1 Corintios 7
7
Nʉmocʉtirare, manʉcʉtirare “abirope tirecʉtiya” ĩ wedere maquẽ
1Marĩcʉorore mʉjãcã yʉre “marĩ wedewõrãpʉare Manigʉ̃cã peñarẽpere tiradara nʉmocʉtiheriñerõcã manʉcʉtiheriñerõcã o nomiõrẽ apayosa comena niheriñerõcãrã ñu, narãmʉ” ĩ mʉjãcã yʉre oja sãĩñariguere yʉ mʉjãrẽ yʉgʉda. Ñujo; tie tairora ña nirõpʉa.#7:8, 26. 2Buri tairo nicapetacã ĩcʉ̃ nʉmomanigʉ̃ tocãrõ nomiãmena tidotiheriwãmepe ñañarõ tirecʉtire nirõrẽ dairo ti tiere nʉcãmasĩherigawi. Tie dairo timasĩñamani. Tora abiro niñerõcãrã yʉ ʉmʉnorẽ nomiõ nʉmo nihegomena ñañarõ tirono tigʉ buripe “nʉmocʉtinigʉ̃ comena ñurõ niña” ĩgʉ̃da. Tairora nomiõnocãrẽ manʉ nihegʉmena ñañarõ tirono tigo buripe “manʉcʉtinigõ cʉ̃mena ñurõ niña” ĩgʉ̃da. 3Manʉ nigʉ̃ manʉsʉmʉãcã tiboriwãmerã queoro tigʉ cʉ̃ nʉmo nigõmena wadorena apayosa tusaro. Nʉmo nigõcã nʉmosãrõmiãcã tiboriwãmerã queoro tigo co manʉ nigʉ̃mena wadorena apayosa cʉ̃mena tusaro.#1Pe 3:7. 4Manʉcʉtigo nigõrẽ coya ũpʉ̃ diamacãrã abiro niheri; manʉya ũpʉ̃pʉ nirõ ya. Tiwãmerã nʉmocʉtigʉ nigʉ̃cãrẽ cʉ̃ya ũpʉ̃ diamacãrã abiro niheri; nʉmoya ũpʉ̃pʉ nirõ ya. 5Tairo tira manʉ nigʉ̃cã cʉ̃ nʉmomena apayosa comena tusarugañerõcã co cʉ̃rẽ dotiaro. Cʉ̃pecã nʉmocã cʉ̃rẽ apayosa cʉ̃mena tusarugañerõcã cʉ̃cã core yʉaro. Cʉ̃jãcã Manigʉ̃rẽ ñubueradara “toquẽbʉrecorijoro marĩ tiere tiherimocãrãda” ĩ cʉ̃jãcã came wederucũpʉtʉariasiro docare cʉ̃jã tiere icãta tiherimocãro. Manigʉ̃rẽ cʉ̃jãcã ñubueariasiropʉ docare cʉ̃jãcã wãcũpʉtʉariarora abirora upatuti cʉ̃jãbasurupe came apayosa tusaro tamʉ. Tora abiro cʉ̃jãcã ĩãriawãmerã queoro tiheriñerõcãpere, tiro manirõrã ninirã nʉcãrã eaheriñerõcã wãtĩã nirũpʉ̃ cʉ̃jãrẽ ñañarõ tidocasãgʉ̃ cʉ̃jãrẽ ãpẽrãmenape ñañarõ tiñerõcã tibogawi.#Ex 19:15; 1Sa 21:4-5.
6Yʉ mʉjãrẽ atiere “yʉcã ĩriwãmerã queoro tiya” ĩ dotijomocãgʉ̃merã ya. Buripe mʉjãrẽ mʉjãcã anorã abirope tiñerõcã ñujoboga ĩgʉ̃pe ya.#2Co 8:8. 7Yʉpʉa mʉjã nipetirare yʉra abiro nʉmo manirã niñerõcã bomiga. Buri Manigʉ̃pe marĩ nipetirare ĩcãrõpe nirã cũheririgʉ niwĩ; ĩcãrãrẽ nʉmomaniãnarẽ o manʉmaniãnarẽ cũrĩgʉ niwĩ. Ãpẽrãpere nʉmocʉtianarẽ, manʉcʉtianarẽ cũrĩgʉ niwĩ.#7:8; Mt 19:12; 1Co 9:5; 12:11.
8Tairora marĩcʉorogãrẽ nʉmomanirã nirãrẽ, manʉmanirã nirãrẽ ĩñerõcã wapeariara nomiã nirãrẽ “mʉjãrẽ yʉra abiro nʉmomanirãrã, manʉmanirãrã niñerõcã ñuboayu” ĩ.#7:1, 26. 9Buri ʉmʉã nomiãmena nirugara nʉcãherano nʉmocʉtimocãro. Nomiãcã tairora ʉmʉãmena nirugara nʉcãherano manʉcʉtimocãro. Cʉ̃jãcã nʉmocʉtimocãñerõcã doca o cʉ̃jãcã manʉcʉtiñerõcã doca sotoa ñucametʉasu; buripe ʉmʉã cʉ̃jãcã nomiãmena, nomiãpecã ʉmʉãmena tirugare cʉomocãnirã ñañarẽ tirecʉtirenorẽ tira.#1Tm 5:14.
10Jesúre wedewõrã nomiãrẽ manʉ cʉorare, Jesúre wedewõrã ʉmʉãpere yʉ abiro tidoti. Atie yʉcã dotiremerã ña; marĩ Nirũpʉ̃basurupera dotire cũriguepʉra ña. Abiro tidotirigʉ niwĩ: “Nomiõ co manʉrẽ icãta cõãherimocãro” ĩ dotire cũrĩgʉ niwĩ.#Mal 2:14; Mt 5:32; 19:3-9; Mc 10:11; Lc 16:18. 11Buri tairo nicapetacãrã nomiõ co manʉrẽ cõãgõ ãpĩpʉre manʉcʉtiherimocãrõ bo. Co upatuti manʉcʉtirugago manʉ nirigʉmenarã wederucũquẽno cʉ̃menarã pʉtʉaro o tairo tihego manʉmanigõrã ĩcõrã nimocãrõ bo. Ʉmʉcã cʉ̃ nʉmorẽ cõãherimocãrõ bo. Cʉ̃cã cʉ̃ nʉmo nirigomena came quenohegʉ nʉmomanigʉ̃rã nimocãro.
12Ãpẽrãpere yaye wãcũrẽ queoro nirõrã abirora abiro tidoti. Tie Nirũpʉ̃ Jesúcã ʉ̃sãrẽ bue dotire cũriguemerã ña. Yʉbasurupera yʉcã mʉjãrẽ abiro tiñerõcã ñuboga ĩrẽpe ña. Abiro ña: Ĩcʉ̃ Jesúre wedewõgʉ̃ Jesúre wedewõhegopere nʉmocʉtiariasiro cocã cʉ̃menarã nirucũrugago nigõ eariasiro cʉ̃ core icãta cõãherimocãro.#7:6; 2Co 11:17. 13Cotoarora ĩcõ nomiõ Jesúre wedewõgõ Jesúre wedewõhegʉpere manʉcʉtirosiro cʉ̃cã comenarã nirucũrugagʉ nigʉ̃ eariasiro co cʉ̃rẽ icãta cõãherimocãro. 14Merẽ Jesúre wedewõgõrẽ manʉ cʉogore Manigʉ̃cã ñurõ wañerõcã tirora abirora co manʉ Jesúre wedewõhegʉcãrẽ Manigʉ̃ cʉ̃rẽ ñurõ wañerõcã yawí cʉ̃cã comena ĩcãrõ nigʉ̃ eariasiro niñerõcã. Tairora Jesúre wedewõgʉ̃ nʉmo cʉogʉre Manigʉ̃cã cʉ̃rẽ ñurõ wañerõcã tirora abirora cʉ̃ nʉmo Jesúre wedewõhegocãrẽ Manigʉ̃ core ñurõ wañerõcã yawí cocã cʉ̃mena ĩcãrõ nigõ eariasiro niñerõcã. Tora abiro queoro niheriñerõcãpʉare cʉ̃jã pũna Jesúre wedewõhera pũnarã abiro ñañarã nibogawa. Buri anorẽ pʉ̃ãrãpʉra nicaperacãrã ĩcʉ̃ Jesúre wedewõhegʉ nicapetacã Manigʉ̃cã cʉ̃jãrẽ ñurõ wañerõcã tirora abirora cʉ̃jã pũnacã Manigʉ̃rẽ ñurõ tiyorara nirã eawa.#Mal 2:15. 15Buri tora abiro nicapetacã Jesúre wedewõhegʉpe cʉ̃ nʉmo Jesúre wedewõgõpere cõãrugagʉ cõãmocãro. Tairora Jesúre wedewõhegope co manʉ Jesúre wedewõgʉ̃pere cõãrugago cõãmocãro. Merẽ Manigʉ̃ marĩrẽ camequẽrõ manirõrã came ñurõ nirẽcʉtiñerõcã tiremenarã niñerõcã bowi. Cʉ̃jãcã tairo tire ñujo.#Ro 14:19; 1Co 14:33. 16Cʉ̃jãcã tairo tiñerõcã tiere boherimocã tiherimocãña. Apewatoa tiro mʉjã manʉsʉmʉã nirã Jesúre wedewõrãrã o nʉmosãrõmiã Jesúre wedewõrãrã cʉ̃jãrẽ mʉjãmenarã niñerõcãpʉare mʉjãrã abirora cʉ̃jãcãrẽ Jesúre wedewõrã eañerõcã tinirã Manigʉ̃rẽ cametʉoyora nirã eañerõcã tiyoborosiro nicapetacã.#1Pe 3:1.
17Tairo nicapetacãrã yʉ nipetiromacãra Jesucristore wedewõrĩbumacãrãrẽ “mʉjãcãrõrẽ Manigʉ̃cã mʉjãrẽ ‘tairo nirã pʉtʉaragawa’ ĩcũriawãmerã, Jesúre wedewõdotigʉ sioariasiro niriawãmerã marĩcʉoropʉcãrẽ tiwãmerã nirucũmocãña” ĩ doti.#Ro 12:3; 1Co 4:17; 14:33; 2Co 8:18; 11:28. 18Tairora ĩcʉ̃rẽ judío basocacã tirecʉtirora abiro cʉ̃cã cʉ̃ya conerigʉ yapa macã caserore widetacõãriasiropʉ Manigʉ̃cã Jesucristore wedewõdotigʉ sioriasiro niñerõcã cʉ̃rẽ tiere yajiohegʉra taigʉra pʉtʉamocãro bo. O tairora widetacõãya manigʉ̃rẽna sioyoriasiro niñerõcã tiwãmerã widetacõãña manigʉ̃rã pʉtʉamocãro bo.#Hch 15:1-2, 5, 19, 24, 28; Ga 5:2. 19Tairo tiro marĩcʉorore widetacõãyoriara nirẽ, widetacõãyoyamanirẽ nirẽcã icãta wapamani. Buripe Manigʉ̃cã tidotirere marĩcã tirepe wapacʉticametʉanʉcã.#Jn 15:14; Ro 2:25; Ga 5:6; 6:15. 20Tairo tira mʉjã nipetira Manigʉ̃cã mʉjãrẽ “tairo nirã pʉtʉaragawa” ĩcũriawãmerã, Jesúre wedewõdotigʉ sioariasiro niriawãmerã marĩcʉoropʉcãrẽ tiwãmerã nirẽcʉtiya. 21Mʉjã dotiepeyoribasocacã mʉjãcã dotiepeyoribasoca nirĩwatoarena Manigʉ̃rẽ sioyora nirã eariara mʉjãcã dotiepeyoribasoca nirẽrẽ wãcũpasʉtiherimocãña; apewatoa mʉjãrẽ cʉogʉ mʉjãcã dotiepeyoribasoca nirẽrẽ wiocorugariwatoano eañerõcã witimasĩborano nicaperacãrã. Mʉjãrẽ tora abiro wiocoriwatoano eañerõcã witiya.#7:24; Jn 8:36. 22Manigʉ̃cã marĩ Nirũpʉ̃ Jesucristore wedewõdotigʉ mʉjãrẽ sioriwatoare mʉjã dotiepeyoribasocara niriara nicaperacãrã marĩcʉorore cʉ̃cã wiocoyoriarara abiro nirã eanirã cʉ̃yepere padedecoteanarã nirã eara ya. Tiwãmerã Manigʉ̃cã marĩ Nirũpʉ̃ Jesucristore wedewõdotigʉ sioriwatoare dotiepeyoheribasoca niriarape marĩcʉorore Jesucristoyara dotiepeyoribasocara nirã eawa.#Ga 5:13; Ef 6:5-6, 9; Flp 1:6; Col 3:22; 4:1; 1Pe 2:16. 23Manigʉ̃ marĩrẽ ñañarẽ tirepere dotiepeyoribasoca nirãrẽ tiere dotiepeyoheribasoca nirã eañerõcã tigʉ cʉ̃ macʉ̃ Jesucristocã cõwõãgʉ̃ di cõãrẽmenarã wapatibosarigʉ niwĩ. Tairo tiro marĩrẽ basocanopere yʉrono tira o cʉ̃jãnopere tʉorono tira Manigʉ̃pere tʉo tiquetaturo bo.#Lv 25:42; 1Co 6:20; 1Pe 1:18-19. 24Tairo tira yara, mʉjã Manigʉ̃cã ĩñacorore cʉ̃cã mʉjãrẽ “tairo nirã pʉtʉaragawa” ĩcũriawãmerã, Jesúre wedewõdotigʉ sioariasiro niriawãmerã marĩcʉoropʉcãrẽ tiwãmerã nirẽcʉtiya.#1Co 7:20.
25Tamʉ mʉjãcã yʉre sãĩñariguere yʉgʉda. Mʉjã nʉmomanirãpere, manʉmanirãpere Nirũpʉ̃cã ĩcãwãmenopera mʉjãrẽ dotire cũriguere yʉ cʉoheri. Buri bicapetacãrã yʉcã wãcũrĩwãmepe “abiro tiñerõcãpe ñuboga” ĩ yʉcã mʉjãrẽ wederere mʉjã tʉoya, marĩ Nirũpʉ̃ yʉre cʉ̃ye ĩñamaĩrẽmenarã ñucametʉaro tiyogʉre tʉoyobogʉra niñerõcã.#4:2; 7:6, 10, 40; 2Co 8:8, 10; 1Tm 1:13, 16; Hch 20:35. 26Yʉcã tʉoiñañerõcãpere anocawatoare marĩrẽ paje wisiore waribʉrecori niñerõcã mʉjã Jesucristore wedewõrãrẽ mʉjãcã nirĩwãmerã pʉtʉañerõcã ñujo.#7:8; 2Tm 3:12; Ga 1:4. 27Tairo tira nʉmocʉtirano, manʉcʉtirano came cõãherimocãrõ bo. Nʉmomanirãnocã nʉmosãrõmiã amaherimocãrõ bo. 28Yʉcã mʉjãrẽ tiere tairo wedecapetacãrã mʉjã nʉmocʉtira eara Manigʉ̃cã dotirere cametʉanʉcãrãmerã ya. Tairora manʉcʉtira earacã Manigʉ̃cã dotirere cametʉanʉcãrãmerã ya. Tairo nicapetacã yʉpe mʉjãrẽ “nʉmocʉtirape, manʉcʉtirape cʉ̃jãcã catiribʉrecore cʉ̃jãrẽ bire ñañarõ posaremena ñawã” ĩgʉ̃ mʉjãcãrẽ tora abiro posaremenarã niñerõcã bohegʉ nʉmomanirãrã, manʉmanirãrã nirã eañerõcã bosãgʉ̃ timi.
29Yara, yʉ mʉjãrẽ atiere abiro ĩgʉ̃ anorã abiro ĩrugagʉ ya: merẽ marĩrẽ ñenopere tiro manirõrã tairo ditiboriwatoamerã nirõ ya. Atibʉrecocã petiato pẽrõ dʉsa. Tairo tira marĩcʉoromenarã nʉmomanirãcã Manigʉ̃yere ñurõ padederora abiro nʉmocʉtiracã cʉ̃yere ñurõ padederucũrõ bo. Manʉcʉtira nomiãcã tiwãmerã Manigʉ̃yere ñurõ padedero bo.#7:31; Ro 13:11-12. 30Marĩcʉorore nobore birenomena wãcũpasʉti otirano tierena õpe wãcũpasʉtidoaherimocãña; buripe Nirũpʉ̃yere tiwʉmʉãrucũmocãña tiere tirape nocãrõmerã wãcũpasʉtiherere cʉoroacu ĩmasĩnirã. Tiwãmerã apeyenomenarã bui ʉsearemena nirãnocã tiemena wadora nirucũmocã wãcũherimocãrõ bo. Tie petiate ña. Tiemenape tora abiro nirucũrõno tira buripe Nirũpʉ̃yepere acõboherara tiere tairo tirucũmocãrõ bo. Apeyenorẽ wapatiranocã “ʉ̃sãye ʉ̃sãcã quenoãtera nirõ ya” ĩ tʉoiñarẽmenape Nirũpʉ̃ Jesucristoyepere tidura eañerõcã tiherimocãrõ bo. Tie mʉjãmena yoariwatoa nirucũheriga; nocãrõgã maquẽmerã nirõ ya. 31Tairora atibʉreco maquẽmenape ñurõ nirugara mʉjãya catiribʉrecore tiepe wadorena wãcũnʉnʉ tidiocoherimocãña. Merẽ atibʉreco maquẽ marĩcã ĩñarẽ ditipetiwʉmʉãrõrã ya.#1Co 9:18; 1Jn 2:17.
32Yʉ mʉjãrẽ wãcũpasʉtire manirẽmena niñerõcã bomiga. Merẽ Jesucristore wedewõrã ʉmʉã nʉmomanirã nirãrã Manigʉ̃rẽ cʉ̃yere cʉ̃jãcã tiremena cʉ̃rẽ ñurõ peñañerõcã bora cʉ̃ye wadore tirugarucũrã ñawã.#1Tm 5:5. 33Buri Jesúre wedewõrã nʉmo cʉorape cʉ̃jãyawi maquẽ borepere bʉarugara atibʉreco maquẽpere wãcũnʉnʉnirã cʉ̃jãye catiribʉrecore tidiosãrucũrã ñawã. Tairora cʉ̃jã nʉmosãrõmiãpere ʉsearemena niñerõcã bora tairo yawa. 34Tora abiro binirã cʉ̃jãya wãcũrẽpʉre pʉawãmepʉ tirugarere tʉ̃ãpayora ñawã. Cʉ̃jã Nirũpʉ̃yecãrẽ tirugarara; tairora nʉmosãrõmiãyecãrẽ tirugarara ñawã. Nomiãmenacãrẽ anorã abiriwãmerã bi. Jesucristore wedewõrã manʉcʉtiñamiriara nomiã ĩñerõcã mamarã nomiã icãta ʉmʉmena nirã ea manʉcʉtiñaheracã cʉ̃jãye ũpʉ̃rĩmenarã, nipetire cʉ̃jãye wãcũrẽmenarã Manigʉ̃yere cʉ̃jãcã tiremenape cʉ̃rẽ ñurõ peñañerõcã bora cʉ̃ye wadore tirugarucũrã nomiã ñawã. Buri Jesúre wedewõrã manʉcʉtiranomiãpe cʉ̃jãyawi maquẽ borepere cʉorugara atibʉreco maquẽpere wãcũnʉnʉnirã cʉ̃jãye catiribʉrecore tidiosãrucũrã ñawã. Tairora cʉ̃jã manʉsʉmʉãpere ʉsearemena niñerõcã bora tairo yawa.#Lc 10:40.
35Yʉ mʉjãrẽ atiere anorã abiro wede ojagʉ nʉmocʉtirere o manʉcʉtirere mʉjãrẽ tiere tiherimocãrõ bo ĩgʉ̃merã ya. Buripe mʉjãye maquẽpere tigʉ, mʉjãrẽ diamacã wãmepe nirẽcʉtiñerõcã bogʉpe, Manigʉ̃yamacã macãrãrã abiro apeyenosotoapere marĩ Nirũpʉ̃cã borepe wadorena tirucũrã niãro ĩgʉ̃ tairo ya.
36Tairo nicapetacãrã marĩcʉorore mʉjãcã yʉre mamarãrõmiãye maquẽrẽ sãĩñacoriguere marĩcã ĩñañerõcã abiro ña: Ĩcʉ̃ ʉmʉ “cʉ̃yagomena nʉmocʉtigʉda” ĩ wãcũgʉ̃no tairora “yʉre nʉmocʉtiñerõcãrã ñurõãcu, merẽ co manʉcʉtibogopʉ nigõ yago” ĩgʉ̃no core nʉmocʉtigʉ earo. Tora abiro tigʉ ñañarõ tigʉmerã tigʉagawi. #7:36 Tora apewãmerẽ abiro ĩrugaro ya: Marĩcʉorore mʉjãcã yʉre mamarãrõmiãye maquẽrẽ sãĩñacoriguere marĩcã ĩñañerõcã abiro ña: Ĩcʉ̃ mʉjã watoare marĩcʉ̃ macõcã manʉcʉtiboriwatoano eaheriñerõcãrã cocã bogʉmenarẽ nomicũrugaheririgʉ marĩcʉoropere “core yʉcã tairo tire ñañajoyu” ĩ wãcũpasʉtigʉ eagʉ “core cocã manʉcʉtiñerõcãrã ñurõãcu” ĩ tʉoiñanʉcõnigʉ̃pʉ core cocã bogʉmenarã nomicũãro. Tora abiro tigʉ ñañarẽrẽ tigʉmerã tigʉagawi. 37Tairora ãpĩ ʉmʉcã “yʉre nʉmocʉtiro boga” ĩ wãcũhegʉno tairora nomiãmena nirugarenorẽ wãcũhegʉno nʉmocʉtigʉ eaherimocãro. Cʉ̃cã tora abiro tigʉ ñurõ tigʉ tigʉagawi. 38Tairo tira nʉmocʉtira earano ñurõ tira tiragawa. Tairora nʉmocʉtira eaheranocã sotoape ñucametʉaro tira tiragawa.#Heb 13:4.
39Tairora manʉcʉtira nomiãcãrẽ nʉmocʉtire maquẽrẽ dotirecã ĩrõrã abirora co manʉcã catiribʉrecoricãrõrẽna cʉ̃mena wadora nirucũmocãrõrã nirõ ya; pʉ co manʉ niãrigʉcã cõwõweoariasiropʉ docare Manigʉ̃cã ĩñacorore co ãpĩmena cocã peñagʉ̃ Jesucristore wedewõgʉ̃nomenarã manʉcʉtimasĩbogo nigõ yago.#Ro 7:2; 2Co 6:14. 40Buri tora abiro nimocãcapetacãrã yʉcã wãcũrẽmenapʉare co upatuti manʉcʉtigo eahego doca sotoa ʉsearemena nimasĩbogago. Tairo tigʉ yʉcã “anorã abiro niñerõcãpere ñuboga” ĩmasĩgʉ̃ nigʉ̃ ea; merẽ yʉcã “Espíritu Santore cʉogʉra ña” ĩmasĩnigʉ̃.#7:25.
Currently Selected:
1 Corintios 7: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 7
7
Nʉmocʉtirare, manʉcʉtirare “abirope tirecʉtiya” ĩ wedere maquẽ
1Marĩcʉorore mʉjãcã yʉre “marĩ wedewõrãpʉare Manigʉ̃cã peñarẽpere tiradara nʉmocʉtiheriñerõcã manʉcʉtiheriñerõcã o nomiõrẽ apayosa comena niheriñerõcãrã ñu, narãmʉ” ĩ mʉjãcã yʉre oja sãĩñariguere yʉ mʉjãrẽ yʉgʉda. Ñujo; tie tairora ña nirõpʉa.#7:8, 26. 2Buri tairo nicapetacã ĩcʉ̃ nʉmomanigʉ̃ tocãrõ nomiãmena tidotiheriwãmepe ñañarõ tirecʉtire nirõrẽ dairo ti tiere nʉcãmasĩherigawi. Tie dairo timasĩñamani. Tora abiro niñerõcãrã yʉ ʉmʉnorẽ nomiõ nʉmo nihegomena ñañarõ tirono tigʉ buripe “nʉmocʉtinigʉ̃ comena ñurõ niña” ĩgʉ̃da. Tairora nomiõnocãrẽ manʉ nihegʉmena ñañarõ tirono tigo buripe “manʉcʉtinigõ cʉ̃mena ñurõ niña” ĩgʉ̃da. 3Manʉ nigʉ̃ manʉsʉmʉãcã tiboriwãmerã queoro tigʉ cʉ̃ nʉmo nigõmena wadorena apayosa tusaro. Nʉmo nigõcã nʉmosãrõmiãcã tiboriwãmerã queoro tigo co manʉ nigʉ̃mena wadorena apayosa cʉ̃mena tusaro.#1Pe 3:7. 4Manʉcʉtigo nigõrẽ coya ũpʉ̃ diamacãrã abiro niheri; manʉya ũpʉ̃pʉ nirõ ya. Tiwãmerã nʉmocʉtigʉ nigʉ̃cãrẽ cʉ̃ya ũpʉ̃ diamacãrã abiro niheri; nʉmoya ũpʉ̃pʉ nirõ ya. 5Tairo tira manʉ nigʉ̃cã cʉ̃ nʉmomena apayosa comena tusarugañerõcã co cʉ̃rẽ dotiaro. Cʉ̃pecã nʉmocã cʉ̃rẽ apayosa cʉ̃mena tusarugañerõcã cʉ̃cã core yʉaro. Cʉ̃jãcã Manigʉ̃rẽ ñubueradara “toquẽbʉrecorijoro marĩ tiere tiherimocãrãda” ĩ cʉ̃jãcã came wederucũpʉtʉariasiro docare cʉ̃jã tiere icãta tiherimocãro. Manigʉ̃rẽ cʉ̃jãcã ñubueariasiropʉ docare cʉ̃jãcã wãcũpʉtʉariarora abirora upatuti cʉ̃jãbasurupe came apayosa tusaro tamʉ. Tora abiro cʉ̃jãcã ĩãriawãmerã queoro tiheriñerõcãpere, tiro manirõrã ninirã nʉcãrã eaheriñerõcã wãtĩã nirũpʉ̃ cʉ̃jãrẽ ñañarõ tidocasãgʉ̃ cʉ̃jãrẽ ãpẽrãmenape ñañarõ tiñerõcã tibogawi.#Ex 19:15; 1Sa 21:4-5.
6Yʉ mʉjãrẽ atiere “yʉcã ĩriwãmerã queoro tiya” ĩ dotijomocãgʉ̃merã ya. Buripe mʉjãrẽ mʉjãcã anorã abirope tiñerõcã ñujoboga ĩgʉ̃pe ya.#2Co 8:8. 7Yʉpʉa mʉjã nipetirare yʉra abiro nʉmo manirã niñerõcã bomiga. Buri Manigʉ̃pe marĩ nipetirare ĩcãrõpe nirã cũheririgʉ niwĩ; ĩcãrãrẽ nʉmomaniãnarẽ o manʉmaniãnarẽ cũrĩgʉ niwĩ. Ãpẽrãpere nʉmocʉtianarẽ, manʉcʉtianarẽ cũrĩgʉ niwĩ.#7:8; Mt 19:12; 1Co 9:5; 12:11.
8Tairora marĩcʉorogãrẽ nʉmomanirã nirãrẽ, manʉmanirã nirãrẽ ĩñerõcã wapeariara nomiã nirãrẽ “mʉjãrẽ yʉra abiro nʉmomanirãrã, manʉmanirãrã niñerõcã ñuboayu” ĩ.#7:1, 26. 9Buri ʉmʉã nomiãmena nirugara nʉcãherano nʉmocʉtimocãro. Nomiãcã tairora ʉmʉãmena nirugara nʉcãherano manʉcʉtimocãro. Cʉ̃jãcã nʉmocʉtimocãñerõcã doca o cʉ̃jãcã manʉcʉtiñerõcã doca sotoa ñucametʉasu; buripe ʉmʉã cʉ̃jãcã nomiãmena, nomiãpecã ʉmʉãmena tirugare cʉomocãnirã ñañarẽ tirecʉtirenorẽ tira.#1Tm 5:14.
10Jesúre wedewõrã nomiãrẽ manʉ cʉorare, Jesúre wedewõrã ʉmʉãpere yʉ abiro tidoti. Atie yʉcã dotiremerã ña; marĩ Nirũpʉ̃basurupera dotire cũriguepʉra ña. Abiro tidotirigʉ niwĩ: “Nomiõ co manʉrẽ icãta cõãherimocãro” ĩ dotire cũrĩgʉ niwĩ.#Mal 2:14; Mt 5:32; 19:3-9; Mc 10:11; Lc 16:18. 11Buri tairo nicapetacãrã nomiõ co manʉrẽ cõãgõ ãpĩpʉre manʉcʉtiherimocãrõ bo. Co upatuti manʉcʉtirugago manʉ nirigʉmenarã wederucũquẽno cʉ̃menarã pʉtʉaro o tairo tihego manʉmanigõrã ĩcõrã nimocãrõ bo. Ʉmʉcã cʉ̃ nʉmorẽ cõãherimocãrõ bo. Cʉ̃cã cʉ̃ nʉmo nirigomena came quenohegʉ nʉmomanigʉ̃rã nimocãro.
12Ãpẽrãpere yaye wãcũrẽ queoro nirõrã abirora abiro tidoti. Tie Nirũpʉ̃ Jesúcã ʉ̃sãrẽ bue dotire cũriguemerã ña. Yʉbasurupera yʉcã mʉjãrẽ abiro tiñerõcã ñuboga ĩrẽpe ña. Abiro ña: Ĩcʉ̃ Jesúre wedewõgʉ̃ Jesúre wedewõhegopere nʉmocʉtiariasiro cocã cʉ̃menarã nirucũrugago nigõ eariasiro cʉ̃ core icãta cõãherimocãro.#7:6; 2Co 11:17. 13Cotoarora ĩcõ nomiõ Jesúre wedewõgõ Jesúre wedewõhegʉpere manʉcʉtirosiro cʉ̃cã comenarã nirucũrugagʉ nigʉ̃ eariasiro co cʉ̃rẽ icãta cõãherimocãro. 14Merẽ Jesúre wedewõgõrẽ manʉ cʉogore Manigʉ̃cã ñurõ wañerõcã tirora abirora co manʉ Jesúre wedewõhegʉcãrẽ Manigʉ̃ cʉ̃rẽ ñurõ wañerõcã yawí cʉ̃cã comena ĩcãrõ nigʉ̃ eariasiro niñerõcã. Tairora Jesúre wedewõgʉ̃ nʉmo cʉogʉre Manigʉ̃cã cʉ̃rẽ ñurõ wañerõcã tirora abirora cʉ̃ nʉmo Jesúre wedewõhegocãrẽ Manigʉ̃ core ñurõ wañerõcã yawí cocã cʉ̃mena ĩcãrõ nigõ eariasiro niñerõcã. Tora abiro queoro niheriñerõcãpʉare cʉ̃jã pũna Jesúre wedewõhera pũnarã abiro ñañarã nibogawa. Buri anorẽ pʉ̃ãrãpʉra nicaperacãrã ĩcʉ̃ Jesúre wedewõhegʉ nicapetacã Manigʉ̃cã cʉ̃jãrẽ ñurõ wañerõcã tirora abirora cʉ̃jã pũnacã Manigʉ̃rẽ ñurõ tiyorara nirã eawa.#Mal 2:15. 15Buri tora abiro nicapetacã Jesúre wedewõhegʉpe cʉ̃ nʉmo Jesúre wedewõgõpere cõãrugagʉ cõãmocãro. Tairora Jesúre wedewõhegope co manʉ Jesúre wedewõgʉ̃pere cõãrugago cõãmocãro. Merẽ Manigʉ̃ marĩrẽ camequẽrõ manirõrã came ñurõ nirẽcʉtiñerõcã tiremenarã niñerõcã bowi. Cʉ̃jãcã tairo tire ñujo.#Ro 14:19; 1Co 14:33. 16Cʉ̃jãcã tairo tiñerõcã tiere boherimocã tiherimocãña. Apewatoa tiro mʉjã manʉsʉmʉã nirã Jesúre wedewõrãrã o nʉmosãrõmiã Jesúre wedewõrãrã cʉ̃jãrẽ mʉjãmenarã niñerõcãpʉare mʉjãrã abirora cʉ̃jãcãrẽ Jesúre wedewõrã eañerõcã tinirã Manigʉ̃rẽ cametʉoyora nirã eañerõcã tiyoborosiro nicapetacã.#1Pe 3:1.
17Tairo nicapetacãrã yʉ nipetiromacãra Jesucristore wedewõrĩbumacãrãrẽ “mʉjãcãrõrẽ Manigʉ̃cã mʉjãrẽ ‘tairo nirã pʉtʉaragawa’ ĩcũriawãmerã, Jesúre wedewõdotigʉ sioariasiro niriawãmerã marĩcʉoropʉcãrẽ tiwãmerã nirucũmocãña” ĩ doti.#Ro 12:3; 1Co 4:17; 14:33; 2Co 8:18; 11:28. 18Tairora ĩcʉ̃rẽ judío basocacã tirecʉtirora abiro cʉ̃cã cʉ̃ya conerigʉ yapa macã caserore widetacõãriasiropʉ Manigʉ̃cã Jesucristore wedewõdotigʉ sioriasiro niñerõcã cʉ̃rẽ tiere yajiohegʉra taigʉra pʉtʉamocãro bo. O tairora widetacõãya manigʉ̃rẽna sioyoriasiro niñerõcã tiwãmerã widetacõãña manigʉ̃rã pʉtʉamocãro bo.#Hch 15:1-2, 5, 19, 24, 28; Ga 5:2. 19Tairo tiro marĩcʉorore widetacõãyoriara nirẽ, widetacõãyoyamanirẽ nirẽcã icãta wapamani. Buripe Manigʉ̃cã tidotirere marĩcã tirepe wapacʉticametʉanʉcã.#Jn 15:14; Ro 2:25; Ga 5:6; 6:15. 20Tairo tira mʉjã nipetira Manigʉ̃cã mʉjãrẽ “tairo nirã pʉtʉaragawa” ĩcũriawãmerã, Jesúre wedewõdotigʉ sioariasiro niriawãmerã marĩcʉoropʉcãrẽ tiwãmerã nirẽcʉtiya. 21Mʉjã dotiepeyoribasocacã mʉjãcã dotiepeyoribasoca nirĩwatoarena Manigʉ̃rẽ sioyora nirã eariara mʉjãcã dotiepeyoribasoca nirẽrẽ wãcũpasʉtiherimocãña; apewatoa mʉjãrẽ cʉogʉ mʉjãcã dotiepeyoribasoca nirẽrẽ wiocorugariwatoano eañerõcã witimasĩborano nicaperacãrã. Mʉjãrẽ tora abiro wiocoriwatoano eañerõcã witiya.#7:24; Jn 8:36. 22Manigʉ̃cã marĩ Nirũpʉ̃ Jesucristore wedewõdotigʉ mʉjãrẽ sioriwatoare mʉjã dotiepeyoribasocara niriara nicaperacãrã marĩcʉorore cʉ̃cã wiocoyoriarara abiro nirã eanirã cʉ̃yepere padedecoteanarã nirã eara ya. Tiwãmerã Manigʉ̃cã marĩ Nirũpʉ̃ Jesucristore wedewõdotigʉ sioriwatoare dotiepeyoheribasoca niriarape marĩcʉorore Jesucristoyara dotiepeyoribasocara nirã eawa.#Ga 5:13; Ef 6:5-6, 9; Flp 1:6; Col 3:22; 4:1; 1Pe 2:16. 23Manigʉ̃ marĩrẽ ñañarẽ tirepere dotiepeyoribasoca nirãrẽ tiere dotiepeyoheribasoca nirã eañerõcã tigʉ cʉ̃ macʉ̃ Jesucristocã cõwõãgʉ̃ di cõãrẽmenarã wapatibosarigʉ niwĩ. Tairo tiro marĩrẽ basocanopere yʉrono tira o cʉ̃jãnopere tʉorono tira Manigʉ̃pere tʉo tiquetaturo bo.#Lv 25:42; 1Co 6:20; 1Pe 1:18-19. 24Tairo tira yara, mʉjã Manigʉ̃cã ĩñacorore cʉ̃cã mʉjãrẽ “tairo nirã pʉtʉaragawa” ĩcũriawãmerã, Jesúre wedewõdotigʉ sioariasiro niriawãmerã marĩcʉoropʉcãrẽ tiwãmerã nirẽcʉtiya.#1Co 7:20.
25Tamʉ mʉjãcã yʉre sãĩñariguere yʉgʉda. Mʉjã nʉmomanirãpere, manʉmanirãpere Nirũpʉ̃cã ĩcãwãmenopera mʉjãrẽ dotire cũriguere yʉ cʉoheri. Buri bicapetacãrã yʉcã wãcũrĩwãmepe “abiro tiñerõcãpe ñuboga” ĩ yʉcã mʉjãrẽ wederere mʉjã tʉoya, marĩ Nirũpʉ̃ yʉre cʉ̃ye ĩñamaĩrẽmenarã ñucametʉaro tiyogʉre tʉoyobogʉra niñerõcã.#4:2; 7:6, 10, 40; 2Co 8:8, 10; 1Tm 1:13, 16; Hch 20:35. 26Yʉcã tʉoiñañerõcãpere anocawatoare marĩrẽ paje wisiore waribʉrecori niñerõcã mʉjã Jesucristore wedewõrãrẽ mʉjãcã nirĩwãmerã pʉtʉañerõcã ñujo.#7:8; 2Tm 3:12; Ga 1:4. 27Tairo tira nʉmocʉtirano, manʉcʉtirano came cõãherimocãrõ bo. Nʉmomanirãnocã nʉmosãrõmiã amaherimocãrõ bo. 28Yʉcã mʉjãrẽ tiere tairo wedecapetacãrã mʉjã nʉmocʉtira eara Manigʉ̃cã dotirere cametʉanʉcãrãmerã ya. Tairora manʉcʉtira earacã Manigʉ̃cã dotirere cametʉanʉcãrãmerã ya. Tairo nicapetacã yʉpe mʉjãrẽ “nʉmocʉtirape, manʉcʉtirape cʉ̃jãcã catiribʉrecore cʉ̃jãrẽ bire ñañarõ posaremena ñawã” ĩgʉ̃ mʉjãcãrẽ tora abiro posaremenarã niñerõcã bohegʉ nʉmomanirãrã, manʉmanirãrã nirã eañerõcã bosãgʉ̃ timi.
29Yara, yʉ mʉjãrẽ atiere abiro ĩgʉ̃ anorã abiro ĩrugagʉ ya: merẽ marĩrẽ ñenopere tiro manirõrã tairo ditiboriwatoamerã nirõ ya. Atibʉrecocã petiato pẽrõ dʉsa. Tairo tira marĩcʉoromenarã nʉmomanirãcã Manigʉ̃yere ñurõ padederora abiro nʉmocʉtiracã cʉ̃yere ñurõ padederucũrõ bo. Manʉcʉtira nomiãcã tiwãmerã Manigʉ̃yere ñurõ padedero bo.#7:31; Ro 13:11-12. 30Marĩcʉorore nobore birenomena wãcũpasʉti otirano tierena õpe wãcũpasʉtidoaherimocãña; buripe Nirũpʉ̃yere tiwʉmʉãrucũmocãña tiere tirape nocãrõmerã wãcũpasʉtiherere cʉoroacu ĩmasĩnirã. Tiwãmerã apeyenomenarã bui ʉsearemena nirãnocã tiemena wadora nirucũmocã wãcũherimocãrõ bo. Tie petiate ña. Tiemenape tora abiro nirucũrõno tira buripe Nirũpʉ̃yepere acõboherara tiere tairo tirucũmocãrõ bo. Apeyenorẽ wapatiranocã “ʉ̃sãye ʉ̃sãcã quenoãtera nirõ ya” ĩ tʉoiñarẽmenape Nirũpʉ̃ Jesucristoyepere tidura eañerõcã tiherimocãrõ bo. Tie mʉjãmena yoariwatoa nirucũheriga; nocãrõgã maquẽmerã nirõ ya. 31Tairora atibʉreco maquẽmenape ñurõ nirugara mʉjãya catiribʉrecore tiepe wadorena wãcũnʉnʉ tidiocoherimocãña. Merẽ atibʉreco maquẽ marĩcã ĩñarẽ ditipetiwʉmʉãrõrã ya.#1Co 9:18; 1Jn 2:17.
32Yʉ mʉjãrẽ wãcũpasʉtire manirẽmena niñerõcã bomiga. Merẽ Jesucristore wedewõrã ʉmʉã nʉmomanirã nirãrã Manigʉ̃rẽ cʉ̃yere cʉ̃jãcã tiremena cʉ̃rẽ ñurõ peñañerõcã bora cʉ̃ye wadore tirugarucũrã ñawã.#1Tm 5:5. 33Buri Jesúre wedewõrã nʉmo cʉorape cʉ̃jãyawi maquẽ borepere bʉarugara atibʉreco maquẽpere wãcũnʉnʉnirã cʉ̃jãye catiribʉrecore tidiosãrucũrã ñawã. Tairora cʉ̃jã nʉmosãrõmiãpere ʉsearemena niñerõcã bora tairo yawa. 34Tora abiro binirã cʉ̃jãya wãcũrẽpʉre pʉawãmepʉ tirugarere tʉ̃ãpayora ñawã. Cʉ̃jã Nirũpʉ̃yecãrẽ tirugarara; tairora nʉmosãrõmiãyecãrẽ tirugarara ñawã. Nomiãmenacãrẽ anorã abiriwãmerã bi. Jesucristore wedewõrã manʉcʉtiñamiriara nomiã ĩñerõcã mamarã nomiã icãta ʉmʉmena nirã ea manʉcʉtiñaheracã cʉ̃jãye ũpʉ̃rĩmenarã, nipetire cʉ̃jãye wãcũrẽmenarã Manigʉ̃yere cʉ̃jãcã tiremenape cʉ̃rẽ ñurõ peñañerõcã bora cʉ̃ye wadore tirugarucũrã nomiã ñawã. Buri Jesúre wedewõrã manʉcʉtiranomiãpe cʉ̃jãyawi maquẽ borepere cʉorugara atibʉreco maquẽpere wãcũnʉnʉnirã cʉ̃jãye catiribʉrecore tidiosãrucũrã ñawã. Tairora cʉ̃jã manʉsʉmʉãpere ʉsearemena niñerõcã bora tairo yawa.#Lc 10:40.
35Yʉ mʉjãrẽ atiere anorã abiro wede ojagʉ nʉmocʉtirere o manʉcʉtirere mʉjãrẽ tiere tiherimocãrõ bo ĩgʉ̃merã ya. Buripe mʉjãye maquẽpere tigʉ, mʉjãrẽ diamacã wãmepe nirẽcʉtiñerõcã bogʉpe, Manigʉ̃yamacã macãrãrã abiro apeyenosotoapere marĩ Nirũpʉ̃cã borepe wadorena tirucũrã niãro ĩgʉ̃ tairo ya.
36Tairo nicapetacãrã marĩcʉorore mʉjãcã yʉre mamarãrõmiãye maquẽrẽ sãĩñacoriguere marĩcã ĩñañerõcã abiro ña: Ĩcʉ̃ ʉmʉ “cʉ̃yagomena nʉmocʉtigʉda” ĩ wãcũgʉ̃no tairora “yʉre nʉmocʉtiñerõcãrã ñurõãcu, merẽ co manʉcʉtibogopʉ nigõ yago” ĩgʉ̃no core nʉmocʉtigʉ earo. Tora abiro tigʉ ñañarõ tigʉmerã tigʉagawi. #7:36 Tora apewãmerẽ abiro ĩrugaro ya: Marĩcʉorore mʉjãcã yʉre mamarãrõmiãye maquẽrẽ sãĩñacoriguere marĩcã ĩñañerõcã abiro ña: Ĩcʉ̃ mʉjã watoare marĩcʉ̃ macõcã manʉcʉtiboriwatoano eaheriñerõcãrã cocã bogʉmenarẽ nomicũrugaheririgʉ marĩcʉoropere “core yʉcã tairo tire ñañajoyu” ĩ wãcũpasʉtigʉ eagʉ “core cocã manʉcʉtiñerõcãrã ñurõãcu” ĩ tʉoiñanʉcõnigʉ̃pʉ core cocã bogʉmenarã nomicũãro. Tora abiro tigʉ ñañarẽrẽ tigʉmerã tigʉagawi. 37Tairora ãpĩ ʉmʉcã “yʉre nʉmocʉtiro boga” ĩ wãcũhegʉno tairora nomiãmena nirugarenorẽ wãcũhegʉno nʉmocʉtigʉ eaherimocãro. Cʉ̃cã tora abiro tigʉ ñurõ tigʉ tigʉagawi. 38Tairo tira nʉmocʉtira earano ñurõ tira tiragawa. Tairora nʉmocʉtira eaheranocã sotoape ñucametʉaro tira tiragawa.#Heb 13:4.
39Tairora manʉcʉtira nomiãcãrẽ nʉmocʉtire maquẽrẽ dotirecã ĩrõrã abirora co manʉcã catiribʉrecoricãrõrẽna cʉ̃mena wadora nirucũmocãrõrã nirõ ya; pʉ co manʉ niãrigʉcã cõwõweoariasiropʉ docare Manigʉ̃cã ĩñacorore co ãpĩmena cocã peñagʉ̃ Jesucristore wedewõgʉ̃nomenarã manʉcʉtimasĩbogo nigõ yago.#Ro 7:2; 2Co 6:14. 40Buri tora abiro nimocãcapetacãrã yʉcã wãcũrẽmenapʉare co upatuti manʉcʉtigo eahego doca sotoa ʉsearemena nimasĩbogago. Tairo tigʉ yʉcã “anorã abiro niñerõcãpere ñuboga” ĩmasĩgʉ̃ nigʉ̃ ea; merẽ yʉcã “Espíritu Santore cʉogʉra ña” ĩmasĩnigʉ̃.#7:25.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.