẽ wapata yaragawa” ĩ doticũsiarigʉ niwĩ.#Mt 10:10; Lc 10:7. 15Tora abiro ĩcũyoriasiro nicapetacãrã yʉpe mʉjãrẽ yʉcã ñurẽ quetire buere wapare mʉjãrẽ ĩcãrĩnopera “yʉre yarigue maquẽ niãtere o sĩnirẽ maquẽ niãtecãrẽ nʉniña” ĩpãmaherijomocã mʉjãcã yʉre tora abiro nʉnimasiborere cʉomasĩgʉ̃ nicapeicã. Mʉjãrẽ anorã abiro wede ojacogʉ yʉcã padederigue wapare mʉjãrẽ sua yʉre wapatira nʉnisocoro bo ĩgʉ̃merã ya. Bʉtoro ʉaboaremena yʉcã cõwõãñerõcãcãrẽ ñurõãcu mʉjãrẽ yʉcã buerigue wapare wapaseheriga. Buripe wapaserono tigʉ wapatare bohegʉra mʉjãrẽ ʉsearemena bue tienomanirõrã buemasĩwʉ̃ yʉcã ĩãtora abiro.#Hch 18:3; 2Co 11:10.
16Yʉ, Manigʉ̃cã basocare Jesucristomenarã cametʉore quetire wedegʉ “ãpẽrãsotoa yʉ wapacʉtigʉ nigʉ̃ ya” ĩrugagʉmerã yʉ tiere wedegʉ ya. Merẽ Nirũpʉ̃basuruperena ñurẽ quetire wedeya ĩyorigʉ ninigʉ̃ yʉre tiere tiherimocã timasĩñamani; tirora nirõ ya. ¡Tiere yʉcã wedeheriñerõcã nocãrõ ñañacametʉaro timasĩgʉagari yʉre!#Jer 20:9; Am 3:8; Hch 9:15; Ro 1:14. 17Yʉbasurupera ñurẽ quetire buegʉda ĩnigʉ̃ buerigʉpʉa wapatare cʉomasĩgʉ̃ niboga. Yʉbasurupera yʉcã atiere tigʉda ĩheririasiro niñerõcãrã apeyepʉre timasĩñamani buripe Manigʉ̃pʉra yʉre padedere cũriguere yʉ queoro tigʉ cʉ̃cã yʉre padedere cũgʉ̃ tidotiriguerena tigʉ ya.#1Co 3:8, 14; Ga 2:7; Flp 1:16-17; Col 1:25. 18Tairo tiro yʉre yʉcã wapatare “Jesucristo cʉ̃rẽ wedewõrãrẽ cametʉogʉagawi” ĩrẽ quetire wedere wapa wapasero manirõrã ʉsearemena buerucũrẽrã ña. Queorojoropʉare yʉcã tie quetire buere wapape mʉjãrẽ “wapatiya” ĩ sãĩmasĩgʉ̃ niboarigʉ nicapeicã icãta tiere tora abiro tiheri.#1Co 7:31; 2Co 11:7; 12:13.
19Icãta pẽrõgãno basocaya dotiepeyoribasocʉ nihericapeicãrã yʉbasurupera nipetiraya dotiepeyoribasocʉra abiro nigʉ̃ ña cʉ̃jãrẽ Jesucristoye quetire tʉo, pajʉ cʉ̃rẽ wedewõrã eañerõcã bogʉ.#Mt 20:26-27; Ga 5:13. 20Yʉ yara judío basoca cʉtiropʉ nigʉ̃ eagʉ cʉ̃jãrẽ Jesucristore wedewõñerõcã bosãgʉ̃ cʉ̃jã judío basocara abirora yʉcã nigʉ̃ ea. Tairora yʉ Moisére dotire cũriguecã dotiro docapʉ nihericapeicãrã Moisére dotire cũrigue docapʉ nirãcʉtiropʉcãrẽ nigʉ̃ eagʉ cʉ̃jãrã abirora tie dotire doca nigʉ̃ ea. Cʉ̃jãrẽ yʉcã buerere tʉonirã Jesúre wedewõrã eañerõcã bosãgʉ̃ tairo ya.#Hch 16:3; 21:23; Ro 11:14; Ga 2:19. 21Apeyecãrẽ atie Moisére dotire cũriguemena nihera cʉtiropʉcãrẽ nigʉ̃ eagʉ cʉ̃jãrẽ Jesucristore wedewõñerõcã bosãgʉ̃ cʉ̃jãrã abirora tie dotiremena nihegʉra abiro nigʉ̃ ea. Buri anorã abiro ĩgʉ̃ “Manigʉ̃cã dotirere cametʉanʉcãgʉ̃ nigʉ̃ ya” ĩgʉ̃merã ya. Buripe tie Manigʉ̃cã dotire cũriguere ñurõ yʉquetatugʉra Jesucristocã dotire cũriarora abirora tiere queoro yʉquetatugʉ nigʉ̃ ya.#Ro 2:12, 14; 1Co 7:22; Ga 3:2. 22Jesúre queoro wedewõtutuaheramenacãrẽ nigʉ̃ eagʉ cʉ̃jãcãrẽ Jesúre queoro nirĩwãmerã wedewõrã eañerõcã bosãgʉ̃ cʉ̃jãmenacãrẽ yʉ cʉ̃jãrã abirora Jesúre queoro wedewõtutuahegʉra abiro nigʉ̃ ea. Cʉ̃jã nipetira basoca dairo nirãmenarẽ ñurẽ quetire wedegʉ cʉ̃jãcã nirĩwãmerã nigʉ̃ ea. Tairo ya apewatoa tigʉ ĩcãwãmenomenape o apewãmenomenape ĩcãrãrẽ cʉ̃jãcã ñañarẽ tirecʉtirere acõboyora eanirã cametʉoyora eañerõcã bogʉ.#1Co 8:9-12. 23Yʉ tie nipetirere tora abiro ya “Jesucristo cʉ̃rẽ wedewõrãrẽ cametʉogʉagawi” ĩrẽ quetire nipetiro macãrãpʉre ñurõ tʉora earo ĩgʉ̃. Tairo ya yʉcã cʉ̃ye maquẽrẽ queoro bueremenarã pajʉre tie ñurẽ quetire wedewõrã eañerõcã tinigʉ̃ cʉ̃jãcãrẽ yʉmenarã Cristocã nʉniãtere ñeãro ĩgʉ̃.#Mt 25:21; Lc 19:17.
24Mʉjã atiere masĩga. Cʉ̃jãcã cʉtʉrore nipetirapʉra cʉtʉwa. Buri tocʉ̃ cʉtʉcaperacãrã tocʉ̃pʉra wapatapetiheriwa ĩcʉ̃rã cʉtʉjeasocogʉ wadora wapatarere cʉogʉ eawi. Mʉjãcã tora abirora Manigʉ̃cã wapatare nʉniãtere ñerãdara cʉtʉribasocara abirora tutuaromena Manigʉ̃cã tiñerõcã borepere tirucũmocãña.#2Tm 4:7; Heb 12:1; Flp 3:14. 25Nipetira cʉtʉana cʉ̃jãcã cʉtʉatosʉguero cʉ̃jãya ũpʉ̃rĩrẽ posorenorẽ quenorã, tutuari ũpʉ̃rĩ tira bʉtoro cʉtʉbuegawa. Cʉ̃jã tairo yawa pũmena tiyoariabetore tibetocã mata ʉsaduiwa ditiatibeto nicapetacã wapataradara. Marĩcãrẽ tiwãmerã Manigʉ̃yere ñurõ buero bo. Marĩya ũpʉ̃rĩcã ñañarẽ tirere pitiñerõcã tinirã cʉ̃cã borepere tirucũrõ bo cʉ̃cã nʉniãtere wapataradara. Tie cʉ̃cã marĩrẽ wapatare nʉnirẽ doca icãta peti posaheriga.#Ef 6:12; 1Tm 6:12; 2Tm 2:5; 4:8; Stg 1:12; 1Pe 5:4; Ap 2:10; 3:11; 4:10. 26Tairo tigʉ yʉpe ĩcʉ̃ cʉtʉribasocʉ cape ĩñabʉahegʉra abiro aperope cʉtʉmequẽdegʉra abiro noborora timequẽdeheri. Tairora camequẽrĩbasocʉ camequẽmasĩhegʉ noborora aperopʉ pamequẽderora abiro yʉ timequẽdeheri. Buripe ñurõ wãcũsʉguetuwanigʉ̃pʉ, Manigʉ̃yere masĩnigʉ̃pʉ, cʉ̃cã borere tigʉ ya.#Flp 3:14. 27Ya ũpʉ̃cã ñañarõ tiñerõcã tirugarere, yʉcã ʉgaripearere tiere tiro manirõrã ya ũpʉ̃rẽ tairo nʉcãcametʉocoñerõcã ya. Ya ũpʉ̃ yʉre dotimasĩheri. Yʉpe yʉbasurupera ya ũpʉ̃rẽ dotimasĩ. Tairo ya Jesúye quetire ãpẽrãrẽ wederigʉ nicapeicã wapatare manigʉ̃ Manigʉ̃rẽ “mʉ queoro tiheriyu” ĩyogʉ pʉtʉari ĩgʉ̃.#Ro 6:18; 8:13; Col 3:5.
Currently Selected:
1 Corintios 9: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 9
9
Pablocã “Jesucristocã cʉ̃ye quetire buedotigʉ cũyorigʉra abiro tiyoborigʉ nicapeicã yʉ tiere tiñerõcã tiheri” ĩ wedere
1Mʉjã yʉre, ãpẽrã Jesucristocã cʉ̃ye quetire buedotigʉ cũyoriaracã tiyoboriwãmerẽ cʉ̃pʉa cʉobogʉmerã ñawĩ ĩmasĩheriga. Yʉcã, Jesucristobasurupera cʉ̃ye quetire buedotigʉ ñeyorigʉra nigʉ̃ ya; cʉ̃ marĩ Nirũpʉ̃ Jesucristorena yʉ ĩñawʉ̃. Tairo tira mʉjãrã nirã ya yʉcã cʉ̃yere padederibasocʉ cũyoriarora abirora mʉjãrẽ cʉ̃ye quetire wedeñerõcãrã mʉjãcã cʉ̃rẽ wedewõrã eariguemenarã yʉcã Jesucristorena beseyorigʉ nirẽrẽ eñorã.#Hch 9:3, 17; 18:9; 22:14, 18; 23:11; 1Co 3:6; 4:15; 15:8; 2Co 12:12; Ga 1:1. 2Yʉ ãpẽrãpʉare “cʉ̃ Jesucristocã cʉ̃ye quetire buedotigʉ cũyorigʉmerã ñawĩ” ĩyogʉra niga. Buri mʉjãpʉare tora abiro niheriga. Merẽ mʉjã yʉmenarã yʉcã cʉ̃ye quetire bueñerõcãrã mʉjã cʉ̃rẽ wedewõsocora eawʉ. Tairo tira mʉjã cʉ̃rẽ wedewõrãrã ninirã yʉre “Jesucristocã cʉ̃ye quetire buedotigʉ cũyorigʉra ñawĩ” ĩ masĩ.#2Co 3:2-3.
3Yʉre ãpẽrã “cʉ̃ Jesucristocã cʉ̃ye quetire buedotigʉ beseyorigʉmerã ñawĩ” ĩ wedepasʉtigawa. Tairo tigʉ cʉ̃jãrẽ yʉ abiro ĩ yʉ: 4Yʉ Jesucristocã cʉ̃ye quetire buedotigʉ beseyorigʉ yʉmenamacãrãmenarã ʉ̃sãcã bue padedere wapare ʉ̃sãrẽ yarigue maquẽrẽ, sĩnirẽ maquẽrẽ nʉniyoborere cʉomasĩrãrã nirã ya.#Lc 10:7; 2Co 11:9; 1Ts 2:6; 2Ts 3:8-9. 5Tairora ʉ̃sãcã ʉ̃sã nʉmosãrõmiãrẽ ʉ̃sãrẽ bapuaro ĩrã ʉ̃sãcã buewonorã waropʉ neãmasĩborere cʉorara nirã ya; Pedrocã, ãpẽrã Jesucristocã cʉ̃ye quetire buedotigʉ beseyoriaracã ĩñerõcã Jesús bairacã cʉ̃jã nʉmosãrõmiãrẽ neãrucũrõrã abirora.#Mt 8:14; 12:46; 1Co 7:7-8. 6Ãpẽrã Jesucristocã cʉ̃ye quetire buedotigʉ cũyoriara cʉ̃jãcã yate maquẽrẽ cʉoradara cʉ̃jãbasurupe cʉ̃jãya wãmorĩmena padede wapatahericapetacãrã ¿topʉare ʉ̃sã pʉ̃ãrã yʉ ĩñerõcã Bernabémena wadora ñarĩ quepa ʉ̃sãcã buere wapamena yate maquẽrẽ nʉniyoborere cʉomasĩheribora?#Hch 4:36-37; 18:2-3; 20:34; 1Co 4:12; 2Co 11:7. 7¿Daigʉno oguegʉ cʉ̃cã oguegʉ nigʉ̃ padederiwatoare cʉ̃basurupe cʉ̃cã yatere, sĩniãtere wapatimasĩgari? ¿Noãno ʉse wese tiarigʉ tie dicare seariasiro tairo yaro manirõrã cametʉamocãgari? ¿Noãno oveja coteribasocʉ nimocãcapeicã cʉ̃jãya õpẽcõãrẽ biporosiro õpẽcõãrẽ sĩnirõ manirõrã cametʉamocãgʉ̃ nigari?#Dt 20:6; Pr 27:18. 8Yʉcã mʉjãrẽ anorã abiro ĩrẽrẽ basoca wãcũrẽrã abiro ĩgʉ̃ yawí ĩ tʉoiñarãmerã tiwa; merẽ Manigʉ̃cã Moisére dotire cũriguecã tairora wede. 9Tie Manigʉ̃cã dotire cũriguere Moisécã ojarigue abiro ĩ: «Wecʉ trigo cʉtawerucũgʉ̃rẽ trigo yarugagʉ yaro ĩrã cʉ̃ya ʉseropʉ tusãrĩbetore tusãherimocãro» ĩ ojayore ña. Manigʉ̃ tiere tora abiro dotire cũgʉ̃ wecʉaye maquẽ wadorena ĩgʉ̃merã tiyi.#Dt 25:4; 1Tm 5:18. 10Buripe tiere dotire cũgʉ̃ ʉ̃sã cʉ̃ye quetire bueribasocaye maquẽ niãteperena ĩbosagʉ tiyi. Tairo tiro ʉ̃sãye maquẽ niãterena tie dotirere cũyore niñerõcãrã ĩcʉ̃ ditaro oteatore secũgʉ̃nocã ĩñerõcã ãpĩ dicacʉtiñerõcã trigocaserire docaweacʉnocã “tie dicare marĩcãrõ dicaworere ñerõãcu” ĩ tʉoiñarẽmena padederora abiro bi. 11Atiwãmerã abiro ĩcʉ̃ oteribasocʉ otedicare oterora abiro ʉ̃sã mʉjãye yeripũnarĩ maquẽ niãterena mʉjãrẽ ñurẽ quetire buewʉ. Ʉ̃sãcã mʉjãrẽ tora abiro tiriasiro niñerõcãrã ʉ̃sãcã padedearigue wapare tira mʉjãcã ʉ̃sãrẽ yarigue maquẽ niãtere, sĩnirẽ maquẽ niãtere wapatare nʉniyoborere ʉ̃sã cʉojomocãrãrã nirã ya.#Ro 15:27. 12Ãpẽrã mʉjãrẽ bueribasocare cʉ̃jãcã borere mʉjãcã nʉnirõrã abirora ʉ̃sã docare sotoa nʉnimasĩborora nirõ ya.
Buri ʉ̃sã mʉjãrẽ “anorã abiro ʉ̃sãrẽ tiro nirõ ya” ĩmasĩboariara nicaperacãrã icãta tiere tairo tiya ĩherara tairo nʉcãwʉmʉãtirucũmocã. Ʉ̃sã anorã abiro ya, apewatoa ʉ̃sãcã tora abiro mʉjãrẽ apeyenorẽ sãĩrẽmenape “ʉ̃sãcã ñurẽ quetire wederere cʉ̃jãrẽ tʉorugaheriñerõcã tinirã marĩpʉ posoboga” ĩnirã. Tairo tira ʉ̃sã mʉjãrẽ sãĩboariara nicaperacãrã ʉ̃sãcã borere cʉoherijomocãcaperacãrã mʉjãrẽ icãta sãĩpãmaheri.#2Co 6:3; 11:12. 13Mʉjã atiere masĩga. Manigʉ̃wipʉ padederibasoca paia tiwimaquẽ niãte yarigue nʉniyoariguerena yacatigawa. Ĩñerõcã waibʉcʉrare sĩãpeoro cʉtiropʉ padederacã cʉ̃jãcã Manigʉ̃rẽ wedewõrã waibʉcʉrare sĩãpeoariaraya direna yawa; cʉ̃jãcã topʉ padedere wapa.#Lv 6:9, 16, 26; Dt 18:1-3. 14Atiwãmerã abirora marĩ Nirũpʉ̃ Jesucristocã “yaye quetire wede padederibasocacã cʉ̃jãcã tiere wede padedere wapamenarã yarigue maquẽrẽ wapata yaragawa” ĩ doticũsiarigʉ niwĩ.#Mt 10:10; Lc 10:7. 15Tora abiro ĩcũyoriasiro nicapetacãrã yʉpe mʉjãrẽ yʉcã ñurẽ quetire buere wapare mʉjãrẽ ĩcãrĩnopera “yʉre yarigue maquẽ niãtere o sĩnirẽ maquẽ niãtecãrẽ nʉniña” ĩpãmaherijomocã mʉjãcã yʉre tora abiro nʉnimasiborere cʉomasĩgʉ̃ nicapeicã. Mʉjãrẽ anorã abiro wede ojacogʉ yʉcã padederigue wapare mʉjãrẽ sua yʉre wapatira nʉnisocoro bo ĩgʉ̃merã ya. Bʉtoro ʉaboaremena yʉcã cõwõãñerõcãcãrẽ ñurõãcu mʉjãrẽ yʉcã buerigue wapare wapaseheriga. Buripe wapaserono tigʉ wapatare bohegʉra mʉjãrẽ ʉsearemena bue tienomanirõrã buemasĩwʉ̃ yʉcã ĩãtora abiro.#Hch 18:3; 2Co 11:10.
16Yʉ, Manigʉ̃cã basocare Jesucristomenarã cametʉore quetire wedegʉ “ãpẽrãsotoa yʉ wapacʉtigʉ nigʉ̃ ya” ĩrugagʉmerã yʉ tiere wedegʉ ya. Merẽ Nirũpʉ̃basuruperena ñurẽ quetire wedeya ĩyorigʉ ninigʉ̃ yʉre tiere tiherimocã timasĩñamani; tirora nirõ ya. ¡Tiere yʉcã wedeheriñerõcã nocãrõ ñañacametʉaro timasĩgʉagari yʉre!#Jer 20:9; Am 3:8; Hch 9:15; Ro 1:14. 17Yʉbasurupera ñurẽ quetire buegʉda ĩnigʉ̃ buerigʉpʉa wapatare cʉomasĩgʉ̃ niboga. Yʉbasurupera yʉcã atiere tigʉda ĩheririasiro niñerõcãrã apeyepʉre timasĩñamani buripe Manigʉ̃pʉra yʉre padedere cũriguere yʉ queoro tigʉ cʉ̃cã yʉre padedere cũgʉ̃ tidotiriguerena tigʉ ya.#1Co 3:8, 14; Ga 2:7; Flp 1:16-17; Col 1:25. 18Tairo tiro yʉre yʉcã wapatare “Jesucristo cʉ̃rẽ wedewõrãrẽ cametʉogʉagawi” ĩrẽ quetire wedere wapa wapasero manirõrã ʉsearemena buerucũrẽrã ña. Queorojoropʉare yʉcã tie quetire buere wapape mʉjãrẽ “wapatiya” ĩ sãĩmasĩgʉ̃ niboarigʉ nicapeicã icãta tiere tora abiro tiheri.#1Co 7:31; 2Co 11:7; 12:13.
19Icãta pẽrõgãno basocaya dotiepeyoribasocʉ nihericapeicãrã yʉbasurupera nipetiraya dotiepeyoribasocʉra abiro nigʉ̃ ña cʉ̃jãrẽ Jesucristoye quetire tʉo, pajʉ cʉ̃rẽ wedewõrã eañerõcã bogʉ.#Mt 20:26-27; Ga 5:13. 20Yʉ yara judío basoca cʉtiropʉ nigʉ̃ eagʉ cʉ̃jãrẽ Jesucristore wedewõñerõcã bosãgʉ̃ cʉ̃jã judío basocara abirora yʉcã nigʉ̃ ea. Tairora yʉ Moisére dotire cũriguecã dotiro docapʉ nihericapeicãrã Moisére dotire cũrigue docapʉ nirãcʉtiropʉcãrẽ nigʉ̃ eagʉ cʉ̃jãrã abirora tie dotire doca nigʉ̃ ea. Cʉ̃jãrẽ yʉcã buerere tʉonirã Jesúre wedewõrã eañerõcã bosãgʉ̃ tairo ya.#Hch 16:3; 21:23; Ro 11:14; Ga 2:19. 21Apeyecãrẽ atie Moisére dotire cũriguemena nihera cʉtiropʉcãrẽ nigʉ̃ eagʉ cʉ̃jãrẽ Jesucristore wedewõñerõcã bosãgʉ̃ cʉ̃jãrã abirora tie dotiremena nihegʉra abiro nigʉ̃ ea. Buri anorã abiro ĩgʉ̃ “Manigʉ̃cã dotirere cametʉanʉcãgʉ̃ nigʉ̃ ya” ĩgʉ̃merã ya. Buripe tie Manigʉ̃cã dotire cũriguere ñurõ yʉquetatugʉra Jesucristocã dotire cũriarora abirora tiere queoro yʉquetatugʉ nigʉ̃ ya.#Ro 2:12, 14; 1Co 7:22; Ga 3:2. 22Jesúre queoro wedewõtutuaheramenacãrẽ nigʉ̃ eagʉ cʉ̃jãcãrẽ Jesúre queoro nirĩwãmerã wedewõrã eañerõcã bosãgʉ̃ cʉ̃jãmenacãrẽ yʉ cʉ̃jãrã abirora Jesúre queoro wedewõtutuahegʉra abiro nigʉ̃ ea. Cʉ̃jã nipetira basoca dairo nirãmenarẽ ñurẽ quetire wedegʉ cʉ̃jãcã nirĩwãmerã nigʉ̃ ea. Tairo ya apewatoa tigʉ ĩcãwãmenomenape o apewãmenomenape ĩcãrãrẽ cʉ̃jãcã ñañarẽ tirecʉtirere acõboyora eanirã cametʉoyora eañerõcã bogʉ.#1Co 8:9-12. 23Yʉ tie nipetirere tora abiro ya “Jesucristo cʉ̃rẽ wedewõrãrẽ cametʉogʉagawi” ĩrẽ quetire nipetiro macãrãpʉre ñurõ tʉora earo ĩgʉ̃. Tairo ya yʉcã cʉ̃ye maquẽrẽ queoro bueremenarã pajʉre tie ñurẽ quetire wedewõrã eañerõcã tinigʉ̃ cʉ̃jãcãrẽ yʉmenarã Cristocã nʉniãtere ñeãro ĩgʉ̃.#Mt 25:21; Lc 19:17.
24Mʉjã atiere masĩga. Cʉ̃jãcã cʉtʉrore nipetirapʉra cʉtʉwa. Buri tocʉ̃ cʉtʉcaperacãrã tocʉ̃pʉra wapatapetiheriwa ĩcʉ̃rã cʉtʉjeasocogʉ wadora wapatarere cʉogʉ eawi. Mʉjãcã tora abirora Manigʉ̃cã wapatare nʉniãtere ñerãdara cʉtʉribasocara abirora tutuaromena Manigʉ̃cã tiñerõcã borepere tirucũmocãña.#2Tm 4:7; Heb 12:1; Flp 3:14. 25Nipetira cʉtʉana cʉ̃jãcã cʉtʉatosʉguero cʉ̃jãya ũpʉ̃rĩrẽ posorenorẽ quenorã, tutuari ũpʉ̃rĩ tira bʉtoro cʉtʉbuegawa. Cʉ̃jã tairo yawa pũmena tiyoariabetore tibetocã mata ʉsaduiwa ditiatibeto nicapetacã wapataradara. Marĩcãrẽ tiwãmerã Manigʉ̃yere ñurõ buero bo. Marĩya ũpʉ̃rĩcã ñañarẽ tirere pitiñerõcã tinirã cʉ̃cã borepere tirucũrõ bo cʉ̃cã nʉniãtere wapataradara. Tie cʉ̃cã marĩrẽ wapatare nʉnirẽ doca icãta peti posaheriga.#Ef 6:12; 1Tm 6:12; 2Tm 2:5; 4:8; Stg 1:12; 1Pe 5:4; Ap 2:10; 3:11; 4:10. 26Tairo tigʉ yʉpe ĩcʉ̃ cʉtʉribasocʉ cape ĩñabʉahegʉra abiro aperope cʉtʉmequẽdegʉra abiro noborora timequẽdeheri. Tairora camequẽrĩbasocʉ camequẽmasĩhegʉ noborora aperopʉ pamequẽderora abiro yʉ timequẽdeheri. Buripe ñurõ wãcũsʉguetuwanigʉ̃pʉ, Manigʉ̃yere masĩnigʉ̃pʉ, cʉ̃cã borere tigʉ ya.#Flp 3:14. 27Ya ũpʉ̃cã ñañarõ tiñerõcã tirugarere, yʉcã ʉgaripearere tiere tiro manirõrã ya ũpʉ̃rẽ tairo nʉcãcametʉocoñerõcã ya. Ya ũpʉ̃ yʉre dotimasĩheri. Yʉpe yʉbasurupera ya ũpʉ̃rẽ dotimasĩ. Tairo ya Jesúye quetire ãpẽrãrẽ wederigʉ nicapeicã wapatare manigʉ̃ Manigʉ̃rẽ “mʉ queoro tiheriyu” ĩyogʉ pʉtʉari ĩgʉ̃.#Ro 6:18; 8:13; Col 3:5.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.