1 Corintios 6
6
Jesucristore wedewõrãcã came wedesãrẽrẽ quenorẽ maquẽ
1Ĩcãrã mʉjã watoa macãrã Jesúre wedewõrã mʉjãyaramenarã camequẽrẽ cʉora ¿dairo tira wedesãrẽrẽ beseribasoca Jesúre wedewõhera cʉtiropʉ quenodotira waicãrĩ? ¿Dairo tira mʉjãyara Jesucristore wedewõrãrẽna tieno maquẽrẽ masĩrãnopere sioconirã mʉjãbasurupe ñañarõ tidocatunirã camequẽrẽ cʉorere tie maquẽrẽ quenoheriri?#Mt 18:17. 2Ĩcãbʉreco marĩ Jesúre wedewõrãrã Manigʉ̃yara ninirã marĩcã Jesúmenarã atibʉreco macãrãrẽ ĩñabeseatere ¿mʉjã marĩcʉ̃ masĩheriri? Mʉjã tora abiro siropʉre atibʉreco macãrãrẽ ĩñabeseana nicaperacãrã ¿dairo tira marĩcʉ̃ tiegãrẽna mʉjãbasurupe quenomasĩherijomocãrĩ? 3Siropʉre maricã Manigʉ̃rẽ wedecoteribasocarena ĩñabeseatecãrẽ ¿mʉjã masĩheriri marĩcʉ̃? ¡Tocawatoapʉre tora abiro tiana ninirã marĩcʉoro maquẽ mʉjãrẽ birere ñurõ besemasĩrãrã nibori watoa nirõ ya! 4Atiecã anorã abiro queoro nirẽ nicapetacã mʉjã came wedesãrã ¿ñenorẽ tira Jesúre wedewõherapʉre mʉjãye maquẽrẽ ñeno masĩrugaherapʉre mʉjãcã camequẽrẽ cʉorere quenodotira waicãrĩ?#1Co 5:12. 5Yʉ mʉjãrẽ atiere anorã abiro wedegʉ mʉjãrẽ boboro tʉoiñaro ĩgʉ̃rã ya. ¡Ayo! ¿Mʉjã watoapʉre pẽrõ ĩcʉ̃norã Jesúre wedewõgʉ̃no mʉjãbasurupe mʉjãcã camequẽrẽ cʉorere quenomasĩgʉ̃no manijomocãgʉ̃rã yari?#1Co 15:34. 6¡Tocãrẽ mʉjãbasurupe wadora camequẽmocã tiheri! ¡Mʉjãbasurupe mʉjãcã camequẽrẽ cʉorere Jesúre wedewõherapʉre wedesãrã waicã; cʉ̃jãpʉre tiere quenorõ bora! Tairo tiro mʉjãcã anorã abiro tirera queoro niheriwãmepe, sotoa ñañarõ boboriwãmepe tirecʉtire nirõ ea.#2Co 6:14-15.
7Tairo tiro mʉjãcã came camequẽrẽrẽ mʉjãbasurupe mʉjãcã came quenomasĩherere Jesúre wedewõhera cʉtiropʉ quenodotira waicãrẽ ñuhericametʉasu; boborejorora nirõ ya. Buri mʉjãrẽ cʉ̃jã Jesucristore wedewõherapʉre mʉjãye maquẽrẽ neãrõno tira mʉjãrẽ mʉjãyarara mʉjãrẽ ñañarõ tirere, mʉjãrẽ yajarere merĩã tiro manirõrã tairo nʉcãmocãñerõcã tiesotoape ñucametʉasuboga.#Mt 5:39, 40; Ro 12:17. 8Buri mʉjãpera tiere tiherimocãrõno tira mʉjãpera nimocã mʉjãbasurupe Jesúre wedewõrãrã nimocãcaperacãrã mʉjãyarare ñañarõ tirecʉti, cʉ̃jãyere yajaicãrã. Tiera ñuhericametʉasure ña.#1Ts 4:6.
9Mʉjã atiere masĩheramerã niga; ñurõ masĩga. Basoca anorã abiro ñañarẽrẽ tirecʉtirano icãta pẽrõgãno Manigʉ̃cã cʉ̃yarare dotiro ʉmʉãwesepʉre eawamasĩheriroagawa. ¡Tairo tira mʉjã ĩritoyoherimocãña! ¡Merĩãwãmepʉ wederere icãta wedewõherimocãña! Nomiãmena tidotiheriwãmepe ñañarõ tieperepirano, weyoriararena wedewõrẽpirano, ãpĩ nʉmopʉre ñañarõ tieperepirano, apeo manʉpʉre ñañarõ tieperepirano, ʉmʉãbasurupera came ñañarõ tieperepirano, nomiãbasurupera came ñañarõ tieperepirano icãta pẽrõgãno Manigʉ̃cã cʉ̃yarare dotiro ʉmʉãwesepʉre eawaherigawa.#Jn 3:3-5; Ga 5:21; 1Tm 1:10; Ap 22:15. 10Ĩñerõcã tairora yajarepiranocã, apeyenorẽ õpe bosãrãnocã, toquẽrĩpʉra mequẽderepiranocã, ãpẽrãrẽ niheriwãmerã ñañarõ ĩdocaturepiranocã, ĩritoremena ãpẽrãyere yajaribasocanocã icãta Manigʉ̃cã cʉ̃yarare dotiro ʉmʉãwesepʉre eawamasĩheriroagawa.#Ef 5:5. 11Tora abirojorora tosʉgueropʉre mʉjã ĩcãrã Jesucristore wedewõrã eato sʉgueropʉre tie ñañarẽrẽna tirecʉtirara niriara niwʉ̃.#1Co 12:2; Ef 2:2. Tairo tiriasiro nicapetacã Manigʉ̃pe mʉjãrẽ mʉjãcã ñañãrẽ tirecʉtiriguere cosecõãrigʉ niwĩ cʉ̃yara nirã eañerõcã tigʉ.#1Co 1:30. Tairora mʉjãrẽ ñurã ñañarẽ cʉohera nirã eañerõcã tirigʉ niwĩ. Ĩñerõcã cʉ̃cã ĩñacorore “wapa cʉohera ñurã ña” ĩ ĩñayora nirã eañerõcã tirigʉ niwĩ marĩ Nirũpʉ̃ Jesucristocã tiriguemena, Espíritu Santore mʉjãpʉre nigʉ̃ eañerõcã tiriguemena tairo tirigʉ niwĩ.#Tit 3:3-7; Ro 1:7.
Marĩcã borepere tirecʉtiremenarã ñañarẽpere tiñerõcã tiherimocãrõ bo
12Apeyere ãpẽrã mʉjãmenamacãrã anorã abire ĩrecʉtira ñawã: “Merẽ Manigʉ̃cã ʉ̃sãcã ñañarẽ tirecʉtiriguere acõboyoriasiro niñerõcã ʉ̃sã ʉ̃sãcã tirugarere noborere timasĩrã nirã ya” ĩrã ñawã. Tie tairora ña nirõpʉa. Buri nipetirepʉrena Manigʉ̃cã tidotiherere yʉcã noboro tirugare cʉoñerõcã yʉre ñurẽrẽ tiñerõcã tiheriga. Yʉre “yʉcã tirugare noborere timasĩgʉ̃ nigʉ̃ ya” ĩgʉ̃norẽ ya ũpʉ̃rẽ yʉcã tairo noboro tirugaremenape ĩcʉ̃ dotiepeyoribasocʉra abiro nigʉ̃ eañerõcã tiherimocãrõ bo.#1Co 10:23; Ro 7:6; Ga 5:1, 13. 13Tairora apeyecãrẽ ĩcãrã mʉjãmenamacãrã abiro ĩwã: “nipetire yarigue paga maquẽ nirõ ya. Pagapecã marĩcã yasãrẽ macãga wado nirõ ya” ĩwã.#Mt 15:17. Tairo tiro “tiwãmerã marĩya ũpʉ̃rĩcã nomiãmena nirugare cʉoñerõcã ñujo” ĩwã. Tie queorora ña nirõpʉa. Manigʉ̃ nipetire yariguere paga maquẽ niãterena tiyi tigʉpʉa. Buri bicapetacã siropʉre marĩrẽ Manigʉ̃cã mama ũpʉ̃rĩ nʉnirõsirore pʉawãmepʉrena pagarire, yariguere cõãpetimocãgʉagawi. Anorã abirora marĩya ũpʉ̃menacãrẽ bi. Nʉmo nihegomena tidotiyamanirĩwãmepe marĩya ũpʉ̃rĩcã tirugariwãmepe ñañarõ timasĩñamani.#Heb 13:4. Tora abirope tirono tira marĩya ũpʉ̃rĩmenarã marĩ Nirũpʉ̃ Jesucristocã tiñerõcã borepe wadore timasĩrã nirõ bo. Tairo tigʉ Jesucristora tie ũpʉ̃rĩ Nirũpʉ̃ ñawĩ.#1Co 3:23; Col 2:22-23; Ef 5:23. 14Tairora marĩya ũpʉ̃rĩ wapacʉtire nirõ ya. Tairo tigʉ Manigʉ̃ cʉ̃ye tutuaremenarã marĩ Nirũpʉ̃ Jesucristocã cõwõãriasirore masõriarora abirora marĩcãrẽ marĩcã cõwõãriasirore marĩya ũpʉ̃rĩcãrẽ mama ũpʉ̃rĩpe cʉora eañerõcã tigʉ masõgʉagawi.#Ro 6:5, 8; 8:11; 1Co 15:20-22; 2Co 4:14; Ef 1:19; 1Ts 4:16-17.
15¿Mʉjã marĩcã Cristoyarara nirã eariasiro niñerõcã marĩya ũpʉ̃rĩ cʉ̃ya ũpʉ̃rã abiro pʉtʉaro eariguere masĩheriri? ¿Tora abiro nirĩũpʉ̃rẽna nomiõ ʉmʉãmena ñañarõ tieperibasocomena comena ñañarõ tiriũpʉ̃ tiñerõcã ñujogari? ¡Mʉjãrẽ wede! Tora abiro tire icãta ñuherijomocãga.#1Co 12:27; Ro 12:5. 16¿Mʉjã atiecãrẽ ĩcʉ̃ ʉmʉ, nomiõ ʉmʉãmena ñañarõ tieperibasocomena ĩcãrõ apayosa ñañarõ tiariasirore pʉ̃ãrãpʉ nicaperacãrã ĩcã ũpʉ̃rã abiro nirã earecãrẽ masĩheriri? Tie maquẽrẽna Manigʉ̃ye wederucũrẽrẽ ojayoriapũpʉ abiro ĩ ojayore ña: «Ʉmʉ, nomiõmena cʉ̃jãcã ĩcãrõ came apayosa nirã eariasirore cʉ̃jã pʉ̃ãrãpʉra ĩcã ũpʉ̃rã abiro nirã eagawa»#Gn 2:24; Mt 19:5; Ef 5:31. ĩ ojayore ña. 17Tairora marĩ Nirũpʉ̃ Jesucristore wedewõrãno cʉ̃mena pʉ̃ãrã nicaperacãrã yeripũnamenapepʉare cʉ̃mena ĩcã ũpʉ̃rã abiro nirã ñawã. Tairo tira ĩcʉ̃ wãcũrẽrã cʉowa.
18Tairo tira mʉjã ʉmʉã, nomiã tidotiheriwãmepe ñañarõ tirecʉtirere icãta tiherimocãña. Apeye atieno niherepere marĩcã ñañarẽ tirenopʉa marĩya ũpʉ̃rẽ ñañarõ posoheri. Cʉ̃jã ʉmʉã, nomiã camepe ñañarõ tieperepirape cʉ̃jãbasurupe cʉ̃jãya ũpʉ̃rĩrẽna ñañacametʉaro posora yawa.#Ro 6:12; 1Ts 4:4; Heb 13:4; Hch 15:1-5; Ga 5:1-3. 19¿Mʉjã Manigʉ̃cã marĩrẽ nʉniyorigʉ Espíritu Santocã marĩpʉre nirẽrẽ, marĩya ũpʉ̃cã cʉ̃yawira abiro nirẽcãrẽ mʉjã masĩheriri? Anorã abiro niñerõcãrã mariya ũpʉ̃rĩ marĩya ũpʉ̃rĩ diamacãjoro niheri.#Jn 2:21; 1Co 2:9; 3:16; Ro 8:9; 14:7-8; 2Co 6:16; 1Pe 2:9. 20Manigʉ̃pe marĩcã ñañarẽrẽ tirigue wapare wapatibosagʉra cʉ̃ macʉ̃ marĩ Nirũpʉ̃ Jesucristore ticorigʉ niwĩ marirẽ cʉ̃yara nirã earo ĩgʉ̃. Tairo tira marĩ tora abiro tiyoriara ninirã marĩya ũpʉ̃rĩmenarã Manigʉ̃cã tiñerõcã boreperena tira nirõ bo ãpẽrãcã cʉ̃rẽ wedewõãro ĩrã.#1Co 7:1-16, 23; 16:24; Ro 3:24; 6:12-13; Col 3:17; 1Pe 1:18-19; Ap 5:9.
Currently Selected:
1 Corintios 6: yui
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.
1 Corintios 6
6
Jesucristore wedewõrãcã came wedesãrẽrẽ quenorẽ maquẽ
1Ĩcãrã mʉjã watoa macãrã Jesúre wedewõrã mʉjãyaramenarã camequẽrẽ cʉora ¿dairo tira wedesãrẽrẽ beseribasoca Jesúre wedewõhera cʉtiropʉ quenodotira waicãrĩ? ¿Dairo tira mʉjãyara Jesucristore wedewõrãrẽna tieno maquẽrẽ masĩrãnopere sioconirã mʉjãbasurupe ñañarõ tidocatunirã camequẽrẽ cʉorere tie maquẽrẽ quenoheriri?#Mt 18:17. 2Ĩcãbʉreco marĩ Jesúre wedewõrãrã Manigʉ̃yara ninirã marĩcã Jesúmenarã atibʉreco macãrãrẽ ĩñabeseatere ¿mʉjã marĩcʉ̃ masĩheriri? Mʉjã tora abiro siropʉre atibʉreco macãrãrẽ ĩñabeseana nicaperacãrã ¿dairo tira marĩcʉ̃ tiegãrẽna mʉjãbasurupe quenomasĩherijomocãrĩ? 3Siropʉre maricã Manigʉ̃rẽ wedecoteribasocarena ĩñabeseatecãrẽ ¿mʉjã masĩheriri marĩcʉ̃? ¡Tocawatoapʉre tora abiro tiana ninirã marĩcʉoro maquẽ mʉjãrẽ birere ñurõ besemasĩrãrã nibori watoa nirõ ya! 4Atiecã anorã abiro queoro nirẽ nicapetacã mʉjã came wedesãrã ¿ñenorẽ tira Jesúre wedewõherapʉre mʉjãye maquẽrẽ ñeno masĩrugaherapʉre mʉjãcã camequẽrẽ cʉorere quenodotira waicãrĩ?#1Co 5:12. 5Yʉ mʉjãrẽ atiere anorã abiro wedegʉ mʉjãrẽ boboro tʉoiñaro ĩgʉ̃rã ya. ¡Ayo! ¿Mʉjã watoapʉre pẽrõ ĩcʉ̃norã Jesúre wedewõgʉ̃no mʉjãbasurupe mʉjãcã camequẽrẽ cʉorere quenomasĩgʉ̃no manijomocãgʉ̃rã yari?#1Co 15:34. 6¡Tocãrẽ mʉjãbasurupe wadora camequẽmocã tiheri! ¡Mʉjãbasurupe mʉjãcã camequẽrẽ cʉorere Jesúre wedewõherapʉre wedesãrã waicã; cʉ̃jãpʉre tiere quenorõ bora! Tairo tiro mʉjãcã anorã abiro tirera queoro niheriwãmepe, sotoa ñañarõ boboriwãmepe tirecʉtire nirõ ea.#2Co 6:14-15.
7Tairo tiro mʉjãcã came camequẽrẽrẽ mʉjãbasurupe mʉjãcã came quenomasĩherere Jesúre wedewõhera cʉtiropʉ quenodotira waicãrẽ ñuhericametʉasu; boborejorora nirõ ya. Buri mʉjãrẽ cʉ̃jã Jesucristore wedewõherapʉre mʉjãye maquẽrẽ neãrõno tira mʉjãrẽ mʉjãyarara mʉjãrẽ ñañarõ tirere, mʉjãrẽ yajarere merĩã tiro manirõrã tairo nʉcãmocãñerõcã tiesotoape ñucametʉasuboga.#Mt 5:39, 40; Ro 12:17. 8Buri mʉjãpera tiere tiherimocãrõno tira mʉjãpera nimocã mʉjãbasurupe Jesúre wedewõrãrã nimocãcaperacãrã mʉjãyarare ñañarõ tirecʉti, cʉ̃jãyere yajaicãrã. Tiera ñuhericametʉasure ña.#1Ts 4:6.
9Mʉjã atiere masĩheramerã niga; ñurõ masĩga. Basoca anorã abiro ñañarẽrẽ tirecʉtirano icãta pẽrõgãno Manigʉ̃cã cʉ̃yarare dotiro ʉmʉãwesepʉre eawamasĩheriroagawa. ¡Tairo tira mʉjã ĩritoyoherimocãña! ¡Merĩãwãmepʉ wederere icãta wedewõherimocãña! Nomiãmena tidotiheriwãmepe ñañarõ tieperepirano, weyoriararena wedewõrẽpirano, ãpĩ nʉmopʉre ñañarõ tieperepirano, apeo manʉpʉre ñañarõ tieperepirano, ʉmʉãbasurupera came ñañarõ tieperepirano, nomiãbasurupera came ñañarõ tieperepirano icãta pẽrõgãno Manigʉ̃cã cʉ̃yarare dotiro ʉmʉãwesepʉre eawaherigawa.#Jn 3:3-5; Ga 5:21; 1Tm 1:10; Ap 22:15. 10Ĩñerõcã tairora yajarepiranocã, apeyenorẽ õpe bosãrãnocã, toquẽrĩpʉra mequẽderepiranocã, ãpẽrãrẽ niheriwãmerã ñañarõ ĩdocaturepiranocã, ĩritoremena ãpẽrãyere yajaribasocanocã icãta Manigʉ̃cã cʉ̃yarare dotiro ʉmʉãwesepʉre eawamasĩheriroagawa.#Ef 5:5. 11Tora abirojorora tosʉgueropʉre mʉjã ĩcãrã Jesucristore wedewõrã eato sʉgueropʉre tie ñañarẽrẽna tirecʉtirara niriara niwʉ̃.#1Co 12:2; Ef 2:2. Tairo tiriasiro nicapetacã Manigʉ̃pe mʉjãrẽ mʉjãcã ñañãrẽ tirecʉtiriguere cosecõãrigʉ niwĩ cʉ̃yara nirã eañerõcã tigʉ.#1Co 1:30. Tairora mʉjãrẽ ñurã ñañarẽ cʉohera nirã eañerõcã tirigʉ niwĩ. Ĩñerõcã cʉ̃cã ĩñacorore “wapa cʉohera ñurã ña” ĩ ĩñayora nirã eañerõcã tirigʉ niwĩ marĩ Nirũpʉ̃ Jesucristocã tiriguemena, Espíritu Santore mʉjãpʉre nigʉ̃ eañerõcã tiriguemena tairo tirigʉ niwĩ.#Tit 3:3-7; Ro 1:7.
Marĩcã borepere tirecʉtiremenarã ñañarẽpere tiñerõcã tiherimocãrõ bo
12Apeyere ãpẽrã mʉjãmenamacãrã anorã abire ĩrecʉtira ñawã: “Merẽ Manigʉ̃cã ʉ̃sãcã ñañarẽ tirecʉtiriguere acõboyoriasiro niñerõcã ʉ̃sã ʉ̃sãcã tirugarere noborere timasĩrã nirã ya” ĩrã ñawã. Tie tairora ña nirõpʉa. Buri nipetirepʉrena Manigʉ̃cã tidotiherere yʉcã noboro tirugare cʉoñerõcã yʉre ñurẽrẽ tiñerõcã tiheriga. Yʉre “yʉcã tirugare noborere timasĩgʉ̃ nigʉ̃ ya” ĩgʉ̃norẽ ya ũpʉ̃rẽ yʉcã tairo noboro tirugaremenape ĩcʉ̃ dotiepeyoribasocʉra abiro nigʉ̃ eañerõcã tiherimocãrõ bo.#1Co 10:23; Ro 7:6; Ga 5:1, 13. 13Tairora apeyecãrẽ ĩcãrã mʉjãmenamacãrã abiro ĩwã: “nipetire yarigue paga maquẽ nirõ ya. Pagapecã marĩcã yasãrẽ macãga wado nirõ ya” ĩwã.#Mt 15:17. Tairo tiro “tiwãmerã marĩya ũpʉ̃rĩcã nomiãmena nirugare cʉoñerõcã ñujo” ĩwã. Tie queorora ña nirõpʉa. Manigʉ̃ nipetire yariguere paga maquẽ niãterena tiyi tigʉpʉa. Buri bicapetacã siropʉre marĩrẽ Manigʉ̃cã mama ũpʉ̃rĩ nʉnirõsirore pʉawãmepʉrena pagarire, yariguere cõãpetimocãgʉagawi. Anorã abirora marĩya ũpʉ̃menacãrẽ bi. Nʉmo nihegomena tidotiyamanirĩwãmepe marĩya ũpʉ̃rĩcã tirugariwãmepe ñañarõ timasĩñamani.#Heb 13:4. Tora abirope tirono tira marĩya ũpʉ̃rĩmenarã marĩ Nirũpʉ̃ Jesucristocã tiñerõcã borepe wadore timasĩrã nirõ bo. Tairo tigʉ Jesucristora tie ũpʉ̃rĩ Nirũpʉ̃ ñawĩ.#1Co 3:23; Col 2:22-23; Ef 5:23. 14Tairora marĩya ũpʉ̃rĩ wapacʉtire nirõ ya. Tairo tigʉ Manigʉ̃ cʉ̃ye tutuaremenarã marĩ Nirũpʉ̃ Jesucristocã cõwõãriasirore masõriarora abirora marĩcãrẽ marĩcã cõwõãriasirore marĩya ũpʉ̃rĩcãrẽ mama ũpʉ̃rĩpe cʉora eañerõcã tigʉ masõgʉagawi.#Ro 6:5, 8; 8:11; 1Co 15:20-22; 2Co 4:14; Ef 1:19; 1Ts 4:16-17.
15¿Mʉjã marĩcã Cristoyarara nirã eariasiro niñerõcã marĩya ũpʉ̃rĩ cʉ̃ya ũpʉ̃rã abiro pʉtʉaro eariguere masĩheriri? ¿Tora abiro nirĩũpʉ̃rẽna nomiõ ʉmʉãmena ñañarõ tieperibasocomena comena ñañarõ tiriũpʉ̃ tiñerõcã ñujogari? ¡Mʉjãrẽ wede! Tora abiro tire icãta ñuherijomocãga.#1Co 12:27; Ro 12:5. 16¿Mʉjã atiecãrẽ ĩcʉ̃ ʉmʉ, nomiõ ʉmʉãmena ñañarõ tieperibasocomena ĩcãrõ apayosa ñañarõ tiariasirore pʉ̃ãrãpʉ nicaperacãrã ĩcã ũpʉ̃rã abiro nirã earecãrẽ masĩheriri? Tie maquẽrẽna Manigʉ̃ye wederucũrẽrẽ ojayoriapũpʉ abiro ĩ ojayore ña: «Ʉmʉ, nomiõmena cʉ̃jãcã ĩcãrõ came apayosa nirã eariasirore cʉ̃jã pʉ̃ãrãpʉra ĩcã ũpʉ̃rã abiro nirã eagawa»#Gn 2:24; Mt 19:5; Ef 5:31. ĩ ojayore ña. 17Tairora marĩ Nirũpʉ̃ Jesucristore wedewõrãno cʉ̃mena pʉ̃ãrã nicaperacãrã yeripũnamenapepʉare cʉ̃mena ĩcã ũpʉ̃rã abiro nirã ñawã. Tairo tira ĩcʉ̃ wãcũrẽrã cʉowa.
18Tairo tira mʉjã ʉmʉã, nomiã tidotiheriwãmepe ñañarõ tirecʉtirere icãta tiherimocãña. Apeye atieno niherepere marĩcã ñañarẽ tirenopʉa marĩya ũpʉ̃rẽ ñañarõ posoheri. Cʉ̃jã ʉmʉã, nomiã camepe ñañarõ tieperepirape cʉ̃jãbasurupe cʉ̃jãya ũpʉ̃rĩrẽna ñañacametʉaro posora yawa.#Ro 6:12; 1Ts 4:4; Heb 13:4; Hch 15:1-5; Ga 5:1-3. 19¿Mʉjã Manigʉ̃cã marĩrẽ nʉniyorigʉ Espíritu Santocã marĩpʉre nirẽrẽ, marĩya ũpʉ̃cã cʉ̃yawira abiro nirẽcãrẽ mʉjã masĩheriri? Anorã abiro niñerõcãrã mariya ũpʉ̃rĩ marĩya ũpʉ̃rĩ diamacãjoro niheri.#Jn 2:21; 1Co 2:9; 3:16; Ro 8:9; 14:7-8; 2Co 6:16; 1Pe 2:9. 20Manigʉ̃pe marĩcã ñañarẽrẽ tirigue wapare wapatibosagʉra cʉ̃ macʉ̃ marĩ Nirũpʉ̃ Jesucristore ticorigʉ niwĩ marirẽ cʉ̃yara nirã earo ĩgʉ̃. Tairo tira marĩ tora abiro tiyoriara ninirã marĩya ũpʉ̃rĩmenarã Manigʉ̃cã tiñerõcã boreperena tira nirõ bo ãpẽrãcã cʉ̃rẽ wedewõãro ĩrã.#1Co 7:1-16, 23; 16:24; Ro 3:24; 6:12-13; Col 3:17; 1Pe 1:18-19; Ap 5:9.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2026, SIL Global. All rights reserved.