1 Corintios 10
10
Queore weyoriarare icãta wedewõherimocãña
1Yara mʉjãrẽ Jesucristore wedewõrãrẽ marĩ ñecʉ̃sʉmʉã nipetirapʉra ʉ̃mebʉrʉa doca wariguere, cʉ̃jãcã dia pairiya sõãriyapʉre tiya decorena Manigʉ̃cã boposãrĩma wañerõcã tirosiro cʉ̃jãcã tĩãwariguere icãta acõboñerõcã boheri.#Ex 13:21-22; 14:22-29. 2Cʉ̃jã nipetira ʉ̃mebʉrʉa docapʉ warara, dia pairiya sõãriyapʉre tĩãwarara tiemenarã wãmeõtiyorara abiro pʉtʉara eara tiriara niwã. Tora abiro binirã tiere eñorãrã Moisémena ĩcãrõ nirã ea cʉ̃rẽ quetaturibasoca pʉtʉara eara tiriara niwã. 3Tairora cʉ̃jã nipetirapʉra Manigʉ̃cã ʉmʉãwesepʉmena yarigue maná wãmecʉtirere tidujiocorere yariara niwã.#Ex 16:4, 35; Jn 6:31-32. 4Nipetirapʉra Manigʉ̃cã ʉ̃tãperimenarã oco witiñerõcã tirere sĩniriara niwã. Manigʉ̃cã ocore witiñerõcã tiripera no cʉ̃jãcã waro bapugʉ Jesucristora nigʉ̃ tirigʉ niwĩ. Tairo tigʉ cʉ̃rã cʉ̃jãya ʉ̃tãpe, cʉ̃jãrẽ oco tĩãrĩpera abiro nigʉ̃ tirigʉ niwĩ.#Ex 17:6; Nm 20:8-11; Jn 4:14; 6:32-35; 7:37-39. 5Manigʉ̃cã cʉ̃jãrẽ anorã abiro ñurõ ticapetacãrã pajʉ marĩ ñecʉ̃sʉmʉã cʉ̃cã dotirere cametʉanʉcãnirã cʉ̃rẽ cuañerõcã tiriara niwã. Tairo tigʉ cʉ̃jãcã tora abiro tiñerõcã ĩñagʉ̃ cʉ̃jãrẽ yucʉ manirõpʉ cõwõãñerõcã tirigʉ niwĩ cʉ̃jãcã cʉ̃rẽ cametʉanʉcãrẽ wapa.#Nm 14:16, 22-24, 28-35; Heb 3:17; Jos 1:1-2.
6Atie nipetire cʉ̃jãrẽ tairo warigue marĩcãrẽ cʉ̃jãrẽ wariarora abirora waherimocãro ĩ buero ya. Marĩcãrẽ tiwãmerã cʉ̃jãcã ñañarẽ ʉgaripearere tiriarora abirora tiherimocãña ĩrõ ya.#Nm 11:4-6, 33-34; Sal 106:14. 7Tairo tira mʉjã queore weyoriarare icãta wedewõherimocãña ĩcãrã cʉ̃jãcã tiriarora abiro. Queore weyoriararena wedewõriguere Manigʉ̃ye wederucũrẽrẽ ojayoriapũpʉre abiro ojayore ña: «Basoca ya, sĩni tiriara niwã. Tuwa cʉ̃jãya queore weyoriarare bosebʉreco tipeora cʉ̃jã cʉtiro wʉmʉnʉcã basasocoriara niwã» ĩ ojayore ña.#10:14; Ex 32:1-6. 8Tairora marĩcãrẽ tidotiheriwãmepera ʉmʉãcã, nomiãcã came apayosa tusarere icãta tiherimocãrõ bo ĩcãrã cʉ̃jãcã tiriarora abiro. Cʉ̃jãmañu cʉ̃jãcã tairo tirigue wapara ĩcãbʉrecorena veintitres miljoro cõwõãriara niwã.#Nm 25:1-18. 9Marĩcãrẽ cʉ̃jãcã tiriarora abirora marĩ Nirũpʉ̃rẽ icãta cuañerõcã tiherimocãrõ bo ĩcãrã cʉ̃jãcã tiriarora abiro. Cʉ̃jãmañurẽ cʉ̃jãcã tairo cuañerõcã tirigue wapamenarã pajʉ ãñarẽ bacoremena cõwõãriara niwã.#Ex 17:2, 7; Nm 21:5-6; Dt 6:16. 10Ĩñerõcã tairora marĩcãrẽ Manigʉ̃cã tidotirere icãta ũrũrũãherimocãrõ bo ĩcãrã cʉ̃jãcã tiriarora abiro. Cʉ̃jãmañurẽ cʉ̃jãcã cʉ̃rẽ ũrũrũãrigue waparena cʉ̃rẽ wedecoteribasocʉ cʉ̃cã cʉ̃jãrẽ sĩãdotigʉ ticoyoarigʉra cʉ̃jãrẽ sĩãcõãrigʉ niwĩ.#Ex 12:23; 16:2; 17:2; Nm 16:41-49; 17:6-13.
11Atie nipetire marĩ ñecʉ̃sʉmʉãrẽ tairo wariaro niwʉ̃ marĩcãrẽ cʉ̃jãrẽ wariarora abirora waherimocãro ĩ eñorõ. Tairora atie Manigʉ̃ye wederucũrẽrẽ ojayoriapũpʉcãrẽ ojayore pʉtʉariaro niwʉ̃ marĩcãrẽ atibʉrecori nitʉoribʉrecorire catiracãrẽ cʉ̃jãcã tiriarora abirora tira eaherimocãro ĩrõ.#Ro 13:11; 15:4; Flp 4:5; Heb 1:1-2; 11:39-40. 12Tairo tira mʉjã “Merẽ ʉ̃sã ñurõ wedewõrẽ cʉocametʉarapʉ nirã ya” ĩ tʉoiñatutuarano nimocãcaperacãrã ĩcʉ̃nopera cʉ̃jãcã ñañarẽrẽ tira eariarora abirora ñañarẽrẽ tira eari ĩrã ñurõ tʉomasĩña. Mʉjãrã tairo ĩrãrã nimocãboga ñañarẽrẽ tisocora eara.#Ro 11:20. 13Maricʉ̃ mʉjãrẽ basocacã nʉcãña maniborenopʉpʉa ñañarẽ ñapeaheri. Bicaperacãrã ãpẽrãcãrẽ warora abirora ĩcʉ̃no dʉsaro manirõ ñañarõ ĩdocasãrẽrẽ ñañarõ cametʉa. Tairo ñañarõ cametʉara Manigʉ̃rẽna wedewõña. Cʉ̃rã marĩrẽ queoro tigʉ ninigʉ̃ marĩrẽ ñañarõ wareno eañerõcã marĩcã nʉcãtutuaherenopʉpʉare marĩrẽ titamugʉagawi; marirẽ noboriwatoa ñañarẽ ñapearere tutuara diamacã maquẽrẽ timasĩrã nirã earo ĩgʉ̃. Tairora marĩrẽ marĩcã ñañãrẽrẽ cametʉanʉcãmasĩheriñerõcã ĩñagʉ̃ tie marĩrẽ posori ĩgʉ̃ tie ñañarẽrẽ cametʉobosagʉagawi. Tairo tigʉ marĩrẽ cʉ̃ cʉ̃menarã wãcũtutuañerõcã tigʉagawi ñañarẽrẽ tiherimocãro ĩgʉ̃.#Mt 4:1-11; 1Pe 4:19; 2Pe 2:9; Stg 1:2-4, 12.
14Tairo tira yara mʉjã icãta queore weyoriarare wedewõpãmaherimocãña ñañarõ wari ĩrã.#2Co 6:17; 1Jn 5:21. 15Mʉjãrẽ atiere basoca ñurõ tʉomasĩrãpʉrena wedegʉ ya. Tairo tira yʉcã wederere “tie queorora ña” ĩmasĩrõãcu. 16Marĩ ĩcãrõmena marĩ Nirũpʉ̃cã yaturiarora abiro tira Manigʉ̃rẽ “ñujo” ĩ ʉseare nʉnisoco. Nʉnituwarapʉra ʉse ocosotʉre sĩnirã “Jesucristo cõwõãgʉ̃ marĩcã ñañarẽ tirigue wapare cʉ̃cã di cõãrĩguemena wapatibosarigʉ niwĩ. Tairo tira marĩ cʉ̃menarã ĩcãrõ nirã ya” ĩ eñorãrã ya. Tosiro panrẽ ne dicawo yara “Jesucristocã cʉ̃ya ũpʉ̃mena curusapʉ marĩrẽ cõwõãbosariguemenarã marĩcã ĩcãmacã macãrãrã abiro cʉ̃mena ĩcãrõ nirãrã ña” ĩ eñorãrã ya.#Mt 26:26-28; Lc 22:19; 1Co 11:23-26; Hch 2:42. 17Marĩ pajʉ nicaperacãrã, nipetirapʉra ĩcãga pangarena came dicawo ya, marĩcã ĩcãũpʉ̃ Jesucristoya ũpʉ̃ macãrã wado nirẽrẽ eñorã. Tairo tira marĩ pajʉ nicaperacãrã ĩcãũpʉ̃rã abiro nirã ya.#Ro 12:5; 1Co 12:12, 27; Ef 4:16; Col 3:15; Jn 6:33-58.
18Mʉjã Israelyabumacãrãcã tirecʉtirere ĩñaña: Cʉ̃jã Manigʉ̃rẽ wedewõrã cʉ̃yawipʉ waibʉcʉre newa waibʉcʉrare sĩãpeorosotoapʉ sĩãpeowa. Cʉ̃jãcã tairo tiarigue direna yara “ʉ̃sã Manigʉ̃yarara ña” ĩ eñorãrã yawa. 19Yʉcã mʉjãrẽ anorã abiro ĩrẽmena “Manigʉ̃rẽ ĩñamasĩheraye queore weyoriguecã wapacʉti. Tairo tiro tie queore weyorigue cʉtiro waibʉcʉdi cũyoriguecã apeye waibʉcʉdisotoape wapacʉtire nirõ ya” ĩrugagʉmerã ya.#1Co 8:4. 20Buripe “Manigʉ̃rẽ ĩñamasĩhera waibʉcʉrare sĩãpeora Manigʉ̃rẽ nʉnirãmerã yawa. Wãtĩãpere nʉnirã yawa” ĩrugagʉpe ya.#Dt 32:17; Sal 106:37; Ap 9:20; 1Co 8:1-13; 10:23-33. 21Mʉjã ĩcãrõ neãpo ʉse ocosotʉre sĩnirã, panrẽ yara “ʉ̃sã Jesucristomena ĩcãrõ nirã ya” ĩ eñorẽrẽ tira icãta tiemenarã ĩcãsotʉ “ʉ̃sã wãtĩã yara ña” ĩ eñorã sĩnirĩsotʉre sĩniherimocãrõ bo. Tairora queore weyoriarare yarigue nʉniyoriguecãrẽ “ʉ̃sã wãtĩã yara ña” ĩ eñorã yarecãrẽ icãta yaherimocãrõ bo.#2Co 6:15-16. 22Marĩ Nirũpʉ̃ cʉ̃yarare cʉ̃ wadorena wedewõñerõcã bowi. Tairo tira marĩ wãtĩãrẽ wedewõrã cʉ̃rẽ doweñerõcã tinirã marĩmenarẽ cuañerõcã tirugara ya. Cʉ̃cã cuañerõcã marĩ dairono tinirã cʉ̃rẽ cametʉanʉcãmasĩheriga.#Dt 32:21; Ex 20:5; Is 45:9; Sal 78:58.
Marĩcã boriwãmepe wado tira ãpẽrãrẽ maĩmasĩheriga
23Ĩcãrã mʉjã watoa macãrã abiro ĩrẽcʉtira ñawã: “ʉ̃sãpʉare ʉ̃sãcã tirugarere noborere timasĩrõrã nirõ ya” ĩrã ñawã. Tie tairora ña nirõpʉa. Buri nipetirepʉrena maricã noboro tirugare cʉoñerõcã marĩrẽ ñurẽrẽ tiñerõcã tiheri. Tienorã ña marĩrẽ ãpẽrãrẽ Manigʉ̃rẽ õpe wedewõwʉmʉãñerõcã timasĩheriñerõcã tire.#Ro 14:19; 1Co 6:12; Ga 6:2. 24Tairo tiro ĩcʉ̃ wedewõgʉ̃norẽ cʉ̃ wadorena ñurẽ niãte maquẽ wadorena amaherimocãrõ bo. Ãpẽrãye niãtecãrẽ cʉ̃jãcãrẽ ñurẽ niãte maquẽrẽna wãcũbosagʉ nirõ bo.#10:33; Ro 15:1-2; Flp 2:4, 21.
25Mʉjã dairo nirẽ waibʉcʉradire duaritatiapʉre waibʉcʉdire wapatira ¿atie queore weyoriarare nʉniyoariguemerã ñarĩ? ĩ sãĩñaherara tiere wapati yaya; tiere yara mʉjãye tʉoiñarẽpʉre “ñañarõ tira tiga” ĩ wãcũrẽ cʉori ĩrã.#1Co 8:7. 26Merẽ Manigʉ̃ye wederucũrẽrẽ ojayoriapũpʉ abiro ojayore ña: «Atiditaro niãriaditaro ĩñerõcã nipetire tiditaropʉ nirẽcãrẽ Nirũpʉ̃ye wadora ña» ĩ ojayore ña. Tairo tiro nipetire cʉ̃cã yarigue cũriguere yamasĩrõrã nirõ ya.#Sal 24:1; 50:12; 89:11.
27Ĩcʉ̃no Jesúre wedewõhegʉnocã mʉjãrẽ cʉ̃yawipʉ yarigue yadotigʉ sioñerõcã mʉjã yarugara yara waya. Buri mʉjã yara wara ¿atie queore weyoriarare nʉniyoariguemerã ñarĩ? ĩ sãĩñaherara tiere yaya; tiere yara mʉjãye tʉoiñarẽpʉre “ñañarõ tira tiga” ĩ wãcũrẽ cʉori ĩrã.#Lc 10:7. 28Buri apewatoa tigʉ ãpĩ mʉjãrẽ “atie queore weyoriarare nʉniyoriguera ña” ĩñerõcã docare mʉjã tora abiro wedeyora ninirã tidire yaherimocãña. Mʉjãcã yaremenarã cʉ̃rẽ “ñañarẽrẽ tira yawa” ĩ wãcũñerõcã tinirã cʉ̃rẽ posori ĩrã.#Sal 24:1; 1Co 8:10-12; Ro 14:14-15. 29Anorã abiro ĩgʉ̃ mʉjãrẽ “tiere yañerõcã ñujo” ĩ tʉoiñarẽ cʉorapʉre ĩgʉ̃merã ya. Ãpĩpere mʉjãcã tiere yañerõcãpere “cʉ̃jã ñañarõ tira yawa” ĩ tʉoiñarẽ cʉogʉpere ĩgʉ̃ ya.
Yʉcã abiro ĩñerõcã mʉjãpe sãĩñaga. ¿Topʉare ʉ̃sãcã tirugariwãmepe tiñerõcã dairo tigʉ ãpĩpʉ ʉ̃sãrẽ ñañarõ tira yawa ĩmasĩbogari?#Ro 14:16. 30Ʉ̃sãcã yarere Manigʉ̃rẽ ʉseare nʉnirã ñucametʉasu ĩ ñubuetuwa ʉ̃sãcã tie yariguere yañerõcã ãpĩpʉ ʉ̃sãrẽ tie yarere yara ñañarõ tira yawa ĩ wedepasʉtimasĩheriwi ĩ sãĩñaboga mʉjã yʉre.#Ro 14:6; 1Tm 4:3, 4.
31Tiere yʉ mʉjãrẽ abiro ĩ wedegʉda: Mʉjãcã yarenomena, mʉjãcã sĩnirẽnomena o apeyenorẽ mʉjãcã borere tiracã Manigʉ̃cã tiñerõcã boreno wadorena tiya; mʉjãcã tora abiro tiremena ãpẽrãcãrẽ “cʉ̃ Manigʉ̃ ñucametʉasugʉ ñawĩ” ĩnirã cʉ̃rẽ wedewõrã earo ĩrã.#Col 3:17; 1Pe 4:11. 32Icãta ĩcʉ̃noperena mʉjãcã tirenomenape cʉ̃jãrẽ ñañarẽrẽ tiẽñonirã posoherimocãña. Judío basocare, judío basoca niheracarẽ, Manigʉ̃yaracãrẽ icãta ñañarẽrẽ tiẽñonirã posoherimocãña.#1Co 8:13. 33Yʉcã tirora abirope tiya. Nipetire yʉcã tiremenarã ãpẽrãrẽ “cʉ̃ ñurẽrẽ yawí” ĩ peñañerõcã tirepe yʉ tirucũmi. Tairo tigʉ yaye yʉre ñurẽ niãte wadorena wãcũheri. Ãpẽrãye cʉ̃jãrẽ ñurẽ niãte maquẽperena yʉcã tirugarepere wãcũbosarucũmocã. Cʉ̃jãcãrẽ Jesucristore wedewõrã eanirã pecamepʉ waherara cametʉoyora nirã earo ĩgʉ̃.#Ro 15:2; 1Co 9:22; 10:24; 13:5.
Currently Selected:
1 Corintios 10: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 10
10
Queore weyoriarare icãta wedewõherimocãña
1Yara mʉjãrẽ Jesucristore wedewõrãrẽ marĩ ñecʉ̃sʉmʉã nipetirapʉra ʉ̃mebʉrʉa doca wariguere, cʉ̃jãcã dia pairiya sõãriyapʉre tiya decorena Manigʉ̃cã boposãrĩma wañerõcã tirosiro cʉ̃jãcã tĩãwariguere icãta acõboñerõcã boheri.#Ex 13:21-22; 14:22-29. 2Cʉ̃jã nipetira ʉ̃mebʉrʉa docapʉ warara, dia pairiya sõãriyapʉre tĩãwarara tiemenarã wãmeõtiyorara abiro pʉtʉara eara tiriara niwã. Tora abiro binirã tiere eñorãrã Moisémena ĩcãrõ nirã ea cʉ̃rẽ quetaturibasoca pʉtʉara eara tiriara niwã. 3Tairora cʉ̃jã nipetirapʉra Manigʉ̃cã ʉmʉãwesepʉmena yarigue maná wãmecʉtirere tidujiocorere yariara niwã.#Ex 16:4, 35; Jn 6:31-32. 4Nipetirapʉra Manigʉ̃cã ʉ̃tãperimenarã oco witiñerõcã tirere sĩniriara niwã. Manigʉ̃cã ocore witiñerõcã tiripera no cʉ̃jãcã waro bapugʉ Jesucristora nigʉ̃ tirigʉ niwĩ. Tairo tigʉ cʉ̃rã cʉ̃jãya ʉ̃tãpe, cʉ̃jãrẽ oco tĩãrĩpera abiro nigʉ̃ tirigʉ niwĩ.#Ex 17:6; Nm 20:8-11; Jn 4:14; 6:32-35; 7:37-39. 5Manigʉ̃cã cʉ̃jãrẽ anorã abiro ñurõ ticapetacãrã pajʉ marĩ ñecʉ̃sʉmʉã cʉ̃cã dotirere cametʉanʉcãnirã cʉ̃rẽ cuañerõcã tiriara niwã. Tairo tigʉ cʉ̃jãcã tora abiro tiñerõcã ĩñagʉ̃ cʉ̃jãrẽ yucʉ manirõpʉ cõwõãñerõcã tirigʉ niwĩ cʉ̃jãcã cʉ̃rẽ cametʉanʉcãrẽ wapa.#Nm 14:16, 22-24, 28-35; Heb 3:17; Jos 1:1-2.
6Atie nipetire cʉ̃jãrẽ tairo warigue marĩcãrẽ cʉ̃jãrẽ wariarora abirora waherimocãro ĩ buero ya. Marĩcãrẽ tiwãmerã cʉ̃jãcã ñañarẽ ʉgaripearere tiriarora abirora tiherimocãña ĩrõ ya.#Nm 11:4-6, 33-34; Sal 106:14. 7Tairo tira mʉjã queore weyoriarare icãta wedewõherimocãña ĩcãrã cʉ̃jãcã tiriarora abiro. Queore weyoriararena wedewõriguere Manigʉ̃ye wederucũrẽrẽ ojayoriapũpʉre abiro ojayore ña: «Basoca ya, sĩni tiriara niwã. Tuwa cʉ̃jãya queore weyoriarare bosebʉreco tipeora cʉ̃jã cʉtiro wʉmʉnʉcã basasocoriara niwã» ĩ ojayore ña.#10:14; Ex 32:1-6. 8Tairora marĩcãrẽ tidotiheriwãmepera ʉmʉãcã, nomiãcã came apayosa tusarere icãta tiherimocãrõ bo ĩcãrã cʉ̃jãcã tiriarora abiro. Cʉ̃jãmañu cʉ̃jãcã tairo tirigue wapara ĩcãbʉrecorena veintitres miljoro cõwõãriara niwã.#Nm 25:1-18. 9Marĩcãrẽ cʉ̃jãcã tiriarora abirora marĩ Nirũpʉ̃rẽ icãta cuañerõcã tiherimocãrõ bo ĩcãrã cʉ̃jãcã tiriarora abiro. Cʉ̃jãmañurẽ cʉ̃jãcã tairo cuañerõcã tirigue wapamenarã pajʉ ãñarẽ bacoremena cõwõãriara niwã.#Ex 17:2, 7; Nm 21:5-6; Dt 6:16. 10Ĩñerõcã tairora marĩcãrẽ Manigʉ̃cã tidotirere icãta ũrũrũãherimocãrõ bo ĩcãrã cʉ̃jãcã tiriarora abiro. Cʉ̃jãmañurẽ cʉ̃jãcã cʉ̃rẽ ũrũrũãrigue waparena cʉ̃rẽ wedecoteribasocʉ cʉ̃cã cʉ̃jãrẽ sĩãdotigʉ ticoyoarigʉra cʉ̃jãrẽ sĩãcõãrigʉ niwĩ.#Ex 12:23; 16:2; 17:2; Nm 16:41-49; 17:6-13.
11Atie nipetire marĩ ñecʉ̃sʉmʉãrẽ tairo wariaro niwʉ̃ marĩcãrẽ cʉ̃jãrẽ wariarora abirora waherimocãro ĩ eñorõ. Tairora atie Manigʉ̃ye wederucũrẽrẽ ojayoriapũpʉcãrẽ ojayore pʉtʉariaro niwʉ̃ marĩcãrẽ atibʉrecori nitʉoribʉrecorire catiracãrẽ cʉ̃jãcã tiriarora abirora tira eaherimocãro ĩrõ.#Ro 13:11; 15:4; Flp 4:5; Heb 1:1-2; 11:39-40. 12Tairo tira mʉjã “Merẽ ʉ̃sã ñurõ wedewõrẽ cʉocametʉarapʉ nirã ya” ĩ tʉoiñatutuarano nimocãcaperacãrã ĩcʉ̃nopera cʉ̃jãcã ñañarẽrẽ tira eariarora abirora ñañarẽrẽ tira eari ĩrã ñurõ tʉomasĩña. Mʉjãrã tairo ĩrãrã nimocãboga ñañarẽrẽ tisocora eara.#Ro 11:20. 13Maricʉ̃ mʉjãrẽ basocacã nʉcãña maniborenopʉpʉa ñañarẽ ñapeaheri. Bicaperacãrã ãpẽrãcãrẽ warora abirora ĩcʉ̃no dʉsaro manirõ ñañarõ ĩdocasãrẽrẽ ñañarõ cametʉa. Tairo ñañarõ cametʉara Manigʉ̃rẽna wedewõña. Cʉ̃rã marĩrẽ queoro tigʉ ninigʉ̃ marĩrẽ ñañarõ wareno eañerõcã marĩcã nʉcãtutuaherenopʉpʉare marĩrẽ titamugʉagawi; marirẽ noboriwatoa ñañarẽ ñapearere tutuara diamacã maquẽrẽ timasĩrã nirã earo ĩgʉ̃. Tairora marĩrẽ marĩcã ñañãrẽrẽ cametʉanʉcãmasĩheriñerõcã ĩñagʉ̃ tie marĩrẽ posori ĩgʉ̃ tie ñañarẽrẽ cametʉobosagʉagawi. Tairo tigʉ marĩrẽ cʉ̃ cʉ̃menarã wãcũtutuañerõcã tigʉagawi ñañarẽrẽ tiherimocãro ĩgʉ̃.#Mt 4:1-11; 1Pe 4:19; 2Pe 2:9; Stg 1:2-4, 12.
14Tairo tira yara mʉjã icãta queore weyoriarare wedewõpãmaherimocãña ñañarõ wari ĩrã.#2Co 6:17; 1Jn 5:21. 15Mʉjãrẽ atiere basoca ñurõ tʉomasĩrãpʉrena wedegʉ ya. Tairo tira yʉcã wederere “tie queorora ña” ĩmasĩrõãcu. 16Marĩ ĩcãrõmena marĩ Nirũpʉ̃cã yaturiarora abiro tira Manigʉ̃rẽ “ñujo” ĩ ʉseare nʉnisoco. Nʉnituwarapʉra ʉse ocosotʉre sĩnirã “Jesucristo cõwõãgʉ̃ marĩcã ñañarẽ tirigue wapare cʉ̃cã di cõãrĩguemena wapatibosarigʉ niwĩ. Tairo tira marĩ cʉ̃menarã ĩcãrõ nirã ya” ĩ eñorãrã ya. Tosiro panrẽ ne dicawo yara “Jesucristocã cʉ̃ya ũpʉ̃mena curusapʉ marĩrẽ cõwõãbosariguemenarã marĩcã ĩcãmacã macãrãrã abiro cʉ̃mena ĩcãrõ nirãrã ña” ĩ eñorãrã ya.#Mt 26:26-28; Lc 22:19; 1Co 11:23-26; Hch 2:42. 17Marĩ pajʉ nicaperacãrã, nipetirapʉra ĩcãga pangarena came dicawo ya, marĩcã ĩcãũpʉ̃ Jesucristoya ũpʉ̃ macãrã wado nirẽrẽ eñorã. Tairo tira marĩ pajʉ nicaperacãrã ĩcãũpʉ̃rã abiro nirã ya.#Ro 12:5; 1Co 12:12, 27; Ef 4:16; Col 3:15; Jn 6:33-58.
18Mʉjã Israelyabumacãrãcã tirecʉtirere ĩñaña: Cʉ̃jã Manigʉ̃rẽ wedewõrã cʉ̃yawipʉ waibʉcʉre newa waibʉcʉrare sĩãpeorosotoapʉ sĩãpeowa. Cʉ̃jãcã tairo tiarigue direna yara “ʉ̃sã Manigʉ̃yarara ña” ĩ eñorãrã yawa. 19Yʉcã mʉjãrẽ anorã abiro ĩrẽmena “Manigʉ̃rẽ ĩñamasĩheraye queore weyoriguecã wapacʉti. Tairo tiro tie queore weyorigue cʉtiro waibʉcʉdi cũyoriguecã apeye waibʉcʉdisotoape wapacʉtire nirõ ya” ĩrugagʉmerã ya.#1Co 8:4. 20Buripe “Manigʉ̃rẽ ĩñamasĩhera waibʉcʉrare sĩãpeora Manigʉ̃rẽ nʉnirãmerã yawa. Wãtĩãpere nʉnirã yawa” ĩrugagʉpe ya.#Dt 32:17; Sal 106:37; Ap 9:20; 1Co 8:1-13; 10:23-33. 21Mʉjã ĩcãrõ neãpo ʉse ocosotʉre sĩnirã, panrẽ yara “ʉ̃sã Jesucristomena ĩcãrõ nirã ya” ĩ eñorẽrẽ tira icãta tiemenarã ĩcãsotʉ “ʉ̃sã wãtĩã yara ña” ĩ eñorã sĩnirĩsotʉre sĩniherimocãrõ bo. Tairora queore weyoriarare yarigue nʉniyoriguecãrẽ “ʉ̃sã wãtĩã yara ña” ĩ eñorã yarecãrẽ icãta yaherimocãrõ bo.#2Co 6:15-16. 22Marĩ Nirũpʉ̃ cʉ̃yarare cʉ̃ wadorena wedewõñerõcã bowi. Tairo tira marĩ wãtĩãrẽ wedewõrã cʉ̃rẽ doweñerõcã tinirã marĩmenarẽ cuañerõcã tirugara ya. Cʉ̃cã cuañerõcã marĩ dairono tinirã cʉ̃rẽ cametʉanʉcãmasĩheriga.#Dt 32:21; Ex 20:5; Is 45:9; Sal 78:58.
Marĩcã boriwãmepe wado tira ãpẽrãrẽ maĩmasĩheriga
23Ĩcãrã mʉjã watoa macãrã abiro ĩrẽcʉtira ñawã: “ʉ̃sãpʉare ʉ̃sãcã tirugarere noborere timasĩrõrã nirõ ya” ĩrã ñawã. Tie tairora ña nirõpʉa. Buri nipetirepʉrena maricã noboro tirugare cʉoñerõcã marĩrẽ ñurẽrẽ tiñerõcã tiheri. Tienorã ña marĩrẽ ãpẽrãrẽ Manigʉ̃rẽ õpe wedewõwʉmʉãñerõcã timasĩheriñerõcã tire.#Ro 14:19; 1Co 6:12; Ga 6:2. 24Tairo tiro ĩcʉ̃ wedewõgʉ̃norẽ cʉ̃ wadorena ñurẽ niãte maquẽ wadorena amaherimocãrõ bo. Ãpẽrãye niãtecãrẽ cʉ̃jãcãrẽ ñurẽ niãte maquẽrẽna wãcũbosagʉ nirõ bo.#10:33; Ro 15:1-2; Flp 2:4, 21.
25Mʉjã dairo nirẽ waibʉcʉradire duaritatiapʉre waibʉcʉdire wapatira ¿atie queore weyoriarare nʉniyoariguemerã ñarĩ? ĩ sãĩñaherara tiere wapati yaya; tiere yara mʉjãye tʉoiñarẽpʉre “ñañarõ tira tiga” ĩ wãcũrẽ cʉori ĩrã.#1Co 8:7. 26Merẽ Manigʉ̃ye wederucũrẽrẽ ojayoriapũpʉ abiro ojayore ña: «Atiditaro niãriaditaro ĩñerõcã nipetire tiditaropʉ nirẽcãrẽ Nirũpʉ̃ye wadora ña» ĩ ojayore ña. Tairo tiro nipetire cʉ̃cã yarigue cũriguere yamasĩrõrã nirõ ya.#Sal 24:1; 50:12; 89:11.
27Ĩcʉ̃no Jesúre wedewõhegʉnocã mʉjãrẽ cʉ̃yawipʉ yarigue yadotigʉ sioñerõcã mʉjã yarugara yara waya. Buri mʉjã yara wara ¿atie queore weyoriarare nʉniyoariguemerã ñarĩ? ĩ sãĩñaherara tiere yaya; tiere yara mʉjãye tʉoiñarẽpʉre “ñañarõ tira tiga” ĩ wãcũrẽ cʉori ĩrã.#Lc 10:7. 28Buri apewatoa tigʉ ãpĩ mʉjãrẽ “atie queore weyoriarare nʉniyoriguera ña” ĩñerõcã docare mʉjã tora abiro wedeyora ninirã tidire yaherimocãña. Mʉjãcã yaremenarã cʉ̃rẽ “ñañarẽrẽ tira yawa” ĩ wãcũñerõcã tinirã cʉ̃rẽ posori ĩrã.#Sal 24:1; 1Co 8:10-12; Ro 14:14-15. 29Anorã abiro ĩgʉ̃ mʉjãrẽ “tiere yañerõcã ñujo” ĩ tʉoiñarẽ cʉorapʉre ĩgʉ̃merã ya. Ãpĩpere mʉjãcã tiere yañerõcãpere “cʉ̃jã ñañarõ tira yawa” ĩ tʉoiñarẽ cʉogʉpere ĩgʉ̃ ya.
Yʉcã abiro ĩñerõcã mʉjãpe sãĩñaga. ¿Topʉare ʉ̃sãcã tirugariwãmepe tiñerõcã dairo tigʉ ãpĩpʉ ʉ̃sãrẽ ñañarõ tira yawa ĩmasĩbogari?#Ro 14:16. 30Ʉ̃sãcã yarere Manigʉ̃rẽ ʉseare nʉnirã ñucametʉasu ĩ ñubuetuwa ʉ̃sãcã tie yariguere yañerõcã ãpĩpʉ ʉ̃sãrẽ tie yarere yara ñañarõ tira yawa ĩ wedepasʉtimasĩheriwi ĩ sãĩñaboga mʉjã yʉre.#Ro 14:6; 1Tm 4:3, 4.
31Tiere yʉ mʉjãrẽ abiro ĩ wedegʉda: Mʉjãcã yarenomena, mʉjãcã sĩnirẽnomena o apeyenorẽ mʉjãcã borere tiracã Manigʉ̃cã tiñerõcã boreno wadorena tiya; mʉjãcã tora abiro tiremena ãpẽrãcãrẽ “cʉ̃ Manigʉ̃ ñucametʉasugʉ ñawĩ” ĩnirã cʉ̃rẽ wedewõrã earo ĩrã.#Col 3:17; 1Pe 4:11. 32Icãta ĩcʉ̃noperena mʉjãcã tirenomenape cʉ̃jãrẽ ñañarẽrẽ tiẽñonirã posoherimocãña. Judío basocare, judío basoca niheracarẽ, Manigʉ̃yaracãrẽ icãta ñañarẽrẽ tiẽñonirã posoherimocãña.#1Co 8:13. 33Yʉcã tirora abirope tiya. Nipetire yʉcã tiremenarã ãpẽrãrẽ “cʉ̃ ñurẽrẽ yawí” ĩ peñañerõcã tirepe yʉ tirucũmi. Tairo tigʉ yaye yʉre ñurẽ niãte wadorena wãcũheri. Ãpẽrãye cʉ̃jãrẽ ñurẽ niãte maquẽperena yʉcã tirugarepere wãcũbosarucũmocã. Cʉ̃jãcãrẽ Jesucristore wedewõrã eanirã pecamepʉ waherara cametʉoyora nirã earo ĩgʉ̃.#Ro 15:2; 1Co 9:22; 10:24; 13:5.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.