1 Corintios 8
8
Queore weyoriguerena waibʉcʉradire nʉnirẽ maquẽrẽ wedere
1Yʉ marĩcʉorore apeye “queore weyoriguerena waibʉcʉradire nʉniyoariguere yañerõcã ñujogari” ĩ mʉjãcã sãĩñacoriguere yʉgʉda. Birapʉa marĩ nipetirapʉra atie maquẽrẽ masĩrãrã nirã ya. Mʉjãcã ĩrõrã abirora marĩ nipetira wedewõrã nirã weyoriarare wedewõrẽ wapamani; tiere merẽ ñurõ masĩpetisia ĩrãjoro ña. Buri bicapetacãrã marĩcã tora abiro masĩrẽ cʉorera marĩrẽ “ʉ̃sãpʉa ãpẽrãsotoa masĩcametʉanʉcãrãrã ña” ĩñerõcã tirecʉti; apeyepe ãpẽrãrẽ came maĩrẽ cʉorepe marirẽ ãpẽrãrẽ titamuñerõcã tinirõ Manigʉ̃rẽ wedewõnemowʉmʉãñerõcã tiro doca nicapetacã.#Hch 15:20; Ro 14:3, 10; 15:14. 2Abiro ĩgʉ̃ anorã abirope ĩrugagʉ ya: “queorojoropʉare ‘yʉ tiemaquẽrẽ masĩgʉ̃ nigʉ̃ ya’ ĩgʉ̃no diamacãpʉare marĩcʉ̃ icãta masĩrĩboriwãmepera masĩherijomocãgʉ̃ nigʉ̃ yawí”.#1Co 3:18; 13:8-9, 12; 1Tm 6:4; Ro 11:33-36. 3Buri “ãpĩpe Manigʉrẽ nirõrã maĩrẽ cʉogʉpe cʉ̃ doca masĩrẽ cʉogʉra nigʉ̃ yawí. Tairo tigʉ cʉ̃cã masĩrẽ cʉoremenarã cʉ̃rẽ nirõrã Manigʉ̃cã ñeyorigʉ nirẽrẽ, Manigʉ̃rã cʉ̃rẽ masĩrẽ nʉnirẽrẽ, ĩñamasĩyogʉ nirẽrẽ eñowĩ” ĩgʉ̃ ya.#Ro 8:29; Ga 4:9; 1Jn 4:7-8.
4Tairo tigʉ yʉ mʉjãrẽ queore weyorigue cʉtiro yarigue cũyoariguerena yaremaquẽrẽ wedegʉda. Yʉcã mʉjãcã ĩrõrã abirora wãcũ. Queorojoropʉare queore weyoriaracã atibʉrecopʉre ñeno catire cʉoherijomocãrãrã icãta wãpamanirã nirã ñawã. Tairora ãpẽrã Manigʉ̃rã abiro niboranocã icãta maniwã; cʉ̃ wadora ñawĩ.#Dt 6:4; Sal 115:4-7; Is 44:12-20; 1Co 10:19; Ef 4:6. 5Buri marĩpʉare anorã abiro nicapetacã ãpẽrã Manigʉ̃rẽ wedewõherape cʉ̃jãcã ʉmʉãwesepʉ macãrã manirãrã ñawã ĩrãrẽna, atidita macãrã manirãrã ñawã cʉ̃jãcã ĩrãrẽna wedewõwã. Marĩcã Manigʉ̃rẽ wedewõrõrã abiro cʉ̃jã cʉ̃jãrẽ “marĩya nirũpãrãrã ñawã” ĩ tʉoiña wedewõwã. 6Marĩpʉare ĩcʉ̃rã Manigʉ̃ marĩ Pacʉ nipetirere bajuanepetirigʉ ñawĩ. Tairo tira marĩ cʉ̃yara cʉ̃menarã nirã cʉ̃cã dotiro tianarã nirã ya. Tairora marĩpʉare ĩcʉ̃rã Jesucristo marĩ Nirũpʉ̃ ñawĩ. Manigʉ̃ cʉ̃menarã nipetirere tirigʉ niwĩ. Cʉ̃menarã marĩcãrẽ cʉ̃yara nirã eañerõcã tinigʉ̃ cʉ̃ye catirere nʉnirigʉ niwĩ cʉ̃menarã nirucũmocãro ĩgʉ̃.#Mal 2:10; Ro 11:36; Flp 2:11; Ef 4:6; Jn 1:3; Col 1:16; Heb 1:2; 2:10.
7Atiecã anorã abiro diamacã maquẽ nicapetacãrã marĩcʉ̃ ĩcãrã mʉjã watoa macãrã Jesúre wedewõrã queore weyoriaracã icãta catire cʉohera nirẽrẽ, icãta wapamanirã nirẽrẽ tʉomasĩherijomocãwã. Tairo tira cʉ̃jãcã Jesucristore wedewõrã eatosʉgueropʉra cʉ̃jãrẽ wedewõrã “cʉ̃jã catire cʉora, tutuare cʉora ñawã” ĩ cʉ̃jãcã wedewõriarora abirora wãcũrucũmocãrã ñawã marĩcʉ̃. Tairo tiro tie cʉ̃jãcã tairo wãcũrẽcʉtirigue marĩcʉ̃ cʉ̃jãpʉre nimocãñerõcãrã waibʉcʉ queore weyoriarare nʉniyoarigue dire yara “marĩ ñañarõ tira ya” ĩ wãcũrã eawa. Tairo tiro cʉ̃jãcã tora abiro wedewõtutuahera niñerõcãrã cʉ̃jãye tʉoiñarẽpʉre cʉ̃jãrẽ wapa cʉora pʉtʉa ĩrã eañerõcã ya.#Ro 14:14; 1Co 10:28. 8Buri mʉjãcã ĩrõrã abirora ña nirõpʉa. Yariguejoromenapʉare marĩcã nonirẽ yariasiromenacãrẽ o yaheriariasiromenacãrẽ marĩrẽ Manigʉ̃menarẽ ñurã nirã eañerõcã o ñañarã nirã eañerõcã timasĩheri. Tie yariguere marĩcã yariasirocãrẽ marĩrẽ tie ñenojororena tiheri, Manigʉ̃rẽ peñañerõcã tiheri. Tairora tiere yaheriarisirocãrẽ marĩrẽ posoheri, Manigʉ̃rẽ peñaheriñerõcã tiheri.#Ro 14:17.
9Tairo nimocãcapetacãrã marĩcã tora abiro dairo nirẽ yarecʉtirere ñurõ tʉomasĩrãda. Ãpẽrãrẽ Jesúre õjoro wedewõtutuaherare ñañarẽrẽ tiñerõcã tinirã posori ĩrã.#Ro 14:1, 13-15; Ga 5:13. 10Mʉnopʉa “queore weyoriara icãta wapamaniwã” ĩgʉ̃nopʉa weyoriarare wedewõrĩbasoca yaropʉ yagʉ wagʉ “ñañarõ tigʉ tiga” ĩheri. Buri mʉcã topʉ yariwatoanopere ãpĩ Jesúre õjoro wedewõtutuahegʉ mʉrẽ topʉ yagʉre bʉajeagʉ cʉ̃cã mʉrẽ ĩñacũnigʉ̃ yagʉagawi. Buri cʉ̃pe tairo yagʉ “yʉ ñañarõ tigʉ ya” ĩ wãcũcapeicã yagʉagawi. Tora abiro tiñerõcã tinirã mʉjã cʉ̃rẽ ñañarõ tiñerõcã tira tiroacu.#1Co 10:28-29, 32. 11Tairo tigʉ mʉ tora abiro masĩrẽ cʉogʉ nicapeicã tienopʉ yagʉ mʉyara Jesucristore õjoro wedewõtutuaherarena, Jesucristora cʉ̃jãye wapacãrẽ cõwõãbosayoriara nirãcãrẽ tibuiyenigʉ̃ posogʉ tigʉacu.#Ro 14:15, 20. 12Mʉjã anorã abiro mʉjãyarare Jesucristore õjoro wedewõtutuaherare tibuiyemocãnirã cʉ̃jãye tʉoiñarẽpʉre ñañarẽ tiñerõcã tinirã cʉ̃jãrẽ posora mʉjã Jesucristorena ñañarõ tidocatura ya. 13Tairo tira queore weyoriguere nʉniyoarigue waibʉcʉradire marĩcã yaremena marĩyagʉ Jesucristore õjoro wedewõtutuahegʉre ñañarẽrẽ tiñerõcã tibuiyera, tocãrõrã marĩrẽ tiere yadumocãrõ bo tora abiro tiere yanirã cʉ̃jãrẽ tibuiyenirã ñañarẽrẽ tiñerõcã tiri ĩrã.#Ro 14:21; 2Co 11:29; Mt 25:40, 45; Hch 15:20.
Currently Selected:
1 Corintios 8: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 8
8
Queore weyoriguerena waibʉcʉradire nʉnirẽ maquẽrẽ wedere
1Yʉ marĩcʉorore apeye “queore weyoriguerena waibʉcʉradire nʉniyoariguere yañerõcã ñujogari” ĩ mʉjãcã sãĩñacoriguere yʉgʉda. Birapʉa marĩ nipetirapʉra atie maquẽrẽ masĩrãrã nirã ya. Mʉjãcã ĩrõrã abirora marĩ nipetira wedewõrã nirã weyoriarare wedewõrẽ wapamani; tiere merẽ ñurõ masĩpetisia ĩrãjoro ña. Buri bicapetacãrã marĩcã tora abiro masĩrẽ cʉorera marĩrẽ “ʉ̃sãpʉa ãpẽrãsotoa masĩcametʉanʉcãrãrã ña” ĩñerõcã tirecʉti; apeyepe ãpẽrãrẽ came maĩrẽ cʉorepe marirẽ ãpẽrãrẽ titamuñerõcã tinirõ Manigʉ̃rẽ wedewõnemowʉmʉãñerõcã tiro doca nicapetacã.#Hch 15:20; Ro 14:3, 10; 15:14. 2Abiro ĩgʉ̃ anorã abirope ĩrugagʉ ya: “queorojoropʉare ‘yʉ tiemaquẽrẽ masĩgʉ̃ nigʉ̃ ya’ ĩgʉ̃no diamacãpʉare marĩcʉ̃ icãta masĩrĩboriwãmepera masĩherijomocãgʉ̃ nigʉ̃ yawí”.#1Co 3:18; 13:8-9, 12; 1Tm 6:4; Ro 11:33-36. 3Buri “ãpĩpe Manigʉrẽ nirõrã maĩrẽ cʉogʉpe cʉ̃ doca masĩrẽ cʉogʉra nigʉ̃ yawí. Tairo tigʉ cʉ̃cã masĩrẽ cʉoremenarã cʉ̃rẽ nirõrã Manigʉ̃cã ñeyorigʉ nirẽrẽ, Manigʉ̃rã cʉ̃rẽ masĩrẽ nʉnirẽrẽ, ĩñamasĩyogʉ nirẽrẽ eñowĩ” ĩgʉ̃ ya.#Ro 8:29; Ga 4:9; 1Jn 4:7-8.
4Tairo tigʉ yʉ mʉjãrẽ queore weyorigue cʉtiro yarigue cũyoariguerena yaremaquẽrẽ wedegʉda. Yʉcã mʉjãcã ĩrõrã abirora wãcũ. Queorojoropʉare queore weyoriaracã atibʉrecopʉre ñeno catire cʉoherijomocãrãrã icãta wãpamanirã nirã ñawã. Tairora ãpẽrã Manigʉ̃rã abiro niboranocã icãta maniwã; cʉ̃ wadora ñawĩ.#Dt 6:4; Sal 115:4-7; Is 44:12-20; 1Co 10:19; Ef 4:6. 5Buri marĩpʉare anorã abiro nicapetacã ãpẽrã Manigʉ̃rẽ wedewõherape cʉ̃jãcã ʉmʉãwesepʉ macãrã manirãrã ñawã ĩrãrẽna, atidita macãrã manirãrã ñawã cʉ̃jãcã ĩrãrẽna wedewõwã. Marĩcã Manigʉ̃rẽ wedewõrõrã abiro cʉ̃jã cʉ̃jãrẽ “marĩya nirũpãrãrã ñawã” ĩ tʉoiña wedewõwã. 6Marĩpʉare ĩcʉ̃rã Manigʉ̃ marĩ Pacʉ nipetirere bajuanepetirigʉ ñawĩ. Tairo tira marĩ cʉ̃yara cʉ̃menarã nirã cʉ̃cã dotiro tianarã nirã ya. Tairora marĩpʉare ĩcʉ̃rã Jesucristo marĩ Nirũpʉ̃ ñawĩ. Manigʉ̃ cʉ̃menarã nipetirere tirigʉ niwĩ. Cʉ̃menarã marĩcãrẽ cʉ̃yara nirã eañerõcã tinigʉ̃ cʉ̃ye catirere nʉnirigʉ niwĩ cʉ̃menarã nirucũmocãro ĩgʉ̃.#Mal 2:10; Ro 11:36; Flp 2:11; Ef 4:6; Jn 1:3; Col 1:16; Heb 1:2; 2:10.
7Atiecã anorã abiro diamacã maquẽ nicapetacãrã marĩcʉ̃ ĩcãrã mʉjã watoa macãrã Jesúre wedewõrã queore weyoriaracã icãta catire cʉohera nirẽrẽ, icãta wapamanirã nirẽrẽ tʉomasĩherijomocãwã. Tairo tira cʉ̃jãcã Jesucristore wedewõrã eatosʉgueropʉra cʉ̃jãrẽ wedewõrã “cʉ̃jã catire cʉora, tutuare cʉora ñawã” ĩ cʉ̃jãcã wedewõriarora abirora wãcũrucũmocãrã ñawã marĩcʉ̃. Tairo tiro tie cʉ̃jãcã tairo wãcũrẽcʉtirigue marĩcʉ̃ cʉ̃jãpʉre nimocãñerõcãrã waibʉcʉ queore weyoriarare nʉniyoarigue dire yara “marĩ ñañarõ tira ya” ĩ wãcũrã eawa. Tairo tiro cʉ̃jãcã tora abiro wedewõtutuahera niñerõcãrã cʉ̃jãye tʉoiñarẽpʉre cʉ̃jãrẽ wapa cʉora pʉtʉa ĩrã eañerõcã ya.#Ro 14:14; 1Co 10:28. 8Buri mʉjãcã ĩrõrã abirora ña nirõpʉa. Yariguejoromenapʉare marĩcã nonirẽ yariasiromenacãrẽ o yaheriariasiromenacãrẽ marĩrẽ Manigʉ̃menarẽ ñurã nirã eañerõcã o ñañarã nirã eañerõcã timasĩheri. Tie yariguere marĩcã yariasirocãrẽ marĩrẽ tie ñenojororena tiheri, Manigʉ̃rẽ peñañerõcã tiheri. Tairora tiere yaheriarisirocãrẽ marĩrẽ posoheri, Manigʉ̃rẽ peñaheriñerõcã tiheri.#Ro 14:17.
9Tairo nimocãcapetacãrã marĩcã tora abiro dairo nirẽ yarecʉtirere ñurõ tʉomasĩrãda. Ãpẽrãrẽ Jesúre õjoro wedewõtutuaherare ñañarẽrẽ tiñerõcã tinirã posori ĩrã.#Ro 14:1, 13-15; Ga 5:13. 10Mʉnopʉa “queore weyoriara icãta wapamaniwã” ĩgʉ̃nopʉa weyoriarare wedewõrĩbasoca yaropʉ yagʉ wagʉ “ñañarõ tigʉ tiga” ĩheri. Buri mʉcã topʉ yariwatoanopere ãpĩ Jesúre õjoro wedewõtutuahegʉ mʉrẽ topʉ yagʉre bʉajeagʉ cʉ̃cã mʉrẽ ĩñacũnigʉ̃ yagʉagawi. Buri cʉ̃pe tairo yagʉ “yʉ ñañarõ tigʉ ya” ĩ wãcũcapeicã yagʉagawi. Tora abiro tiñerõcã tinirã mʉjã cʉ̃rẽ ñañarõ tiñerõcã tira tiroacu.#1Co 10:28-29, 32. 11Tairo tigʉ mʉ tora abiro masĩrẽ cʉogʉ nicapeicã tienopʉ yagʉ mʉyara Jesucristore õjoro wedewõtutuaherarena, Jesucristora cʉ̃jãye wapacãrẽ cõwõãbosayoriara nirãcãrẽ tibuiyenigʉ̃ posogʉ tigʉacu.#Ro 14:15, 20. 12Mʉjã anorã abiro mʉjãyarare Jesucristore õjoro wedewõtutuaherare tibuiyemocãnirã cʉ̃jãye tʉoiñarẽpʉre ñañarẽ tiñerõcã tinirã cʉ̃jãrẽ posora mʉjã Jesucristorena ñañarõ tidocatura ya. 13Tairo tira queore weyoriguere nʉniyoarigue waibʉcʉradire marĩcã yaremena marĩyagʉ Jesucristore õjoro wedewõtutuahegʉre ñañarẽrẽ tiñerõcã tibuiyera, tocãrõrã marĩrẽ tiere yadumocãrõ bo tora abiro tiere yanirã cʉ̃jãrẽ tibuiyenirã ñañarẽrẽ tiñerõcã tiri ĩrã.#Ro 14:21; 2Co 11:29; Mt 25:40, 45; Hch 15:20.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.